બોલિવૂડ સ્ટારનાં મિત્ર ઓરી મુશ્કેલીમાં મુકાયા હોય તેવું લાગે છે. તેમની વિરૂદ્ધ જમ્મુના કટારા પોલીસ સ્ટેશનમાં કેસ નોંધવામાં આવ્યો છે. ઓરી પર ડીએમના આદેશોનું ઉલ્લંઘન કરવાનો અને જમ્મુના કટરા સ્થિત એક ફાઈવ સ્ટાર હોટલમાં તેના મિત્રો સાથે દારૂ પીવાનો આરોપ છે. 5 સ્ટાર હોટલમાં દારૂ પીતા હોવાનો વીડિયો પણ વાયરલ થઈ રહ્યો છે.
ઓરીની મુશ્કેલીઓમાં વધારો થઈ શકે છે. હોટલમાં દારૂ પીવાનો ફોટો સોશિયલ મીડિયામાં શેર કર્યો તેમાં ઓરી પણ દેખાઈ રહ્યો છે. તમને જણાવી દઈએ કે, કટરામાં વૈષ્ણો દેવી માતાનું મંદિર આવેલું છે. જેને હિંદુ ધર્મનું પવિત્ર સ્થાન માનવામાં આવે છે. જેના કારણે અહીં દારૂ પર પ્રતિબંધ છે. જો કે, ઓરીએ અહીં તેના મિત્રો સાથે દારૂ સાથે નોનવેજની પાર્ટી કરી હતી. મીડિયા રિપોર્ટ દ્વારા એવું પણ જાણવા મળ્યું કે, ઓરીને અને તેના મિત્રો પહેલા જ કહેવામાં આવ્યું હતું કે, અહી દારૂ અને નોનવેજ પર પ્રતિબંધ છે. તેમ છતાં સૂચનાઓને અવગણીને દારૂની પાર્ટી કરી હતી. જેથી તેની સામે ફરિયાદ દાખલ કરવામાં આવી છે.
રિપોર્ટ પ્રમાણે ઓરી અને તેના મિત્રો દર્શન સિંહ, પાર્થ રૈના, રિતિક સિંહ, રક્ષિતા ભોગલ, ઋષિ દત્તા, શગુન કોહલી અને અનસતાસિલા અર્જમસ્કિના સાથે અહીં 15 માર્ચે દારૂની પાર્ટી કરી હતી. ઓરીએ તાજેતરમાં જ તેના ઇન્સ્ટાગ્રામ એકાઉન્ટ પર એક વીડિયો શેર કર્યો, જેમાં તે મિત્રો સાથે પાર્ટી કરતો જોવા મળી રહ્યો છે. વીડિયોમાં દારૂની બોટલો સ્પષ્ટ દેખાઈ રહી હતી, જે ત્યાં ટેબલ પર રાખવામાં આવી હતી. જેથી આ મામલે કટરા પોલીસે કાર્યવાહી હાથ ધરી અને એફઆઈઆર દાખલ કરી અને તમામ લોકો સામે કાયદેસરની કાર્યવાહી હાથ ધરી દીધી છે.
ઓરી સાથે તેના 7 મિત્રો દર્શન સિંહ, પાર્થ રૈના, ઋત્વિક સિંહ, રાશિ દત્તા, રક્ષિતા ભોગલ, શગુન કોહલી અને અનાસ્તાસિલા અરઝામાસ્કીના પણ આ કેસમાં સામેલ છે. તે બધાને કહેવામાં આવ્યું હતું કે કુટીર સ્યુટની અંદર દારૂ અને માંસાહારી ખોરાક લેવાની મંજૂરી નથી કારણ કે આવા દિવ્ય માતા વૈષ્ણો દેવી મંદિરમાં આવું કરવું સખત પ્રતિબંધિત છે.ઓરી તેના મિત્રો સાથે બેસીને દારૂ પીતો હતો.
