લોકસભા ચૂંટણીને લઈને બિહાર મહાગઠબંધનમાં સીટોની વહેંચણી થઈ ગઈ છે. RJD, કોંગ્રેસ અને લેફ્ટ વચ્ચે સીટની વહેંચણી અંગે સમજૂતી સધાઈ છે. લાલુ યાદવની પાર્ટી આરજેડી બિહારમાં મહત્તમ સીટો પર ચૂંટણી લડશે. જો કે પપ્પુ યાદવને મોટો આંચકો લાગ્યો છે. પૂર્ણિયા સીટ આરજેડીના ખાતામાં ગઈ છે. આરજેડીએ પહેલેથી જ અહીં બીમા ભારતીને પોતાના ઉમેદવાર જાહેર કરી દીધા હતા. કન્હૈયા કુમારને પણ આંચકો લાગ્યો છે. બેગુસરાય સીટ સીપીઆઈના ખાતામાં ગઈ છે.
બિહારમાં કુલ ૪૦ લોકસભા સીટો છે. બિહારમાં મહાગઠબંધનમાં સીટોની વહેંચણીમાં આરજેડીના ફાળે ૨૬, કોંગ્રેસને ૯ અને ડાબેરીઓને ૫ બેઠકો મળી હતી. બિહારમાં ગઠબંધન વચ્ચે સીટોની વહેંચણીમાં એવી ત્રણ સીટો આરજેડીના ખાતામાં આવી છે જ્યાંથી કોંગ્રેસના પપ્પુ યાદવ અગાઉ ચૂંટણી લડ્યા હતા. આ બેઠકોમાં સુપૌલ, મધેપુરા અને પૂર્ણિયાના નામ સામેલ છે. આ ત્રણેય સીટો આરજેડીના ફાળે ગઈ છે.