સમગ્ર ભારતમાં સોનાના ભાવમાં વધારો થયો છે. દેશમાં ૨૪ કેરેટ ૧૦ ગ્રામ સોનાની કિંમત ૬૮,૦૦૦ રૂપિયાની ઉપર કારોબાર કરી રહ્યો છે. દેશના મોટાભાગના શહેરોમાં ૧૦ ગ્રામ ૨૪ કેરેટ સોનાની સરેરાશ કિંમત લગભગ ૬૮,૭૦૦ રૂપિયા છે, જ્યારે ૨૨ કેરેટ સોનાની સરેરાશ કિંમત લગભગ ૬૩,૯૦૦ રૂપિયા છે. ચાંદીની કિંમત ૭૭,૮૦૦ રૂપિયા પ્રતિ કિલોગ્રામ પર પહોંચી ગઈ છે.
સોના ચાંદીના ભાવની વાત કરવામાં આવે તો ગઈકાલે જ્યારે માર્કેટ બંધ થયું ત્યારે સોનાના ભાવ ૬૮ હજાર ૧૧૦ રૂપિયા નોંધાયો હતો. જ્યારે ચાંદીનો ભાવ ૭૫ હજાર ૨૨૦ રૂપિયા નોંધાયો હતો. છેલ્લા ઘણા સમયથી સોના અને ચાંદીના ભાવ સતત વધી રહ્યા છે. છેલ્લા ૨ મહિનામાંથી સોના-ચાંદીના ભાવમાં ૨થી ૪ હજારનો વધારો નોંધાયો છે.
એક જ સપ્તાહમાં વધેલી સપાટી ( એક તોલાનો ભાવ )
- ૨૧ માર્ચ રૂ. ૬૭,૦૦૦
- ૨૨ માર્ચ રૂ. ૬૮,૫૦૦
- ૨૩ માર્ચ રૂ. ૬૮,૪૦૦
- ૨૫ માર્ચ રૂ. ૬૮ ,૮૦૦
- ૨૬ માર્ચ રૂ. ૬૮,૮૦૦
- ૨૭ માર્ચ રૂ. ૬૯,૫૦૦
- ૨૮ માર્ચ રૂ. ૭૦,૭૦૦
૨૪ કેરેટ સોનાના આભૂષણોમાં ૯૯૯ લખ્યું હોય છે. જ્યારે ૨૩ કેરેટ સોના પર ૯૫૮,૨૨ કેરેટ પર ૯૧૬,૨૧ કેરેટ પર ૮૭૫ અને ૧૮ કેરેટ શુદ્ધ સોના પર ૭૫૦ લખ્યું હોય છે. ૨૪ કેરેટ સોનું લગભગ ૯૯.૯% શુદ્ધ હોય છે જ્યારે ૨૨ કેરેટ સોનું ૯૧ ટકા શુદ્ધ હોય છે. ૨૨ કેરેટ સોનામાં અન્ય ધાતુ જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે ૨૪ કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.
આ પણ વાંચો :-