Home Blog Page 809

૨૪ માર્ચ, ૨૦૨૪/ શત્રુપક્ષથી રાખવી સાવધાન, ખોટા ખર્ચા ઉપર રાખવો કાબૂ, આ જાતકોને રવિવારે થશે ધનપ્રાપ્તિ, જુઓ આજનું રાશિ ભવિષ્ય

News Editor
-
0

મેષઃ

નાણાંકીય આવક વધતી જણાય. પરિવારના તમામ સભ્યો સાથે પ્રેમભર્યું વાતાવરણ રહે. નવા રોકાણોનું ફાયદા કરાક આયોજન કરી શકાય. ધંધાકીય ક્ષેત્રે અનુકુળતા વધે. માતૃપક્ષ તરફથી લાભ. ખોટા ખર્ચ ટાળવા.

વૃષભઃ

વાયુ-કફની પ્રકૃતિ રહે. મોસાળ પક્ષ તરફથી લાભ. આવક જળવાય. મનમાં આનંદનો અનુભવ થાય. બેકરી, લોજી‍ંગ જેવા તથા સરકારી કામ કરનારને લાભ. દામ્પત્ય જીવનમાં મનમેળ રહે. પ્રિયપાત્રનું મિલન શક્ય બને.

મિથુનઃ

મનોબળ ઘટતું જણાય. આર્થિક બાબતોમાં સાવધાની રાખવી જરૂરી. જીવનસાથી સાથે મતભેદ ટાળવા. પત્નિની તબિયતની કાળજી જરૂરી. નોકરી ધંધામાં સફળતા. વ્યસનથી દૂર રહેવું. પ્રેમ સંબંધમાં ફસાઇ ન જવાય એનું ધ્યાન રાખવું.

કર્કઃ

દિવસ દરમ્યાન આનંદ વર્તાય. આવકમાં વધારો થતો જણાય. કુટુંબમાં સ્નેહનું વાતાવરણ વધે. માતૃપક્ષ તરફથી લાભ. ગળાના તથા જ્ઞાનતંતુઓના રોગોથી સાવધાની જરૂરી. જીવનસાથી સાથે સ્નેહ વધે. નોકરીમાં ઉપરી અધિકારી સાથે વાદવિવાદ ટાળવો.

સિંહઃ

વિચારો ઉપર કાબુ રાખવો ખૂબ જરૂરી. આવક વધતી જણાય. ‌પરિવારમાં સુખ-શાંતિ જળવાય. સ્થાવર-જંગમ મિલકતથી લાભ. નોકરી-ધંધામાં ઉત્સાહ જળવાય. શરદી-ખાંસીનો ઉપદ્રવ રહે. મિત્રોનો સાથ સહકાર મળતો જણાય.

કન્યાઃ

વાણી દ્વારા વ્યવહારમાં સફળતા મળે. આર્થિક ઉપાર્જન શક્ય બને. ભાગ્યનો સાથ મળતાં કાર્યક્ષેત્રે સફળતાનો અનુભવ થાય. મિત્રોથી લાભ. જાણીતી વ્યક્તિ દ્વારા દગા-ફટકાનો ભોગ બનવાથી સાવધ રહેવું.

તુલાઃ

પરિવારમાં મતભેદ ન થાય એનું ધ્યાન રાખવું. કાર્યક્ષેત્રે સફળતા અવરોધાતી જણાય. અસંતોષનું પ્રમાણ વધે. અગત્યના કાર્યો ટાળવા. આરોગ્ય જળવાય. ભાગ્યનો સાથ મળતો જણાય. શાંતિથી દિવસ પસાર કરવો.

વૃશ્ચિકઃ

વાણી વિલાસ સાચવીને કરવો. કડવું બોલવાથી સંબંધો બગડતા જણાય. અભિમાન છોડવું. પેટ્રોલ, રંગ, ટાયર-ટ્યુબના ધંધાર્થીઓને લાભ. દામ્પત્ય સુખમાં આનંદ. પ્રેમ પ્રસંગોનું નિર્માણ થાય. ચર્મરોગોથી સાચવવું.

ધનઃ

મનમાં ચિંતાનું વાતાવરણ રહે. નકારાત્મક વિચારો વધે. આવક અંગે સામાન્ય દિવસ. આરોગ્ય સાચવવું. મગજના રોગોથી સાવચેતી જરૂરી. પત્નિ સાથે મતભેદ થવાની શક્યતા માન-સન્માન વધે.

મકરઃ

માનસિક સ્વસ્થતા જળવાય. આત્મવિશ્વાસ વધે. નાણાંની આવક વધે સાથે સાથે ખોટો ખર્ચ ટાળવાની સલાહ છે. સંતાનોની પ્રગતિથી હર્ષ થાય. પતિ-પત્નિના સંબંધોમાં મધુરતા વધે. પડવા-વાગવાથી સાચવવું.

કુંભઃ

આવક જળવાશે. પરિવારમાં આનંદ-ઉત્સાહમાં વધારો થાય. કાર્યક્ષેત્રે સફળતા મળતી જણાય. માતૃપક્ષ તરફથી લાભ. નવા રોકાણો સારી રીતે કરી શકાય. નોકરી-ધંધામાં પ્રગતિ થતી જણાય. આરોગ્ય જળવાય.

મીનઃ

જુસ્સામાં શક્તિમાં વધારો થાય. આત્મવિશ્વાસ બુલંદ બને. આર્થિક પાસુ મજબુત થાય. પરિવારમાં આનંદ-ઉત્સાહ વધે. કાર્યક્ષેત્રે સફળતા. નવા કાર્યની શરૂઆત શક્ય બને. સાંધાના દુઃખાવા, વાયુની તકલીફોથી સાચવવું.

યુટ્યુબર મેક્સટર્ન મારપીટ કેસમાં એલ્વિશ યાદવને ગુરૂગ્રામ કોર્ટમાંથી મળ્યા જામીન

News Editor
-
0

યુટ્યુબર એલ્વિશ યાદવને મોટી રાહત મળી છે. ગુરુગ્રામની કોર્ટે યુટ્યુબર મેક્સટર્ન ઉર્ફે સાગર પર હુમલાના કેસમાં તેને જામીન આપી દીધા છે. એલ્વિશ યાદવને ૫૦ હજારના બૉન્ડ પર જામીન મળ્યા છે. યુટ્યુબર સાગર ઠાકુર વિરુદ્ધ ગુરુગ્રામમાં મારપીટનો કેસ નોંધવામાં આવ્યો હતો. ૨ નવેમ્બર ૨૦૨૩ના રોજ, કોતવાલી સેક્ટર ૪૯માં પીપલ્સ ઇન્સ્ટિટ્યૂટ ફૉર એનિમલ્સના અધિકારી ગૌરવ ગુપ્તા દ્વારા બિગ બોસ વિજેતા એલ્વિશ યાદવ સહિત ૬ લોકો સામે સાપનું ઝેર સપ્લાય કરવા બદલ કેસ નોંધવામાં આવ્યો હતો.

ગુરુગ્રામ પોલીસે યુટ્યુબર સાગર ઠાકુર પર હુમલાના કેસમાં એલ્વિશ યાદવનું નિવેદન લીધું હતું. સાગર ઠાકુરની ફરિયાદ પર એલ્વિશ યાદવ વિરુદ્ધ ગુરુગ્રામમાં કેસ નોંધવામાં આવ્યો હતો. હુમલાના આ કેસમાં તેનું નિવેદન લીધા બાદ ગુરુગ્રામ પોલીસે એલ્વિશને ફરીથી કોર્ટમાં રજૂ કર્યો હતો. ફરી એકવાર તેને ગુરુગ્રામ ડ્યુટી મેજિસ્ટ્રેટ અક્ષય કુમારની કોર્ટમાં રજૂ કરવામાં આવ્યો. કોર્ટમાં હાજર થયા બાદ અને પોલીસ સમક્ષ તેનું નિવેદન નોંધ્યા બાદ એલ્વિશ યાદવને તેના પરિવાર સાથે ઘરે મોકલી દેવામાં આવ્યો હતો.

એલ્વિશ ૮ માર્ચે એક વીડિયોમાં સાગર ઠાકુર પર હુમલો કરતો જોવા મળ્યો હતો. જેમાં એલ્વિશ સાગરને જમીન પર પછાડતો અને પછી થપ્પડ મારતો જોવા મળ્યો હતો. આ ઘટના બાદ ઠાકુરે પોલીસનો સંપર્ક કર્યો અને સેક્ટર-૫૩ પોલીસ સ્ટેશનમાં એલ્વિશ અને અન્ય લોકો વિરુદ્ધ ફરિયાદ નોંધાવી. જો કે, બંનેએ પરસ્પર રીતે વિવાદ ઉકેલી નાખ્યો છે અને બંને એકસાથી ઇન્સ્ટાગ્રામ પર પણ લાઈવ આવ્યા હતા અને કહ્યું હતું કે, હવે તેમની વચ્ચે બધુ સ્પષ્ટ થઈ ગયું છે.

આ પછી સોશિયલ મીડિયા પર સાગર અને એલ્વિશ યાદવ વચ્ચે શો-ઓફની ચર્ચા શરૂ થઈ ગઈ. ત્યારબાદ વોટ્સએપ પર જોરદાર અદલાબદલી થઈ અને બંને વચ્ચે મીટિંગ નક્કી થઈ. બંને ગુરુગ્રામના મોલમાં મળ્યા હતા, જ્યાં સાગરને એલ્વિશ યાદવ અને તેના સહયોગીઓએ માર માર્યો હતો. આ પછી સાગર ઠાકુરે એલ્વિશ વિરુદ્ધ ગુરુગ્રામ પોલીસમાં ફરિયાદ નોંધાવી. તેમનો આરોપ હતો કે એલ્વિશ ૮-૧૦ ગુંડાઓ સાથે સ્ટોર પર આવ્યો હતો. બધા નશામાં હતા. અહીં બધાએ સાગર ઠાકુરની હત્યા કરી. એલ્વિશે તેની કરોડરજ્જુ તોડવાનો પ્રયાસ કર્યો હતો અને જતી વખતે તેને મારી નાખવાની ધમકી પણ આપી હતી.

આ પણ વાંચો :-

કેજરીવાલની ધરપકડ મામલે જર્મનીના નિવેદન સામે ભારત અકળાયું

News Editor
-
0

દિલ્હીના મુખ્યમંત્રી અરવિંદ કેજરીવાલની ધરપકડને લઈ દેશભરમાં રાજકારણ ગરમાયું છે. આ બધાની વચ્ચે કેજરીવાલની ધરપકડને લઈ જર્મનીના વિદેશ મંત્રાલય દ્વારા કરવામાં આવેલી ટિપ્પણી સામે ભારતે સખત વાંધો વ્યક્ત કર્યો છે. ભારતની આંતરિક બાબતો પર તેમની ટિપ્પણીઓને ટાંકીને કેન્દ્ર સરકારે શનિવારે જર્મન એમ્બેસીના ડેપ્યુટી હેડ જ્યોર્જ એન્ઝવેઈલરને સમન્સ પાઠવ્યું હતું.

વિદેશ મંત્રાલયે કહ્યુ હતુ કે, આરોપોનો સામનો કરી રહેલા કોઈ પણ વ્યક્તિની જેમ કેજરીવાલ પણ નિષ્પક્ષ અને તટસ્થ સુનાવણી માટેનો અધિકાર ધરાવે છે અને કોઈ પણ જાતના પ્રતિબંધ વગર તમામ પ્રકારના કાયદાકીય વિકલ્પનો ઉપયોગ કરવા માટે સ્વતંત્ર છે.

જર્મનીના વિદેશ મંત્રાલયનુ નિવેદન આશ્ચર્ય પમાડે તેવુ છે. કારણકે કેજરીવાલની ધરપકડ ભારતનો આંતરિક મામલો છે. જોકે જર્મનીએ ભારતના આંતરિક મામલા અંગે પોતાની પ્રતિક્રિયા પહેલી વખત આપી હોય તેવુ નથી.આ પહેલા રાહુલ ગાંધીને સંસદ સભ્ય તરીકે હટાવાયા હતા ત્યારે પણ જર્મનીએ કહ્યુ હતુ કે, રાહુલ ગાંધી સામેની કાર્યવાહીમાં પણ લોકશાહીના સિધ્ધાંતો સમાન રીતે લાગુ થશે અને ન્યાય પાલિકાને સ્વતંત્ર રહીને કાર્યવાહી કરવાની છૂટ મળશે તેવી અમને આશા છે.

રાઉઝ એવન્યુ કોર્ટે CM અરવિંદ કેજરીવાલને ૨૮ માર્ચ સુધી ED રિમાન્ડ પર મોકલી દીધા છે. EDએ કેજરીવાલને કોર્ટમાં રજૂ કરીને દસ દિવસના રિમાન્ડની માંગણી કરી હતી, પરંતુ કોર્ટે તપાસ એજન્સીને છ દિવસના રિમાન્ડ આપ્યા છે. હવે તેને ૨૮ માર્ચે બપોરે ૨ વાગ્યે કોર્ટમાં રજૂ કરવામાં આવશે. કોર્ટમાંથી ૬ દિવસના ED રિમાન્ડ મળ્યા બાદ CM અરવિંદ કેજરીવાલે કહ્યું કે, હું રાજીનામું નહીં આપું, હું સ્વસ્થ છું અને જેલમાંથી જ સરકાર ચલાવીશ.

જર્મની માનવાધિકારોના સંરક્ષણની દુહાઈ કાયમ આપતું રહ્યું છે. રશિયા અને યુક્રેન વચ્ચેના યુધ્ધમાં પણ યુક્રેનને લડવા માટે સૌથી પહેલા હથિયારો આપનારા દેશમાં જર્મની સામેલ હતું. આમ બીજાના મામલામાં દખલગીરી કરવી એ જર્મની સરકાર માટે નવી વાત નથી.

આ પણ વાંચો :-

સુરતમાં ભાજપના કોર્પોરેટર ગેમર દેસાઈનું હાર્ટ એટેકથી નિધન

News Editor
-
0

સુરત મહાનગરપાલિકાનાં ભાજપનાં કોર્પોરેટર ગેમર દેસાઈ કોર્પોરેશનમાં કામ અર્થે આવ્યા હતા. જે બાદ અચાનક તેઓને હાર્ટ એટેક આવતા તેઓ ઢળી પડ્યા હતા. જે બાદ તેઓને તાત્કાલીક સારવાર અર્થે હોસ્પિટલ ખસેડાયા હતા. હોસ્પિટલમાં ફરજ પરનાં તબીબે તેઓને મૃત જાહેર કર્યા હતા. અચાનક જ કોર્પોરેટર ગેમરભાઈ દેસાઈનું મોત નિપજતા પરિવારજનોમાં શોકની લાગણી વ્યાપી જવા પામી હતી.

સુરત પાલિકાના કોર્પોરેટર તરીકે ભાજપમાંથી ત્રીજીવાર ચૂંટાયેલા વોર્ડ નંબર-૧૮ના કોર્પોરટર ગેમર દેસાઈનું આજે સવારે હૃદયરોગના હુમલાથી નિધન થયું છે. ભાજપના સિનિયર કોર્પોરેટર અને પશુપાલન સમાજના અગ્રણી એવા ગેમર દેસાઈ આજે સવારે તૈયાર થઈને બહાર જવા નીકળ્યા હતા ત્યારે ઘરે જ તેમને હૃદયરોગનો હુમલો આવ્યો હતો.

ભાજપના કોર્પોરેટરના નિધનની ખબર બાદ મેયર દક્ષેશ માવાણી અને સ્થાયી સમિતિ અધ્યક્ષ રાજન પટેલ હોસ્પિટલ પહોંચ્યા હતા.પ્રદેશ પ્રમુખ સી.આર. પાટીલ સહિત અન્ય નેતાઓએ તેમને શ્રદ્ધાંજલિ આપી હતી. ઉલ્લેખનીય છે કે, આ ટર્મમાં થોડા મહિના પહેલા ભાજપના કોર્પોરેટર જયેશ જરીવાલાનું પણ હૃદયરોગના હુમલાથી મૃત્યુ થયું હતું.  ત્યારબાદ ભાજપના બીજા કોર્પોરેટરનું હૃદયરોગના હુમલાથી મૃત્યુ થયું છે.

જાણી લો કે કોઈને પણ હાર્ટ એટેક ત્યારે આવે છે, જ્યારે દિલમાં બ્લડનો પ્રવાહ ઓછો કે અવરોધિત થઈ જાય છે. ઘણી વાર કોરોનરી ધમનીઓમાં કેલેસ્ટ્રોલ અને ફેટ જમા થઈ જવાને કારણે પણ આમ બને છે. દિલને બ્લડ સપ્લાય કરનાર વાહિકાઓને કોરોનરી ધમનીઓ કહેવાય છે. જણાવી દઈએ કે જો તમને હાર્ટ એટેકનું કોઈપણ લક્ષણ જોવા મળે, તો તેને ઇગ્નોર ન કરશો અને તરત જ ડોક્ટરનો સંપર્ક કરશો.

આ પણ વાંચો :-

સુરતના ધારાસભ્ય મોરડીયાની ઓફિસમાં આગ લગતા ધમાચકડી

News Editor
-
0

સુરતમાં આગની ઘટનાઓ અવારનવાર બનતી હોય છે. ત્યારે કતારગામના ધારાસભ્યની સિંગણપોરસ્થિત કાર્યાલયમાં આગ ફાટી નીકળી હતી. જેથી અફરાતફરીનો માહોલ સર્જાયો હતો. લોકોના ટોળા એકઠાં થઈ ગયાં હતાં. આગની જાણ થતાં જ ફાયરબ્રિગેડનો કાફલો ઘટના સ્થળે દોડી આવ્યો હતો. કોમ્પ્લેક્સના પહેલા માળે આવેલી ઓફિસમાં એકાએક આગ લાગતા આસપાસના લોકો પણ દોડી આવ્યા હતા. ત્રણ ફાયર સ્ટેશનની ગાડીઓ ઘટના સ્થળ ઉપર પહોંચીને આગ ઉપર કાબુ મેળવ્યો હતો. જોકે, આગની ઘટનામાં મહત્વના દસ્તાવેજો સહિત ફર્નિચર કોમ્પ્યુટર અને એસી બળીને ખાક થઈ ગયું છે.

પ્રાથમિક તબક્કે શોર્ટ સર્કિટથી લાગેલી આગ જોત જોતામાં વિકરાળ બની ગઈ હતી. સાથે જ ધુમાડાના ગોટે ગોટા દુર સુધી જોવા મળ્યા હતાં. કતારગામ ધારાસભ્ય વિનોદ મોરડીયાના કાર્યાલયમા આગ ફાટી નીકળ્યાની જાણ થતાં જ ડભોલી ફાયરબ્રિગેડનો કાફલો ઘટના સ્થળે પહોંચ્યો હતો. જેમણે સતત પાણી મારો ચલાવી આગ પર કાબુ મેળવી લીધો હતો. જેથી હાશકારની લાગણી લોકોમાં ફેલાઈ હતી.

ફાયર અધિકારી રમેશ સેલરે જણાવ્યું કે કંકાવટી કોમ્પ્લેક્સના પહેલા માળે આવેલા ઓફિસમાં જયારે કર્મચારીઓ દ્વારા ઓફિસ ખોલીને ACએનઆઇ સ્પીચ ઓએન ઓન કરી હતી ત્યારે એકાએક જ AC ધડાકો થતા આગ લાગી હોવાનું જાણવા મળ્યું મળ્યું છે. જોત જોતામાં સર્કિટ થયું અને તેના કારણે આખી ઓફિસ લપેટમાં આવી ગઈ હતી કોલ મળતાની સાથે જ ફાયર વિભાગની ગાડીઓ ઘટના સ્થળ ઉપર પહોચી હતી. કાર્યાલયમાં આગ લાગતા ફર્નિચર અને કોમ્પ્યુટરના સાધનો સહિતની પ્રચાર સામગ્રી અને અન્ય કાગળો પણ બળીને ખાક થઈ ગયા હતાં. આગ લાગવાનું કારણ અંકબંધ રહેવા પામ્યું છે. જો કે ફાયર બ્રિગેડ દ્વારા પ્રાથમિક માહિતી આગ શોર્ટ સર્કિટને ગણાવવામાં આવી રહી છે.

આ પણ વાંચો :-

કેશ ફૉર ક્વેરીના કેસમાં સાંસદ મહુઆ મોઇત્રાના નિવાસસ્થાન પર CBIના દરોડા

News Editor
-
0

આજે CBIની ટીમે તૃણમૂલ કોંગ્રેસના નેતા અને સસ્પેન્ડેડ સાંસદ મહુઆ મોઈત્રાના અનેક સ્થળો પર દરોડા પાડ્યા છે. કોલકાતામાં તેના નિવાસસ્થાન અને અન્ય સ્થળો પર દરોડા પાડવામાં આવી રહ્યા છે. સંસદમાં પૈસાના બદલામાં સવાલ પૂછવાના મામલે આ કાર્યવાહી કરવામાં આવી છે. મોઇત્રાને ગયા વર્ષે ૮ ડિસેમ્બરે ઉદ્યોગપતિ દર્શન હિરાનંદાની પાસેથી કથિત રીતે ભેટ સ્વીકારવા અને સંસદની વેબસાઇટનો ‘યુઝર આઈડી અને પાસવર્ડ’ તેમની સાથે શેર કરવા બદલ દોષી ઠેરવવામાં આવી હતી. અને લોકસભામાંથી સસ્પેન્ડ કરવામાં આવી હતી.

BJP MP claims CBI probe ordered against Mahua Moitra | સીબીઆઇનું સ્વાગત છે, મારાં શૂઝની ગણતરી કરવાભ્રષ્ટાચાર વિરોધી સંસ્થા લોકપાલના નિર્દેશો પર કાર્યવાહી કરતા, CBIએ ગુરુવારે તૃણમૂલ કોંગ્રેસ (TMC)ના ભૂતપૂર્વ સાંસદ મહુઆ મોઇત્રા વિરુદ્ધ પૈસા લઈને પ્રશ્નો પૂછવાના કેસમાં FIR નોંધી છે. ભારતીય જનતા પાર્ટીના સાંસદ નિશિકાંત દુબે દ્વારા મોઇત્રા પર લગાવવામાં આવેલા આરોપો પર CBIની પ્રાથમિક તપાસના તારણો મળ્યા બાદ લોકપાલે એજન્સીને સૂચનાઓ જારી કરી છે. લોકપાલે CBIને મોઇત્રા સામેની ફરિયાદોના તમામ પાસાઓની તપાસ કર્યા બાદ છ મહિનાની અંદર આ કેસમાં તેના તારણો રજૂ કરવાનો નિર્દેશ આપ્યો હતો.

મહુઆ મોઇત્રાએ ગૃહમાં પ્રશ્નો પૂછવામાં ભ્રષ્ટાચારના આરોપો અંગે CBIની પ્રશ્નાવલીનો જવાબ મોકલ્યો હતો. અધિકારીઓએ આ અંગે માહિતી આપી હતી. CBI લોકપાલના નિર્દેશો પર મોઇત્રા સામેના આરોપોની પ્રાથમિક તપાસ કરી રહી છે. સીબીઆઈએ આ જ કેસમાં વકીલ જય દેહાદરાય અને બિઝનેસમેન દર્શન હિરાનંદાનીની પણ પૂછપરછ કરી છે.

આ પણ વાંચો :-

સાબરકાંઠાના આ ઉમેદવારે લોકસભા ચૂંટણી લડવાનો કર્યો ઇનકાર

News Editor
-
0

લોકસભાની ચૂંટણી પહેલા વડોદરાના સાંસદ રંજનબેન ભટ્ટએ ચૂંટણી ન લડવાની ઈચ્છા વ્યક્ત કરી છે અને હવે સાબરકાંઠાથી પણ મોટા સમાચાર સામે આવી રહ્યા છે. ભાજપે સાબરકાંઠાથી જાહેર કરેલા ઉમેદવાર ભીખાજી ઠાકોરે પણ હવે ચૂંટણી ન લડવાની ઈચ્છા વ્યક્ત કરી છે.  સાબરકાંઠાના ભાજપ ઉમેદવારે ચૂંટણી લડવાનો ઈનકાર કરતા ગુજરાતમાં ભાજપને ડબલ ઝટકો લાગ્યો છે.

Gujarat Loksabha: BJP Sabarkantha Seat Candidate Bhikaji Thakor Surname Controversy With The WhatsApp Post, read local news | BJP Sabarkantha: સાબરકાંઠા ભાજપના ઉમેદવાર ભીખાજી ઠાકોરની અટકને લઇને વિવાદ ...વડોદરાના ઉમેદવાર રંજનબેન ભટ્ટ પછી સાબરકાંઠાના ઉમેદવાર ભીખાજી ઠાકોરે ચૂંટણી લડવાનો ઈનકાર કર્યો છે. મહત્વનું છે કે, વહેલા ઉમેદવારો જાહેર કરનારા ભાજપમાં ઉમેદવારો બદલવાનો સિલસિલો યથાવત છે. અહી સૌથી મોટી વાત તો એ છે કે, ગુજરાતના રાજકારણમાં ક્યારય ન બનતી ઘટનાઓ ૨૦૨૪ની ચૂંટણી બની રહી છે. ભાજપે ગુજરાતમાં ૨૨ ઉમેદવારોના નામની જાહેરાત કરી દીધી છે તેમા રંજનબેન ભટ્ટ અને ભીખાજી ઠાકોરને પણ ટિકિટ આપવામાં આવી હતી. આજે સવારે વડોદરાના ઉમેદવારે ચૂંટણી લડવાની ના પાડ્યા બાદ હવે સાબરકાંઠાના ઉમેદવારે પણ ના પાડી છે. આ તરફ હવે બનાસકાંઠાના ઉમેદવારને લઈને પણ અનેક ચર્ચાઓ થઈ રહી છે.

 ભાજપે પોતાની બીજી યાદીમાં સાત નામોની જાહેરાત કરી હતી, જેમાં સાબરકાંઠા બેઠક પર ભાજપે ભીખાજી દુધાજી ઠાકોરને ઉમેદવાર બનાવ્યા હતા. ભાજપે સાબરકાંઠામાં દિપસિંહનુ પત્તુ કાપી ભીખાજી ઠાકોરને ટિકિટ આપી હતી. જોકે, ભીખાજીના નામની જાહેરાતના થોડા કલાકોમાં જ તેમની અટકને લઇને સમગ્ર મતવિસ્તારમાં વિવાદ ઉભો થયો હતો, સોશ્યલ મીડિયા પર ભીખાજીને ઠાકોરની જગ્યાએ ડામોર અટક હોવાની વાતો ચર્ચાઇ હતી. આ ઉપરાંત સોશ્યલ મીડિયા પર પત્રિકા વૉર શરૂ થયુ હતો, જેમાં પ્રદેશ ભાજપ અધ્યક્ષને સંબોધીને એક પત્રિકા વાયરલ થઇ હતી.

આ પણ વાંચો :-

હવામાન વિભાગ દ્વારા રાજ્યમાં હીટવેવની આગાહી, હજુ પારો ૪૨ ડિગ્રીએ પહોંચશે

News Editor
-
0

ગુજરાતમાં  ઉનાળાની શરૂઆત થતાં આકરા તાપની પણ શરૂઆત થઇ ગઇ છે. હવામાન વિભાગે હિટવેવને લઇને કચ્છ-સૌરાષ્ટ્રમાં ૪ દિવસનું યલો એલર્ટ આપ્યું છે. આગામી ચાર દિવસ  હવામાન વિભાગે હીટવેવની આગાહી કરી છે. ખાસ કરીને ગીર સોમનાથમાં સીવિયર હીટ વેવની આગાહી છે. પોરબંદર, રાજકોટ, જૂનાગઢ, અમરેલી અને કચ્છમાં હીટવેવની આગાહીછે. રાજકોટમાં યલો અલર્ટ જાહેર કરવામાં આવ્યું છે. રાજ્યના મોટાભાગના શહેરોમાં તાપમાનનો પારો ૩૭ ડિગ્રીને પાર પહોંચ્યો છે.

Weather, 60% OFF | gbu-presnenskij.ruહવામાન વિભાગે પોરબંદર, ગીર સોમનાથ, અમરેલી અને રાજકોટમાં ગરમીનું યલો એલર્ટ જાહેર કર્યું છે. આ સિવાય જૂનાગઢ અને કચ્છમાં પણ  આગ ઝરતી ગરમી પડશે. અમદાવાદમાં ૪૩ ડિગ્રી સુધી તાપમાન પહોંચવાની શક્યતા છે. ૧૧ શહેરોમાં તાપમાનનો પારો ૩૭ ડિગ્રીને પારને પહોંચ્યો છે. હીટવેવની આગાહીને પગલે પ્રશાસન એલર્ટ આપ્યું છે. જેને લઈ સરકારે તમામ DEOને જરૂરી પગલા લેવા આપી સૂચના આપી છે.  DEOએ સ્કૂલ આચાર્યોને પરિપત્ર જાહેર કર્યો છે.

રાજ્યના આ શહેરોમાં તાપમાન પહોંચ્યો ૩૮ પાર

  • અમરેલીમાં તાપમાન (૩૯.૮)ડિગ્રી તાપમાન
  • રાજકોટમાં તાપમાન  (૩૯.૫) ડિગ્રી તાપમાન
  • કેશોદમાં તાપમાન  (૩૯.૦) ડિગ્રી તાપમાન
  • સુરેન્દ્રનગરમાં તાપમાન (૩૮.૯) ડિગ્રી તાપમાન
  • અમદાવાદમાં તાપાન (૩૮.૯) ડિગ્રી તાપમાન
  • વડોદરામાં તાપમાનનો પારો (૩૮.૬) ડિગ્રી તાપમાન
  • ભૂજમાં તાપમાનનો પારો (૩૮.૫) ડિગ્રી તાપમાન
  • ગાંધીનગરમાં તાપમાન  (૩૮.૦) ડિગ્રી તાપમાન
  • ડીસામાં તાપમાન (૩૭.૬) ડિગ્રી તાપમાન
  • ભાવનગરમાં તાપમાન (૩૭.૬) ડિગ્રી તાપમાન
  • મહુવામાં પણ તામાનનો પારો (૩૭.૨) ડિગ્રી તાપમાન

ગુજરાતના મોટાભાગે હિટવેવના વિસ્તારોમાં તાપમાન ૩૯-૪૦ ડિગ્રી રહેવાની શક્યતા છે. ૨૨ થી ૨૪ માર્ચ સુધી કચ્છ, પોરબંદર, રાજકોટ, જૂનાગઢ, ગીર સોમનાથ અને અમરેલીમાં હિટવેવની આગાહી છે. તો ૨૫ થી ૨૬  માર્ચ સુધી કચ્છ, પોરબંદર, રાજકોટ, જૂનાગઢ, ગીર સોમનાથ, દીવ અને, અમરેલીમાં હિટવેવની આગાહી છે. આગામી દિવસોમા ૧ થી ૨ ડિગ્રી તાપમાન વધવાની શક્યતા છે.

આ પણ વાંચો :-

સુરતમાં ભગવતી કન્સ્લટમાંથી નકલી જન સુવિધા કેન્દ્ર ઝડપાયું

News Editor
-
0

ગુજરાતમાં બોગસ સરકારી કચેરીનું વધુ એક કૌભાંડ ઝડપાયું છે. સુરતના કાપોદ્રામાં નકલી જનસુવિધા કેન્દ્ર ઝડપાયું છે. ઉલ્લેખનીય છે કે આ અગાઉ છોટા ઉદેપુર જિલ્લામાં બોગસ કચેરી અને બોગસ અધિકારી ઝડપાયા હતા. બોગસ આધારકાર્ડ, પાનકાર્ડ, રેશનકાર્ડ સહિતના દસ્તાવેજોમાં અધિકારીઓની ડુપ્લિકેટ સહિ અને સિક્કા મારી અપાતા હોવાનું પણ સામે આવ્યું છે. કાપોદ્રાના ભગવતી કન્સલ્ટન્સીના નામે ચાલતી દુકાનદાર સામે મામલતદારે પોલીસ મથકમાં ફરિયાદ આપી છે.

સુરત મામલતદારે પોલીસ સાથે રેડ કરી હતી. જલારામ કોમ્પ્લેક્ષમાં આવેલા ભગવતી કન્સ્લટમાંથી નકલી જન સુવિધા કેન્દ્ર ઝડપાયુ હતું. અધારકાર્ડ ,પાનકાર્ડ ,રેશનકાર્ડ ,આવક ના દાખલ સહિત ની વસ્તુ ડુપ્લીકેટ બનાવતો હતો. ડુપ્લીકેટ લાઈટ બિલ અને ડુપ્લીકેટ વેરા બિલ પણ બનાવતો હતો. પોલીસે બોગસ ડોક્યુમેન્ટ સાથે નિકુંજ દુધાતની ધરપકડ કરી છે.

પોલીસે મોનિટર, લેપટોપ, મંત્રા ડિવાઈસ, થમ્બ ડિવાઈઝ, પ્રિન્ટર, ૮૦ નંગ પીવીસી કોરા કાર્ડ, સ્ટેમ્પ પેડ, ફોન, આઠ નંગ હિસાબી ચોપડા, ૬૯ નંગ આરટીઈના ફોર્મ, ૨૩ નંગ રેશનકાર્ડ, બિન અનામત- આવકના દાખલા નંગ ૪૫, પાનકાર્ડ નંગ-૩ની અરજી, સુમન ટેનામેન્ટ ફોર્મ વગેરે વસ્તુઓ કબ્જે લેવામાં આવી છે.

કાપોદ્રા પોલીસે જણાવ્યું હતું કે આરોપીની હાલ ધરપકડ કરી ઉંડાણપૂર્વકની તપાસ શરૂ કરવામાં આવી છે. આરોપીએ હમણાં સુધી કેટલા આવા બોગસ આધાર પુરાવા લોકોને બનાવી આપ્યા છે તેની ઉંડાણપૂર્વક તપાસ શરૂ કરવામાં આવી છે. આ સિવાય કોમ્પ્યુટર અને લેપટોપમાંથી પણ વધુ વિગતો મેળવવામાં આવી રહી છે. આરોપીની ધરપકડ કરી સુરત કોર્ટમાં રજૂ કરવામાં આવ્યો છે. જ્યાં કોર્ટમાંથી ૨૬ માર્ચ સુધીના આરોપીના રિમાન્ડ મેળવવામાં આવ્યા છે. રિમાન્ડ દરમિયાન નવા ખુલાસા બહાર આવે તેવી શક્યતા પોલીસે વ્યક્ત કરી છે.

આ પણ વાંચો :-

આપના વધુ એક ધારાસભ્ય ગુલાબ યાદવને ઘરે EDના દરોડા

News Editor
-
0

દિલ્હીના મુખ્યમંત્રી અરવિંદ કેજરીવાલની ધરપકડને લઈને ચાલી રહેલા હોબાળા વચ્ચે એન્ફોર્સમેન્ટ ડિરેક્ટોરેટની ટીમ દિલ્હીના આમ આદમી પાર્ટીના ધારાસભ્યપહોંચી હોવાની ચર્ચા શરૂ થઈ છે. EDની ટીમ શનિવારે સવારે મટિયાલાથી ધારાસભ્ય ગુલાબ યાદવને ત્યાં છાપેમારી કરવા પહોંચી છે. પાર્ટીએ કાર્યવાહીને લઈને સવાલ ઉઠાવ્યા છે.  ગુલાબ સિંહ ગુજરાતમાં આમ આદમી પાર્ટીના પ્રભારી રહી ચૂક્યા છે. ૨૦૧૬માં લાંચના એક કેસમાં તેમની ધરપકડ કરવામાં આવી હતી. હાલમાં આ કાર્યવાહી કયા કેસમાં થઈ રહી છે, તેની જાણકારી મળી શકી નથી.

EDની ટીમ શનિવારે સવારે મતિયાલાથી આમ આદમી પાર્ટીના ધારાસભ્ય ગુલાબ યાદવના ઘરે દરોડા પાડવા પહોંચી હોવાનાં અહેવાલ અનેક નેશનલ મીડિયામાં પ્રસારિત થયા છે. આ તરફ કાર્યવાહીને લઈ આપ પાર્ટીએ સવાલો ઉઠાવ્યા છે. પાર્ટીનું કહેવું છે કે, EDની સતત કાર્યવાહીથી સ્પષ્ટ થાય છે કે, તપાસ એજન્સી કેન્દ્ર સરકારના ઈશારે કામ કરી રહી છે, જેથી કોઈ નેતા કેન્દ્ર સરકાર વિરુદ્ધ અવાજ ન ઉઠાવી શકે.

ગયા વર્ષે નવેમ્બર ૨૦૨૨માં એક વીડિયો સામે આવ્યો હતો, જેમાં કાર્યકર્તા કથિત AAPના ધારાસભ્યને મરતા નજરે પડી રહ્યા હતા. ઉલ્લેખનીય છે કે, ધારાસભ્ય ગુલાબ સિંહ, શ્યામ વિહાર વિસ્તારમાં MCD ચૂંટણીને લઈને બેઠક કરી રહ્યા હતા. આ દરમિયાન અચાનક હોબાળો શરૂ થઈ ગયો. જોત જોતમાં પાર્ટી કાર્યકર્તાઓએ ધારાસભ્ય સાથે મારામારી શરૂ કરી દીધી હતી. તેમની સાથે ધક્કામુક્કી પણ કરી હતી.
આ પણ વાંચો :-
1...808809810...1,485Page 809 of 1,485