વીર નર્મદ દક્ષિણ ગુજરાત યુનિવર્સિટી પરીક્ષાની મોસમમાં ચર્ચામાં રહેતી આવી છે. હાલમાં ઇન્ટરનલ પરીક્ષા ચાલી રહી છે, ત્યારે જર્નાલિઝમ વિભાગમાં સેમેસ્ટર ૫ ની પરીક્ષામાં કાપલી લઇને પરીક્ષા આપતા એબીવીપીના જોઇન્ટ સેક્રેટરી અને ભાજપ યુવા મોરચાનો કાર્યક્રર ચોરી કરતાં પકડાયા હતા.
વીર નર્મદ યુનિવર્સિટીમાં અત્યારે ઇન્ટરનલ પરીક્ષા ચાલી રહી છે, ત્યારે આર્કિટેક્ચર વિભાગમાં સામુહિક ચોરી કરતાં ૧૫ વિદ્યાર્થીઓ પકડાયા બાદ ગયા શુક્રવારે જર્નાલિઝમ વિભાગમાં સેમેસ્ટર ૫ ના બે વિદ્યાર્થીઓ ચોરી કરતાં પકડાયા હતા. પરીક્ષામાં ગેરરીતિ થાય નહીં એ માટે પરીક્ષા વિભાગની સ્કવૉડ સરપ્રાઇઝ ચેકીંગ કરતી રહે છે. બી.એ. વીથ જર્નાલિઝમ ડિપાર્ટમેન્ટમાં સેમેસ્ટર 5 ના વિદ્યાર્થીઓ પરીક્ષા આપી રહ્યા હતા, ત્યારે સ્કવૉડે સરપ્રાઇઝ ચેકીંગ શરૂ કર્યું હતું, ત્યારે એબીવીપીના જોઇન્ટ સેક્રેટરી અને યુવા ભાજપના કાર્યકર અને બીજો એક વિદ્યાર્થી કાપલી સાથે પરીક્ષામાં ચોરી કરતા પકડાયા હતા.
અભ્યાસ કરવાના સમયે રાજકીય પ્રવૃત્તિ સાથે સંકળાઇને વિદ્યાર્થીઓ અભ્યાસ સિવાયની પ્રવૃત્તિમાં વ્યસ્ત થઇ જઇને કેરિયર બગાડી રહ્યા છે, એ વાત વિદ્યાર્થીઓ વહેલા સમજી જાય એ જીવન માટે જરૂરી છે.
આ પણ વાંચો :-
• મધ્યપ્રદેશની કુખ્યાત ચોરને ઝડપવા સુરત પોલીસે વેશ પલટો કર્યો, ફુગ્ગાવાળા બની દિલ્હીથી ઉપાડી લીધો
• ઓનલાઈન ગેમિંગથી ચેતજો! ૧૨૦૦ લોકો, ૨૦૦ એકાઉન્ટ, ૨૫ જેટલા ગ્રૂપ, ગાંધીનગરમાં ત્રણ આરોપીની ધરપકડ