પોલીસે જણાવ્યું કે છોકરીના પરિવારે છોકરાની માતાને ખેંચી, તેને નગ્ન કરી અને પછી તેને ઇલેક્ટ્રિક પોલ સાથે બાંધી દીધી. પોલીસે ઘટનાસ્થળે પહોંચીને મહિલાને મુક્ત કરાવી હતી. આ ઘટનાના સંબંધમાં ૭ લોકોની ધરપકડ કરવામાં આવી છે અને મામલાની તપાસ કરવામાં આવી રહી છે. કોઈ અનિચ્છનીય બનાવ ન બને તે માટે વધારાના દળો તૈનાત કરવામાં આવ્યા છે. બેલાગવી પોલીસ કમિશનર સિદ્ધારમપ્પાએ જણાવ્યું હતું કે ૨૪ વર્ષીય અશોક અને ૧૮ વર્ષીય પ્રિયંકા બંને એક જ સમુદાય અને એક જ ગામના છે. બંને એકબીજાને પ્રેમ કરતા હતા. તેણે જણાવ્યું કે બંને સોમવારે રાત્રે લગભગ ૧૨:૩૦ વાગે ગામમાંથી ભાગી ગયા હતા.
આનાથી ગુસ્સે થઈને છોકરીના માતા-પિતા અને સંબંધીઓ છોકરાના ઘરમાં ઘૂસી ગયા હતા અને તેની માતા સાથે અમાનવીય વર્તન કર્યું હતું, એમ અધિકારીઓએ જણાવ્યું હતું. તેમણે કહ્યું, ‘સવારે ૪ વાગે માહિતી મળતાં અમારા પોલીસ સબ-ઇન્સ્પેક્ટરે ગામની મુલાકાત લીધી, ત્યારબાદ અન્ય વરિષ્ઠ અધિકારીઓ પણ ત્યાં પહોંચ્યા. ૭ લોકોની ધરપકડ કરવામાં આવી છે. તેમણે કહ્યું કે કાકટી પોલીસ સ્ટેશનમાં કેસ નોંધવામાં આવ્યો છે. આ ઘટના પર ટિપ્પણી કરતા મુખ્યમંત્રી સિદ્ધારમૈયાએ કહ્યું કે જે લોકોએ ગુનો કર્યો છે તેમની સામે કડક કાર્યવાહી કરવામાં આવશે.
આ ઘટનાને અત્યંત અમાનવીય ગણાવતા મુખ્યમંત્રી સિદ્ધારમૈયાએ બાદમાં સોશિયલ મીડિયા પ્લેટફોર્મ X પર એક પોસ્ટમાં કહ્યું, ‘આનાથી સમગ્ર સમાજનું માથું શરમથી ઝૂકી ગયું છે. અમારી સરકાર કોઈપણ કારણોસર આવા ધિક્કારપાત્ર કૃત્યોને સહન કરશે નહીં. આ મામલામાં કેટલાક લોકોની ધરપકડ પણ થઈ ચૂકી છે. ગુનેગારોને કડકમાં કડક સજા મળે તે માટે કાર્યવાહી કરીને પીડિત પરિવારને ન્યાય અપાવવાની જવાબદારી અમારી છે.
આ પણ વાંચો :-
