Home Blog Page 717

કોંગ્રેસ કાર્યાલય પર પથ્થરમારાના કેસમાં કોંગ્રેસના પાંચેય કાર્યકરોની જામીન અરજી ફગાવી

News Editor
-
0

ઈન્ડિયા ગઠબંધનના વિપક્ષના નેતા અને કૉંગ્રેસના સાંસદ રાહુલ ગાંધીએ સંસદમાં હિન્દુધર્મ અંગે આપેલા નિવેદન મામલે ભાજપ-કોંગ્રેસ વચ્ચે ઘર્ષણ થયું હતું. ગુજરાત પ્રદેશ કોંગ્રેસ કાર્યાલય સામે શહેર ભાજપના કાર્યકરો દ્વારા કરાયેલા દેખાવમાં બન્ને પક્ષના કાર્યકરોએ સામસામે પથ્થરમારો કર્યો હતો. આ મામલે ભાજપ અને કોંગ્રેસે સામ સામે પોલીસ ફરિયાદ નોંધાવી હતી. જેને પગલે પોલીસે કોંગ્રેસના પાંચ કાર્યકરોની ધરપકડ કરી હતી.

Congress office stone pelting case Bail denied to five Congress workers

જામીન અરજીની સુનાવણી વખતે કોર્ટે કહ્યું હતું કે, જાહેરમાં પથ્થરમારો કરવો એ અપરાધ છે. જાહેરમાં કાયદો હાથમાં લેવો યોગ્ય નથી.આમ પાંચેય આરોપીઓ એવા સંજય બ્રહ્મભટ્ટ, મનીષ ઠાકોર, મુકેશ દંતાણી અને વિમલ કંસારાની પણ ધરપકડ કરવામાં આવી છે હવે તેમણે જેલમાં રહેવું પડશે.૧ જુલાઈની મોડી રાતના ચાર વાગ્યે કોંગ્રેસ કાર્યાલય પર મોટી સંખ્યામાં બજરંગદળ અને VHPના કાર્યકરો પહોંચ્યા હતા. કાર્યકરોએ કોંગ્રેસ ઓફિસ ખાતે રાહુલ ગાંધીનાં પોસ્ટર ફાડી દીધાં હતાં. કેટલાંક પોસ્ટર પર કાળો સ્પ્રે માર્યો હતો. કોંગ્રેસના કાર્યાલયની દીવાલ કૂદીને અંદર ઘૂસ્યા હતા. આ અંગેના ફોટો વીડિયો પણ સોશિયલ મીડિયામાં વાઈરલ થયા હતા.

ભાજપ અને કોંગ્રેસના કાર્યકરો વચ્ચે થયેલા પથ્થરમારામાં એસીપી, કોન્સ્ટેબલ અને હોમગાર્ડ સહિત સાત લોકોને ઈજા પહોંચી હતી, જેમાંથી માથે પથ્થર વાગતાં પાલડી પોલીસ સ્ટેશનના પોલીસ કોન્સ્ટેબલ કર્મરાજસિંહ બેભાન થયા હતા. આ અંગે કર્મરાજસિંહે ફરિયાદ નોંધાવી હતી. આ ફરિયાદમાં AMCમાં કોંગ્રેસના વિપક્ષના નેતા શહેઝાદ ખાન પઠાણ, પ્રગતિ આહીર, હેતા પારેખ અને કોંગ્રેસના ૨૦૦થી ૨૫૦ જેટલા અને ભાજપના ૧૫૦-૨૦૦ કાર્યકરો સામે ફરિયાદ નોંધી હતી. આ કેસમાં અલગ-અલગ કલમો મુજબની ફરિયાદ નોંધવામાં આવી હતી.

આ પણ વાંચો :-

સુરતના પૂર્વ કોર્પોરેટર દિનેશ કાછડિયાએ AAPના તમામ પદ પથી આપ્યું રાજીનામું

News Editor
-
0

સુરત ઉત્તર વિધાનસભામાંથી કોંગ્રેસમાંથી ભાજપ સામે ચૂંટણી લડી ચૂકેલા અને ત્યારબાદ આમ આદમી પાર્ટીમાં જોડાયેલા દિનેશ કાછડિયાએ આપમાંથી પણ રાજીનામું આપી દીધું છે. આપમાં તેમની ઉપયોગિતા ન હોય તેવી વાત કરીને તેમણે રાજીનામું ધરી દીધું હતું.

સુરતમાં રાજકીય ખળભળાટ, કોંગ્રેસ છોડીને આપમાં જોડાયેલા દિનેશ કાછડિયાનું તમામ હોદ્દા પરથી રાજીનામું 1 - image

ગુજરાતમાં ‘આમ આદમી પાર્ટી’ને લઈ મોટા સમાચાર આવ્યા છે. ગુરજાત AAP માં પ્રદેશમંત્રી દિનેશ કાછડીયાએ પાર્ટીના તમામ પદ પથી રાજીનામું આપી દીધું છે. પ્રદેશમંત્રી દિનેશ કાછડીયાએ રાજીનામું આપવાની સાથે ચોંકાવના કારણ પણ જણાવ્યું છે. રાજીનામામાં તેમણે લખ્યું કે, ‘રાજ્ય અને દેશની વર્તમાન રાજકીય પરિસ્થિતિઓ તેમ જ છેલ્લા એક વર્ષના મારા આ પાર્ટી સાથેના કાર્યાનુભવોને જોતાં AAP, ગુજરાતમાં મારી કોઈ પ્રાસંગિકતા કે ઉપયોગિતા જણાતી નથી, આથી હું પાર્ટીનાં તમામ પદ અને સભ્ય પદેથી રાજીનામું આપું છું…’

તેઓએ પ્રદેશ અધ્યક્ષને લખેલા પત્રમાં જણાવ્યું હતું કે પ્રદેશ અધ્યક્ષ. સવિનય… હું દિનેશ કાછડીયા, પ્રદેશ મંત્રી, આમ આદમી પાર્ટી-ગુજરાત રાજ્ય અને દેશની વર્તમાન રાજકીય પરિસ્થિતિઓ તેમજ છેલ્લાં એક વર્ષના મારા આ પાર્ટી સાથેના કાર્યાનુભવોને જોતાં આમ આદમી પાર્ટી, ગુજરાતમાં મારી કોઈ પ્રાસંગિકતા કે ઉપયોગિતા જણાતી નથી, આથી હું પાર્ટીનાં તમામ પદ અને સભ્ય પદેથી રાજીનામું આપું છું.

આ પણ વાંચો :-

NEET-UG: CBIએ સુપ્રીમ કોર્ટમાં સ્ટેટસ રિપોર્ટ ફાઇલ કર્યો, શું પરીક્ષા ફરી લેવાશે?

News Editor
-
0

મેડિકલ પ્રવેશ પરીક્ષા NEET UGમાં થયેલી ગેરરીતિઓ નકારણે પરીક્ષા રદ કરી ફરીવાર યોજવાની માગ કરતી અનેક અરજીઓ પર વધુ સુનાવણી આવતીકાલ સુધી મોકૂફ રાખવામાં આવી છે. મુખ્ય ન્યાયાધીશ ડી.વાય.ચંદ્રચૂડ, જસ્ટિસ જે.બી.પારડીવાલા અને જસ્ટિસ મનોજ મિશ્રાની બેન્ચ આ અરજીઓ પર સુનાવણી કરશે.

દરેકને સન્માન સાથે મરવાનો અધિકાર છે, સુપ્રીમ કોર્ટ ઈચ્છામૃત્યુના નિયમોમાં સુધારો કરવા તૈયાર છે - Gujarati News | Supreme Court is ready to amend the rules of euthanasia ...

મેડિકલ એન્ટ્રન્સ પરીક્ષા NEET-UGના કથિત પેપર લીક કેસની તપાસ કરી રહેલી સેન્ટ્રલ બ્યુરો ઑફ ઇન્વેસ્ટિગેશન (CBI)એ આજે (૧૧ જુલાઈ) સુપ્રીમ કોર્ટમાં પોતાનો સ્ટેટસ રિપોર્ટ સીલબંધ કવરમાં ફાઈલ કર્યો છે. સુપ્રીમ કોર્ટે NEET UG કેસની સુનાવણી શુક્રવારે (૧૨ જુલાઈ) એટલે કે આવતીકાલ સુધી મોકૂફ રાખી છે. અરજદારોને કેન્દ્ર અને એનટીએ દ્વારા દાખલ કરવામાં આવેલા સોગંદનામા પર તેમના જવાબો ફાઈલ કરવા માટે સમય આપવામાં આવ્યો છે.

અગાઉ નેશનલ ટેસ્ટિંગ એજન્સી (NTA)એ સુપ્રીમ કોર્ટમાં એફિડેવિટ ફાઈલ કરી છે. NTAએ એફિડેવિટમાં જણાવ્યું હતું કે સ્પર્ધાત્મક પરીક્ષાઓના પેપર તૈયાર કરવા માટે કડક સુરક્ષા પ્રક્રિયાઓનું પાલન કરવામાં આવે છે. ઘણા વિષય નિષ્ણાતોની હાજરીમાં પેપરો તૈયાર કરવામાં આવે છે. તેઓ સીલબંધ કરવમાં રાખવામાં આવે છે. સીસીટીવી કેમેરા હેઠળ પ્રિન્ટીંગ કરવામાં આવે છે. પરીક્ષા કેન્દ્રો પર કડક સુરક્ષા હેઠળ અને જીપીએસ ટ્રેકર અને ડીજીટલ લોક સાથે પેપર મોકલવામાં આવે છે.

આ પણ વાંચો :-

ICAI અને CA ફાઈનલ પરિણામ જાહેર, આ રીતે જોઈ શકો છો તમારું પરિણામ

News Editor
-
0

ધ ઇન્સ્ટિટ્યૂટ ઑફ ચાર્ટર્ડ એકાઉન્ટન્ટ્સ ઑફ ઇન્ડિયા (ICAI) એ ચાર્ટર્ડ એકાઉન્ટન્ટ્સ (CA) ઇન્ટરમીડિયેટ અને ફાઇનલ-૨૦૨૪ના પરિણામો આજે, ૧૧ જુલાઈએ જાહેર કર્યા છે. આ પરિણામમાં મહારાષ્ટ્રના વિદ્યાર્થીઓએ સારો દેખાવ કર્યો છે. ઈન્ટરમાં ઑલ ઈન્ડિયા ફર્સ્ટ અને સેકન્ડ રેંકમાં રાજ્યના ત્રણ વિદ્યાર્થી છે જેમાં ભિવંડીનો દુશાગ્ર રૉય પહેલા અને કોલાનો ગુજરાતી વિદ્યાર્થી યુગ કારિયા અને ભાયંદરનો યજ્ઞ ચંદોક બીજા ક્રમાકે છે.

ICAI CA Result 2024: 41 હજાર CA પાસ, શિવમ મિશ્રા ફાઈનલમાં અને ઈન્ટરમાં કુશાગ્ર ટોપ 1 - image

જ્યારે ફાયનલની વાત કરીએ તો ઑલ ઈન્ડિયા ટૉપરમાં નવી દિલ્હીનો શિવમ મિશ્રા અને સેકન્ડ રેકમાં નવી દિલ્હીની વર્ષા અરોરાનું નામ ઝળક્યું છે જ્યારે ઑલ ઈન્ડિયા થર્ડ રેંકમાં મુંબઈની કિરણ રાજેન્દ્ર સિંહ અને નવી મુંબઈના ઘીલમન સલીમ અંસારીનો સમાવેશ થાય છે.

ICAI CA ફાઇનલ, ઇન્ટર રિઝલ્ટ ૨૦૨૪ કેવી રીતે ચેક કરવું?

  • સૌથી પહેલા ઓફિશિયલ વેબસાઇટ icai.org, icai.nic.in પર જાઓ.
  • ત્યાં ICAI CA ફાઇનલ, ઇન્ટર રિઝલ્ટ ૨૦૨૪ લિંક પર ક્લિક કરો.
  • એપ્લિકેશન નંબર અને જન્મ તારીખની મદદથી લોગિન કરો.
  • રિઝલ્ટ તમારી સામે સ્ક્રીન પર દેખાશે.
  • તેને ચેક અને તેને ડાઉનલોડ કરી લો.

આ જ રીતે સીએ ઈન્ટરમીડિયએટ મે ૨૦૨૧ની પરીક્ષામાં ભિવાડીના કુશાગ્ર રોયે ૫૩૮ (૮૯.૬૭%) માર્ક્સ સાથે દેશમાં ટોપ કર્યું છે. તેના પછી અકોલાનો યુગ સચિન કરિયા અને ભાયંદરનો યાગ્ય લલિત ચાંડક બંનેએ ૫૨૬ (૮૭.૬૯%) પોઈન્ટ સાથે બીજા ક્રમે રહ્યું છે. તેના બાદ નવી દિલ્હીનો મનિત સિંહ ભાટિયા તથા મુંબઈનો હીરેશ કાશીરામ્કા બંનેએ ૫૧૯ (૮૬.૫૦%) માર્ક્સ સાથે ત્રીજું ક્રમ પ્રાપ્ત કર્યું છે.

આ પણ વાંચો :-

 

બ્રિટિશ સાંસદ શિવાની રાજાએ હાથમાં શ્રીમદભાગવત ગીતા લઈને લીધા શપથ

News Editor
-
0

હેરો ઈસ્ટના કન્ઝર્વેટિવ બ્રિટિશ સાંસદ બોબ બ્લેકમેને તેમના હાથમાં ભગવદ ગીતા અને બાઈબલ બંને સાથે પદના શપથ લીધા છે. આ પ્રતીકાત્મક કાર્ય વિવિધ ધર્મો માટે તેમનો આદર દર્શાવે છે. તેમના સમાવેશી અભિગમ માટે જાણીતા, બ્લેકમેને હાઉસ ઓફ કોમન્સમાં ગીતા પર ચર્ચા કરનાર પ્રથમ સાંસદ તરીકે ઈતિહાસ રચ્યો હતો. બ્લેકમેનનો હાથમાં ગીતા અને બાઈબલ સાથે શપથ લેતો વીડિયો સોશિયલ મીડિયા પર વાયરલ થઈ રહ્યો છે.

Video: Indian-Origin British MP Shivani Raja Takes Oath On Bhagavad Gita In UK Parliament - News18શિવાની રાજાએ તેના શપથ ગ્રહણનો વીડિયો સોશિયલ મીડિયા પર શેર કર્યો છે, જેણે હજારો ભારતીયોના દિલ જીતી લીધા છે. વીડિયો પોસ્ટ કરતી વખતે તેમણે લખ્યું કે, લેસ્ટર ઈસ્ટનું પ્રતિનિધિત્વ કરવા માટે આજે સંસદમાં શપથ લેવી એ સન્માનની વાત છે. મને ગીતા પર મહામહિમ રાજા ચાર્લ્સ પ્રતિ શપથ લેતી વખતે ગર્વની લાગણી થાય છે.

શિવાની રાજાએ ૧૪,૫૨૬ મત મેળવ્યા હતા અને વિપક્ષી ઉમેદવાર રાજેશ અગ્રવાલને ૪,૪૨૬ મતોથી હરાવ્યા હતા. જો કે, આ સીટ ૧૯૮૭થી લેબર પાર્ટીનો ગઢ રહેલી છે, પરંતુ શિવાની રાજાએ આ સીટ પરથી જીતનો ઝંડો લહેરાવ્યો હતો. માત્ર શિવાની રાજા જ નહીં પરંતુ ભારતીય મૂળના ૨૬ લોકોએ UKની ચૂંટણી જીતી હતી. UKમાં ૬૫૦ બેઠકો પર ચૂંટણી યોજાઈ હતી, જેમાં લેબર પાર્ટીએ ૪૧૨ બેઠકો જીતી હતી, જ્યારે બીજી તરફ ઋષિ સુનકની કન્ઝર્વેટિવ પાર્ટીને માત્ર ૧૨૧ બેઠકો મળી હતી.

આ પણ વાંચો :-

રાષ્ટ્રપતિ મૂર્મુ ઓલિમ્પિક મેડલ વિજેતા સાયના નેહવાલ સાથે રમ્યા બેડમિંટન

News Editor
-
0

રાષ્ટ્રપતિ દ્રૌપદી મૂર્મુ બુધવારે ઓલિમ્પિક મેડલ વિજેતા સાયના નેહવાલ સાથે બેડમિન્ટન રમ્યા હતા. આ મેચ રાષ્ટ્રપતિ ભવનના બેડમિન્ટન કોર્ટમાં યોજાઈ હતી. બેડમિન્ટન રમતી વખતે રાષ્ટ્રપતિ મૂર્મુએ અનુભવી ખેલાડીની જેમ ઘણા શાનદાર શોટ રમીને શ્રેષ્ઠ રમત રમી હતી.

રાષ્ટ્રપતિના ઓફિસિયલ સોશિયલ મીડિયા પ્લેટફોર્મ એક્સ (X) પર પોસ્ટ કરવામાં આવી છે. જેમાં રાષ્ટ્રપતિ મૂર્મુ અને સ્ટાર સાયના નેહવાલ સાથે બેડમિન્ટનની મેચ રમતા જોવા મળી રહ્યા છે. મેચ પહેલા બુધવારે રાષ્ટ્રપતિએ રાષ્ટ્રપતિ ભવનમાં પ્રતિષ્ઠિત ડ્યુરન્ડ કપ, પ્રેસિડેન્ટ કપ અને શિમલા ટ્રોફીનું અનાવરણ કર્યું હતું.

રાષ્ટ્રપતિ સચિવાલયે સોશિયલ મીડિયા પ્લેટફોર્મ પર એક પોસ્ટમાં લખ્યું હતું કે ‘રાષ્ટ્રપતિનું આ પ્રેરણાદાયી પગલું એવા સમયે ભારતના બેડમિન્ટન સુપરપાવર તરીકે ઉભરી રહ્યું છે જ્યારે મહિલા ખેલાડીઓ વિશ્વ મંચ પ્રતિભા બતાવી રહ્યા છે.’

સાઇના નેહવાલે પણ રાષ્ટ્રપતિ સાથે રમવાની તક મળવા પર ખુશી વ્યક્ત કરી હતી. નેહવાલે પોતાના સોશિયલ મીડિયા એક્સ પર પોસ્ટ કરીને લખ્યું હતું કે, ‘ભારતના રાષ્ટ્રપતિ સાથે રમવું મારા માટે સન્માનની વાત છે. આ મારા જીવનનો ઘણો યાદગાર દિવસ છે. મારી સાથે બેડમિન્ટન રમવા માટે રાષ્ટ્રપતિનો ખૂબ ખૂબ આભાર.

આ પણ વાંચો :-

૧૧ જુલાઈ, ૨૦૨૪ / આ રાશિ માટે ગુરૂવારના દિવસે પરિવારમાં આનંદ, કાર્યક્ષેત્રે સફળતા મળતી જણાય વિદ્યાર્થી મિત્રો માટે શુભ, જાણો આજનું રાશિ ભવિષ્ય

News Editor
-
0

મેષઃ

મનોબર વધતુ જણાય. આર્થિક ક્ષેત્રે પ્રગતિ થતી જણાય. સંતાનની ચિંતા હળવી થતી જણાય. કાર્યક્ષેત્રે સફળતા મળતી જણાય. બપોર પછી આવકનુ પ્રમાણ ઘટે. માતાની ‌તબિયત નું ધ્યાન રાખવું. પોતાનું આરોગ્ય સાચવવું.

વૃષભઃ

સ્થાવર જંગમ મિલકતથી લાભ મેળવી શકાય.નવા વાહનની ખરીદી શકય બને. ટ્રાવે‌લીંગ ઠંડાપીણાના ધંધામાં લાભ. સંતાનનૂ પ્રગતિથી આનંદ થાય. સ્વાસ્થય સારૂં રહે. ધંધાકીય ક્ષેત્રે સફળતા.

‌મિથુનઃ

પરિવારમાં પ્રેમ જળવાય. કુટુંબના સભ્યોના પ્રશ્નોના ઉકેલ મળતો જણાય. આવકનું પ્રમાણ જળવાય. બપોર બાદ સ્થાવર જંગમ‌ મિલકત થી લાભ. અગત્યના ધંધાકીય નિર્ણયો બપોર પછી લેવા હિતાવહ.

કર્કઃ

સ્વભાવમાં ઉગ્રતા જણાય. સિધ્ધાંત વાદી વલણ પેદા થાય. આર્થિક દૃષ્ટિએ તથા પારિવારીક રીતે દિવસ દરમ્યાન આનંદ. દામપત્ય જીવન માં મધુરતા નો અનુભવ થાય. આકસ્મિક ધનલાભ શક્ય બને.

‌સિંહઃ

સ્વભાવમાં નમ્રતા વર્તાય. વિજાતિય વ્યકિત તરફ આકર્ષણ વધે. ક‌ુદરતનું સાન્નિધ્ય માણવાનો યોગ બને છે. શેર બજાર, કેમીસ્ટસ એડવોકેટ, તેમજ સેનેટરી લગતા ધંધામાં વિશેષ લાભ. દામ્પત્ય ક્ષેત્રે આનંદ.

કન્યાઃ

સ્વતંત્ર મિજાજ રહે. અનિયમિતતા તથા ભોજનમાં બેેદરકારી વર્તાય. બપોર સુધી આવક સામાન્ય ત્યાર બાદ આવક વધે. એંજીનીયરીંગ, ખાણ, પથ્થર, મીઠાઇના ધંધામાં લાભ મ‍ળતો જણાય. આંખની કાળજી રાખવી જરૂરી.

તુલાઃ ‌

બપોર સુધી આવક જળવાય. બપોર બાદ આવકનું પ્રમાણ ઘટે. આરોગ્ય સાચવવું. અગત્ય ના નિર્ણયો બપોર સુધીમાં લઇ લેવા પિતાની તબિયત સાચવવી. યશ, પ્રતિષ્ઠા વધે. ભાગ્યનો સાથ મળે.

વૃ‌શ્ચિકઃ

નોકરી ધંધામાં પ્રગતિ થતા આવકમાં વધારો થાય. મિત્રોનો સાથ સહકાર મ‍ળતો જણાય. નવા મિત્રો બનતા જણાય. પરિવારના સભ્યો વચ્ચે મતભેદ ટાળવા. ચામડીના રોગો તથા સ્નાયુના દુઃખાવાથી સાચવવું.

ધનઃ

પરોપકારની ભાવના પેદા થાય. જાહેર જીવનમાં સક્રીય થઈ શકાય. ભાગ્યનો સાથ મ‍ળતાં ધંધાકીય ક્ષેત્રે સફળતા મ‍ળતી જણાય. યાત્રા-પ્રવાસનો આનંદ લઇ શકાય. નકારાત્મક વિચારો ટાળવા.

મકરઃ

દિવસ દરમ્યાન ઉદાસીનતા જણાય. જીવનસાથી સાથે વાદવિવાદ ટાળવા. જીવનસાથી ની તબિયત નું ધ્યાન રાખવું ધંધાકીય ક્ષેત્રે સાવધાની જરૂરી. માન-સન્માન ને હાનિ પહોંચે એવા પ્રસંગનુ નિર્માણ થાય. આરોગ્ય જળવાય.

કુંભઃ ‌

વૈવાહિક જીવનમાં આનંદ વર્તાય. નાણાં નો બગાડ અટકાવવો. કરેલા રોકાણો સફ‍ળ થતાં જણાય. દામ્પત્ય જીવનમાં આનંદ વર્તાય, શરદી, ખાસી, તાવથી પરેશાની રહે. નાણાં ઉછીના આપવા કે લેવા નહીં.

મીનઃ

મનોબળ મજબૂત બને. બપોર બાદ આવક જળવાય. પરિવારમાં સુખ શાંતિનો અનુભવ થાય. કાર્યક્ષેત્રે સફળતા મ‍ળે. દામ્પત્ય સુખમાં વૃધ્ધિ થતી જણાય. માથાના દુઃખાવા તથા હાડકાના દુઃખાવાથી સાચવવું.

મહિલા IRS અધિકારીએ કરાવ્યું લિંગ પરિવર્તન, સિવિલ સર્વિસના ઈતિહાસનો પહેલો કિસ્સો

News Editor
-
0

સિવિલ સર્વિસના ઈતિહાસમાં કદાચ આ પ્રકારનો પ્રથમ કિસ્સો જોવા મળ્યો છે. જેમાં એક મહિલા IRS અધિકારીએ લિંગ પરિવર્તન કરાવીને પુરુષ બન્યા છે. સેન્ટ્રલ બોર્ડ ઓફ એક્સાઇઝ એન્ડ કસ્ટમ્સના રેવન્યુ ડિપાર્ટમેન્ટે મંગળવારે તેને મંજૂરી આપી છે. વિભાગે કહ્યું કે, હવે સંબંધિત મહિલા અધિકારી મિસ એમ અનુસૂયા હવે મિસ્ટર એમ અનુકથિર સૂર્યા તરીકે ઓળખાશે અને તેમની ઓળખાણ મહિલાને બદલે પુરુષ તરીકે કરવામાં આવશે.

હૈદરાબાદમાં ચીફ કમિશનર ઑફ કસ્ટમ્સ એક્સાઇઝ એન્ડ સર્વિસ ટેક્સ એપેલેટ ટ્રિબ્યુનલ (CESTAT)માં જોઈન્ટ કમિશનર તરીકે ફરજ નિભાવતા એમ. અનુસૂયાએ લિંગ પરિવર્તન કરાવ્યું છે. ત્યારબાદ તેમણે નાણા મંત્રાલયમાં નામ બદલવાની તેમજ લિંગ કોલમમાં પણ સ્ત્રીના બદલે પુરુષ કરવાની વિનંતી કરી હતી. જે મંત્રાલય દ્વારા સ્વીકારી લેવામાં આવી હતી. તેમણે પોતાનું નામ એમ. અનુસૂયામાંથી અનુકથિર સૂર્યા કર્યું છે.

ડિસેમ્બર ૨૦૧૩માં સૂર્યાએ ચેન્નાઈમાં આસીસ્ટન્ટ કમિશનર તરીકે કાર્યભાર સંભાળ્યો હતો. ત્યારબાદ ૨૦૧૮માં તેઓ ડેપ્યુટી કમિશનર બન્યા, તેમજ હવે ગયા વર્ષે તેમનું પોસ્ટિંગ હૈદરાબાદ કરવામાં આવ્યું હતું. સૂર્યાએ ચેન્નઈમાં મદ્રાસ ઈન્સ્ટિટ્યૂટ ઓફ ટેકનોલોજીમાંથી ઈલેકટ્રોનિકસમાં ગ્રેજ્યુએશન કરેલું છે. ત્યારબાદ વર્ષ ૨૦૨૩માં નેશનલ લો ઇન્સ્ટિટ્યૂટ યુનિવર્સિટી, ભોપાલમાંથી સાયબર લો અને સાયબર ફોરેન્સિકમાં પીજી ડિપ્લોમા કર્યું હતું.

૧૫ એપ્રિલ, ૨૦૧૪ના રોજ સુપ્રીમ કોર્ટ દ્વારા ભારતમાં ત્રીજા લિંગને માન્યતા આપવામાં આવી હતી. કોર્ટે કહ્યું હતું કે, લિંગ ઓળખ એ વ્યક્તિગત પસંદગી છે કે વ્યક્તિ ‘સર્જરી કરાવે છે કે નહીં.’ ઓડિશામાં એક પુરૂષ વાણિજ્યિક કર અધિકારીએ ઓડિશા ફાઇનાન્સિયલ સર્વિસિસમાં નોકરીમાં જોડાયાના પાંચ વર્ષ પછી, 2015માં તેનું લિંગ બદલીને સ્ત્રી બનવાનું નક્કી કર્યું હતું. તે પણ મંજૂર કરવામાં આવ્યું હતું.

આ પણ વાંચો :-

દિલ્હી આપના પૂર્વ મંત્રી રાજકુમાર આનંદ સહિત ત્રણ ધારાસભ્યો જોડાયા ભાજપમાં

News Editor
-
0

આજે દિલ્હીના મુખ્યમંત્રી અરવિંદ કેજરીવાલને મોટો ઝટકો લાગ્યો છે. આગામી વિધાનસભા પહેલા આમ આદમી પાર્ટીના પૂર્વ મંત્રી રાજકુમાર આનંદ, વર્તમાન ધારાસભ્ય કરતાર સિંહ તંવર, રત્નેશ ગુપ્તા, સચિન રાય, પૂર્વ ધારાસભ્ય વીના આનંદ અને આપ કાઉન્સિલર ઉમેદ સિંડ ફોગાટ ભાજપમાં સામેલ થઈ ગયા છે.

aam-aadmi-party-mla-kartar-singh-tanwar-and-former-mla-raj-kumar-anand-join-the-bharatiya-janata-party-latest-news-in-gujarati-360544

તાજેતરમાં એપ્રિલ મહિના દરમિયાન રાજકુમાર આનંદે ભ્રષ્ટાચાર અંગેની પાર્ટીની નીતિ પર અસંતોષ વ્યક્ત કરીને કેબિનેટમાંથી રાજીનામું આપી દીધું હતું. તેમનું રાજીનામું સીધું દારૂ નીતિ કેસ સાથે જોડાયેલું હતું, જેમાં મુખ્ય પ્રધાન અરવિંદ કેજરીવાલ અને ભૂતપૂર્વ નાયબ મુખ્ય પ્રધાન મનીષ સિસોદિયા સહિતના અગ્રણી નેતાઓની ધરપકડ કરવામાં આવી હતી.

મહત્ત્વપૂર્ણ છે કે, રાજકુમાર આનંદે BSPની ટિકિટ પર નવી દિલ્હી સીટ પરથી તાજેતરમાં યોજાયેલી લોકસભા ચૂંટણી લડી હતી. ચૂંટણી જંગમાં તેમને માત્ર 5629 વોટ મળ્યા હતા. BJPના બાંસુરી સ્વરાજે આ સીટ પર ૮૭,૩૭૦ વોટથી જીત મેળવી હતી. તેમને ૪,૫૩,૧૮૫ મત મળ્યા હતા. આમ આદમી પાર્ટીના સોમનાથ ભારતી ૩,૭૪,૮૧૫ મતો સાથે બીજા ક્રમે છે.

પટેલ નગરના ભૂતપૂર્વ ધારાસભ્ય રાજ​​કુમાર આનંદ અરવિંદ કેજરીવાલની આગેવાની હેઠળની દિલ્હી કેબિનેટમાં સમાજ કલ્યાણ અને SC/ST મંત્રી હતા. આનંદે કહ્યું કે, તેમણે રાજીનામું એટલા માટે આપ્યું કારણ કે તેઓ પોતાનું નામ ચાલી રહેલા ‘ભ્રષ્ટાચાર’ સાથે જોડાવા માંગતા ન હતા.

આ પણ વાંચો :-

લિકર પોલિસી કેસમાં EDએ ચાર્જશીટમાં કેજરીવાલ અને આપને બનાવ્યાં આરોપી, જાણો સમગ્ર ઘટના ?

News Editor
-
0

દિલ્હીની લિકર પોલિસીમાં કથિત કૌભાંડના મામલામાં EDએ રાઉઝ એવન્યુ કોર્ટમાં ચાર્જશીટ દાખલ કરી છે. ચાર્જશીટમાં EDએ દિલ્હીના સીએમ અરવિંદ કેજરીવાલ અને તેમની આમ આદમી પાર્ટીને પણ આરોપી બનાવ્યા છે. ચાર્જશીટમાં EDએ અરવિંદ કેજરીવાલને કૌભાંડમાં કિંગપિન અને કાવતરાખોર ગણાવ્યા છે. આટલું જ નહીં, EDએ દાવો કર્યો છે કે તેને ગોવાની ચૂંટણીમાં લાંચના પૈસાના ઉપયોગની પણ જાણકારી હતી.

Arvind Kejriwal Arrest News: અરવિંદ કેજરીવાલની ધરપકડ મામલે આજે સુપ્રીમ કોર્ટમાં સુનાવણી, આતિશીની પણ ધરપકડ થઈ - BUSINESS GUJARAT

અરવિંદ કેજરીવાલ અને આરોપી વિનોદ ચૌહાણ વચ્ચેની વોટ્સએપ ચેટની વિગતો ચાર્જશીટમાં આપવામાં આવી છે. એવો આરોપ છે કે, કે કવિતાના પીએ વિનોદ મારફત ગોવાની ચૂંટણી માટે આમ આદમી પાર્ટીને ૨૫.૫ કરોડ રૂપિયા મોકલ્યા હતા. EDનું કહેવું છે કે ચેટથી સ્પષ્ટ છે કે વિનોદ ચૌહાણના અરવિંદ કેજરીવાલ સાથે સારા સંબંધો હતા.

દિલ્હી સરકારે ૧૭ નવેમ્બર ૨૦૨૧ના રોજ નવી દારૂ નીતિ લાગુ કરી હતી. આ માટે પાટનગરમાં ૩૨ ઝોન બનાવવામાં આવ્યા હતા. દરેક ઝોનમાં ૨૭ દુકાનો ખોલવાની હતી. કુલ ૮૪૯ દુકાનો ખોલવાની હતી. દિલ્હી સરકારે નવી દારૂની નીતિમાં તમામ ૧૦૦ ટકા દુકાનોને ખાનગી બનાવી દીધી છે. સરકારે કહ્યું કે આમ કરીને સરકારને ૩૫૦૦ કરોડ રૂપિયાનો ફાયદો થયો છે. તેમણે કહ્યું કે અગાઉ કોન્ટ્રાક્ટરો L-૧ લાયસન્સ માટે ૨૫ લાખ રૂપિયા ચૂકવતા હતા, પરંતુ નવી પોલિસીમાં તેમને ૫ કરોડ રૂપિયા ચૂકવવાના હતા. જો કે, આ નીતિને કારણે સરકાર અને જનતા બંનેને નુકસાન થયું હોવાનો આરોપ હતો.

આ પણ વાંચો :-

1...716717718...1,482Page 717 of 1,482