Home Blog Page 1096

Automatic Car ખરીદતા પહેલા જાણી લેજો તેના 3 ફાયદા અને 3 ગેરફાયદા

News Editor
-
0

Before buying an automatic car

Automatic Transmission : ઓટોમેટિક ટ્રાન્સમિશનવાળી કારમાં ગિયર શિફ્ટિંગ ઓટોમેટિક થઈ જાય છે. કાર જાતે જ ગિયર બદલી નાખે છે. આ માટે ડ્રાઈવરને મેન્યુઅલ ક્લચ કે શિફ્ટ ગિયર દબાવવાની જરૂર રહેતી નથી.

ઓટોમેટિક ટ્રાન્સમિશનવાળી (With automatic transmission) કારમાં ગિયર શિફ્ટિંગ ઓટોમેટિક થઈ જાય છે કાર જાતે જ ગિયર બદલી નાખે છે. આ માટે ડ્રાઈવરને (Driver) મેન્યુઅલ ક્લચ કે શિફ્ટ ગિયર દબાવવાની જરૂર રહેતી નથી. આવી સ્થિતિમાં ઓટોમેટિક ટ્રાન્સમિશન સાથે કાર ચલાવવી સરળ છે. ખાસ કરીને જ્યારે તમે ભારે ટ્રાફિકમાં કાર ચલાવો. ત્યારે ઓટોમેટિક ટ્રાન્સમિશન તમારી મુસાફરીને સરળ બનાવે છે અને તમે ઓછો થાક અનુભવો છો. ચાલો આજે તેના 3 ફાયદા અને 3 ગેરફાયદા જણાવીએ.

ઓટોમેટિક ટ્રાન્સમિશનવાળી કારના ફાયદા

સરળતા : ઓટોમેટિક ટ્રાન્સમિશનવાળી કાર વાપરવા માટે સરળ છે અને તેમાં ઓછા ડ્રાઈવર ઈનપુટની જરૂર પડે છે. આનાથી ડ્રાઇવરને કાર ચલાવવાનું સરળ બને છે. ખાસ કરીને ભારે ટ્રાફિકમાં.

સ્મૂથ ગિયર શિફ્ટિંગ : મેન્યુઅલ ટ્રાન્સમિશનની સરખામણીમાં ગિયર્સ ઓટોમેટિક ટ્રાન્સમિશનમાં વધુ સરળતાથી શિફ્ટ થાય છે. ઓટોમેટિક ટ્રાન્સમિશનવાળી કારમાં ગિયરશિફ્ટ પર બહુ આંચકો લાગતો નથી.

સલામતી : ઓટોમેટિક ટ્રાન્સમિશનવાળી કારમાં ડ્રાઈવર બંને હાથ સ્ટીયરીંગ વ્હીલ પર સતત રાખી શકે છે. ડ્રાઇવરને ગિયર બદલવા પર ધ્યાન કેન્દ્રિત કરવાની જરૂર નથી.

ઓટોમેટિક ટ્રાન્સમિશનવાળી કારના ગેરફાયદા :

કિંમત : સ્વયંસંચાલિત ટ્રાન્સમિશન સામાન્ય રીતે મેન્યુઅલ ટ્રાન્સમિશન કરતાં વધુ ખર્ચાળ હોય છે. ઓટોમેટિક ટ્રાન્સમિશનની સર્વિસમાં ખર્ચ પણ વધારે થાય છે.

ઓછો કંટ્રોલ : ઓટોમેટિક ટ્રાન્સમિશનથી ડ્રાઈવરનું વાહનના એક્સલેરેશન પર ઓછો કંટ્રોલ હોય છે, જે અમુક ડ્રાઇવિંગ પરિસ્થિતિઓમાં સમસ્યારૂપ બની શકે છે.

ઓછું પરફોર્મન્સ : સામાન્ય રીતે ઓટોમેટિક ટ્રાન્સમિશન મેન્યુઅલ ટ્રાન્સમિશન જેટલું સારું હોતું નથી. જો કે હવે ટેક્નોલોજી વધી રહી છે અને ઓટોમેટિક ટ્રાન્સમિશન વધુ સારું બની ગયું છે.

આ પણ વાંચો :-

 

Trending News : સોશિયલ મીડિયા પર છવાયું ડિવોર્સ ફોટોશૂટ, ગણાવી 90 પ્રોબ્લમ

News Editor
-
0

Trending News

  • Divorce Photoshoot : જીવનની દરેક ક્ષણને ખુશી સાથે જીવવી જોઇએ બિલકુલ લાલ ગાઉન પહેરેલી મહિલાની માફક. લાલ ગાઉન પહેરેલી આ મહિલાએ તાજેતરમાં જ છૂટાછેડાનું ફોટોશૂટ કરાવ્યું છે. તેને પોતાના સોશિયલ મીડિયા એકાઉન્ટ પર શેર કર્યો છે.

લગ્ન પહેલા પ્રી-વેડિંગ શૂટ (Pre-wedding shoot), વેડિંગ શૂટને લઈને આજના યુવાનોમાં ઘણો ક્રેઝ છે. પરંતુ આ ફોટોશૂટમાં તાજેતરમાં જ અચાનક ડિવોર્સ ફોટોશૂટે (Divorce photo shoot) પોતાની જગ્યા બનાવી લીધી છે. કારણ કે આજના યુવાનો દરેક દિવસને ખૂબ જ ઉત્સાહથી ઉજવે છે. ભલે તે તેમની એક મહિનાની વર્ષગાંઠ હોય કે 6 મહિનાની સગાઈની વર્ષગાંઠ હોય.

આ સાથે હવે યુવા જીવનની દરેક ખુશી અને ખરાબ ક્ષણોને કેજ્યુઅલી રીતે લેવા માંગે છે. કારણ કે તે માને છે કે જીવન અનપ્રીડિક્ટેબલ હોય છે. કોઈને ખબર નથી કે તેણે તમારા માટે નસીબના સીલબંધ પરબિડીયુંમાં શું છુપાયેલું છે તે કોઇ જાણતું નથી. એટલા માટે તે જીંદગીના દરેક પળને ખુશીથી જીવવા માંગે છે બિલકુલ રેડ ગાઉન પહેરેલી મહિલાની માફક.

લાલ ગાઉન પહેરેલી આ મહિલાએ તાજેતરમાં જ છૂટાછેડાનું ફોટોશૂટ કરાવ્યું છે. અને તેને પોતાના સોશિયલ મીડિયા એકાઉન્ટ પર શેર કર્યું છે. આ ફોટોશૂટની લોકોએ ખૂબ પ્રશંસા કરી છે. કારણ કે આ શૂટમાં લોરેને પોતાના લગ્ન જીવનના દરેક ઉતાર-ચઢાવને ફોટોગ્રાફ્સ દ્વારા જણાવ્યા છે. આ મહિલા પહેલા પોઝમાં તેના પતિ સાથે તેની તસવીર ખુશીથી ફાડતી જોવા મળે છે.

તો બીજી તરફ તસવીરમાં તે હાથમાં વાઇનની બોટલ પકડીને તેના પતિથી છૂટાછેડા લીધાની ખુશી મનાવી રહી છે. આ સાથે તેના બીજા હાથમાં એક પોસ્ટર પણ છે. જેમાં અંગ્રેજીમાં લખેલું છે કે મને 99 પ્રોબ્લેમ છે, પરંતુ મારો પતિ નથી.

ત્રીજા ફોટામાં લોરેન નિર્દયતાથી તેના લગ્નના ફોટાને તેના પગથી કચડી રહી છે. જો કે આ મહિલા કોણ છે અને તે ક્યાં રહે છે તે અંગે કોઈ માહિતી સામે આવી નથી, પરંતુ છૂટાછેડાના ફોટોશૂટમાં તે ચોક્કસપણે ખૂબ જ ખુશ દેખાઈ રહી છે.

આ પણ વાંચો :-

૦૩ મે ૨૦૨૩નું રાશિફળ : આજે શત્રુઓને ધૂળ ચટાડી દેશે આ રાશિના જાતકો, પણ રાખવું પડશે આ વસ્તુનું ધ્યાન, જુઓ આજનું રાશિ ભવિષ્ય

News Editor
-
0

May 03, 2023 Horoscope

મેષઃ
શા‌રીરિક અને માનસિક અસ્થિતા જણાય. આવકનું પ્રમાણ ઘટે, નોકરી, ધંધામાં લાભ મળતો જણાય. યશ-પ્રતિષ્ઠામાં વધારો થાય. શરદી, ખાંસી થાક લાગવાની સમસ્યા રહે. મશીનરી, સફેદ વસ્તુના ધંધામાં લાભ.

વૃષભઃ
મોજ શોખમાં વધરો થાય. સંતાન અંગેની સમસ્યા હળવી થતી જણાય. નવું જણવાનો યોગ બને છે. વિદ્યાર્થી મિત્રો માટે સારો દિવસ, કાર્યક્ષેત્રે સફળતા. ભાગ્યનો સાથ મળે છે. સ્ત્રી શણગાર, કોસ્મેટીક્સના ધંધામાં લાભ.

મિથુનઃ
વાહન સુખમાં ‌વૃદ્ધિ, સ્થાવર જંગમ મિલકતના ખરીદ વેચાણ શક્ય બને. માતૃપક્ષ તરફથી લાભ મળતો જણાય. કાર્યમાં સફળતા. નોકરી ધંધામાં પરિસ્થિતિ સુધરતા આવક વધતી જણાય. આરોગ્ય સારૂં રહેશે.

કર્કઃ
પરિવારમાં સુખ, શાંતિ વધતા જણા. શુભ પ્રસંગનું આયોજન શક્ય બને. સ્વાસ્થની કાળજી રાખવી. વિશ્વાસઘાતના ભોગ ન બનાય. એનું ધ્યાન રાખવું. આરોગ્ય સાચવવાની સલાહ છે.

સિંહઃ
આર્થિક પાસુ મજબુત બનતું જણાય છે. કાર્યક્ષેત્રે સફળતા મળે, નોકરી, ધંધામાં પ્રગતિ, નવી નોકરી ધંધો શરૂ કરી શકાય. દામ્પત્ય જીવનમાં આનંદ પ્રેમી પ્રાત્રનું મિલન શક્ય બને. આરોગ્ય જળવાશે.

કન્યાઃ
માનસિક આનંદમાં વધારો થાય. ભાગ્યને કારણે આર્થિક ઉપાર્જન વધતું જણાય. સ્ત્રીવર્ગ તરફથી લાભ. માથાના દુઃખાવા, માઈગ્રેનની પરીશાની રહે.માતાની તબિયત સાચવવી, વાદત સાચવીને ચલાવવું.

તુલાઃ
કાર્યક્ષેત્રે સફળતા દૂર ભાગતી જણાય. આવકનું પ્રમાણ ઘટે. ઉપરાંત ખર્ચમાં વધારો થતો જણાય. પરિવારમાં વાદ-વિવાદ ટાળવો આરોગ્ય સારૂ ંરહેશે. ધંધામાં અગત્યના નિર્ણયો મુલતવી રાખવા.

વૃશ્ચિકઃ
મિત્રોનો સાથ મળતાં આનંદનો અનુભવ થાય. સમયસર લક્ષ્મીની વ્યવસ્થા થઈ શકે. અધૂરા કાર્યો પૂરા થતાં જણાય. સ્થાવર જંગમ મિલકતથી લાભ. ભાગ્ય સારૂ છે. જ્ઞાનતંતુના રોગોથી સાચવવું.

ધનઃ
નોકરી-ધંધામાં સફળતા, નવી નોકરી મળવાના યોગ છે. ધંધાકીય ક્ષેત્રે સફળતા યશ મળતો જણાય. આવક અંગે મધ્યમ દિવસ. ભાગ્ય સારૂં રહેશે. ‌પત્નિ પક્ષ તરફથી લાભ મળતો જણાય. આરોગ્ય જળવાશે.

મકરઃ
ભાગ્યના જોરે ઓછી મહેનતે સફળતા મળથી જણાય. યાત્રા-પ્રવાસનું આયોજન થઈ શકે. નવા કાર્યોની શરૂઆત થતી જણાય. જુની ઉઘરાણી છુટી થતાં નાણાંની છુટ વર્તાય. આરોગ્ય સારૂં રહેશે.

કુંભઃ
નકારાત્મક વિચારો રહે, માનસિક પરિતાપ વધતો જણાય. નોકરી-ધંધામાં અગત્યના નિર્ણયો ટાળવા. રોગ પ્રતિકાર શકિત ઘટે. પરિવારમાં વિવાદ ટાળવો. માતૃસુખ વધે.

મીનઃ
આત્મ વિશ્વાસમાં તથા ગુસ્સામાં વધારો થાય. સ્થાવર જંગમ મિલકતથી લાભ મળતો જણાય. પરિવારમાં આનંદનું વાતાવરણ રહે. દામ્પત્ય જીવનમાં પ્રેમનો અનુભવ થાય.

આ પણ વાંચો :-

 

ભણવાની ઉંમરે 100 કરોડનો માલિક બન્યો આ છોકરો, તમે પણ કરી શકો આ કમાલ

News Editor
-
0

This boy 

  • Sankarsh chanda net worth : જો તમને શેરબજારમાં થોડો પણ રસ હોય તો તમે સ્વર્ગસ્થ રાકેશ ઝૂનઝૂનવાલા, રાધાકિશન દમાણી, વિજય કિડિયા, આશિષ કોચલિયા અને ડોલી ખન્નાનું નામ જરૂર સાંભળ્યું હશે.

આ લોકોએ શેર બજારમાં (Share market) ટ્રેડિંગના દમ પર કરોડો-અબજો રૂપિયાનું સામ્રાજ્ય ઊભું કરી લીધુ છે. ટ્રેડિંગની દુનિયામાં કેટલાક એવા નવા પણ નામ સામે આવ્યા છે જેમણે સ્ટોક ટ્રેડિંગના (Stock trading) દમ પર પોતાનું ભાગ્ય ચમકાવ્યું છે.

ટ્રેડિંગની દુનિયામાં કેટલાક એવા નવા પણ નામ સામે આવ્યા છે. જેમણે સ્ટોક ટ્રેડિંગના દમ પર પોતાનું ભાગ્ય ચમકાવ્યું છે. આવા લોકોમાં એક નામ એવું પણ સામેલ છે જે હૈદરાબાદના 23 વર્ષનાં સંકર્ષ ચંદાનું છે. સંકર્ષે શેર બજારમાં 100 કરોડ રૂપિયાની કમાણી કરી. તેમનું નામ દુનિયાના સૌથી મોટા રોકાણકારોની યાદીમાં સામેલ થયું છે.

પહેલીવાર માર્કેટમાં 2000 રૂપિયા રોકાણ કર્યું :

લિટિલ ઝૂનઝૂનવાલાના નામથી ઓળખાતા સંકર્ષને શરૂઆતના દૌરમાં પણ શેરબજારમાં નુકસાનનો સામનો કરવો પડ્યો નથી. સામાન્ય રીતે રોકાણકારોને શરૂઆતમાં શેરબજારમાં નુકસાન થતું હોય છે. 17 વર્ષની ઉંમરે શેર બજારમાં ટ્રેડિંગનું કામ શરૂ કરનારા સંકર્ષે 2016માં પહેલીવાર માર્કેટમાં 2000 રૂપિયાનું રોકાણ કર્યું હતું.

એ જ સમયે ગ્રેટર નોઈડા સ્થિત બેનેટ યુનિવર્સિટીથી કોમ્પ્યુટર સાયન્સમાં બીટેક કરી રહ્યો હતો. 23 વર્ષની ઉંમરે 100 કરોડના માલિક બનનારા સંકર્ષે બીટેક સેકન્ડ યરમાં પોતાના એજ્યુકેશનમાંથી બ્રેક લેવાનો નિર્ણય કર્યો અને પૂરો સમય સ્ટોક ટ્રેડિંગમાં આપ્યો.

સ્ટાર્ટઅપ શરૂ કરવા વેચ્યા શેર :

એક ઈન્ટરવ્યુમાં તેમણે જણાવ્યું કે મે બે વર્ષમાં સ્ટોક માર્કેટમાં લગબગ 1.5 લાખ રૂપિયાનું રોકાણ કર્યું. બે વર્ષમાં મારા શેરની માર્કેટ વેલ્યૂ વધીને 13 લાખ થઈ ગઈ. સંકર્ષે માત્ર રોકાણ જ નથી કર્યું સાથે સાથે તે આંતરપ્રિન્યોર પણ છે.

તેમણે સ્વોબોધ ઈન્ફિનિટી ઈન્વેસ્ટમેન્ટ એડવાઈઝર્સ પ્રાઈવેટ લિમિટેડ (Svobodha Infinity Investment Advisors Private Limited) નામે ફિનટેક સ્ટાર્ટઅપની પણ શરૂઆત કરી. તેમણે સ્ટાર્ટઅપ શરૂ કરવા માટે વર્ષ 2017માં 8 લાખ રૂપિયામાં શેર વેચ્યા હતા.

સંકર્ષે વાતચીતમાં જણાવ્યું કે અમેરિકી ઈકોનોમિસ્ટ બેન્જામિન ગ્રાહમનો એક લેખ વાંચ્યા બાદ તેમનો સ્ટોક માર્કેટમાં રસ પેદા થયો. ગ્રાહમને 14 વર્ષની ઉંમરે જ વેલ્યૂ ઈન્વેસ્ટિંગના જનક તરીકે ઓળખવામાં આવતા હતા. તેમના સ્ટાર્ટઅપે પહેલા વર્ષે 12 લાખ, બીજા વર્ષે 14 લાખ રૂપિયા અને પછીના વર્ષે 32 લાખ રૂપિયા તથા નાણાકીય વર્ષ 2020-21માં 40 લાખ રૂપિયાનું રેવન્યૂ ભેગું કર્યું.

સ્ટાર્ટઅપથી કમાયેલા પૈસાને તેઓ ફરીથી રોકાણ કરતા રહ્યા અને આજે મોટું સામ્રાજ્ય બનાવ્યું. તેમણે કહ્યું કે મારી નેટવર્થ હવે 100 કરોડ રૂપિયા છે. આ મારા સ્ટોક માર્કેટ રોકાણ ઉપરાંત મારી કંપનીના મૂલ્યાંકન પર નિર્ભર છે.

આ પણ વાંચો :-

 

Gold Rate Today : સોનામાં આ શું જોવા મળી રહ્યું છે? ભારે ઉથલપાથલ વચ્ચે જાણો 10 ગ્રામ સોનાનો આજનો ભાવ

News Editor
-
0

Gold Rate Today

  • Gold Rate : ભારતીય શરાફા બજારમાં આજે સોનાના અને ચાંદીના ભાવમાં તેજી જોવા મળી રહી છે. શુદ્ધ સોનાનો ભાવ 60 હજાર રૂપિયાને પાર છે. જ્યારે ચાંદીનો ભાવ 74 હજાર કરતા પણ વધુ રૂપિયા પ્રતિ કિલો છે.

ભારતીય શરાફા બજારમાં આજે સોનાના (Gold) અને ચાંદીના (Silver) ભાવમાં તેજી જોવા મળી રહી છે. શુદ્ધ સોનાનો ભાવ 60 હજાર રૂપિયાને પાર છે. જ્યારે ચાંદીનો ભાવ 74 હજાર કરતા પણ વધુ રૂપિયા પ્રતિ કિલો છે. જો તમે પણ સોનું અને ચાંદી લેવાનું વિચારતા હોવ તો આજના લેટેસ્ટ રેટ ખાસ ચેક કરો.

સોના અને ચાંદીના લેટેસ્ટ ભાવ :

ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association)ની અધિકૃત વેબસાઈટ ibjarates.com મુજબ 999 પ્યોરિટીવાળું 10 ગ્રામ ગોલ્ડ 28મી એપ્રિલના રોજ 60168 રૂપિયા હતું જે આજે 52 રૂપિયા ચડીને 60220 રૂપિયાના સ્તરે છે. જ્યારે 995 પ્યોરિટીવાળું ગોલ્ડ 52 રૂપિયા વધીને 59979 ના સ્તરે છે.

916 પ્યોરિટીવાળું ગોલ્ડ 48 રૂપિયા વધીને 55162 રૂપિયા જોવા મળી રહ્યું છે. 750 પ્યોરિટીવાળું ગોલ્ડ 39 રૂપિયા વધીને 45165 રૂપિયાના સ્તરે છે. 10 ગ્રામ 585 પ્યોરિટીવાળું ગોલ્ડ 31 રૂપિયા વધીને 35229 રૂપિયા થયો છે. ચાંદીની વાત કરીએ તો ચાંદી આજે પ્રતિ કિલો 365 રૂપિયા વધીને 74233 રૂપિયાના સ્તરે છે.

આ પણ વાંચો :–

WhatsAppએ ભારતીયોને આપ્યો ઝટકો ! અચાનક Ban કરી દીધા ૪૭ લાખ એકાઉન્ટ

News Editor
-
0
WhatsApp gave Indians a shake
  • WhatsApp Banned 47 Lakhs Indian Accounts : WhatsAppએ નવા IT નિયમો 2021ના પાલનમાં માર્ચ મહિનામાં ભારતમાં ૪૭ લાખથી વધુ આપત્તીજનક એકાઉન્ટના રેકોર્ડ પર પ્રતિબંધ મૂક્યો છે.

WhatsApp જે લોકો નિયમોનું પાલન નથી કરતા અને તેનું ઉલ્લંઘન કરે છે તેમના પ્રત્યે WhatsApp ખૂબ જ કડક છે. વોટ્સએપે (WhatsApp) નવા આઈટી નિયમો 2021ના પાલનમાં માર્ચ મહિનામાં ભારતમાં 47 લાખથી વધુ વાંધાજનક એકાઉન્ટ બ્લોક (Account block) કર્યા છે. કંપનીએ સોમવારે આ જાણકારી આપી છે. આવો જાણીએ તેના વિશે વિગતવાર…

ઘણા બધા એકાઉન્ટ બ્લોક કર્યા :

WhatsAppએ જણાવ્યું હતું કે, ” વપરાશકર્તાઓ તરફથી કોઈ રિપોર્ટ આવે તે પહેલાં 1 માર્ચથી 31 માર્ચની વચ્ચે, 4715906 WhatsApp એકાઉન્ટ પ્રતિબંધિત કરવામાં આવ્યા છે અને આમાંથી 1659385 એકાઉન્ટને સક્રિયપણે પ્રતિબંધિત કરવામાં આવ્યા છે.

ગ્રીવન્સ અપીલ કમિટી :

વધુમાં કંપનીએ ઉલ્લેખ કર્યો છે કે 1 માર્ચથી 31 માર્ચની વચ્ચે ફરિયાદ અપીલ સમિતિ તરફથી મળેલા આદેશો 3 હતા અને તેનું પાલન કરાયેલા આદેશો પણ 3 હતા. દરમિયાન લાખો ભારતીય સોશિયલ મીડિયા વપરાશકર્તાઓને સશક્ત બનાવવા માટે, ઈલેક્ટ્રોનિક્સ અને આઈટી રાજ્ય મંત્રી, રાજીવ ચંદ્રશેખરે તાજેતરમાં ગ્રીવન્સ અપીલ કમિટી (GAC) ની શરૂઆત કરી છે..

મોટી ટેક કંપનીઓને કાબૂમાં લેવા માટે દેશના ડિજિટલ કાયદાને મજબૂત કરવા માટે નવી રચાયેલી પેનલ સોશિયલ મીડિયા પ્લેટફોર્મના નિર્ણયો સામે વપરાશકર્તાઓ દ્વારા કરવામાં આવેલી અપીલ પર ધ્યાન આપશે. IT મંત્રાલયે ગયા મહિને સુધારેલા IT નિયમો 2021 હેઠળ જરૂરી ત્રણ GAC ની સ્થાપના માટે સૂચના આપી હતી.

આ પણ વાંચો :-

Viral Videos : હોટ યુવતીને જોઈને પતિ ઘેલો થઈ ગયો, પત્નીને ભૂલી કરવા લાગ્યો આ કામ

News Editor
-
0
Viral Videos
  • પતિને કોઈ અજાણી વ્યક્તિ સાથે ફ્લર્ટ કરવાની કોશિશ કરતા જોઈને પત્નીની પ્રતિક્રિયા કેવી હોઈ શકે? કોઈ પણ મગજ પર કાબૂ ગુમાવી દે. હિંસક પણ બની શકે. એક મહિલા જો પોતાના પતિને હોટ ડાન્સર સાથે ડાન્સ કરતા જુએ તો?

પતિને કોઈ અજાણી વ્યક્તિ સાથે ફ્લર્ટ (Flirt) કરવાની કોશિશ કરતા જોઈને પત્નીની પ્રતિક્રિયા કેવી હોઈ શકે? કોઈ પણ મગજ પર કાબૂ ગુમાવી દે. હિંસક પણ બની શકે. એક મહિલા જો પોતાના પતિને હોટ ડાન્સર (Hot Dancer) સાથે ડાન્સ કરતા જુએ તો? અહીં એક એવો વાયરલ વીડિયો લઈને આવ્યા છીએ.

જેમાં એક વ્યક્તિને એક હોટ ડાન્સર સાથે ડાન્સ કરતા જોઈ શકાય છે. પરંતુ થોડીવાર બાદ તેની પત્ની પણ ત્યાં આવી પહોંચે છે અને પછી જે થાય છે તે વીડિયો જોઈને તમે હસી હસીને લોથપોથ થઈ જશો.

વીડિયોમાં જોઈ શકાય છે કે એક યંગ અને સિઝલિંગ મહિલા ભીડથી ઘેરાયેલી છે અને બિકિનીમાં ડાન્સ કરી રહી છે. જ્યં બે વ્યક્તિ ડાન્સર પાસે ઊભેલા જોવા મળી રહ્યા છે. એક વ્યક્તિ યુવતી સાથે ડાન્સ કરવાનો શરૂ કરી દે છે. ડાન્સર તે વ્યક્તિ સાથે શરારત પણ કરવાનું શરૂ કરી દે છે.

અચાનક ભીડમાંથી એક મહિલા દોડીને આવે છે જેને જોઈને લાગે છે તે વ્યક્તિની તે પત્ની છે. ડાન્સર અને પતિ પાસે જાય છે અને પછી તરત લાફાવાળી કરે છે. મહિલા ગુસ્સામાં જોવા મળી રહી છે. પહેલા તેની પીઠ પર મારે છે અને પછી ગાલ પર લાફા ઝીકે છે.

જેવો પતિ પાછળ જુએ છે કે ગભરાઈ જાય છે અને પછી પીટાઈથી બચવાની કોશિશ કરે છે. તે પોતાના માથા પર હાથ રાખીને ચાલે છે. જેથી કરીને પત્ની વધુ પીટાઈ ન કરે. મહિલા પીટાઈ ચાલુ રાખે છે અને પતિને ભીડમાંથી બહાર લઈ જાય છે. The Figen દ્વારા ટ્વિટર પર શેર કરાયેલો આ વીડિયો ગણતરીની પળોમાં વાયરલ થઈ ગયો.

અનેક યૂઝર્સે મજેદાર કમેન્ટ્સ પોસ્ટ કર્યા જે તમને ખુબ હસાવશે. એક યૂઝરે લખ્યું કે આ મને મારી પત્નીની યાદ અપાવે છે. એક અન્ય યૂઝરે મજાકમાં લખ્યું કે મે સાંભળ્યું છે કે તેને લગભગ એક કે બે સપ્તાહ સુધી ખાવા પીવાનું મળ્યું નથી.

આ પણ વાંચો :-

Sharad Pawar : મહારાષ્ટ્રના રાજકારણમાં મોટો ભૂકંપ ! શરદ પવારે NCP અધ્યક્ષ પદ છોડવાની જાહેરાત કરી

News Editor
-
0

Sharad Pawar 

  • Maharashtra Politics : મહારાષ્ટ્રમાં મહાવિકાસ આઘાડીમાં છેલ્લા કેટલાક સમયથી ખટપટ ચાલુ છે. બીજી બાજુ શરદ પવારના ભત્રીજા અજીત પવાર ભાજપ સાથે જાય તેવી પણ અટકળો છે. આ બધા વચ્ચે દિગ્ગજ નેતા શરદ પવારના એક નિર્ણયે બધાને ચોંકાવી દીધા છે.

મહારાષ્ટ્રમાં (Maharashtra) મહાવિકાસ આઘાડીમાં છેલ્લા કેટલાક સમયથી ખટપટ ચાલુ છે. બીજી બાજુ શરદ પવારના (Sharad Pawar) ભત્રીજા અજીત પવાર (Ajit Pawar) ભાજપ સાથે જાય તેવી પણ અટકળો છે. આ બધા વચ્ચે દિગ્ગજ નેતા શરદ પવારના એક નિર્ણયે બધાને ચોંકાવી દીધા છે. શરદ પવારે એનસીપીનું (NCP) અધ્યક્ષ પદ છોડવાની જાહેરાત કરી છે.

પવારના રાજીનામાં પાછળ અનેક રાજકીય અર્થ કાઢવામાં આવી રહ્યા છે. અત્રે જણાવવાનું કે થોડા દિવસ પહેલા પવારની પુત્રી સુપ્રિયા સુલેએ કહ્યું હતું કે આવનારા 15 દિવસમાં બે ધમાકા થશે. એવું લાગે છે કે તેમનો ઈશારો આ અંગે હતો.

આ પણ વાંચો :-

ગુજરાતમાં વિદેશ જેવો પ્રોજેક્ટ, હવે અકસ્માત બાદ વાહનો ખીણમાં નીચે નહિ પડે

News Editor
-
0

A project like Videsh in Gujarat 

  • Roller crash barriers : ડાંગ જિલ્લાના વધઇ-સાપુતારા રાજ્યધોરી માર્ગ ઉપર પ્રથમ પાઈલોટ પ્રોજેક્ટ શરૂ કારાયો. અકસ્માત નિવારણ માટે સંભવતઃ ગુજરાતનો પ્રથમ પાઇલોટ પ્રોજેક્ટ રોલર ક્રશ બેરીયર.

ડાંગ જિલ્લાના વધઈ-સાપુતારા (Vahai-Saputara) રાજ્યધોરી માર્ગ ઉપર પ્રથમ પાઈલોટ પ્રોજેક્ટ (Pilot project) શરૂ કારાયો છે. હવેથી રોલર ક્રશ બેરીયર (Roller Crush Barrier) ટેકનોલોજીથી માર્ગ અકસ્માતથી થતા માનવ મૃત્યુ તથા ખીણમા જતા વાહનોને અટકાવી શકાશે.

ગુજરાતના ઘાટી માર્ગમાં અકસ્માત નિવારણ માટે રાજ્ય સરકાર દ્વારા રોલર ક્રશ બેરીયરનો ગુજરાતમાં સંભવતઃ સૌ પ્રથમ પાઈલોટ પ્રોજેક્ટ ડાંગ (Dang) જિલ્લામા અમલી કરાયો છે. તેનુ સકારાત્મક પરિણામ પણ મળ્યું છે. આ પ્રોજેક્ટના કારણે ગંભીર અકસ્માતો અને તેમાં મૃત્યુ પામતા લોકોની સંખ્યામા નોધપાત્ર ઘટાડો નોંધાયો છે.

ગુજરાત રાજ્યના ગિરિમથક સાપુતારાને જોડતો વઘઈ-સાપુતારા રોડ અગત્યનો રાજ્યધોરી માર્ગ છે. આ રોડ પર્વતીય વિસ્તારમાંથી પસાર થતો હોવાથી ઘણી જગ્યાએ ઉંડી ખીણ તેમજ ભયજનક વંળાક વિસ્તાર આવે છે. આ રસ્તા ઉપર અકસ્માત નિવારવા માટે મુખ્યમંત્રી તેમજ માર્ગ મકાન મંત્રીશ્રી દ્વારા રસ્તાના કુલ 11 ભયજનક વળાંકોમા પાઈલોટ પ્રોજેક્ટ તરીકે રોલર ક્રશ બેરીયરનો ઉપયોગ કરવામા આવ્યો છે. આ કામગીરી અગ્રતાના ધોરણે પુર્ણ કરાઈ છે.

શું છે રોલર ક્રશ બેરીયર્સ?

રોલર ક્રશ બેરીયર્સ સૌ પ્રથમ વર્ષ 2006મા કોરીયામા નાંખવામા આવી હતી. ત્યારબાદ આજદિન સુધીમા કુલ 33 દેશમા રોલર બેરીયર્સ અકસ્માત સ્થળ પર નાંખવામા આવેલ છે. જેમા ભારત દેશમા સૌ પ્રથમ હિમાચલ પ્રદેશ રાજ્યમા નેશનલ હાઈવે પર રોલર ક્રશ બેરીયર લગાડવામા આવ્યા હતા. જે બાદ ગુજરાત રાજ્યના એકમાત્ર ગિરિમથક સાપુતારા રોડ પર આ પાયલોટ પ્રોજેક્ટ તરીકેની કામગીરી કરવામા આવી છે.

આ પણ વાંચો :-

રાધિકા સાનગઢીયાએ 12 સાયન્સમાં એવું તે શું કર્યું કે આખું સુરત જોતું રહી ગયું ..

News Editor
-
0

What did Radhika Sangarhia  

  • સુરતના વરાછામાં રહેતા રત્ન કલાકારની દીકરીએ બારમા ધોરણની પરીક્ષામાં એ 1 ગ્રેડમાં પાસ થઇને સુરતનું ગૌરવ વધાર્યું છે.

હવે તેને એરોસ્પેસ ક્ષેત્રમાં (Aerospace sector) જવાની મહેચ્છા છે. બે રૂમના ભાડાના ઘરમાં રહેતા મૂળ અમરેલી (Amreli) જિલ્લાના રાજુલા ગામના ધર્મેશભાઈ સાનગઢીયાની દીકરી સામાન્ય પરિવારમાંથી આવીને અસામાન્ય પરિણામ લાવનારી બની છે. ધર્મેશભાઇ માત્ર બારમું ધોરણ જ ભણ્યા છે. તો તો રાધિકાની મમ્મી પણ ફક્ત દસમું ધોરણ જ ભણી છે.

એમ છતાં પોતાની ધગશ અને માતા-પિતાના સથવારે રાધિકાએ ધોરણા બારમાના સાયન્સની પરીક્ષા એ વન ગ્રેડમાં પાસ કરી છે. વરાછામાં રહેતી રાધિકા મૌની ઈન્ટરનેશનલ સ્કુલમાં અભ્યાસ કરે છે. તેને ભણાવતા શિક્ષકોએ પણ તેનું હીર પારખી જઇને અભ્યાસમાં તમામ મદદ કરી છે.

આખું વર્ષ સખત મહેનત કરી રાધિકાએ ગુજકેટમાં પણ સારો દેખાવ કર્યો છે. તેણે ગુજકેટમાં 120 માંથી 113 માર્ક મેળવ્યા છે. તેણે કોઈ પણ ટ્યુશન વિના ગણિતમાં સોમાંથી સો માર્ક મેળવ્યા છે. જ્યારે કમ્પ્યુટર 100 માંથી 97 માર્ક મેળવ્યા છે.

આ પણ વાંચો :-

 

1...1,0951,0961,097...1,461Page 1,096 of 1,461