VIDEO
- યુજવેન્દ્ર ચહલનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. જેમાં ચહલ એક ખેલાડીને પ્રપોઝ કરતો જોવા મળે છે. જુઓ વીડિયો
IPL (IPL 2023)માં ટીમ ઈન્ડિયાનો સ્પિન માસ્ટર યુજવેન્દ્ર ચહલ (Yujvendra Chahal) પોતાનો જલવો બતાવી રહ્યો છે. અત્યાર સુધી ચહલ સૌથી વધુ વિકેટ લેવાના મામલે ત્રીજા સ્થાને છે. તે જ સમયે આ શાનદાર પ્રદર્શનની વચ્ચે યુજવેન્દ્ર ચહલનો એક વીડિયો સોશિયલ મીડિયા (Social media) પર ઝડપથી વાયરલ થઈ રહ્યો છે. જેમાં ચહલ એક ખેલાડીને પ્રપોઝ કરતો જોવા મળે છે. આ જોઈને ટીમ ઈન્ડિયાનો (Team India) બેટસમેન શિખર ધવન (Shikhar Dhawan) પણ આશ્ચર્યચકિત થઈ ગયો છે.
યુજવેન્દ્ર ચહલ ટીમનું મનોરંજન કરવામાં કોઈ કસર છોડતો નથી. તેનું બોન્ડિંગ માત્ર ટીમ ઈન્ડિયાના ખેલાડીઓ સાથે જ નહીં પરંતુ વિદેશી ખેલાડીઓ સાથે પણ સારું છે. તેમાંથી એક નામ જોસ બટલરનું પણ છે. જેની સાથે ચહલ ઘણીવાર મસ્તી કરતો જોવા મળે છે. ગત સિઝનથી બંને ખેલાડીઓ વચ્ચે સારી બોન્ડિંગ જોવા મળી રહી છે. રાજસ્થાન રોયલ્સે એક વીડિયો શેર કર્યો છે જેમાં ચહલ જોસ બટલરને પ્રપોઝ કરતો જોવા મળી રહ્યો છે.
હું દરરોજ રાત્રે તમને જોવુ છું : યુજવેન્દ્ર ચહલ
વીડિયોમાં જોસ બટલરથી ચહલ એક ફ્લાવર પોટની સાથે કહે છે, ‘જોસ ભાઈ, તમે મારા જીવનનો પ્રેમ છો. ગયા વર્ષે જ્યારે હું તમને મળ્યો ત્યારે મારું હૃદય ધક ધક કરી રહ્યું છે. હું તમને દરરોજ રાત્રે જોઉં છું અને અનુભવું છું. કૃપા કરીને તમે મારી સાથે ડેટ પર જવા માંગો છો? જેના પર જોસ કહે છે, ‘હા બિલકુલ’
https://www.instagram.com/reel/CrQ_Af3LPCW/?utm_source=ig_embed&ig_rid=ca611d8c-a1cc-4ac4-8477-401faec8af96
આ વીડિયો જોયા બાદ ધવને પણ ચહલની મજા માણી હતી. ધવન ઘણીવાર જોસ બટલર અને યુજવેન્દ્ર ચહલ પર કોમેન્ટ કરતો જોવા મળે છે. આ વખતે પણ ધવને આ વીડિયો પર કોમેન્ટ કરી છે. તેણે લખ્યું, ‘મારી શંકા સાચી નીકળી અને હવે આ જુઓ. મા કા લાડલા બિગડ ગયા.’
આ પણ વાંચો :-