એર ટર્બ્યુલન્સથી હવામાં 300 ફૂટ નીચે ધસી આવ્યું એર ઇન્ડિયાનું વિમાન, 10 મુસાફરો સહિત 14 લોકો ઘાયલ

થાઈલેન્ડના ફુકેટથી દિલ્હી આવી રહેલી એર ઇન્ડિયાની ફ્લાઇટ AI2379 લેન્ડિંગ પહેલાં અચાનક ગંભીર એર ટર્બ્યુલન્સનો સામનો કરવો પડ્યો હતો. ટર્બ્યુલન્સ દરમિયાન વિમાન આશરે 300 ફૂટ નીચે ધસી જતાં મુસાફરોમાં ભારે ગભરાટ ફેલાયો અને વિમાનમાં ચીસો-બૂમો મચી ગઈ હતી.

આ ઘટનામાં 10 મુસાફરો અને 4 ક્રૂ સભ્યો સહિત કુલ 14 લોકો ઘાયલ થયા હતા. વિમાન દિલ્હીમાં સુરક્ષિત રીતે ઉતર્યા બાદ ઘાયલોને તાત્કાલિક હોસ્પિટલમાં સારવાર માટે ખસેડવામાં આવ્યા હતા. એર ઇન્ડિયાએ જણાવ્યું કે મુસાફરોની સુરક્ષા સર્વોચ્ચ પ્રાથમિકતા છે અને સમગ્ર ઘટનાની તપાસ શરૂ કરવામાં આવી છે