HomeOffbeatLPG સિલિન્ડર બચાવવો છે તો આજે જ બદલો રસોઈની આ આદતો!

LPG સિલિન્ડર બચાવવો છે તો આજે જ બદલો રસોઈની આ આદતો!

Date:

Related stories

PF ખાતાધારકોને મોટી રાહત : હવે 75% નહીં, 90% સુધીની રકમ ઉપાડી શકાશે

નોકરી કરતા કરોડો કર્મચારીઓ માટે પ્રોવિડન્ટ ફંડ (PF) અંગે...

મુંબઈના આ રેલવે સ્ટેશનનું નામ બદલાશે, હવે ‘ચૈત્યભૂમિ’ તરીકે ઓળખાશે; CM ફડણવીસે આપી મંજૂરી

મુંબઈ: મહારાષ્ટ્રની રાજધાની મુંબઈના ઐતિહાસિક દાદર રેલવે સ્ટેશનનું નામ...

આ રાજ્યમાંથી નકલી દવા બનાવતી ફેક્ટરી ઝડપાઈ, STF અને ડ્રગ્સ વિભાગની સંયુક્ત કાર્યવાહી

હિમાચલ પ્રદેશના સોલન જિલ્લાના નાલાગઢ વિસ્તારમાં નકલી દવાઓ બનાવતી...

પંજાબમાં ભાખડા નહેર પર લોખંડનો પુલ ધરાશાયી, બે ટ્રક નહેરમાં ખાબક્યા; એક ટ્રકમાં લાગી આગ

પટિયાલા: પંજાબના પટિયાલા-સંગરુર બાયપાસ પર પસિયાણા ગામ નજીક ભાખડા...
spot_img

મોંઘવારીના આ સમયમાં ઘરનું બજેટ જાળવવું એ દરેક પરિવાર માટે મોટો પડકાર બની ગયો છે. તેમાં પણ જો ઘરનો LPG સિલિન્ડર મહિનો પૂરો થતા પહેલાં જ ખાલી થઈ જાય, તો ખિસ્સા પર મોટો બોજ પડે છે. જો તમારા ઘરમાં પણ ગેસ સિલિન્ડર ધારણા કરતાં વહેલો પૂરો થઈ જતો હોય, તો તેના માટે માત્ર વધતા ભાવ જ નહીં પરંતુ રસોડામાં રસોઈ બનાવતી વખતે અજાણતા થતી કેટલીક ભૂલો પણ જવાબદાર હોઈ શકે છે. આદતોમાં થોડો ફેરફાર કરીને તમે દર મહિને ગેસની મોટી બચત કરી શકો છો.

ગેસની બચત કરવાની શરૂઆત રસોડાના સાધનોની યોગ્ય જાળવણીથી થાય છે. ગંદા બર્નરના છિદ્રોમાં કચરો જમા થવાથી ગેસ પૂરી ક્ષમતાથી સળગતો નથી અને તેનો વ્યય થાય છે, તેથી અઠવાડિયામાં એકવાર બર્નરની યોગ્ય સફાઈ કરવી જરૂરી છે. આ ઉપરાંત, ખોરાક રાંધતી વખતે ખુલ્લા વાસણોને બદલે પ્રેશર કૂકરનો મહત્તમ ઉપયોગ કરવો જોઈએ. એક અંદાજ મુજબ, કૂકરમાં રસોઈ કરવાથી સમય બચે છે અને આશરે ૩૦ થી ૫૦ ટકા સુધી ગેસની પણ બચત થાય છે.

રસોઈ માટે વાસણની પસંદગી પણ ગેસ વપરાશ પર સીધી અસર કરે છે. રસોઈ માટે હંમેશાં સમતલ (ફ્લેટ) તળિયું ધરાવતા વાસણો જ પસંદ કરવા જોઈએ જેથી ગરમી સમાન રીતે ફેલાય. નાના વાસણને મોટા બર્નર પર અને મોટા વાસણને નાના બર્નર પર રાખવાનું ટાળવું જોઈએ. ઘણા લોકો ઝડપથી રસોઈ બનાવવા માટે ગેસ ફૂલ આંચ પર રાખે છે, પરંતુ વધુ પડતી આંચ ગરમીને વાસણની બહાર ફેંકી દે છે. તેથી હંમેશાં મધ્યમ કે ધીમી આંચ પર જ રસોઈ બનાવવાની ટેવ પાડવી જોઈએ.

છેલ્લે, કેટલીકવાર સિલિન્ડર ઝડપથી ખાલી થવાનું કારણ આપણી બેદરકારી નહીં પરંતુ ગેસ પાઈપ કે રેગ્યુલેટરમાંથી થતું સૂક્ષ્મ લીકેજ હોઈ શકે છે. આથી રબર પાઈપમાં પડેલી તિરાડ અને રેગ્યુલેટરની સમયાંતરે તપાસ કરવી સુરક્ષા અને બચત બંને માટે અનિવાર્ય છે. રસોડાની આ સરળ અને વ્યવહારુ ટિપ્સ અપનાવીને તમે સિલિન્ડરનું આયુષ્ય લંબાવી શકો છો અને ગેસના બગાડ સાથે પોતાના નાણાં પણ બચાવી શકો છો.

Subscribe

Latest stories