હિમાચલ પ્રદેશના શિમલા જિલ્લામાંથી ભયાનક રોડ અકસ્માત થયો. આ અકસ્માતમાં છ મજૂરના મોત થયા છે અને અન્ય છ ઘાયલ થયા છે. પરંતુ પોલોસ હાલમાં આ મામલે તપાસ કરી રહી છે. અકસ્માતમાં ઘાયલ થયેલા લોકોને નજીકની સુન્ની હૉસ્પિટલમાં સારવારમાટે દાખ કરવામાં આવ્યા હતા, એમ સ્થાનિક પોલીસે જણાવ્યું હતું. શિમલાના એએસપી નવદીપ સિંહે આ માર્ગ અકસ્માતની ઘટનાની પુષ્ટિ કરી છે.
હિમાચલના શિમલાથી ૫૦ કિલોમીટર દૂર મંડીની બોર્ડર પર સુન્નીના કાદરઘાટમાં થઈ હતી. પીકઅપમાં ડ્રાઈવર સહિત ૧૨ લોકો કાદરઘાટના બજાર તરફ જઈ રહ્યા હતા. આ દરમિયાન કાદરઘાટથી થોડે દૂર પીકઅપ વાન ઊંડી ખાઈમાં પડી હતી. આ પીક અપ વાનમાં મજૂરો હતા અને તેઓ કામધંધાના સ્થળે જઇ રહ્યા હતા, તે સમયે આ અકસ્માત થયો હતો.
પ્રાથમિક સારવાર બાદ અન્ય ઘાયલોને IGMC શિમલામાં રીફર કરવામાં આવ્યા છે. પોલીસે મૃતદેહોને પોતાના કબજામાં લઈ પોસ્ટમોર્ટમની કાર્યવાહી હાથ ધરી છે. પોસ્ટમોર્ટમ બાદ મૃતદેહ સ્વજનોને સોંપવામાં આવશે.
