ન્યૂયોર્કના લોઅર મેનહટનની સ્પ્રિંગ સ્ટ્રીટ સબવે સ્ટેશન પર એક ભયાનક અકસ્માતમાં ભારતીય મૂળની 24 વર્ષીય યુવતી માલાઇકા ચિત્રે અને તેના નેપાળી-અમેરિકન મિત્ર નવમ કૌલનું ટ્રેનની અડફેટે મોત થયું હતું. અમેરિકન મીડિયા અહેવાલો અનુસાર, બંનેમાંથી એક વ્યક્તિ ટ્રેક પર પડી ગયા બાદ બીજો તેને બચાવવા માટે નીચે ઉતર્યો હતો.
ઘટનાનો વીડિયો પણ સામે આવ્યો છે, જેમાં ટ્રેન નજીક આવતી વખતે બંને પ્લેટફોર્મની નીચે જોવા મળે છે. ત્યારબાદ ડાઉનટાઉન જતી નંબર-4 ટ્રેનની અડફેટે બંને આવી ગયા હતા. માલાઇકા ચિત્રે ન્યૂ જર્સીના ડેટનમાં રહેતી હતી, જ્યારે નવમ કૌલ સાયરેવિલનો રહેવાસી હતો. બંનેએ રટગર્સ યુનિવર્સિટીમાં સાથે અભ્યાસ કર્યો હતો.
