Home Blog Page 1063

વાવાઝોડું ભલે નો ટકરાઈ પણ અસર તો થશે જ, આ વિસ્તારોમાં પડશે વરસાદ: જાણો શું છે અંબાલાલ પટેલની આગાહી

News Editor
-
0

Even if the cyclone doesn’t hit 

  • બિપોરજોય વાવાઝોડાને લઈને હવામાન નિષ્ણાત અંબાલાલ પટેલે જણાવ્યું કે, દરિયા કાંઠાના વિસ્તારોમાં વાવાઝોડાની અસર થશે. 14, 15 જૂન સુધીમાં કચ્છ અને રાજસ્થાનના કેટલાક વિસ્તારોમાં વરસાદ થશે.

અરબી સમુદ્રમાં (Arabian Sea) સર્જાયેલું બિપોરજોય નામનું વાવાઝોડું હજી વધારે તાકાતવર બનશે તેવી આગાહી હવામાન વિભાગ દ્વારા કરવામાં આવી છે. હવામાન વિભાગના જણાવ્યા અનુસાર વાવાઝોડું પોરબંદરના દરિયાકિનારાથી 870 કિલોમીટર દૂર છે અને 2 કિલોમીટર પ્રતિકલાકની ઝડપથી આગળ વધી રહ્યું છે. આ વચ્ચે હવે બિપોરજોય વાવાઝોડાને લઈને હવામાન નિષ્ણાત અંબાલાલ પટેલનું પણ નિવેદન સામે આવ્યું છે.

ગુજરાતમાં પડશે વરસાદ :

અંબાલાલ પટેલે જણાવ્યું છે કે દરિયા કાંઠાના વિસ્તારોમાં વાવાઝોડાની અસર થશે. રાજ્યના પશ્ચિમ કાંઠાના ભાગોમાં વાવાઝોડાની અસર વર્તાશે. વાવાઝોડાની અસર રૂપે ગુજરાતમાં વરસાદ જોવા મળશે. ગુજરાતમાં વરસાદની આગાહી કરવામા આવી છે. તેમણે જણાવ્યું કે આ વાવાઝોડાના કારણે કચ્છ, રાજસ્થાનના ભાગોમાં વરસાદ થશે. આગામી 14 અને 15 જૂન સુધીમાં વરસાદ થશે. સાથે દરિયા કિનારે ભારે પવન ફૂંકાશે.

દરિયામાં ખૂબ ઊંચા મોજા ઊછળવાની સંભાવના :

હવામાન વિભાગ અનુસાર આ ચક્રવાતી તોફાન આવતીકાલે ભારે સ્વરૂપ ધારણ કરે તેવી શક્યતા છે. તેની સૌથી વધુ અસર કેરળ-કર્ણાટક અને લક્ષદ્વીપ-માલદીવમાં જોવા મળશે. આ સાથે જ કોંકણ-ગોવા-મહારાષ્ટ્રના દરિયાકાંઠે આજથી 10 જૂન સુધી દરિયામાં ખૂબ ઊંચા મોજા ઊછળવાની સંભાવના છે. વાવાઝોડાની સંભવિત અસર ગુજરાતના દરિયાકાંઠે 11થી 13 જૂન દરમિયાન વર્તાશે.

આ પણ વાંચો :-

 

મેઘાલયના ગ્રામજનોએ બે બાંગ્લાદેશી સીમા રક્ષક જવાનોનો હાંકી કાઢ્યા : વીડિયો વાયરલ

News Editor
-
0

Meghalaya Villagers Evict Two Bangladeshi  

  • બોર્ડર ગાર્ડસ બાંગ્લાદેશ (BGB)ના બે સૈનિકો મેઘાલયના દક્ષિણ ગારો હિલ્સ જિલ્લામાં ઘૂસી આવ્યાં હતાં. પરંતુ ગામના લોકોએ બહાદુરી બતાવતા તેમને ભગાડ્યા હતા.

બંને જવાનો બુધવારે સાંજે આશરે ચાર વાગ્યો ગારો હિલ્સના (Garo Hills) રોંગારા વિસ્તારમાં પ્રવેશ્યા હતા. યુનિફોર્મમાં આવેલા બંને સૈનિકોને એકે સિરીઝની અસોલ્ટ રાઈફલ (Assault rifle) અને લાકડીઓ સાથે જોઇને ગ્રામીણો ચોંકી ગયા હતા. જેના બાદ સ્થાનિકોએ તેમનો પીછો કર્યો. બંને સૈનિકો ઈન્ટરનેશનલ બોર્ડરની (Soldiers International Border) સામે આવેલા એક ગામમાં ઘૂસણખોરી કરી હતી.

BSFએ વાંધો ઊઠાવી કરી કાર્યવાહીની માંગ :

આ ઘટના બાદ બોર્ડર સિક્યોરિટી ફોર્સ (BSF) એ આ મામલો બોર્ડર ગાર્ડસ બાંગ્લાદેશ (BGB) સમક્ષ ઊઠાવી વિરોધ નોંધાવ્યો હતો. આ ઘટનાનો એક વીડિયો સોશિયલ મીડિયા પર વાયરલ થયો છે. BSFના સૂત્રોએ જણાવ્યું હતું કે તેમને બાંગ્લાદેશમાં તેમના સમકક્ષો દ્વારા જાણ કરવામાં આવી હતી કે BGBના સૈનિકો કથિત રીતે સરહદની દાણચોરીમાં સંડોવાયેલા ગુનેગારોને પકડવા માટે પીછો કરી રહ્યા હતા. આ દરમિયાન તેઓ અજાણતા ભારતીય ગામમાં પ્રવેશ્યા હતા.

BGBના સૈનિકોએ કહ્યું – ભૂલથી આવી ગયા 

બીએસએફના એક વરિષ્ઠ અધિકારીએ જણાવ્યું હતું કે ગામ આંતરરાષ્ટ્રીય સરહદની વાડની સામે હોવાથી BGBના જવાનોને દેખીતી રીતે ખ્યાલ ન હતો કે તેઓ ગુનેગારોનો પીછો કરતી વખતે ક્યારે ભારતીય ક્ષેત્રમાં ઘૂસી ગયા હતા. સીમા ભંગને લઈને ફ્લેગ મીટિંગ થઈ છે અને સત્તાવાર પ્રક્રિયાનું પાલન કરવામાં આવી રહ્યું છે. પરંતુ આ સમયગાળા દરમિયાન કોઈપણ ભારતીય નાગરિકને હેરાન કરવામાં આવ્યો ન હતો.

આ પણ વાંચો :-

આ એક ગુજરાતીના કારણે આ બે રાજ્યોમાં થાય છે બર્ડ સર્વે.

News Editor
-
0

Bird survey is done in these

  • સુરત શહેરના જાણીતા ગાયક યતીન સંગોઈના ગુજરાતમાં રહીને જાણે છે કે મહારાષ્ટ્ર અને મધ્યપ્રદેશમાં કેટલા અને કયા પ્રજાતિના પક્ષીઓ છે. એક ગુજરાતીના કારણે મહારાષ્ટ્ર અને મધ્યપ્રદેશ વન વિભાગને ત્યાં પક્ષીઓની ગણતરી કરવામાં ખૂબ જ સહેલાઈ થઈ જાય છે.

મહારાષ્ટ્ર અને મધ્યપ્રદેશમાં કેટલા પક્ષીઓ છે તે અંગેની માહિતી મેળવવા માટે એક ગુજરાતીની મદદ લેવામાં આવે છે. સુરત શહેરમાં રહેતા અને સંગીતના ક્ષેત્ર સાથે સંકળાયેલા યતીન સંગોઈના તસવીરો અને પક્ષીઓ અંગેની જાણકારીના કારણે મધ્યપ્રદેશ અને મહારાષ્ટ્રના વન વિભાગને અનેક પક્ષીઓ અંગે માહિતી મળે છે. જેથી તેઓ તેમની વસ્તી ગણતરી કરી શકે છે.

યતીન એક ગાયક સાથે તેઓ ફોટોગ્રાફર પણ છે. જેથી જ્યારે પણ તેઓ અન્ય રાજ્યમાં પક્ષીઓ અંગેની માહિતી મેળવવા જાય છે ત્યારે તેમના દ્વારા લીધેલી તસવીરો પણ તે રાજ્યના વન વિભાગ માટે ખૂબ જ ઉપયોગી બની રહે છે.

સુરત શહેરના જાણીતા ગાયક યતીન સંગોઈના ગુજરાતમાં રહીને જાણે છે કે મહારાષ્ટ્ર અને મધ્યપ્રદેશમાં કેટલા અને કયા પ્રજાતિના પક્ષીઓ છે. એક ગુજરાતીના કારણે મહારાષ્ટ્ર અને મધ્યપ્રદેશ વન વિભાગને ત્યાં પક્ષીઓની ગણતરી કરવામાં ખૂબ જ સહેલાઈ થઈ જાય છે. ખૂબ જ કઠિન પ્રક્રિયાથી પક્ષીઓની ગણતરી કરવામાં આવે છે.

જયારે પણ આ બંને રાજ્યો બર્ડ સર્વેની વાત આવે તો ત્યાંના વન વિભાગ સુરતમાં રહેતા યતીન સંગોઇનો સંપર્ક કરે છે. મોટાભાગે નેશનલ પાર્કમાં આ સર્વે હાથ ધરાતો હોય છે. નેશનલ પાર્કમાં જાતજાતના પક્ષીઓ જોવા મળે છે અનેક એવા પણ પક્ષીઓ છે જે સામાન્ય વ્યક્તિ ક્યારેય પણ જોયા હશે નહીં.

યતીન સંગોઇએ જણાવ્યું હતું કે, કોરોના કાળ બાદથી જ તેઓ મહારાષ્ટ્ર અને મધ્યપ્રદેશ રાજ્યમાં થનાર બર્ડ સર્વેમાં પ્રતિનિધિ તરીકે જાય છે અને તેમની ટીમમાં સામેલ હોય છે. તેમની પાસે 6,000 થી પણ વધુ વાઈલ્ડ લાઈફ ફોટોગ્રાફી છે જ્યારે બર્ડ સર્વેમાં આજ દિન સુધી તેઓએ 600 થી પણ વધુ ફોટોગ્રાફી કરી છે જેમાંથી અઢીસો ખૂબ જ ભાગ્યે જ જોવામાં આવે તેવા પક્ષી છે અને એના માંથી પણ 30 થી 45 એવા પક્ષીઓ છે કે જે રેરેસ્ટ ઓફ ધ રેર જોવા મળે છે. મને વાઈલ્ડ લાઈફ ફોટોગ્રાફી નો શોખ છે અને છેલ્લા 20 વર્ષથી હું ફોટોગ્રાફી કરું છું.

અનેક વાર આવા પક્ષીઓ પણ જોવા મળે છે જે અંગે માહિતી હોતી નથી ત્યારે અમે તેની માહિતી ઈન્ટરનેટ પરથી ફોટોના માધ્યમથી મેળવતા હોઈએ છીએ. તમામ પ્રકારની માહિતી અને ફોટો અમે ખાસ એપ્લિકેશન પર અપલોડ કરતા હોઈએ છીએ જેના કારણે બોર્ડ સર્વેની કામગીરી પૂર્ણ થાય છે અને આ ઈ-બર્ડ એપ્લિકેશન સરકારની હોય છે. સીઝનમાં ત્રણથી ચાર વખત બરડે સર્વે કરવામાં આવે છે.

આ પણ વાંચો :-

30000% ની તોફાની તેજી, 3 રૂપિયાના આ સ્ટોકે 1 લાખના બનાવ્યા 3 કરોડ રૂપિયા

News Editor
-
0

30000% storm surge

  • તાનલા પ્લેટફોર્મ્સના શેરમાં જોરદાર તેજી જોવા મળી રહી છે. કંપનીના શેર 30000 ટકાથી વધુ વધી ગયા છે. તાનલા પ્લેટફોર્મ્સના શેર 3 રૂપિયાથી વધીને 800 રૂપિયાને પાર પહોંચી ગયા છે.

ક્લાઉડ કમ્યુનિકેશન્સ કંપની તાનલા પ્લેટફોર્મ્સના શેરમાં તોફાની તેજી આવી છે. કંપનીના શેર 30000 ટકાથી વધુ ચઢી ગયા છે. તાનલા પ્લેટફોર્મ્સ (Tanla Platforms) ના શેર 3 રૂપિયાથી વધી 800 રૂપિયાને પાર પહોંચી ગયા છે. તાનલા પ્લેટફોર્મ્સના શેરનું 52 સપ્તાહનું હાઈ લેવલ 1360 રૂપિયા છે. તો કંપનીના શેરનું 52 સપ્તાહનું લો લેવલ 840.10 રૂપિયા છે. છેલ્લા પાંચ વર્ષમાં તાનલા પ્લેટફોર્મ્સના શેર 2700 ટકાથી વધુનો ઉછાળ આવ્યો છે.

1 લાખ રૂપિયાના બનાવી દીધા 3 કરોડથી વધુ :

તાનલા પ્લેટફોર્મ્સ (Tanla Platforms)ના સ્ટોકે છેલ્લા 10 વર્ષમાં જોરદાર રિટર્ન આપ્યું છે. કંપનીના શેર 30 ઓગસ્ટ બોમ્બે સ્ટોક એક્સચેન્જમાં 2.75 રૂપિયા પર હતા. તાનલા પ્લેટફોર્મ્સના શેર 8 જૂન 2023ના બીએસઈમાં 840.10 રૂપિયા પર બંધ થયા હતા. કંપનીના સ્ટોકે આ પીરિયડમાં 30449 ટકાનું રિટર્ન આપ્યું છે. જો કોઈ વ્યક્તિએ 30 ઓગસ્ટ 2013ના તાનલા પ્લેટફોર્મ્સના શેરમાં 1 લાખ રૂપિયા લગાવ્યા હોત અને પોતાનું ઈન્વેસ્ટમેન્ટ બનાવી રાખ્યું ગોત તો આ સમયે તેની વેલ્યૂ 3.05 કરોડ રૂપિયા થઈ ગયા હોત.

8 વર્ષમાં સ્ટોકમાં આવ્યો 5200 ટકાથી વધુ ઉછાળ :

તાનલા પ્લેટફોર્મ્સ (Tanla Platforms)ના શેરમાં છેલ્લા 8 વર્ષમાં 5217 ટકાનો ઉછાળ આવ્યો છે. કંપનીના શેર 5 જૂન 2015ના બોમ્બે સ્ટોક એક્સચેન્જમાં 15.80 રૂપિયા પર હતા. તાનલા પ્લેટફોર્મ્સના શેર 8 જૂન 2023ના બીએસઈમાં 840.10 રૂપિયા પર બંધ થયા છે. જો કોઈ વ્યક્તિએ 5 જૂન 2015ના તાનલા પ્લેટફોર્મ્સના શેરમાં 1 લાખ રૂપિયા લગાવ્યા હોત તો આજે તેની વેલ્યૂ 53.17 લાખ રૂપિયા હોત.

અઢી મહિનામાં શેરમાં 65 ટકાનો વધારો :

તાનલા પ્લેટફોર્મ્સના શેરમાં છેલ્લા અઢી મહિનામાં આશરે 65 ટકાનો ઉછાળ આવ્યો છે. કંપનીના શેર 27 એપ્રિલ 2023ના બીએસઈમાં 509.45 રૂપિયા પર હતો, જે 8 જૂના 840.10 રૂપિયા પર બંધ થયા છે.

આ પણ વાંચો :-

દરેક માતા-પિતા સાવધાન. આંખ ઉઘાડનારો કિસ્સો, ઓનલાઈન ગેમિંગ પાછળ છોકરીએ ફૂંકી માર્યા લાખ 

News Editor
-
0

Every parent beware. Eye-opening case

  • ઓનલાઈન ગેમિંગની લત કેટલી ખતરનાક હોઈ શકે છે. તે વાતનો અંદાજો એ વાતથી લગાવી શકાય કે એક 13 વર્ષની છોકરીએ મોબાઈલ ગેમ રમવાના ચક્કરમાં 52 લાખ રૂપિયા ઉડાવી માર્યા.

એક રિપોર્ટ મુજબ ચીનમાં (China) એક 13 વર્ષની છોકરીએ ઓનલાઈન ગેમિંગ પર 449500 યુઆન લગભગ (52,19,809) રૂપિયા ખર્ચ કરીને માત્ર ચાર મહિનાની અંદર જ પરિવારની બધી જમાપૂંજી ખતમ કરી નાખી. છોકરીની માતાના એકાઉન્ટમાં (Account) હવે માત્ર 5 રૂપિયા બચ્યા છે.

વાત જાણે એમ છે કે મોટાભાગની ગેમ્સમાં પેઈડ ટુલ્સ (Paid Tools) હોય છે. જે ગેમર્સને પાવરફૂલ ટૂલ સુધી પહોંચવા માટે વધુ પૈસા ખરવા લલચાવે છે અને આ પેઈડ ટૂલ્સ તેમની ગેમને વધુ સારી રીતે રમવામાં મદદ કરે છે. જો તમારું બાળક પણ આખો દિવસ મોબાઈલ પર ગેમ રમતું રહેતું હો તો સાવધાન થઈ જાઓ. કારણ કે તમારી સાથે પણ આવું બની શકે છે. આ આખો કિસ્સો ખાસ જાણો.

સાઉથ ચાઈના મોર્નિંગ પોસ્ટના રિપોર્ટ મુજબ આ કિસ્સો ત્યારે સામે આવ્યો જ્યારે છોકરીની ટીચરે સ્કૂલમાં તેના વધુ ફોન ઉપયોગ કરવા પર ધ્યાન આપ્યું. તેને શંકા ગઈ કે તે પે-ટૂ-પ્લે ગેમની આદી બની શકે છે. ટીચરે છોકરીની માતાને આ અંગે જાણ કરી ત્યારબાદ માતાએ બેંક એકાઉન્ટ ચેક કર્યું ત્યારબાદ તો મહિલાના હોશ જ ઉડી ગયા.

એકાઉન્ટમાં માત્ર 5 રૂપિયા :

છોકરીની માતાએ જોયું કે તેના એકાઉન્ટમાં માત્ર 0.5 યુઆન (લગભગ 5 રૂપિયા) બચ્યા હતા. તે ગભરાઈ ગઈ અને એક વાયરલ વીડિયોમાં રડતા રડતા બેંક સ્ટેટમેન્ટના પાના દેખાડયા જેમાં મોબાઈલ ગેમ્સ માટે કરાયેલી ચૂકવણીનો ખુલાસો કરાયો હતો.

જ્યારે પિતાએ છોકરીને આ અંગે પૂછ્યું તો તેણે ગેમ ખરીદવા પર લગભગ 120000 યુઆન (લગભગ 13,93,828 રૂપિયા) તથા આ ગેમ ખરીદી પર વધારાના 210000 યુઆન (લગભગ 24,39,340 રૂપિયા) ખર્ચો કર્યો હોવાની વાત સ્વીકારી. આ ઉપરાંત તેણે પતોાના ઓછામાં ઓછા 10 મિત્રો માટે ગેમ ખરીદવા માટે 1 લાખ યુઆન (લગભગ 11,61,000 રૂપિયા) ખર્ચ કર્યાની વાત પણ સ્વીકારી લીધી.

છોકરીએ સ્વીકાર્યું કે તેણે તેના મિત્રો માટે ગેમ ખરીદવા માટે ચૂકવણી કરી હતી. હકીકતમાં જ્યારે તેને ઘરમાં ડેબિટ કાર્ડ મળ્યું તો તેણે તેને પોતાના સ્માર્ટફોન સાથે કનેક્ટ કરી દીધુ હતું. એકવાર તેની માતાએ તેની સાથે કાર્ડનો પાસવર્ડ પણ શેર કર્યો હતો. જ્યારે તેઓ ઘરે નહતા અને છોકરીને પૈસાની જરૂર હતી ત્યારે આ પાસવર્ડ આપ્યો હતો. પોતાની આ હરકત છૂપાવવા માટે છોકરીએ પોતાના સ્માર્ટફોનથી મોબાઈલ ગેમ્સ સંલગ્ન તમામ ટ્રાન્ઝેક્શનના રેકોર્ડ ડિલીટ માર્યા હતા.

હવે આ કહાની ચીનના સોશિયલ મીડિયા પ્લેટફોર્મ પર વાયરલ થઈ ગઈ છે. જેનાથી લોકોમાં ચર્ચા થઈ રહી છે કે આ સ્થિતિમાં જવાબદારી કોણે લેવી જોઈએ. કેટલાકનું માનવું છે કે 13 વર્ષની છોકરીને પોતાના કામ અંગે ખબર હોવી જોઈએ જ્યારે અન્ય કેટલાક લોકોએ માતા પિતાને જવાબદાર ઠેરવ્યા. મેકગિલ યુનિવર્સિટી દ્વારા 2022ના એનાલિસિસ મુજબ ચીનમાં સ્માર્ટફોનના યાદી લોકોની સંખ્યા સૌથી વધુ છે. ત્યારબાદ સાઉદી અરબ અને મલેશિયા આવે છે.

આ પણ વાંચો :-

Miss World 2023 : 27 વર્ષ પછી ભારતમાં થશે ‘મિસ વર્લ્ડ’ સ્પર્ધાનું આયોજન ! આગરા અને વારાણસીમાં કરશે રેંપ વોક

News Editor
-
0

Miss World 2023

  • Miss World 2023 : મિસ વર્લ્ડ ઓર્ગેનાઈઝેશન દ્વારા જણાવવામાં આવ્યું હતું કે આ વર્ષે નવેમ્બર-ડિસેમ્બર મહિનામાં આ સ્પર્ધાનું ગ્રાંડ ફિનાલે થશે. જે પહેલા સ્પર્ધકોને શોર્ટલિસ્ટ કરવા માટે અલગ અલગ રાઉન્ટ શરુ થશે.

ભારત 27 વર્ષ પછી મિસ વર્લ્ડ સ્પર્ધાનું આયોજન કરશે. વિશ્વ સ્તર પર આયોજિત થતી આ સ્પર્ધામાં 130 દેશની સુંદરીઓ ભાગ લેશે. આ અંગે સત્તાવાર જાહેરાત ગુરુવારે કરવામાં આવી હતી. મિસ વર્લ્ડ ઓર્ગેનાઈઝેશન દ્વારા જણાવવામાં આવ્યું હતું કે આ વર્ષે નવેમ્બર-ડિસેમ્બર મહિનામાં આ સ્પર્ધાનું ગ્રાંડ ફિનાલે થશે. જે પહેલા સ્પર્ધકોને શોર્ટલિસ્ટ કરવા માટે અલગ અલગ રાઉન્ટ શરુ થશે.

આ સ્પર્ધા યૂપીમાં યોજાશે. અહીં વારાણસી અને આગરામાં દુનિયાભરમાંથી આવેલી સુંદરીઓ રેંપ વોક કરતી જોવા મળશે. આ વર્ષે સ્પર્ધા ભારતમાં યોજાશે તે અંગે મિસ વર્લ્ડ 2022 કૈરોલીન બિએલાવસ્કાએ ખુશી વ્યક્ત કરી હતી.

આ પહેલા ભારતમાં 1996માં મિસ વર્લ્ડ સ્પર્ધા યોજાઈ હતી. 27 વર્ષ પછી ફરીથી ભારતમાં 71મી મિસ વર્લ્ડ 2023 સ્પર્ધાનું આયોજન થઈ રહ્યું છે. આ સ્પર્ધાનો ફાઈનલ રાઉન્ડ વર્ષના અંતે યોજાશે. પરંતુ તારીખોની જાહેરાત હજુ કરવામાં આવી નથી.

મિસ વર્લ્ડનું ટાઈટલ જીતવા માટે 130 દેશથી વધુની સુંદરીઓએ સુંદરતાની સાથે બુદ્ધિમત્તા અને અન્ય માપદંડો પર ઉત્તીર્ણ થવું પડે છે. ભારતની જે યુવતીઓએ આ ટાઈટલ પોતાના નામ કર્યું છે તેમાં ઐશ્વર્યા રાય બચ્ચન, પ્રિયંકા ચોપડા, યુક્તા મુખીનું નામ આવે છે.

આ પણ વાંચો :-

ગુજરાત પર વાવાઝોડાની અસર શરૂ, આજથી પાંચ દિવસ આ શહેરોમાં છે વરસાદની આગાહી

News Editor
-
0

The impact of the cyclone

  • Gujarat Weather Forecast : ગુજરાતના દરિયાકાંઠા તરફ આગળ વધી રહ્યું છે બિપરજોય વાવાઝોડું. 11થી 13 જૂન વચ્ચે અત્યંત તીવ્ર ગતિએ પવન ફૂંકાવાની શક્યતા. સંભવિત આફતનો સામનો કરવા તંત્રને કરાયું તૈયાર.

ગુજરાતના દરિયાકાંઠા તરફ બિપોરજોય વાવાઝોડું આગળ વધી રહ્યું છે. 11 થી 13 જૂન વચ્ચે અત્યંત તીવ્ર ગતિએ પવન ફૂંકાવાની શક્યતા છે. સંભવિત આફતનો સામનો કરવા તંત્રને સાબદું કરાયું છે. બિપરજોય વાવાઝોડાની અસરના પગલે ગુજરાતનો દરિયો તોફાની બન્યો છે. દરિયામાં ઊંચાં મોજાં ઉછળતાં હોવાથી તંત્રએ લોકોને સમુદ્રથી દૂર રહેવાની સૂચના અપાઈ છે.

તો બીજી તરફ વડોદરામાં બિપોરજોય વાવાઝોડાને લીધે તંત્ર સજ્જ બન્યું છે. જિલ્લામાં બધા તલાટીઓને સ્ટેન્ડ ટુ રહેવા આદેશ કરાયો છે. જિલ્લા કંટ્રોલ રૂમનો ટોલ ફ્રી નંબર 1077 જાહેર કર્યો છે. તમામ 8 તાલુકાઓમાં પણ કંટ્રોલ રૂમ શરૂ કર્યો. લાયઝન ઓફિસરની નિમણુંક કરાઈ છે.

આવામાં હવામાન વિભાગે કહ્યું કે, વાવાઝોડું પાંચ દિવસ સુધી ગુજરાત પહોંચે તેવી કોઈ શક્યતા નથી. વાવાઝોડું પ્રતિ 6 કિમીની ઝડપથી આગળ વધી રહ્યું છે. તે હાલ પોરબંદરથી 930 કિમી અંતરે પહોંચ્યું છે. આમ ગુજરાત પરથી વાવાઝોડાનો ખતરો ઓછ થઈ રહ્યો છે. આગામી 5 દિવસ વાવાઝોડું ગુજરાત પહોંચે તેવો કોઈ અણસાર નથી. તેમજ વાવાઝોડું ગુજરાત પહોંચે તે પહેલા પાકિસ્તાન તરફ ફંટાઈ જાય તેવી શક્યતા વધુ છે.

પોરબંદરથી 1130 કિમી દૂર અરબ સાગરમાં મંગળવારના રોજ બિપોરજોય વાવાઝોડું આકાર લીધું હતું. જેથી ગુજરાતનું તંત્ર એલર્ટ થયુ હતું. ત્યારે હાલ રાહતના શ્વાસ એટલે એ કે આ વાવાઝોડું ગુજરાત આવે તેવી શ્કયતા ઓછી છે. તો બીજી તરફ વાવાઝોડાની અસર રૂપે ગુજરાતમાં વરસાદ જોવા મળશે. ગુજરાતમાં વરસાદની આગાહી કરવામા આવી છે.

ક્યાં કેટલો વરસાદ પડશે :

શુક્રવાર – નવસારી, વલસાડ, અમરેલી, ભાવનગર

શનિવાર – સુરત, નવસારી, ડાંગ, વલસાડ, ભરૂચ, તાપી, જુનાગઢ, અમરેલી, ગીર સોમનાથ, ભાવનગર

રવિવાર – વડોદરા, સુરત, નવસારી, ડાંગ, નર્મદા, વલસાડ, ભરૂચ, તાપી, રાજકોટ, પોરબંદર

સોમવાર – આણંદ, વડોદરા, સુરત, નવસારી, ડાંગ, નર્મદા, વલસાડ, ભરૂચ, તાપી, રાજકોટ, પોરબંદર, જૂનાગઢ, જામનગર, દ્વારકા, અમરેલી, ગીર સોમનાથ, ભાવનગર

આ પણ વાંચો :-

આર્થિક સંકટ દૂર કરવા સરકારની સંવેદના ક્યારે જાગશે, હજુ કેટલાને આપઘાત કરવા પડશે?

News Editor
-
0

When will the consciousness

  • નોટબંધીથી પાયમાલીની શરૂઆત થઈ હતી, સેંકડોને ભરખી ગયેલો કોરોના પણ ભુલાઈ ગયો પરંતુ આર્થિક બેહાલ થઈ ગયેલા લોકોના આપઘાતનો સિલસિલો હજુ અટક્યો નથી.
  • અને હવે તો એકલ દોકલ આપઘાતનાં બનાવોની કોઈ નોંધ પણ લેતું નથી અને સામૂહિક આપઘાતની ઘટનાઓ પછી પણ સરકારની સંવેદના જાગતી નથી.
  • સત્તાલાલસા અને મતોના રાજકારણમાં ‘માણસ’ જાણે સાવ ભુલાઈ ગયો છે, ચીજ–વસ્તુઓના ભાવ આસમાને પહોંચી ગયા પરંતુ માણસ દિવસે દિવસે સાવ સસ્તો થઈ રહ્યો છે.

સુરતનાં સૌરાષ્ટ્રવાસીઓની ગીચ વસ્તી ધરાવતા યોગીચોક વિસ્તારમાં એક પરિવારે કરેલા સામૂહિક આપઘાતની ઘટનાએ અનેક ગરીબ, મધ્યમવર્ગી પરિવારોને વિહવળ બનાવી દીધા હશે. કારણ કે, આ પરિવારના સામૂહિક આપઘાત પાછળના કારણો પૈકીનું એક મુખ્ય કારણ આર્થિક તંગી હતું. મધ્યમ અને ગરીબ વર્ગનાં મોટાભાગનાં પરિવારો આર્થિક કટોકટીમાંથી પસાર થઈ રહ્યાં છે. ચારેતરફ વિકાસનો બુંગીયો વાગે છે. મોટી મોટી વિકાસની જાહેરાતો થાય છે. પરંતુ હકીકત સાવ જુદી જ છે.

PHOTO-2023-06-08-15-35-36

વૈશ્વિક મંદીનાં બહાને નિષ્ફળતા ઢાંકવાનું મોટું બહાનું મળી ગયું છે. સરકારમાં બેઠેલા અને સરકારના ખુશામતખોરો માટે ક્યાંય પણ મંદી નથી. ચારેતરફ કારખાના ધમધમે છે. લોકો લાખો, કરોડો કમાય છે અને મોજ-મસ્તી કરે છે. સરકારી બાબુ અને સરકારનાં ખુશામતખોરો એટલા માટે આવું વિચારી શકે છે. કારણ કે, તેમના પેટ અને પેન્ટ બંને ભરેલા છે અને એટલે જ ગરીબોની વ્યથાનો તેમને અનુભવ થતો નથી.

હકીકત એ છે કે, આર્થિક બાબતે એકપણ ગરીબ કે મધ્યમવર્ગી પરિવારની હાલત ઠીક નથી. લોકો કામ ઉપર જાય છે અને મજુરી કરે છે એટલે માની લેવાની જરૂર નથી કે લોકો ખુશ છે. આર્થિક તંગી એટલી હદે વણસી રહી છે કે દિવસે દિવસે ‘માણસ સસ્તો’ બની રહ્યો છે. આજે વસ્તુની કિંમત વધી છે. પરંતુ માણસની કિંમત નથી. પરિણામે મજબૂર લોકો ક્રમશઃ ગુનાખોરી તરફ વળી રહ્યાં છે. કોઈને ગુનો કરવો નથી પરંતુ પેટ અને પરિવારનો ખાડો પુરવા જ્યારે મહેનત કરવાથી રૂપિયા નહીં મળે ત્યારે મજબૂરી ચોરી સહિત કંઈપણ કરાવી શકે.

PHOTO-2023-06-08-15-35-16

સરકારમાં બેઠેલા માણસો આ બધુ જાણે છે. પરંતુ સત્તામાં છે એટલે નીચે જોવાની ફૂરસદ નથી અને પેટે પાટા બાંધીને પણ લોકો જ્યાં સુધી ઝિંદાબાદના નારા પાડતા રહેશે ત્યાં સુધી શાસકોનો નશો ઓસરવાની શક્યતાઓ નથી અને નશો નહીં ઓસરે ત્યાં સુધી ગરીબો, મધ્યમવર્ગીઓ મજબૂર લોકોની વેદનાનો ખ્યાલ નહીં આવે.
નોટબંધી, જીએસટી અને કોરોના કાળ દરમિયાન આર્થિક કારણોસર સેંકડો લોકોએ સામૂહિક આપઘાત કરી લીધા પરંતુ સરકારની મસ્તીમાં કોઈ ફેર પડયો નથી. આપઘાતની પ્રત્યેક ઘટનાનું પૃથક્કરણ કરવામાં આવે તો પ્રત્યેક ઘટનામાં વેદનાનો ચિત્કાર બહાર આવશે. પરંતુ આવા ચિત્કાર સાંભળવાની કોને પડી હોય? અરે ! આર્થિક કારણોસર મોતને ભેટેલા કમનસીબ લોકોના આંકડા પણ જોવા નહીં મળે. કારણ કે, બાબુઓની આંકડા છુપાવવામાં માસ્ટરી છે.

PHOTO-2023-06-08-15-34-56

ખેર, સુરતમાં અને બીજા શહેરો, નગરો અને ગામડાંઓમાં આર્થિક તંગીથી વાજ આવી જઈને આપઘાત કરનારાઓની સંખ્યા ખૂબ મોટી હશે, પરંતુ જ્યાં બધા જ લોકોની વેદના એક સરખી હોય ત્યાં કોણ કોની પરવા કરે? કોરોનાની બીમારી અને મહામારી તેનું જીવંત ઉદાહરણ ગણી શકાય. એક જ સોસાયટી, મહોલ્લા, ગામમાં લોકો ટપોટપ મળી રહ્યાં હતાં ત્યારે લોકોને બીજાના મોતના દર્દ કરતાં પોતાના મોતનો ભય વધુ સતાવી રહ્યો હતો અને એટલે જ કોરોનામાં મોતને ભેટેલા પડોશીનું મોઢુ જોવા પણ લોકો રાજી નહોતા! મતલબ તેમને પડોશીનાં મોત કરતાં પોતાના મોતનો ભય વધુ સતાવી રહ્યો હતો.

આર્થિક બેહાલી કોરોના કરતાં પણ ખતરનાક છે. કોરોનાનો ભોગ બનેલા લોકો મરી જતા હતા પરંતુ આર્થિક બેહાલી જીવતા મારી નાંખે છે અને આર્થિક કટોકટીનાં વિષચક્રમાં ફસાયેલો મજબૂર માણસ સામે ચાલીને મોતને ભેટે છે. પરંતુ આવા મોતની ‘ચીસ’ સંભળાતી નથી. કોઈ પુલ ઉપરથી પડી ગયો, કોઈએ ગળાફાંસો ખાઈ લીધો, કોઈ ટ્રેન હેઠળ કપાઈ ગયો વગેરે વગેરે એકલ દોકલ આપઘાતની પ્રચાર માધ્યમો પણ નોંધ લેતા નથી તો પછી સરકાર ક્યાંથી નોંધ લેવાની? અને એટલે જ જ્યારે જ્યારે સામૂહિક આપઘાતનાં બનાવો બને છે ત્યારે થોડા દિવસો પુરતી ગમગીની, ઉહાપોહ થાય છે અને પછી બધુ ભુલી જવાય છે. પરંતુ ખરેખર તો આવી દુઃખદ ઘટનાઓની નોંધ લઈને સરકારે આર્થિક કટોકટીમાં ઘેરાયેલા લોકો માટે જાગીને પગલાં ભરવાની જરૂર હોય છે. પરંતુ આવું વિચારવા માટે સંવેદના જોઈએ. પરંતુ આવી સંવેદના વેચાતી મળતી નથી.

MRS_7202

ખેર, સુરતમાં એક પરિવારનાં ચાર-ચાર સભ્યોના સામૂહિક આપઘાતની ઘટનામાંથી પણ બોધપાઠ લઈને સરકાર આર્થિક સંકટમાં ઘેરાયેલા મજબૂર લોકો માટે થઈને પણ રાહતનાં પગલાં ભરવાનું વિચારશે તો મતો મેળવવા માટે રાજકીય પ્રચાર કરવાની જરૂર નહીં પડે.

MRS_7220

આ પણ વાંચો :-

 

૯ જૂન / રોકાયેલા અધૂરાં કાર્યો પૂરાં થશે, નોકરીમાં પ્રમોશનના યોગ જણાય, આ રાશિના જાતકોનો શુક્રવાર રહેશે શુભ, જુઓ રાશિ ભવિષ્ય

News Editor
-
0

June 9 / Unfinished works will

મેષઃ
આવકનું પાસુ મજબુત થતું જણાય. ધારેલી આવક મળતાં માનસિક આનંદની અનુભૂતિ થશે. પરિવરમાં સુખ-શાંતિ જળવાશે. મિત્રો તરફથી સાથ સહકાર મળે. સંતાનની પ્રગતિથી આનંદ થાય.

વૃષભઃ
આર્થિક ક્ષેત્રે સફળતા મળતી જણાય. નોકરીમાં બઢતી તથા ધંધામાં પ્રગતિ થાય. ધંધાના વિકાસ માટે અગત્યના નિર્ણયો લેવાની વ્યવસ્થા સરળ બને. માતૃ તથા પિતૃ સુખમાં વધારો થાય.

મિથુનઃ
ભાગ્યનો સાથ મળતાં તમામ ક્ષેત્રે સફળતા હાંસલ કરી શકાય. ધાર્મિક યાત્રા-પ્રવાસના યોગ બને છે. લોહી ની ઉણપથી થતા કે લોહી સંબંધી રોગોથી સાવચેતી જરૂરી, જીવનસાથી સાથે આનંદ.

કર્કઃ
નાણાંની લેવડ-દેવડ માં સાવધાની રાખવી. ધારેલી આવક અટકતી જણાય. શરદી-ખાંસીનો ઉપદ્રવ રહે. પડવા-વાગવાથી સાવચેતી જરૂરી. દામ્પત્ય જીવનમાં મતભેદ ટાળવા. માતાની તબિયત સાચવવી.

સિંહઃ
માનસિક પ્રસન્નતા જળવાય. દામ્પત્ય જીવનમાં મધુરતા નો અનુભવ થાય. પ્રેમી પાત્રનું મિલન-મુલાકાત શક્ય બને. આવક જળવાય. આકસ્મિક ધનલાભ ના યોગ બને છે. ખોટા ખર્ચ ટાળવા.

કન્યાઃ
આવકનું પ્રમાણ ઘટતું જણાય. શરદી, તાવની સમસ્યા રહે. માતાના આરોગ્યનું ધ્યાન રાખવું. સંતાન સુખ જળવાય. ખોટી સોબત માં ફસાવાય નહીં એનું ધ્યાન રાખવું. નોકરી-ધંધામાં પ્રગતિ.

તુલાઃ
લક્ષ્મી ની વખતસર હેરફેર શક્ય બને. સંતાનના પ્રશ્નોનું નિરાકરણ આવતું જણાય. વિદ્યાર્થી વર્ગને સફળતા. નવું જાણવાનો યોગ બને છે. પરિવારમાં લાગણી શીલતા નું પ્રમાણ વધે. ભાગ્ય નો સાથ મળે છે.

વૃષિકઃ
નાણાંકીય આવક વધતી જણાય. સ્થાવર ‌જંગમ મિલકતના તથા વાહનના ખરીદી વેચાણ શક્ય બને અથવા એ ક્ષેત્રે આવક ઉભી કરી શકાય. વડીલોના આશીર્વાદ મળે. માતા-પિતાનું સ્વાસ્થ્ય સારૂં રહે.

ધનઃ
વિચારો પ્રમાણ વધારે રહે. દાન કરવાની તથા પરોપકારની ભાવના પેદા થાય. પરિવારના સભ્યોની પ્રગતિથી આનંદ. કરેલા કાર્યમાં સફળતા મળતી જણાય. સ્થાવર-જંગમ મિલકતથી લાભ.

મકરઃ
આવકનું પાસુ મજબુત થાય. બેંક બેલેન્સ માં વધારો શક્ય બને. નાના ભાઇ-બહેનો તરફથી સારા સમાચાર મળે. ધંધાકીય ક્ષેત્રે સાવધાની રાખવી. જીવનસાથી સાથે મતભેદ ટાળવા તથા જીવનસાથી નું આરોગ્ય સાચવવુંં.

કુંભઃ
ખોટા ખર્ચ ટાળવા. તત્ત્વજ્ઞાન, ગણિતમાં જીજ્ઞાસા વધે. મશીનરી રીપેરીંગ, શિથીક, ફાયનાન્સ તથા મીકેનીકલ એજીંનીયરીંગ ના ધંધાર્થીઓને વિશેષ સફળતા. ઘુંટણ તથા કીડની સંબંધીત રોગોથી સાવધાની રાખવી.

મીનઃ
આત્મબળ માં વધારો થાય. આવકનું પ્રમાણ જળવાય. નોકરીમાં શાંતિ. ધંધાકીય ક્ષેત્રે યોગ્ય નિર્ણય લઇ શકાય. સ્થાવર જંગમ મિલકતથી લાભ. આંખની તથા માથાના દુઃખાવાની સમસ્યા રહે. ભાગ્યનો સાથ મળતો રહે.

આ પણ વાંચો :-

મંદીથી કંટાળીને રત્ન કલાકારનો નાનકડો પરિવાર વિખાઈ ગયો ! જાહેરમાં મોત વ્હાલુ કરતા કમકમાટીભર્યા દ્રશ્યો સર્જાયા

News Editor
-
0

Tired of recession

  • સુરતમાં રત્નકલાકાર પરિવારનો સામૂહિક આપઘાતનો પ્રયાસ. પત્નીનું સારવાર દરમિયાન થયું મૃત્યુ. સરથાણાના પરિવારના 4 સભ્યએ આર્થિક તંગીમાં પગલું ભર્યું હોવાની આશંકા.

શહેરના ડાયમંડ ઉદ્યોગમાં (Diamond industry) છેલ્લા ઘણા લાંબા સમયથી મંદીનું મોજું ફરી વળ્યું છે. આવામાં આર્થિક સંકડામણને લઈ એક જ પરિવારના ચાર લોકોએ સામૂહિક આપઘાતનો પ્રયાસ કરતા સમગ્ર વિસ્તારમાં ચકચાર મચી જાવા પામી છે. સાથે જ માતા-પુત્રીના મોતને લઈને પરિવારમાં શોકનું મોજું ફરી વળ્યું છે. તો થોડા કલાકો બાદ પુત્રનું પણ મોત નિપજ્યું હતું.

ભાવનગર (Bhavnagar) જિલ્લાના સિહોર તાલુકાનો વતની અને સુરતમાં રત્નકલાકાર તરીકે કામ કરી ગુજરાત ચલાવતો પરિવાર સરથાણા વિસ્તારમાં યોગીચોક (Yogi ChowkYogi Chowk) નજીક રહે છે. આ પરિવારે ઘર નજીક આવેલી ખુલ્લી જગ્યામાં આપઘાતનો પ્રયાસ કર્યો હતો. પિતા, પુત્ર, માતા અને પુત્રી આમ ચાર લોકોએ ઝેરી દવા પી આપઘાતનો પ્રયાસ કર્યો હતો.

ઘટનાની જાણ થતાં પરિવારના અન્ય સભ્યો તાત્કાલિક ઘટના સ્થળે દોડી આવ્યા હતા અને આ તમામ લોકોને સારવાર માટે નજીકની હોસ્પિટલમાં લઈ ગયા હતા. જ્યાં પરિવારમાંથી શારદાબેન અને તેમની દીકરીનું મોત થયું હતું. તો થોડા સમય બાદ પુત્રનું પણ મોત નિપજ્યું છે. હાલ  પિતા સારવાર હેઠળ ખાનગી હોસ્પિટલમાં દાખલ છે.

ઉપરાંત આ પરિવારમાંથી એક પુત્રી અને એક પુત્ર બહારગામ ગયા હતા. આ સાથે જાણવા મળી રહ્યું છે કે, પરિવારે આર્થિક સંકડામણને લઈ આ પગલું ભર્યું હોવાની ચર્ચાઓ ચાલી રહી છે. જો કે પરિવારના આ પગલાને લીધે તેમના સંબંધીઓમાં હાલ શોકનું મોજું ફરી વળ્યું છે. જો કે પિતા હોસ્પિટલમાં સારવાર હેઠળ છે અને તેમની તબિયત પણ નાજુક હોવાનું તબીબો જણાવી રહ્યા છે.

ઉલ્લેખનીય છે કે ડાયમંડ ઉદ્યોગમાં જે રીતે મંદી આવી છે તેને લઈને સતત રત્ન કલાકારોના આપઘાત સામે આવી રહ્યા છે. ત્યારે આ પરિવારના પગલેને લઈને ડાયમંડ ઉદ્યોગમાં ખળભળાટ મચી જવા પામ્યો છે. જોકે સરથાણા પોલીસે આ મામલે ગુનો દાખલ કરી વધુ તપાસ શરૂ કરી છે.

આ પણ વાંચો :-

1...1,0621,0631,064...1,461Page 1,063 of 1,461