- એસ.ટી બસમાં મુસાફરી કરતા એક મુસાફરને કડવો અનુભવ ત્યારે થયો જ્યારે બસના મહિલા કંડક્ટરે તેમને લેપટોપની ટિકિટ લેવા માટે કહ્યું.
આ વાત વાંચીને તમને નવાઈ લાગશે પરંતુ ગુજરાત એસ.ટીની બસમાં એક પેસેન્જર સાથે આવી ઘટના હકીકતમાં બની છે અને તેણે લેપટોપ માટે રીત સર પૈસા ચૂકવીને ટિકિટ લીધી છે.
હકીકતમાં મોડાસાથી બેંકની પરીક્ષા આપવા માટે ભાવિન પરમાર નામનો યુવક તેના મિત્ર સાથે એસ.ટી બસમાં બેસીને અમદાવાદ જતો હતો. દરમિયાન તેને કંઈક કામ હોવાથી બસમાં લેપટોપ ખોલ્યું હતું અને કામ કરી રહ્યો હતો. એટલેમાં મહિલા કન્ડક્ટર આવ્યા લેપટોપ બંધ કરવાનું કહ્યું પરંતુ કામ ચાલતું હોવાથી ભાવિને લેપટોપ બંધ ન કરતા કંડક્ટરે ટિકિટ લેવા દબાણ કર્યું હતું.
હું શનિવારે બેંકની પરિક્ષા આપવા માટે એસ.ટી બસમાં મોડાસાથી અમદાવાદ જતો હતો. રસ્તામાં મારા મિત્રનો ફોન આવતા હું લેપટોપ કાઢીને જરૂરી કામ કરી રહ્યો હતો. ત્યારે કંડક્ટર આવ્યા અને કહ્યું તમારે લેપટોપનો ઉપયોગ કરવો હોય તો ટિકિટ લેવી પડશે.
આથી મેં કહ્યું, આવો કોઈ નિયમ કે પરિપત્ર હોય તો બતાવો. તો મેડમ અસભ્ય વર્તન કરવા લાગ્યા. લગેજની ટિકિટમાં ૮૮ રૂપિયા લીધી. હું અને મારા મિત્ર હતા એની પાસે પણ લેપટોપ હતું અને બંને જોડેથી ટિકિટના પૈસા લીધા.
મહેસાણા જિલ્લાના કુકરવાડા ગામના વતની ભાવિન પરમારે આ બાબતે સોશિયલ મીડિયાના ફેસબુકમાં ટિકિટ મૂકી પોસ્ટ વાયરલ કરતા મુદ્દો ચર્ચાનો વિષય બન્યો હતો. જોકે આ બાબતે મોડાસા બસ ડેપોના મેનેજર એચ.આર પટેલે શરત ચૂકથી ટીકીટ અપાઈ ગઈ હોવાનું માલુમ પડતા ટિકિટ પેટે વસુલાત કરેલ રૂપિયા રિફંડ કરવામાં આવશે હોવાનું જણાવ્યું હતું.
આ પણ વાંચો :-
