- એપલ iPhone 15, iPhone 15 Plus, iPhone 15 Pro અને iPhone 15 Pro Maxનાં મોડલ લોન્ચ કરવાની તૈયારીમાં છે ત્યારે તમામ મોડલ્સની એશિયાની કિંમત લીક થઈ ગઈ છે.
એપલનાં ચાહકો સહિત સમગ્ર દુનિયા આઈફોન 15 સીરીઝનાં લોન્ચિંગની રાહ જોઈ રહી છે. તેની લોન્ચિંગને હજુ એક મહિનાનો સમય બાકી છે પરંતુ એ પહેલાં જ એપલનાં આ આઈફોન 15 સીરીઝની કિંમત લીક થઈ ગઈ છે. એપલ આ સીરીઝમાં iPhone 15, iPhone 15 Plus, iPhone 15 Pro અને iPhone 15 Pro Max મોડલ્સ લોન્ચ કરવા જઈ રહી છે. મીડિયા અહેવાલ અનુસાર iPhone 15 Pro Max મોડલની કિંમત સૌથી વધારે હોઈ શકે છે.
માહિતી અનુસાર બાર્કેલેજની એનાલિસ્ટ ટીમ લોન્ગે એશિયાની સપ્લાય ચેન કંપનીઓની સાથે વાતચીત કરીને ભવિષ્યવાણી કરી છે કે એપલ આઈફોન 15 Pro મોડલ, હાલનાં 14નાં મોડલની સરખામણીએ વધુ મોંઘો રહેશે. એવું કહેવાઈ રહ્યું છે કે iPhone 15 proની કિંમત Iphone 14 proથી 100 ડોલર વધુ હશે જ્યારે iPhone 15 pro maxની કિંમત Iphone 14 pro maxથી 100-200 ડોલર વધારે હશે.
લીક થયેલી ખબર અનુસાર iPhone 15 અને iPhone 15 plusની કિંમત પહેલાની જેમ 799-899 ડોલર રહેશે. આ સિવાય iPhone 15 proની કિંમત 1099 ડોલર જ્યારે iPhone 15 Pro maxની કિંમત 1299 ડોલર થઈ શકે છે.
આ પણ વાંચો :-