સુરતમાં છાસવારે અકસ્માતો થતાં રહે છે. રસ્તા પર માતેલા સાંઢની જેમ દોડતાં ડમ્પરો દ્વારા નિર્દોષ રાહદારીઓને કાળનો કોળિયો બનાવવામાં આવી રહ્યા હોવાનું અટકવાનું નામ ન લેતું હોય તે રીતે ડિંડોલી વિસ્તારમાં અકસ્માત સર્જાયો હતો. જેમાં ડમ્પરે એક રિક્ષા સહિત રાહદારીને અડફેટે લીધો હતો. જેમાં રાહદારીનું મોત નીપજ્યું હતું.
સમગ્ર અકસ્માતમાં પટેલ અંબાલાલ નામના આધેડનું કરુણ મોત નીપજ્યું હતું. રિક્ષા ચાલકને ગંભીર હાલતમાં સારવાર અર્થે હોસ્પિટલ ખસેડવામાં આવ્યાં છે. જ્યાં રિક્ષા ચાલકની હાલત અતિગંભીર ગણાવવામાં આવી રહી છે. ઘટના બાદ ડમ્પર મૂકી ચાલક ફરાર થઈ ગયો હતો. હાલ પોલીસે ઘટના સ્થળે પહોંચી તપાસ હાથ ધરી છે.
સુરતમાં પણ ડીંડોલી વિસ્તારમાં બેફામ ડમ્પરે ૭૨ વર્ષના વૃદ્ધને કચડી નાખતા તેમનું કમાકમાટી ભર્યું મોત નિપજ્યું હતું. ડીંડોલી વિસ્તારમાં ઉમિયા બંગલોની પાછળ ડી માર્ટ રોડ પર બેફામ રીતે દોડતા ડમ્પરે ટુ-વ્હીલર ચાલક વૃદ્ધ અને રીક્ષાને અડફેટે લીધા હતા. જેમાં ૭૨ વર્ષના અંબાલાલ પટેલનું સ્થળ પર જ મોત થઈ ગયું. તો રીક્ષા ચાલક ગંભીર રીતે ઈજાગ્રસ્ત થઈ જતા તેને ૧૦૮ મારફતે હોસ્પિટલમાં ખસેડવામાં આવ્યો છે. તો અકસ્માત સર્જીને ચાલક ડમ્પર રોડ પર મૂકીને ફરાર થઈ ગયો હતો. પોલીસે સ્થળ પર પહોંચીને તાત્કાલિક ધોરણે આગળની કાર્યવાહી હાથ ધરી છે.
આ પણ વાંચો :-