Home Blog Page 1003

સુરતમાં નબીરાઓ બન્યા બેફામ, પોલીસનો નથી રહ્યો ડર, BRTS ટ્રેક પર બનાવી રીલ્સ

News Editor
-
0
  • આજકાલના યુવકોમાં રિલ્સનો નશો તો એવો ચડયો છે કે તેઓ લોકોના જીવની પણ પરવાહ નથી કરતા. ગમે ત્યારે ગમે ત્યાં રિલ્સ બનાવવા લાગે છે. જો આ રિલ્સના શોખીનો પર કાયદાનો કંટ્રોલ નહીં લાવવામાં આવે તો આ રિલ્સ કોઈના જીવ લઈ લેશે.

રાજ્યના યુવાધનમાં ચડેલો રિલ્સનો નશો બીજા લોકો માટે જોખમી સાબિત થઈ શકે છે તેમ છે. સૌથી પહેલાં સ્માર્ટ સિટી તરીકે ઓળખાતા સુરત શહેરના આ ૩ દ્રશ્યો જુઓ. સુરતમાં નબીરાઓ નિયમોના ધજાગરા ઉડાવી રહ્યા હોય તેની સાબિતી પુરતા આ દ્રશ્યો છે. જેમાં એક જગ્યાએ મોપેડ પર ૪ સવારી લોકો જઈ રહ્યા છે. તો બીજી તરફ જીપ પર ઉભા રહીને બે યુવકો રિલ્સ બનાવી રહ્યા છે. જ્યારે ત્રીજા વીડિયોમાં તો યુવકો જોખમી રીતે brts રૂટમાં જ રિલ્સ બનાવી રહ્યા છે.

આજકાલ સોશિયલ મીડિયાનો જમાનો છે. જેમાં લોકોની માત્ર લાઈક્સ અને કમેન્ટ મેળવવા માટે આવા લોકો ગમે તે હદ સુધી જઈ રહ્યા છે. જોખમી સ્થળો પર કઈપણ વિચાર્યા વગર જ આ લોકો રિલ્સ બનાવવા લાગે છે. પોતાના જીવની તો ચિંતા નથી કરતા સાથે જ અન્ય લોકોના જીવ પણ જોખમમાં મુકે છે.

આ વીડિયો સુરતનાં સરથાણા વિસ્તારનો છે. જેમાં બે લબરમુછિયા યુવકો જોખમી સ્ટંટ કરી રહ્યા છે. એક યુવક ખુલ્લી જીપ ચલાવી રહ્યો છે. જ્યારે બીજો યુવક જીપના બોનેટ પર ચડીને રિલ્સ બનાવી રહ્યો છે. એટલું જ નહીં આ લોકો જાહેર રસ્તા ઉપર પણ આવી જ રીતે વીડિયો બનાવતા નજરે પડયાં. આ વીડિયો અંગે સરથાણા પોલીસે ગુનો નોંધીને કાર્યવાહી હાથ ધરી છે.

સુરતના આ લોકોએ તો રિલ્સ બનાવવામાં હદ જ કરી દીધી. BRTS રૂટ પર બનેલી રેલિંગ પર બે યુવકો ચડી ગયા. અને ત્રીજો યુવક BRTS રૂટમાં મોબાઈલ હાથમાં લઈને વીડિયો બનાવી રહ્યો છે. જ્યાં આ લોકો રિલ્સ બનાવી રહ્યા છે, તેની બાજુમાં જ ચેતવણીનું બોર્ડ છે. જેમાં સ્પષ્ટ લખ્યુ છે કે રસ્તો સાવધાની પૂર્વક પસાર કરવો. તેમ છતાં રિલ્સ બનાવવામાં ભાન ભૂલેલા આ યુવકોને કોઈ ફર્ક પડતો નથી અને તેઓ બિંદાસપણે BRTS રૂટમાં રિલ્સ બનાવી રહ્યા છે.

આ પણ વાંચો :-

દાદાએ પૌત્ર માટે ચાઈનીઝ રમકડું ખરીદ્યુ, અને બીજા જ દિવસે તૂટ્યું, કોર્ટમાં પહોંચ્યો મામલો

News Editor
-
0
  • કોર્ટે કહ્યું કે રમકડા પર ભારતીય બજાર ગેરેન્ટી આપી શકે નહિ. તેમજ ખરીદનાર અને ગ્રાહક વચ્ચે થયેલા આર્થિક વ્યવહારને ધ્યાનમાં રાખીને કારની ખરીદ કિંમત પરત આપવા આદેશ કર્યો.

ચાઈનીઝ વસ્તુઓ ખરીદતા લોકો માટે લાલબત્તી સમાન કિસ્સો સામે આવ્યો છે. ૧૬ હજારનું ચાઈનીઝ રમકડું ખરીદીને ૨૪ કલાકમાં તૂટી જ જતા ગ્રાહકે કોર્ટના દરવાજા ખખડાવ્યા હતા. ગ્રાહક કોર્ટમાં અરજી કરતા કોર્ટે એવી ટકોર કરી કે, ચાઈનીઝ રમકડા પર ભારતીય બજાર ગેરેન્ટી આપી શકે નહિ.

બન્યું એમ હતું કે અમદાવાદના ઘાટલોડિયામાં રહેતા દુષ્યંત તનેજાએ તેમના પૌત્ર માટે ચાઈનીઝ બનાવટની ૧૬ હજારની કિંમતની ઈલેક્ટ્રીક અને બેટરીવાળી બાઈક ખરીદી હતી. મોંઘીદાટ ઈલેક્ટ્રીક બાઈક ખરીદ્યાના ૨૪ કલાકમાં જ તે તૂટી ગઈ હતી. કાર પર ૦૭ વર્ષની વોરંટી હોવાછી તેઓ કાર બદલવા ગયા હતા. પરંતુ દુકાનદારે તેમને ન તો કાર બદલી આપી ન તો રિફંડ આપ્યુ. તેથી તેઓએ ગ્રાહક સુરક્ષા કોર્ટમાં ફરિયાદ દાખલ કરી હતી.

તેમજી અરજી પર ગ્રાહક કોર્ટે ટકોર કરી કે, ચાઈનીઝ બનાવટના રકમડા હોવાથી ભારતીય બજાર તેની ગેરેન્ટી નથી આપતું. ચાઈનીઝ રમકડાની અંદર કયા સ્પેરપાર્ટસ છે, તેના પર વોરંટી છે કે નહિ તેના અંગે વોરંટી કાર્ડ પર સૂચના લખઈ હોય તો તે વાંચ્યા વગર મોંઘા રમકડા ખરીદવા છતા તેના પર વળતર મળતુ નથી. બેટરી સંચાલિત કારના છુટા સ્પેરપાર્ટસ જુદા હોવાથી તે તૂટી જાય છે. તેથી તેનુ વળતર ચૂકવી શકાય નહિ. બેટરીને લઈને કોઈ સમસ્યા હોય તો જ તેનુ વળતર મળે.

કોર્ટે કહ્યું કે રમકડા પર ભારતીય બજાર ગેરેન્ટી આપી શકે નહિ. તેમજ ખરીદનાર અને ગ્રાહક વચ્ચે થયેલા આર્થિક વ્યવહારને ધ્યાનમાં રાખીને કારની ખરીદ કિંમત પરત આપવા આદેશ કર્યો છે.

ભૂલ કોની :

દુષ્યંત તનેજાએ પોતાના પૌત્રને જન્મદિવસ પર આ કાર ગિફ્ટ આપી હતી. જેને ૧૬ હજારમાં ખરીદાઈ હતી. કારની બનાવટ ચાઈનીઝ છે. જેમાં કારની વોરન્ટી ૦૭ વર્ષની અને બેટરીની ૪ વર્ષની છે. ચાઈનીઝ રમકડા પર સૂચના લખાયેલી હતી કે ૧૨ વર્ષ અને ૩૫ કિલોથી વધુના વજનના લોકોએ તેના પર બેસવુ નહિ. તેમના પૌત્રનું વજન ૨૨ કિલો છે. તે કાર પર બેસતા બીજા જ દિવસે તેનું સ્ટીયરિંગ તૂટી ગયું હતું. કારની સીટ પણ તૂટી ગઈ હતી

આ પણ વાંચો :-

 

Mahindra Thar : મહિન્દ્ર થારના શોખીનો માટે ખુશખબર, આ તારીખે ઈલેક્ટ્રિક થાર પરથી ઉઠશે પડદો

News Editor
-
0
  • ઓટો મેકર કંપની મહિન્દ્રા એન્ડ મહિન્દ્રા બહુ જલદી મહિન્દ્રા થાર ઈલેક્ટ્રિક (Mahindra Thar Electric) પરથી પડદો ઉઠાવશે. થારનો કોન્સેપ્ટ EV 4X4 સેટ અપ હશે. કોન્સેપ્ટ ઈવીમાં ક્રેબ સ્ટીયર કે ક્રેબ વોક ક્ષમતા સાથે ક્વાડ-મોટર સેટઅપ હોવાની આશા છે.

ઓટો મેકર કંપની મહિન્દ્રા એન્ડ મહિન્દ્રા બહુ જલદી મહિન્દ્રા થાર ઈલેક્ટ્રિક (Mahindra Thar Electric) પરથી પડદો ઉઠાવશે. થારનો કોન્સેપ્ટ EV 4X4 સેટ અપ હશે. કોન્સેપ્ટ ઈવીમાં ક્રેબ સ્ટીયર કે ક્રેબ વોક ક્ષમતા સાથે ક્વાડ-મોટર સેટઅપ હોવાની આશા છે. એસયુપી બહુ ઓછી જગ્યામાં પણ ઘૂમી શકે છે. આ સાથે જ તે ૩૬૦ ડિગ્રી ઘૂમી શકે છે.

મહિન્દ્રા એન્ડ મહિન્દ્રા ૧૫ ઓગસ્ટના રોજ મહિન્દ્રા થાર ઈલેક્ટ્રિક પરથી પડદો ઉઠાવશે. ઈલેક્ટ્રિક થારની કિંમત અને લોન્ચ ડેટની ડીટેલ હજુ બહાર પાડવામાં નથી આવી. કંપની ઈલેક્ટ્રિક થાર માટે નવા ઈવી પ્લેટફોર્મને વિક્સિત કરશે. અત્રે જણાવવાનું કે મહિન્દ્રાએ આ વર્ષની શરૂઆતમાં મહિન્દ્રા થારની નવી રેન્જની રજૂઆત કરી હતી. તેની શરૂઆત એક્સ શોરૂમ કિંમત ૯.૯૯ લાખ રૂપિયાથી શરૂ થાય છે.

Mahindra Thar અલગ અલગ એન્જિનના ઓપ્શનમાં આવે છે. આ કાર પેટ્રોલ અને ૨ ડીઝલ એન્જિન ઓપ્શનમાં મળે છે. કંપનીએ આ કારમાં ૨.૦ લીટરનું પેટ્રોલ એન્જિન આપ્યં છે. જે ૬ સ્પીડ મેન્યુઅલ અને ૬ સ્પીડ ઓટોમેટિક ટ્રાન્સમીશન સાથે આવે છે. આ એન્જિન ૧૫૨ પીએસની મેક્સિમમ પાવર અને ૩૦૦-૩૨૦ નો ટોર્ક જનરેટ કરે છે.

જ્યારે ડિઝલ વેરિએન્ટની વાત કરીએ તો ૧.૫ લીટર ડીઝલ એન્જિન ૧૧૨ પીએમસનો મેક્સિમમ પાવર અને 300nM નો ટોર્ક જનરેટ કરે છે. આ એન્જિન સાથે ૬ સ્પીડ મેન્યુઅલ ટ્રાન્સમિશન સાથે આવે છે. આ ઉપરાંત એક ૨।૨ લીટરનું ડીઝલ એન્જિન વેરિએન્ટ પણ છે. ૧૩૨ પીએમનો પાવર અને 300 nM નો ટોર્ક જનરેટ કરે છે. આ એન્જિનમાં ૬ સ્પીડ મેન્યુઅલ અને ૬ સ્પીડ ઓટોમેટિક ટ્રાન્સમીશન મળે છે.

આ પણ વાંચો :-

ISKCON Bridge Case : તથ્ય પટેલે કોર્ટમાં શું કરી અરજી, જાણીને ચોંકી જશો

News Editor
-
0
  • તથ્ય પટેલે ૧૯મી જુલાઈની રાત્રે સર્જેલા અકસ્માતમાં ૦૯ લોકોને જીવતા કચડી નાખ્યા હતા.

શહેરના ઈસ્કોન બ્રિજ પર પૂરપાટ ઝડપે જેગુઆર કારથી અકસ્માત સર્જી ૦૯ લોકોના જીવ લેનારા તથ્ય પટેલે મિર્ઝાપુર કોર્ટમાં અરજી કરી છે. જેમાં તેણે જેલમાં પોતાના ભણતરની વ્યવસ્થા કરવા અને ઘરનું ભોજન આપવા માંગ કરી છે. આગામી દિવસો કોર્ટ આ મુદ્દે નિર્ણય લેશે. તથ્ય પટેલને જેલમાંથી આજે કોર્ટમાં રજૂ કરવાનો હતો પરંતુ કેસને લગતા ડોક્યુમેંટ આવતીકાલે કોર્ટમાં રજૂ કરાશે તેથી તેને આવતીકાલે કોર્ટમાં રજૂ કરવામાં આવી શકે છે.

તથ્ય પટેલની આંખોનું નિરીક્ષણ કરવામાં આવ્યું હતું. આ કેસમાં પોલીસ દ્વારા વિવિધ પાસા અંગે તપાસ કરવામાં આવી રહી છે. ત્યારે તથ્ય પટેલની આંખોનું પણ નિરીક્ષણ કરવામાં આવ્યું હતું. જો કે તથ્ય પટેલની આંખોમાં કોઈ ખામી ન હોવાનો રિપોર્ટમાં ખુલાસો થયો છે. તથ્ય પટેલનો આઈ વિઝન ટેસ્ટનો ચાર્જશીટમાં સમાવેશ કરાયો છે.

તથ્ય પટેલે ૧૯મી જુલાઈની રાત્રે સર્જેલા અકસ્માતમાં ૯ લોકોને જીવતા કચડી નાખ્યા હતા. આ ગોઝારી ઘટનાએ માત્ર અમદાવાદ નહીં પરંતુ આખા ગુજરાતને હચમચાવી નાખ્યું હતું. મોડી રાત્રે બનેલી એક અકસ્તમાની ઘટનામાં લોકો ટોળો વળ્યા હતા અને પોલીસ તપાસ કરી રહી હતી ત્યારે ૧૪૦ કરતા વધુ ગતિમાં જેગુઆર કાર લઈને આવેલા તથ્યએ લોકોને કચડી નાખ્યા હતા.

જોકે તથ્યની અમુક જ કલાકોમાં ધરપકડ કરી લેવામાં આવી હતી. તથ્ય પટેલે આચરેલા કૃત્ય સામે ૧૭૦૦ પાનાની ચાર્જશીટ તૈયાર કરવામાં આવી હતી. જેમાં તેનો DNA રિપોર્ટ, FSL રિપોર્ટ સહિતની બાબતોનો ઉલ્લેખ ચાર્જશીટમાં કરવામાં આવ્યો હતો. માત્ર ૧૦ દિવસની અંદર ૯ લોકોને કચડી નાખનારા તથ્ય પટેલ સામેની ચાર્જશીટ અમદાવાદ ગ્રામ્ય કોર્ટમાં ફાઈલ કરી દેવામાં આવી હતી. જેમાં ૫૦ લોકોના પોલીસને નિવેદન લીધા હતા.

અકસ્માત સ્થળ રૂટના CCTV ફૂટેજ, તથ્યનો DNA રિપોર્ટ, FSL રિપોર્ટ સહિતનો ઉલ્લેખ કરવામાં આવ્યો હતો. મધરાતે સર્જાયેલા અકસ્માત મામલે ઈસ્કોન બ્રિજ પર ટોળું ભેગું થયું હતું. ત્યારે પાછળથી પૂરપાટ ઝડપે આવતી જેગુઆર કારે ટોળાને કચડી માર્યા હતા. જેમાં ૯ લોકોના મોત નીપજ્યા હતા.

જ્યારે અન્ય કેટલાક લોકો ઘાયલ થયા હતા. આ દુર્ઘટનામાં એક પોલીસ કોન્સ્ટેબલ અને હોમગાર્ડ જવાનનું પણ મોત નીપજ્યું હતું. નોંધનીય છે કે, અગાઉ આ કેસમાં કારચાલક તથ્યનો આલ્કોહોલ રિપોર્ટ નેગેટિવ આવ્યો હતો. ૯ લોકોના મોતના આરોપીનો રિપોર્ટ નેગેટિવ આવ્યો હતો.

આ પણ વાંચો :-

 

શરીર માટે ‘અમૃત’ સમાન છે આ શાકભાજી, માર્કેટમાં માત્ર ૦૪ મહિના જ આપે છે દેખાડો

News Editor
-
0
  • પોષકતત્વોનાં ભંડાર એવા કાચરી સ્વાસ્થ્ય માટે અત્યંત લાભદાયી હોય છે. તેનું શાક જમવાથી શરીર બીમારીઓથી દૂર રહે છે.

દેશનાં અલગ-અલગ વિસ્તારોમાં ભિન્ન-ભિન્ન પ્રકારનાં શાક બનાવવામાં અને ઊગાડવામાં આવે છે. એવું જ એક ગુણકારી વેજીટેબલ છે કાચરી. કાચરીમાં અનેક પ્રકારનાં પોષકતત્વો હોય છે જે શરીર માટે અત્યંત જરૂરી હોય છે. આ શાક રાજસ્થાનમાં સૌથી વધુ ઊગે છે અને ૩-૪ મહિના માટે જ બજારમાં ઉપલબ્ધ હોય છે. અંગ્રેજીમાં તેને Mouse Melon કહેવામાં આવે છે. કાચરી શરીર માટે અત્યંત ફાયદાકારક હોય છે. માહિતી અનુસાર લીલી કાચરી બજારમાં ૬૦-૮૦ રૂપિયે કિલો વેંચાતી હોય છે.

રીરને બીમારીઓથી બચાવી શકાય છે

કાચરીનું શાક પ્રોટીનનો બેસ્ટ સોર્સ હોય છે. તેનાં સેવનથી ગેસ્ટ્રોઈંટેસ્ટાઈનલની પીડા પણ દૂર થાય છે. કેટલાક લોકો એવું પણમાને છે કે કાચરીનું સેવન કરવાથી શરીરને બીમારીઓથી બચાવી શકાય છે. કાચરીમાં અનેક પાવરફુલ એંટીઓક્સીડેંટસ હોય છે જે સ્વાસ્થ્ય માટે ચમત્કારી સાબિત થઈ શકે છે. કાચરીને સુકાવીને ખાવામાં આવે છે એટલું જ નહીં તેનો પાઉડર પણ બનાવવામાં આવે છે. KACHRI POWDER રાજસ્થાની વ્યંજનોમાં ખાસ ઉપયોગમાં લેવાય છે.

કાચરીનું શાક ખાવાનાં ૫ મોટા ફાયદાઓ :

  1. કાચરીમાં એંટીઓક્સીડેંટ ભરપૂર માત્રામાં હોય છે જેના લીધે આપણાં શરીરની ઈમ્યૂન સિસ્ટમ બૂસ્ટ થઈ શકે છે. પરિણામે બીમારીઓનો ભય પણ ઓછો થઈ જાય છે.
  2. કાચરીમાંથી મોટા પ્રમાણમાં પ્રોટીન મળી રહે છે તેથી તેના સેવન બાદ મસલ્સને મજબૂતી મળે છે.
  3. માનવામાં આવે છે કે કાચરીનાં સેવનથી ગેસ્ટ્રોઈંટેસ્ટાઈનલ ઈંફેક્શન સહિત અનેક સમસ્યાઓ દૂર થઈ શકે છે. તેનું સેવન પેટ માટે લાભદાયી હોય છે.
  4. ડાયટમાં કાચરીનો સમાવેશ કરવાથી ભૂખ ન લાગવાની સમસ્યા પણ દૂર થાય છે.
  5. કાચરીને ડાયાબિટીઝનાં દર્દીઓ માટે લાભકારી માનવામાં આવે છે. તેનાથી બ્લડ શુગરને કંટ્રોલ કરવામાં પણ મદદ મળે છે.

આ પણ વાંચો :-

Rashifal 2023 : વૃશ્ચિક રાશિના જાતકોએ શત્રુથી સાવધાન રહેવું, જુઓ શું કહે છે અન્ય રાશિના જાતકોનું આજનું રાશિફળ

News Editor
-
0

મેષઃ
સ્વભાવમાં ગુસ્સાનું પ્રમાણ વધારે રહે. આવકમાં વધારો થાય. પરિવાર માં થોડો મતભેદ જણાય. મિલકત માં કરેલા રોકાણો થી ફાયદો થાય. નોકરી-ધંધા માં રાહતનો અનુભવ થાય. અગ્નિ થી સાચવવું.

વૃષભઃ
દિવસ ની શરૂઆત મોજ શોખ થી થાય. ભાગ્ય સાથ આપતું જણાય. આવકમાં વધારો થાય. માન-સન્માન વધે. વિશ્વાસઘાત નો ભોગ ન બનાય એનું ધ્યાન રાખવું. ચામડીના રોગથી સાચવવું.

મિથુનઃ
જક્કી અને જડ વલણનો ત્યાગ કરવો. આર્થિક પાસુ મજબુત બનતુ જણાય. સંતાન સાથે મતભેદ રહે. ફસાયેલા નાણાં છુટા થાય. અ‌શક્તિનો અનુભવ થાય. મિત્રો તરફથી લાભ મળે. નોકરી-ધંધામાં સામાન્ય.

કર્કઃ
દિવસની શરૂઆત આનંદથી થાય. આવક આવતી અનુભવી શકાય. પરિવાર માં મતભેદ ની શક્યતા છે. શેર બજાર થી લાભ મળે. જીવનસાથી સાથે આનંદ થી દિવસ વ્યતિત થાય. દગા-ફટકાનો ભોગ બની શકાય.

સિંહઃ
પ્રભાવમાં વધારો થાય. માન-સન્માન વધે. સફેદ વસ્તુની ખરીદી થાય. આર્થિક ઉપાર્જન સારૂં થાય. સ્થવાર-જંગમ મિલકતથી લાભ, સંતાનની ચિંતા રહે. શરદી, ખાંસી, કફનો ઉપદ્રવ રહે. ડાયાબીટીસ ના દર્દીઓએ સાચવવું.

કન્યાઃ
વાણી ઉપરનો પ્રભાવ વધે. આનંદ થી દિવસ વ્યતિત થાય. નાણાં ની વૃધ્ધિ થતી જણાય. પરિવારમાં શાંતિ મનમેળ રહે. સંતાન તરફ થી આનંદ ના સમાચાર મળે. ભાગ્ય માં વૃદ્ધિ થાય. આદ્યાત્મિક પ્રગતિ થાય.

તુલાઃ
દિવસની શરૂઆત આનંદથી થાય. ખોટું લાગે એવા પ્રસંગો બને. પ્રોપર્ટી થી લાભ મેળવી શકાય. કુટુંબ માં શાંતિ અને સંપ રહે. તંદુરસ્તી જળવાય. પત્નિના ગુસ્સાનો સામનો કરવો પડે.

વૃશ્ચિકઃ
આત્મવિશ્વાસમાં વધારો થાય. નાણાંકીય બાબતો અંગે અસંતોષ રહે. પરિવાર માં સુખ-શાંતિ જળવાય. મિલકતમાંથી આવક મેળવી શકાય. દામ્પત્ય સુખમાં આનંદ અનુભવી શકાય. પડવા-વાગવા થી સાચવવું.

ધનઃ
માનસિક રીતે અજંપો રહે. આવક માટે દિવસ સામાન્ય છે. પરિવાર માં મનમેળ રહે. માતૃસુખ સારૂ મળે. ખોટા વિચારોથી દૂર રહેવું. શરદી-કફ ના રોગોથી સાવચેતી રાખવી. એકંદરે સામાન્ય દિવસ વ્યતિત થાય.

મકરઃ
ખુબજ સુંદર રીતે દિવસ વ્યતિત થાય. આવક આવતી જણાય. પરિવાર માં આનંદ. સંતાનોની પ્રગતિથી મન હરખાય. આરોગ્ય સારૂ રહે. જીવનસાથી સાથે આનંદનો અનુભવ થાય. નોકરી, ધંધા માં પ્રગતિ થાય.

કુંભઃ
મક્કમ મનોબળની અનુભૂતિ થાય. સ્થાવર જંગમ મિલકતથી લાભ. પરિવાર માં આનંદ. સંતાનોથી ચિંતા રહે. આંખના રોગોથી સાચવવું. ભાગ્યમાં વૃદ્ધિ થાય. ધાર્મિક કાર્ય કરી શકાય. નોકરી-ધંધામાં સારૂં.

મીનઃ
મિલનસાર સ્વભાવ રહે. નાણાંની આવક વધતી જણા. પરિવાર માં ખુશી. સ્થાવર-જંગમ મિલકત, શેરબજાર માં રોકાણ ટાળવું. માતાની તબિયતનું ધ્યાન રાખવું. સંતાનો તરફથી આનંદ. નોકરી-ધંધા બાબતે અસંતોષ રહે.

આ પણ વાંચો :-

The Kerala Story ફેમ અદા શર્માએ ફિલ્મોમાંથી લીધો બ્રેક, નિર્ણય જાહેર કરી ચાહકોને ચોંકાવ્યા

News Editor
-
0
  • ધ કેરેલા સ્ટોરી ફિલ્મથી પોતાના અભિનયનો દમ દેખાડનાર અદા શર્માના ચાહકો માટે માઠા સમાચાર સામે આવ્યા છે. અદા શર્મા હવે ફિલ્મોમાંથી બ્રેક લેવાની છે. આમ કરવાનું કારણ તેની મેડિકલ કંડિશન છે. અદા શર્માને ત્વચા સંબંધિત સમસ્યા થઈ ગઈ છે જેના કારણે તે સ્ક્રીન પર પણ આવી શકે તેમ નથી.

ધ કેરેલા સ્ટોરી ફેમ ફિલ્મ અભિનેત્રી અદા શર્માએ તેના ચાહકોને ચોંકાવી દીધા છે. અભિનેત્રીએ ઈંસ્ટાગ્રામ પર એક પોસ્ટ કરીને કન્ફર્મ કર્યું છે કે તે હવે ફિલ્મોથી બ્રેક લેશે. થોડા સમય પહેલા જ ફૂડ એલર્જીના કારણે અદા શર્મા ને હોસ્પિટલમાં દાખલ કરવામાં આવી હતી.

હોસ્પિટલમાં દાખલ થયાની વાતને પણ એક્ટ્રેસએ કન્ફર્મ કરી છે. અદા શર્માએ પોતાની પોસ્ટમાં જણાવ્યું હતું કે તેને સ્કીન ઉપર રેશિસ થઈ ગયા હતા. સ્કીન એનર્જી તેના શરીરથી ચહેરા સુધી ફેલાઈ ગઈ છે. તેની મેડિકલ કન્ડિશનના કારણે તે હાલ ફિલ્મોમાંથી બ્રેક લેશે.

ધ કેરેલા સ્ટોરી ફેમ અદા શર્માએ ઈંસ્ટાગ્રામ પર એક પોસ્ટ શેર કરીને તેના ચાહકો અને ફેનક્લબનો આભાર માન્યો છે. સાથે જ તેણે ડિસ્ક્લેમર પણ લખ્યું છે કે જો તમે સ્કીન રેશિસના ફોટો જોઈને ડરતા હોય તો ફોટો સ્વાઈપ ન કરતા. કારણ કે ફોટા ભયંકર છે.

સાથે જ તેણે લખ્યું છે કે કેટલીક હેલ્થ કન્ડિશનના કારણે તેને ત્વચા ઉપર રેશિસ થઈ ગયા છે. હાથ ઉપર થયેલા નિશાનને તે કપડાંથી છુપાવી શકતી હતી પરંતુ હવે નિશાન તેના ચહેરા પર પણ દેખાવા લાગ્યા છે. અભિનેત્રીએ લખ્યું છે કે જ્યારે તેને એલર્જી થઈ તો તેણે દવા લીધી અને તેના કારણે તબિયત વધારે ખરાબ થઈ ગઈ. હાલ તે દવા અને ઈન્જેક્શન લઈ રહી છે.

આ સાથે જ તેણે ફિલ્મોમાંથી બ્રેક લેવાની વાત પણ અનાઉન્સ કરી છે. અદા શર્માએ લખ્યું છે કે તેની મેડિકલ કન્ડિશનના કારણે તે ફિલ્મોમાંથી નાનકડો બ્રેક લઈ રહી છે અને આગળ તે આયુર્વેદિક ટ્રીટમેન્ટ લેશે.

આ પણ વાંચો :-

રાહુલ ગાંધી સાથે લગ્ન કરવા તૈયાર છે આ અભિનેત્રી! પણ મૂકી આ શરત, લોકોએ કહ્યું…..

News Editor
-
0
  • એક્ટ્રેસ અને મોડલ શર્લિન ચોપડા મોટાભાગે પોતાના નિવેદનોના કારણે ચર્ચામાં રહે છે. આ વચ્ચે એક્ટ્રેસનું લગ્ન સાથે જોડાયેલું એક નિવેદન ચર્ચામાં છે.

એક્ટ્રેસ શર્લિન ચોપડા સોશિયલ મીડિયા પર ખૂબ છવાયેલી છે. એક્ટ્રેસ હંમેશા ફેંસનું ધ્યાન પોતાના તરફ કરવામાં સફળ રહે છે. શર્લિનના કપડાંથી લઈને તેમની હરકતોને લઈને જ ઈન્ટરનેટ પર ચર્ચાનું કારણ બની રહે છે. એક્ટ્રેસના વીડિયો મોટાભાગે વાયરલ થતા રહે છે. જોકે શર્લિનનું નામ ઘણા વિવાદોની સાથે પણ જોડાયેલું છે. પરંતુ તે પોતાનું જીવન બિંદાસ રીતે જીવે છે.

આ વચ્ચે શર્લિનનો એક વીડિયો ખૂબ જ ચર્ચામાં છે. હકીકતે વાયરલ વીડિયોમાં શર્લિનને પ્રશ્ન કરવામાં આવ્યો કે તે રાહુલ ગાંધી સાથે લગ્ન કરવા માંગે છે. જેનો જવાબ આપતા જ તેમણે કહ્યું કે હા કેમ નહીં. તેની આગળ શર્લિને એક શરત પણ મુકી દીધી અને કહ્યું કે તે ઈચ્છે છે કે લગ્ન બાદ તેની સરનેમ ચોપડા જ રહે.

Sherlyn Chopra has the most savage response to trolls. Watch video | Telugu Movie News - Times of India

શર્લિનના આ વીડિયોના સામે આવ્યા બાદ યુઝર્સ સતત તેના પર કમેન્ટ કરી રહ્યા છે. એક યુઝરે કમેન્ટમાં લખ્યું, લાગે છે કે રાખી સાવંત વાળો નશો તેણે પણ કરી દીધો છે. એક યુઝરે લખ્યું રાહુલ ગાંધીને પોતાનું જીવન બર્બાદ નથી કરવું તેની સાથે લગ્ન કરીને. બીજા યુઝરે લખ્યું તારી સાથે તો તે લગ્ન ક્યારેય નહીં કરે. આટલું જ નહીં એક અન્ય યુઝરે લખ્યું કે તમે તો કરી લેશો પરંતુ તે નહીં કરે.

આ પણ વાંચો :-

સીમા હૈદરની આવનારી ફિલ્મના ડિરેક્ટરને મળી ધમકી, જાણો શું છે મામલો

News Editor
-
0
  • રાજસ્થાનના ઉદયપુરમાં દરજી કન્હૈયા લાલની હત્યા પર ફિલ્મ બની રહી છે. ફિલ્મના મેનેજિંગ ડિરેક્ટર અમિત જાનીએ આ ફિલ્મ માટે પાકિસ્તાનથી ભારત આવેલી સીમા હૈદરને પણ રોલ ઓફર કર્યો છે.

જેના માટે સીમાએ પણ સંમતિ આપી છે. પરંતુ આ દરમિયાન અમિત જાનીને પણ ધમકીઓ મળવા લાગી છે. અમિત જાનીનો આરોપ છે કે સમાજવાદી પાર્ટીના પૂર્વ પ્રવક્તા અભિષેક સોમ અને મોનુ માનેસરે તેમને ધમકી આપી છે.

અભિષેકે તેમને વીડિયો દ્વારા ધમકી આપી છે કે તે તેના ગુંડાઓ સાથે મળીને ફિલ્મના સેટ પર હુમલો કરશે. તેનો વીડિયો પણ સોશિયલ મીડિયા પર વાયરલ થયો છે. ફિલ્મ નિર્દેશક અમિત જાનીએ ટવિટ દ્વારા યુપી પોલીસના અધિકારીઓને આ અંગે ફરિયાદ કરી છે.

અમિતે ટવીટ કર્યું, “હું જાની ફાયરફોક્સ મીડિયા પ્રાઈવેટ હાઉસ લિમિટેડનો મેનેજિંગ ડિરેક્ટર છું. મારું પ્રોડક્શન હાઉસ ગયા વર્ષે ઉદયપુરમાં દરજી કન્હૈયા લાલ સાહુની હત્યા પર એક ફીચર ફિલ્મ બનાવી રહ્યું છે. જેની કાસ્ટિંગ ચાલી રહી છે. આગામી મહિને એટલે કે સપ્ટેમ્બરમાં શૂટિંગ કરવાનું નક્કી કરવામાં આવ્યું છે. આજે મેં મીડિયા ગ્રુપમાં એક વીડિયો વાયરલ જોયો જે મેરઠના રહેવાસી અભિષેક સોમનો છે. વીડિયોમાં અભિષેક સોમે મને ધમકી આપી છે.

ટવિટમાં અમિતે આગળ લખ્યું, “અભિષેકે મને ધમકી આપી છે કે તે હંગામો મચાવશે અને ફિલ્મના સેટમાં તોડફોડ કરશે, જેમ કે પદ્માવત ફિલ્મના શૂટિંગ દરમિયાન થયું હતું.” અમિતે પોલીસને આના પર કાર્યવાહી કરવા વિનંતી કરી છે. અમિત જાનીએ એમ પણ કહ્યું કે તેમને એક વીડિયો કોલ પણ આવ્યો છે. પરંતુ તેણે ઉઠાવ્યો નથી. ત્યારબાદ તેને એક વોઈસ મેસેજ મળ્યો જેમાં મોનુ માનેસરના નામે ધમકીઓ આપવામાં આવી છે. એવું કહેવામાં આવ્યું હતું કે જો સીમા હૈદરને રોલ આપવામાં આવશે તો પરિણામ સારું નહીં આવે.

ગયા અઠવાડિયે જાની ફાયરફોક્સ પ્રોડક્શન હાઉસની ટીમ ગ્રેટર નોઈડા પહોંચી હતી અને સીમા હૈદરને મળી હતી. ટીમે સીમાનું ઓડિશન પણ આપ્યું હતું. ટીમ દ્વારા જણાવવામાં આવ્યું હતું કે જાની ફાયરફોક્સ પ્રોડક્શન હાઉસના બેનર હેઠળ બની રહેલી ફિલ્મ ‘એ ટેલર મર્ડર સ્ટોરી’માં સીમા RAW એજન્ટની ભૂમિકા ભજવતી જોવા મળશે. આ દરમિયાન સીમાએ ટીમના સભ્યોના ચરણ સ્પર્શ કરીને આશીર્વાદ લીધા હતા. સીમા ખૂબ ખુશ દેખાતી હતી. ફિલ્મમાં કામ કરવા ઉત્સુક સીમા હૈદર કહે છે કે તે ફિલ્મમાં કામ કરવા માંગે છે. તેઓ માત્ર UP ATS તરફથી ક્લીનચીટની રાહ જોઈ રહ્યા છે.

આ પણ વાંચો :-

અંબાલાલ પટેલ કહે છે કે હજુ વરસાદ ગયો નથી મેઘસવારી પાછી આવશે

News Editor
-
0
  • Amabalal Patel Rain Prediction : અંબાલાલ પટેલ દ્વારા રાજ્યમાં કોઈ વરસાદી સિસ્ટમ ન હોવાનું જણાવ્યું છે પરંતુ વિન્ડ ગસ્ટના કારણે વરસાદ થતો રહેવાની આગાહી કરી છે.

હવામાન નિષ્ણાત અંબાલાલ પટેલે આગામી દિવસોમાં ભારે વરસાદ થવાની સંભાવનાઓ વ્યક્ત કરી છે. જોકે, અગાઉ તેમણે જે ભારે વરસાદની સંભાવના વ્યક્ત કરી હતી પરંતું સિસ્ટમ ઉત્તર પશ્ચિમ તરફ ગતિ કરતી જતા રાજ્ય પર તેની કોઈ અસર જોવા મળી નહોતી.

હાલ રાજ્યમાં ભારે વરસાદની સંભાવના ન હોવાનું રાજ્યના હવામાન વિભાગ દ્વારા તથા અન્ય હવામાન નિષ્ણાત પરેશ ગોસ્વામી દ્વારા જણાવવામાં આવ્યું છે. મહત્વનું છે કે રાજ્યના લગભગ તમામ જિલ્લાઓમાં સામાન્ય કરતા વધુ વરસાદ નોંધાઈ ચૂક્યો છે. પરંતુ તેમાં સૌરાષ્ટ્ર-કચ્છ તથા દક્ષિણ ગુજરાતમાં વરસાદનું જોર અત્યાર સુધીમાં વધુ જોવા મળ્યું છે.

અંબાલાલ પટેલે ચોથો રાઉન્ડ અગાઉના રાઉન્ડ કરતા હળવો રહેવાની સંભાવનાઓ સાથે જણાવ્યું છે કે, આ ચોથો રાઉન્ડ વરસાદી ઝાપટાંનો છે અને હળવો છે. રાજ્યમાં આગામી કલાકોમાં હળવા કે મધ્યમ વરસાદી ઝાપટાં થઈ શકે છે. હાલનું વિન્ડ ગસ્ટ જબરું છે અને તે ગુજરાતના માર્ગોમાં થઈને પાકિસ્તાન તરફથી હિમાચલ પ્રદેશ તરફ જાય છે. આ વિન્ડ ગસ્ટના કારણે આગામી દિવસોમાં પવનનું જોર વધુ રહેશે. કચ્છમાં ૪૦-૪૫ કિલોમીટર પ્રતિ કલાકની ઝડપે પવન ફૂંકાઈ શકે છે.

ગુજરાતના અન્ય ભાગોમાં ૨૦-૨૫ કિલોમીટર પ્રતિકલાકની ઝડપે પવન ફૂંકાઈ શકે છે. આ વિન્ડ ગસ્ટ ભેજ લઈને આવશે. ભેજના કારણે આગામી ૨૪ કલાકમાં રાજ્યના ભિન્ન-ભિન્ન ભાગમાં વરસાદ થવાની શક્યતાઓ રહેલી છે, આગામી ૪૮ કલાકમાં દેશનું હવામાન પણ બદલાવાની શક્યતાઓ તેમના દ્વારા વ્યક્ત કરાઈ છે.

બંગાળના ઉપસાગરમાં આવતો ભેજ પૂર્વ ભાગમાંથી વરસાદી સિસ્ટમ લઈને આવશે. આ સિસ્ટમ લગભગ મધ્યપ્રદેશ સુધી આવવાની શક્યતાઓ છે. આ માટે આગામી ૪૮ કલાકમાં દેશના હવામાનમાં પલટો આવી શકે છે. હાલ જે વરસાદ થઈ રહ્યો છે તેનું કારણ ભેજ છે. અગાઉ જે મજબૂત સિસ્ટમ બની હતી તે વિખેરાઈ ગઈ છે.

અંબાલાલ કહે છે કે ૯-૧૦ તારીખે બંગાળના ઉપસાગરમાં સિસ્ટમ બની રહી છે પરંતુ તે એટલી પ્રભાવી નથી, પરંતુ તેના કારણે પૂર્વ ભારતના હવામાનમાં પલટો આવી શકે છે. જ્યારે ૨૧મી ઓગસ્ટે એક મજબૂત સિસ્ટમ બનશે, જેના કારણે ગુજરાતના ભિન્ન-ભિન્ન ભાગોમાં વરસાદ થઈ શકે છે. ઓગસ્ટના અંતમાં ગરમી વધવાની શક્યતાઓ છે.

આ પણ વાંચો :-

1...1,0021,0031,004...1,467Page 1,003 of 1,467