મુંબઈમાં વાનખેડે સ્ટેડિયમમાં ટૂર્નામેન્ટનો પહેલો સેમીફાઈનલ મુકાબલો રમાઈ રહ્યો છે. ટીમ ઈન્ડિયાએ આ વખતે વર્લ્ડ કપમાં સતત ૯ મેચ જીતી છે. ત્યારે ટીમ ઈન્ડિયા આ સેમીફાઈનલથી મેનચેસ્ટરમાં ૨૦૧૯ વર્લ્ડકપમાં કીવી ટીમથી મળેલી હારનો બદલો પણ લેવાનો પ્રયાસ કરશે. ત્યારે આજની મેચમાં ભારતે ટોસ જીતીને પહેલા બેટિંગનો નિર્ણય લીધો હતો. રોહિત શર્માનો ટોસ જીતીને બેટિંગ કરવાનો નિર્ણય શ્રેષ્ઠ સાબિત થયો છે. ભારતીય બેટ્સમેનોએ જબરદસ્ત બેટિંગ કરીને ૫૦ ઓવરમાં ૪ વિકેટના નુકસાન પર ૩૯૭ રન બનાવ્યા છે. તો ન્યૂઝીલેન્ડને ૩૯૮ રનનો ટાર્ગેટ મળ્યો છે. તો ભારતે બનાવ્યો સેમીફાઈનલમાં સૌથી મોટા સ્કોરનો રેકોર્ડ બનાવ્યો છે.
ન્યૂઝીલેન્ડની ટીમે ૩૦૬ના સ્કોર પર ૭મી વિકેટ ગુમાવી દીધી છે. મોહમ્મદ શમીએ ડેરેલ મિચેલને પોતાનો શિકાર બનાવ્યો. મેચમાં શમીની આ સાત વિકેટ રહી. આ અગાઉ ટોમ લથમ આઉટ, કેન વિલિયમસન, રચીન રવીન્દ્ર અને ડેવોન કોન્વેને શમીએ આઉટ કર્યા હતા.
૩૯૮ રનનો ટાર્ગેટ હાંસલ કરવા ઉતરેલી ન્યૂઝીલેન્ડે ટીમની શરુઆત સારી રહી હતી. ન્યૂઝીલેન્ડ વતી ડેરેલ મિચેલ રમી ગયો હતો, તેણે વિસ્ફોટક સદી બનાવી હતી અને વિકેટ જાળવી રાખી હતી. કેપ્ટન વિલિયમસને ૬૯ રન બનાવ્યાં હતા બાકીના ખેલાડીઓ ભારતની ઘાતક બોલિંગ સામે ટકી શક્યા નહોતા. ભારત ૧૯મી નવેમ્બરે અમદાવાદમાં બીજી સેમી ફાઈનલ જીતનારી ટીમ સામે ફાઈનલ મુકાબલો રમશે.
આ પણ વાંચો :-
• ભારતના બધુ એક દુશ્મન મૌલાના રહીમુલ્લાહને ગોળી મારી હત્યા
• વિદેશ મંત્રી જયશંકરે UKમાં ઉજવી દિવાળી, ઋષિ સુનકને આપ્યું વિરાટ કોહલીનું બેટ