- પ્રેમ ખાતર પાકિસ્તાનથી ભારત આવેલી સીમા હૈદરની લવ સ્ટોરી પર સવાલ ઉઠી રહ્યાં છે. યુપી એટીએસ તરફથી સીમા હૈદર અને સચિનને પૂછપરછ કરવામાં આવી રહી છે.
કાઠમાંડૂના નવા બસપાર્ક શહેરમાં સ્થિત ન્યૂ વિનાયક રોલ્પા જલજલા ગેસ્ટ હાઉસનો રૂમ નંબર ૨૦૪ સીમા હૈદર (Seema Haider) અને સચિન મીણા (Sachin Meena)ના પ્રેમની કંઈક અલગ હકીકત જણાવી રહ્યો છે. હકીકતમાં પાકિસ્તાનથી ભારત આવેલી સીમા હૈદરે નોઈડાના સચિન મીણા સાથે આ હોટલમાં ૭ દિવસ પસાર કર્યાં હતા.
હોટલમાં એન્ટ્રીની તારીખ ૧૦ માર્ચ ૨૦૨૩ હતી. હોટલનું એક દિવસનું ભાડુ ૫૦૦ રૂપિયા હતું. ટીવી રિપોર્ટ પ્રમાણે હોટલના રજિસ્ટરમાં સચિન અને સીમાના નામે કોઈ એન્ટ્રી થઈ નથી. બંનેએ પોતાનું નામ બદલીને હોટલમાં એન્ટ્રી લીધી હતી.
હોટલના રિસ્પેશનિસ્ટ ગણેશે જણાવ્યું કે તેને હોટલમાં કોઈ આઈડી પ્રૂફ વગર એન્ટ્રી મળી ગઈ હતી. ગણેશનું કહેવું છે કે તેને લાગ્યું કે આ બંને ભારતથી નેપાળ ફરવા આવ્યા છે. તેથી કોઈ શંકા ન ગઈ. બંનેએ હોટલના સ્ટાફને જણાવ્યું કે તે પશુપતિનાથ મંદિરમાં લગ્ન કરવા આવ્યા છે.
હોટલના સ્ટાફે જણાવ્યું કે સચિન અને સીમાની સાથે કોઈ બાળકો નહોતા. તેવામાં સવાલ ઉભો થાય છે કે સાત દિવસ સુધી સીમા હૈદરના ચાર બાળકો ક્યાં હતા. કારણ કે હોટલમાં તો સીમા અને સચિન જ રોકાયા હતા. સચિન અને સીમા બંને નેપાળ ફરી રહ્યાં હતા.
હોટલના રૂમમાં કેમ લગ્ન કર્યા?
ટીવી અહેવાલ પ્રમાણે હોટલના સ્ટાફને સચિન અને સીમાએ ખોટું કહ્યું હતું કે તેણે પશુપતિ મંદિરમાં લગ્ન કર્યા છે, જ્યારે તેણે હોટલના રૂમ નંબર ૨૦૪માં જ લગ્ન કર્યાં હતા.
હોટલના સ્ટાફે જણાવ્યું કે હોટલમાં પહેલા સચિન મીણા આવ્યો હતો. તેણે ખુદને ભારતીય નાગરિક જણાવ્યો. સચિનના એક દિવસ બાદ સીમા હૈદર પહોંચી હતી. સચિને હોટલ સ્ટાફને જણાવ્યું હતું કે તેની પત્ની ભારતથી આવવાની છે.
હોટલના રૂમમાં બનાવી રીલ્સ :
હોટલના રિસ્પેશનિસ્ટ ગણેશે કહ્યુ કે પહેલા સચિન આવ્યો હતો. તેણે મારી પત્ની આવી રહી છે તેમ કહીને રૂમ બુક કરાવ્યો હતો. પછી બંને સાથે રહ્યાં અને ખુબ રીલ્સ બનાવી. ગણેશના બાળકો અને પરિવાર સાથે પણ બંનેએ રીલ્સ બનાવી હતી. ટીવી અહેવાલ પ્રમાણે સીમાએ એકવાર ક્લબ અને પબમાં જવાનું પણ કહ્યું હતું. પરંતુ હોટલ સ્ટાફે સમજાવ્યું કે ત્યાં ભારતીયોને લૂંટવામાં આવે છે. ત્યારબાદ તે ન ગયા.
ગણેશનું કહેવું છે કે એક દિવસ બંને ઉતાવળમાં ટેક્સી કરી કાઠમાંડૂથી પોખરા માટે નિકળી ગયા. હોટલના સ્ટાફે કહ્યું કે બંને બસથી નેપાળ ફરી રહ્યાં હતા. ગણેશે કહ્યું કે હોટલનો રૂમ નંબર ૨૦૪ ખુબ નાનો છે. આશરે ૫૦૦ રૂપિયા દરરોજનું ભાડું છે. રૂમમાં એક અરીસો છે. એક નાનો ડબલ બેડ છે.
આ પણ વાંચો :-