- ભાવનગર શહેરમાં આજ બપોરથી ગાજવીજ સાથે ધોધમાર વરસાદ શરુ થયો છે. આ મેઘાવી માહોલ વચ્ચે અવકાશી વીજળી પડ્યાનો લાઈવ વીડિયો સામે આવ્યો છે.
આજે બપોરથી જ ભાવનગરમાં મેઘાવી માહોલ જોવા મળી રહ્યો છે. બપોરના સમયગાળા બાદ વીજળીના કડાકા ભડાકા સાથે વરસાદ તૂટી પડ્યો હતો. જેને લઈને શહેરના સ્થળ ત્યાં જળ જેવા દ્રશ્ય સર્જાયા હતા. આવી સ્થિતિ વચ્ચે ભાવનગર શહેરમાં અવકાશી વીજળી જમીન પર ત્રાટક્યાનો ડરામણો વીડિયો પણ સોશિયલ મીડિયામાં વાયરલ થયો છે.
ભાવનગર શહેરના ગઢેચી વડલા RTO રોડ પાસે વીજળી પડ્યાનો બનાવ વીડિયો મોબાઈલમાં કેદ થયો હતો. જે હાલ સોશિયલ મીડિયામાં ખૂબ વાયરલ થઈ રહ્યો છે.
આંકડાની વાત કરવામાં આવે તો ભાવનગર શહેરમાં ૮૨ મીમી ભાવનગર જિલ્લાના વલ્લભીપુરમાં ૧૦૪ તથા સિહોરમાં ૪૪ અને ઘોઘામાં ૫૪ મીમી તથા ઉમરાળામાં ૨૪ મીમી પાલીતાણામાં ત્રણ ગારીયાધારમાં બે અને તળાજામાં ૦૭ મીમી વરસાદ નોંધાયો હતો.
આ પણ વાંચો :-
- દયા માટે કરગરી રહી હતી મહિલાઓ, હેવાનોએ……..
- કાચાપોચા ન જોતાં આ તસ્વીરો ! અમદાવાદના ઈતિહાસનો સૌથી ભયાનક અકસ્માત ! તસ્વીરો જોઈ હચમચી જશો