Home Blog Page 696

ધોરણ-10 અને 12ની પુરક પરીક્ષાનું રિઝલ્ટ થયું જાહેર, અહીંથી ફટાફટ ચેક કરો

News Editor
-
0

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) એ પૂરક પરિણામો જાહેર કર્યા છે. GSEB SSC પુરક પરીક્ષાઓ માટે નોંધણી કરાવનારા 1,28,337 વિદ્યાર્થીઓમાંથી 1,04,429 એ પરીક્ષા આપી હતી. તેમાંથી 29,542 વિદ્યાર્થીઓ સફળતાપૂર્વક પાસ થયા છે. આ પરિણામમાં પાસની ટકાવારી 28.29% છે.

GSEB 10th result 2019 today, here's how to check Gujarat Board SSC results - Hindustan Times

મળતી માહિતી પ્રમાણે ધોરણ 10મા (એસએસસી) અને ધોરણ 12મા (એચએસસી) જનરલ અને વોકેશનલ બંને સ્ટ્રીમના પૂરક પરિણામો બોર્ડની અધિકૃત વેબસાઇટ – gseb.org પર ઉપલબ્ધ છે. જે વિદ્યાર્થીઓએ પૂરક પરીક્ષામાં ભાગ લીધો હતો તેઓ તેમના પરિણામો સત્તાવાર વેબસાઇટ, gseb.org પર જોઈ શકે છે. તમારી માર્કશીટ ડાઉનલોડ કરવા માટે નીચે આપેલ સીધી લિંકનો ઉપયોગ કરો.

કેવી રીતે જોઈ શકાશે ધો.10-12નું પરિણામ?

  • સૌથી પહેલા GSEBની વેબસાઈટ https://gseb.org/ પર જાઓ.
  • આ બાદ GSEB 10th / 12th Repeater Result લિંક પર ક્લિક કરો.
  • અહીં આપેલી ફીલ્ડમાં તમારો રોલ નંબર નાખો.
  • વિગતો સબમિટ કરો.
  • ગુજરાત બોર્ડ 10/12 નું પરિણામ મોબાઈલ સ્ક્રીન પર દેખાશે.
  • પરિણામની PDF ડાઉનલોડ કરીને સાચવી રાખો.

 

શિક્ષણ બોર્ડ દ્વારા 24 જૂનથી ધો. 10, ધો.12 સામાન્ય પ્રવાહ અને વિજ્ઞાન પ્રવાહના વિદ્યાર્થીઓ માટે પરીક્ષા શરૂ કરાઈ હતી. આ પરીક્ષા માટે 238,030 વિદ્યાર્થીઓ નોંધાયા હતા. આ વખતે ધો.10માં વિદ્યાર્થીઓને બે વિષયની જગ્યાએ ત્રણ વિષયની પૂરક પરીક્ષા આપવાની તક મળી હતી. જ્યારે ધો.12 સામાન્ય પ્રવાહમાં એક વિષયના બદલે બે વિષય સુધી પરીક્ષા આપવાની તક મળી હતી.

આ પણ વાંચો :-

બિહારમાં ટળી મોટી ટ્રેન દુર્ઘટના, બે ભાગમાં ડબ્બા એન્જિનથી અલગ થઇ ગયા

News Editor
-
0

બિહારના સમસ્તીપુરમાં મોટી ટ્રેન દુર્ઘટના થતા બચી ગઈ. નવી દિલ્હીથી દરભંગા જતી બિહાર સંપર્ક ક્રાંતિ એક્સપ્રેસ પુસા અને કર્પુરીગ્રામ સ્ટેશન વચ્ચે બે ભાગમાં વહેંચાઈ ગઈ. ટ્રેનનું એન્જિન બે બોગી સાથે આગળ વધ્યું હતું જ્યારે બાકીની બોગી પાછળ રહી ગઈ હતી. આ ઘટના કર્પૂરીગ્રામ અને પુસા સ્ટેશન વચ્ચે રેપુરા ગુમતી પાસે બની હતી. ટ્રેનમાં મુસાફરોએ જણાવ્યું કે કપલિંગ ખુલવાને કારણે અને એન્જિનની સાથે બે બોગી અલગ થવાને કારણે જોરદાર આંચકો લાગ્યો હતો.

Weekly train between Palitana - Bandra will start from October 17 | 17 ઓક્ટોબરથી પાલીતાણા - બાંદ્રા વચ્ચે સાપ્તાહિક ટ્રેન શરૂ થશે | Divya Bhaskar

જેના કારણે બધા ડરી ગયા. જો કે સદનસીબે હજુ સુધી કોઈ નુકસાનના અહેવાલ નથી. લગભગ સો મીટર આગળ વધ્યા પછી ડ્રાઈવરે એન્જિન બંધ કરી દીધું. કોઈક રીતે એન્જિનને પાછું લઈ જવામાં આવ્યું હતું અને બીજી બોગી ઉમેરવામાં આવી હતી અને ટ્રેનને ધીમે ધીમે પુસા સ્ટેશન પર લાવવામાં આવી હતી.

દુર્ઘટનાની માહિતી મળતાં જ રેલવેની ટીમ ઘટનાસ્થળે પહોંચી ગઈ હતી અને ટ્રેનના કપલિંગની તપાસ શરૂ કરી હતી. હાલમાં ટ્રેન પુસા સ્ટેશન પર 12.45 સુધી ઉભી રહી હતી. રેલ્વેના ઘણા ટેકનિકલ અધિકારીઓ પુસા સ્ટેશન પર હાજર હતા, પરંતુ અકસ્માત અંગે કંઈપણ કહેવાનું ટાળી રહ્યા હતા. તમામ મીડિયાના લોકો રેલવે અધિકારીઓ સાથે વાત કરવાનો પ્રયાસ કરી રહ્યા હતા પરંતુ અધિકારીઓ વધુ કહેવાનું ટાળી રહ્યા હતા.

તેમણે એટલું જ કહ્યું કે તપાસ કરવામાં આવી રહી છે અને તપાસ બાદ જ કહી શકાશે કે આ ઘટના પાછળનું કારણ શું હતું. ટ્રેનમાં મુસાફરી કરી રહેલા મુસાફરો મોટી દુર્ઘટના ટળી જવા બદલ ભગવાનનો આભાર માની રહ્યા હતા. તેણે જણાવ્યું કે બે બોગી સાથે એન્જિન અલગ થવાને કારણે ટ્રેનમાં અચાનક જ આંચકો લાગ્યો હતો. જોરદાર આંચકાથી મુસાફરોમાં ગભરાટ ફેલાયો હતો. જો કે અત્યાર સુધી મળતી માહિતી મુજબ કોઈ મુસાફરને ઈજા થઈ નથી.

આ પણ વાંચો :-

સાબરકાંઠામાં રેલવે અંડર બ્રિજમાંથી પસાર થતી એસટી બસ પાણીમાં ગરકાવ

News Editor
-
0

હવામાન વિભાગ દ્વારા આગામી પાંચ દિવસ ગુજરાતના વિવિધ ભાગોમાં હળવાથી ભારે વરસાદની આગાહી વ્યક્ત કરવામાં આવી છે. જેમાં આગામી બે દિવસ ઉત્તર ગુજરાત અને મધ્ય ગુજરાતમાં વરસાદની સંભાવના વ્યક્ત કરવામાં આવી છે. તો બીજી તરફ જાણીતા હવામાન નિષ્ણાત અંબાલાલ પટેલે પણ આગામી બે દિવસ એટલે કે 29 અને 30 જુલાઇના રોજ ઉત્તર અને મધ્ય ગુજરાતમાં ભારે વરસાદ આગાહી કરી છે. ત્યારે ફરી એકવાર મધ્ય ગુજરાત અને ઉત્તર ગુજરાતમાં વરસાદી માહોલ સર્જાયો છે. ગત 24 કલાકમાં કલાકમાં 116 તાલુકામાં વરસાદ નોંધાયો છે.

એ...એ...ગઇ બસ પાની મેં: હિંમતનગર નજીક રેલવે અંડરબ્રિજના પાણીમાં બસ ડૂબી, વીડિયો થયો વાયરલ 1 - image

હિંમતનગરના હમીરગઢ ગામ પાસે આવેલા રેલવે અંડરબ્રિજમાં પાણી ભરાયું છે. રેલવે અંડર બ્રિજમાંથી પસાર થતી એસટી બસ પાણીમાં ગરકાવ થઈ છે. હિંમતનગરથી વીરાવડા જતી બસ હમીરગઢ અંદર બ્રિજના પાણીમાં ગરકાવ થઈ છે. પાણી ભરાય તે પૂર્વે એસટી બસ અંડર બ્રિજમાં જ સેન્સરના કારણે બંધ પડી હતી. આસપાસના ખેતરોનું તેમજ ગામનું પાણી અંડરબ્રિજમાં વર્ષોથી ભરાય છે. દર વર્ષે ચોમાસામાં અંડર બ્રિજમાં પાણી ભરાય છે. વરસાદી પાણીના નિકાલના અભાવે દર વર્ષે અંડરબ્રિજમાં પાણી ભરાય છે.

રાજ્યમાં છેલ્લા કેટલાય દિવસથી દક્ષિણ અને સૌરાષ્ટ્રના અનેક વિસ્તારમાં ધોધમાર વરસાદ ખાબક્યો છે, આજે (29મી જુલાઈ) કચ્છ, દેવભૂમિ દ્વારકા, પોરબંદર, જૂનાગઢ, અમરેલી અને ગીર સોમનાથ સિવાયના વિસ્તારમાં ભારેથી અતિભારે વરસાદ પડવાની આગાહી કરવામાં આવી છે. જેમાં અમદાવાદ, આણંદ, વડોદરા, ભરૂચ અને છોટા ઉદેપુર જિલ્લામાં ઓરેન્જ એલર્ટ જાહેર કરવામાં આવ્યું છે. જ્યારે બનાસકાંઠા, પાટણ, મહેસાણા, ગાંધીનગર, સાબરકાંઠા, અરવલ્લી, મહીસાગર, દાહોદ, પંચમહાલ, ખેડા, સુરેન્દ્રનગર, મોરબી, જામનગર, રાજકોટ, બોટાદ, ભાવનગર, સુરત, નર્મદા, તાપી, નવસારી, ડાંગ, વલસાડી સહિતના જિલ્લામાં યલો એલર્ટ જાહેર કરવામાં આવ્યું છે.

આ પણ વાંચો :-

બિહાર સરકારને ‘સુપ્રીમ’ આંચકો, 65% ટકા અનામત રદ કરવાનો હાઇકોર્ટનો આદેશ યથાવત

News Editor
-
0

બિહારમાં 65% અનામત મામલે નીતીશ સરકારને સુપ્રીમ કોર્ટમાંથી ઝટકો લાગ્યો છે. સુપ્રીમ કોર્ટે પટના હાઈકોર્ટના આદેશ પર સ્ટે આપવાનો ઈન્કાર કરી દીધો છે. અગાઉ, 20 જૂને પટના હાઈકોર્ટે 65% જાતિ આધારિત અનામત આપવાના બિહાર સરકારના નિર્ણયને ગેરબંધારણીય ગણાવીને રદ્દ કરી દીધો હતો. નીતિશ સરકારે પટના હાઈકોર્ટના આ નિર્ણયને સુપ્રીમ કોર્ટમાં પડકાર્યો હતો પરંતુ હાલમાં તેને કોઈ રાહત મળી નથી. જો કે સુપ્રીમ કોર્ટે બિહાર સરકારની અપીલને સુનાવણી માટે સ્વીકારી લીધી હતી. કોર્ટે વકીલ મનીષ કુમારને નોડલ વકીલ તરીકે નિયુક્ત કર્યા છે. કોર્ટ હવે આ મામલે સપ્ટેમ્બરમાં સુનાવણી કરશે.

The government should take strict action in this matter, or be prepared for humiliation; Action should be taken irrespective of religion | હેટ સ્પીચ મામલે સુપ્રીમ કોર્ટ આકરી થઈ: કહ્યું- 'આ 21મી

બિહાર સરકારે પછાત વર્ગ, SC અને ST સમુદાયના લોકો માટે રોજગાર અને શૈક્ષણિક સંસ્થાઓમાં અનામતની મર્યાદા 50 ટકાથી વધારીને 65 ટકા કરી હતી. બિહાર સરકારે 9 નવેમ્બર, 2023 ના રોજ શૈક્ષણિક સંસ્થાઓ અને સરકારી નોકરીઓમાં અનામત 50 ટકાથી વધારીને 65 ટકા કરવા માટે કાયદો પસાર કર્યો હતો. બિહાર સરકારે ગયા વર્ષે જાતિ ગણતરી હાથ ધરી હતી અને તેના આધારે તેણે OBC, અતિ પછાત વર્ગ, દલિત અને આદિવાસીઓનું અનામત વધારીને 65 ટકા કરવાનો નિર્ણય લીધો હતો.જેને પટના હાઈકોર્ટે રદ કર્યો હતો.

બિહાર સરકારે હાઈકોર્ટના નિર્ણય પર વચગાળાનો સ્ટે માંગ્યો હતો અને કહ્યું હતું કે જો વચગાળાની રાહત આપવામાં નહીં આવે તો રાજ્યમાં મોટી સંખ્યામાં ભરતી પ્રક્રિયાઓ ચાલી રહી છે. જેમાંથી કેટલીક અંતિમ તબક્કામાં છે. આ પસંદગી પ્રક્રિયાને અસર કરશે. પિટિશનમાં કહેવામાં આવ્યું છે કે પછાત વર્ગનું પૂરતું પ્રતિનિધિત્વ હોવાનું હાઈકોર્ટનું તારણ જાતિ સર્વેક્ષણના આંકડા પર આધારિત છે.

આ પણ વાંચો :-

સુરતના ડેપ્યુટી મેયરની સાહેબગીરી, કાદવથી બચવા ફાયર કર્મીના ખભે ચઢી ગયા

News Editor
-
0

સુરત શહેરના પરવટ પાટિયા પાસે ડૂબી ગયેલા યુવકનો ચાર દિવસે મૃતદેહ મળ્યો હતો. પાણી ઓસરતાં જ ઘટના સ્થળે ભાજપના નેતાઓની ભીડ જામી હતી. યુવકનો મૃતદેહ બહાર કાઢ્યા પછી ડેપ્યુટી મેયર ડો.નરેન્દ્ર પાટીલ સ્થળ પરથી રોડ પર જવા નીકળ્યા હતાં. ફૂટપાથથી રોડ વચ્ચે માત્ર 2 ફૂટની જગ્યામાં સામાન્ય કાદવ-કિચડ હતો. આમ છતાં અહીં ઉભેલા ફાયરના સબ ઓફિસર ડેપ્યુટી મેયરને કહ્યું “હું તમને લઈ જઉ?’ કહેતા જ ડો.નરેન્દ્ર પાટીલ હસતાં હસતાં બે પગ ઉંચા કરી ઓફિસરના ખભે ટિંગાઈ ગયા હતા. નરેન્દ્ર પાટીલનું જાણે રેસ્ક્યુ કરાયું હોય તેવું દૃશ્ય સર્જાયું. નરેન્દ્ર પાટીલ જિન્સ પર કાદવ ન લાગે તે રીતે તેઓ ફાયર જવાનના ખભે ટિંગાયા હતાં.

નરેન્દ્ર પાટીલ જિન્સ પર કાદવ ન લાગે તે રીતે તેઓ ફાયર જવાનના ખભે ટિંગાયા હતાં. આ મામલે ડેપ્યુટી મેયરને ઊંચકીને લઇ જનાર સબ ફાયર ઓફિસર સુનીલ ચૌધરીએ જણાવ્યું હતું કે, ડે. મેયરને પગમાં ઇન્ફેકશન હતું. ત્યાં બેથી ત્રણ ફૂટ કીચડ હોવાથી વધારે ઇન્ફેકશન ન થાય એટલે તેઓને રોડ પર બહાર ઉતર્યા હતા. રોડ સાઈડથી ફૂટપાઠ પર આવી શકાતું હતું, પણ તેના માટે લાંબુ ફરીને જવું પડે તેમ હોવાથી તેઓને સેફલી રોડ પર જ ઉતાર્ય હતાં.ત્યાં ચોથા દિવસે ડૂબેલા યુવકની લાશ મળી હતી અને 108ની મદદથી તેની લાશને લઇ જવાની હતી. ડે. મેયરના કપડા અને બુટ બગડે તેના માટે રેસ્ક્યૂ કર્યું નથી. તેઓએ બુટ પહેર્યા હતા, પરંતુ પાણીની અંદર ઇન્ફેકશન વધી જવાની શક્યતા વધી જવાના કારણે એમને ખભા પર લઈને સેફટી રીતે રોડ પર ઉતાર્યા હતાં.

 

આ પણ વાંચો :-

ત્રીજા દિવસે ભારતીય ખેલાડીઓ આ ગેમ્સમાં લાવી શકે છે મેડલ, જૂઓ ભારતીય મેચોનું શેડ્યૂલ

News Editor
-
0

રમતગમતની સૌથી મોટી મેગા ઈવેન્ટ એવી પેરિસ ઓલિમ્પિક્સના ત્રીજા દિવસે એટલે કે આજે સોમવારે શૂટિંગમાં ભારતને વધુ મેડલ મળવાની અપેક્ષા છે. આજે, રમિતા જિંદાલ 10 મીટર એર રાઇફલ મહિલા ફાઇનલમાં અને અર્જુન બબુતા 10 મીટર એર રાઇફલ મેન્સ ફાઇનલમાં પોતાની તાકાત બતાવતી જોવા મળશે. ઓલિમ્પિકના બીજા દિવસે એટલે કે રવિવારે ભારતનું ખાતું ખુલ્યું હતું. શૂટિંગમાં સ્ટાર શૂટર મનુ ભાકરે બ્રોન્ઝ મેડલ જીતીને ભારતને પહેલો મેડલ અપાવ્યો હતો. જોકે, તીરંદાજીની મહિલા ટીમ ઈવેન્ટની ક્વાર્ટર ફાઇનલમાં નેધરલેન્ડ સામે ભારત 0-6થી હારી ગયું છે.

પેરિસ ઓલિમ્પિક પહેલા મોટી જાહેરાત, આ ખેલાડીઓને 41.60 લાખ રૂપિયા આપવામાં આવશે - Gujarati News | Big announcement before the Paris Olympics these players will be paid Rs 41 lakhs - big

તીરંદાજી

  • મેન્સ ટીમ ક્વાર્ટર-ફાઇનલ: તરુણદીપ રાય, ધીરજ બોમ્માદેવરા, પ્રવીણ જાધવ – સાંજે 6:30
  • બેડમિન્ટન
  • મેન્સ ડબલ્સ (ગ્રુપ સ્ટેજ): સાત્વિકસાઈરાજ રેન્કીરેડ્ડી અને ચિરાગ શેટ્ટી વિ માર્ક લેમ્સફસ અને માર્વિન સીડેલ (જર્મની) – બપોરે 12 વાગ્યે
  • મહિલા ડબલ્સ (ગ્રુપ સ્ટેજ): અશ્વિની પોનપ્પા અને તનિષા ક્રાસ્ટો વિ. નામી માત્સુયામા અને ચિહારુ શિડા (જાપાન) – બપોરે 12:50
  • મેન્સ સિંગલ્સ (ગ્રુપ સ્ટેજ): લક્ષ્ય સેન વિ જુલિયન કેરેજી (બેલ્જિયમ) – સાંજે 5:30 કલાકે

શૂટિંગ

10 મીટર એર પિસ્તોલ મિશ્રિત ટીમ લાયકાત: મનુ ભાકર અને સરબજોત સિંહ, રિધમ સાંગવાન અને અર્જુન સિંહ ચીમા – બપોરે 12:45 કલાકે

  • મેન્સ ટ્રેપ ક્વોલિફિકેશન: પૃથ્વીરાજ ટોન્ડાઈમન – બપોરે 1:00 કલાકે
  • 10 મીટર એર રાઈફલ મહિલા ફાઈનલ: રમિતા જિંદાલ – બપોરે 1:00 કલાકે
  • 10 મીટર એર રાઈફલ મેન્સ ફાઈનલ: અર્જુન બબુતા – બપોરે 3:30 કલાકે

હોકી

મેન્સ પૂલ બી મેચ: ભારત વિ અર્જેન્ટીના – સાંજે 4:15

ટેબલ ટેનિસ – મહિલા સિંગલ્સ (રાઉન્ડ ઓફ 32): શ્રીજા અકુલા વિ જીયાન ઝેંગ (સિંગાપોર) – રાત્રે 11:30

સમય મુજબનું સમયપત્રક નીચે મુજબ છે…

બપોરે 12 – મેન્સ ડબલ્સ (ગ્રુપ સ્ટેજ): સાત્વિકસાઈરાજ રેન્કીરેડ્ડી અને ચિરાગ શેટ્ટી વિ માર્ક લેમ્સફસ અને માર્વિન સીડેલ (જર્મની)

બપોરે 12:45 – 10 મીટર એર પિસ્તોલ મિશ્રિત ટીમ લાયકાત: મનુ ભાકર અને સરબજોત સિંહ, રિધમ સાંગવાન અને અર્જુન સિંહ ચીમા

બપોરે 12:50 – વિમેન્સ ડબલ્સ (ગ્રુપ સ્ટેજ): અશ્વિની પોનપ્પા અને તનિષા ક્રાસ્ટો વિ. નામી માત્સુયામા અને ચિહારુ શિડા (જાપાન)

બપોરે 1:00 – મેન્સ ટ્રેપ ક્વોલિફિકેશન: પૃથ્વીરાજ ટોન્ડાઈમન

બપોરે 1:00 – 10 મીટર એર રાઇફલ મહિલા ફાઇનલ: રમિતા જિંદાલ

બપોરે 3:30 – 10 મીટર એર રાઈફલ મેન્સ ફાઈનલ: અર્જુન બબુતા

બપોરે 4:15 – પુરુષોની પૂલ B મેચ: ભારત વિ આર્જેન્ટિના

સાંજે 5:30 – મેન્સ સિંગલ્સ (ગ્રુપ સ્ટેજ): લક્ષ્ય સેન વિ જુલિયન કેરેગી (બેલ્જિયમ)

સાંજે 6:30 – મેન્સ ટીમ ક્વાર્ટર-ફાઇનલ: તરુણદીપ રાય, ધીરજ બોમ્માદેવરા, પ્રવીણ જાધવ

રાત્રે 11:30 – મહિલા સિંગલ્સ (રાઉન્ડ ઓફ 32): શ્રીજા અકુલા વિ જીયાન ઝેંગ (સિંગાપોર)

આ પણ વાંચો :-

મુરેના જિલ્લામાં ટ્રકે 14 કાવડીઓને ટક્કર મારતાં બે લોકોના મોત, હાઇવે બે કલાક જામ!

News Editor
-
0

મધ્યપ્રદેશના મુરેના જિલ્લામાં સોમવારે એક મોટી દુર્ઘટના ઘટી હતી. અહીં કાંવડને લઈ જતી એક ટ્રકે રોડ કિનારે 14 કાંવડિયાંને ટક્કર મારી હતી. અકસ્માત એટલો ભયાનક હતો કે બે કાંવડિયાંના મોત થયા છે અને અન્ય લોકો ગંભીર રીતે ઘાયલ થયા છે. સાથે જ પાંચ કાંવડિયાંને ગ્વાલિયર રિફર કરવામાં આવ્યા છે. તમામ કાંવડિયાંઓ સૌરોનથી મુરેનાના સિહોનીયા ગામ તરફ જઈ રહ્યા હતા ત્યારે અકસ્માત સર્જાયો હતો. આ અકસ્માતથી રોષે ભરાયેલા કાંવડિયાંઓએ હાઈવે બ્લોક કરી દીધો છે.

Bx0T4Vnz T6

વહેલી સવારે આ અકસ્માત સર્જાયો હતો જે બાદ કાંવડિયાંઓએ નેશનલ હાઈવે બ્લોક કરી દીધો હતો જેના કારણે ટ્રાફિક જામ થઈ ગયો હતો. સ્થળ પર ચુસ્ત પોલીસ બંદોબસ્ત જામ હટાવવાનો પ્રયાસ કરી રહી છે. આ ભયાનક અકસ્માત બાદ મૃતકો અને ઘાયલોને જિલ્લા હોસ્પિટલમાં લઈ જવામાં આવ્યા હતા. જણાવવામાં આવી રહ્યું છે કે કાંવડિયાં મુરેના જિલ્લાના સિહોનિયા પોલીસ સ્ટેશન વિસ્તારના એક ગામના રહેવાસી છે.

તમને જણાવી દઈએ કે આજે સાવનનો બીજો સોમવાર છે. દેશભરના લાખો કાવડિયાઓ વિવિધ માર્ગો દ્વારા શિવ મંદિરોમાં જળ લઈ જઈ રહ્યા છે અને તેમના આરાધ્ય ભગવાન શિવનો જલાભિષેક કરી રહ્યા છે.

આ પણ વાંચો :-

નીતિ આયોગની બેઠકમાંથી નારાજ થઈને બહાર આવ્યા મમતા બેનરજી, જાણો કેમ ?

News Editor
-
0

વડાપ્રધાન નરેન્દ્ર મોદીની અધ્યક્ષતામાં આજે શનિવારે નીતિ આયોગની ગવર્નિંગ કાઉન્સિલની 9મી બેઠક યોજાઈ હતી. આ બેઠકમાં અનેક રાજ્યોના મુખ્યમંત્રીઓએ ભાગ લીધો હતો. આ બેઠકમાં તૃણમૂલ કોંગ્રેસના સુપ્રીમો અને પશ્ચિમ બંગાળના મુખ્યમંત્રી મમતા બેનરજી પણ હાજર રહ્યા હતા. જો કે, તેઓ ગુસ્સામાં મીટિંગ છોડીને બહાર નીકળી ગયા હતા. આ દરમિયાન તેમણે સરકાર પર ભેદભાવનો આરોપ લગાવ્યો હતો અને એમ પણ કહ્યું હતું કે, હું બોલી રહી હતી તો મારું માઈક બંધ કરી દીધું. પાંચ મિનિટ પછી જ મને બોલતા રોકી દેવામાં આવી હતી. મેં તેનો વિરોધ કર્યો કે મને બોલતા કેમ રોકવામાં આવી. સરકારને ખુશી થવી જોઈએ કે મેં આ બેઠકમાં ભાગ લીધો. સહકારી સંઘવાદને મજબૂત કરવામાં મને વધુ રસ છે, નીતિ આયોગ પાસે કોઈ નાણાકીય સત્તા નથી.

'માઈક બંધ નહોતું, ખોટી વાર્તાના બદલે સાચી વાત કહેવી જરૂરી...' મમતાના આરોપ અંગે કેન્દ્રનો જવાબ 1 - image

બંગાળના CM મમતા બેનરજીએ વધુમાં કહ્યું કે, “આ બેઠકમાં સરકાર પોતાના પક્ષના નેતાઓને વધુ બોલવા માટે તક આપી રહી છે. વિપક્ષમાંથી હું એકલી જ છું અને તમે મને બોલવાથી રોકી રહ્યા છો. આ માત્ર બંગાળનું જ નહીં, પરંતુ દેશનું અપમાન છે. તમામ પ્રાદેશિક પક્ષોનું પણ અપમાન છે.”

ઘણા વિપક્ષ શાસિત રાજ્યોના મુખ્યમંત્રીઓએ બજેટમાં ભેદભાવનો આરોપ લગાવીને નીતિ આયોગની આ બેઠકનો બહિષ્કાર કરવાની જાહેરાત કરી છે. બહિષ્કાર કરનારા મુખ્ય પ્રધાનોમાં તમિલનાડુના સીએમ એમકે સ્ટાલિન, કેરળના મુખ્ય પ્રધાન પિનરાઈ વિજયન તેમજ આમ આદમી પાર્ટીના નેતૃત્વવાળી પંજાબ અને દિલ્હી સરકારોનો સમાવેશ થાય છે. આ સિવાય કર્ણાટકના સીએમ સિદ્ધારમૈયા, હિમાચલ પ્રદેશના સીએમ સુખવિંદર સિંહ સુખુ અને તેલંગાણાના સીએમ રેવંત રેડ્ડીએ પણ બેઠકમાં ભાગ ન લેવાનો નિર્ણય કર્યો હતો.

નીતિ આયોગની આ બેઠકમાં વર્ષ 2047 સુધીમાં ભારતને વિકસિત દેશ બનાવવા પર ધ્યાન કેન્દ્રિત કરવામાં આવ્યું છે. ગવર્નિંગ કાઉન્સિલ એ નીતિ આયોગની સર્વોચ્ચ સંસ્થા છે. જેમાં તમામ રાજ્યોના મુખ્યમંત્રીઓ, કેન્દ્રશાસિત પ્રદેશોના લેફ્ટનન્ટ ગવર્નરો અને કેટલાક કેન્દ્રીય મંત્રીઓનો સમાવેશ થાય છે. આ બેઠકનું આયોજન રાષ્ટ્રપતિ ભવનના સાંસ્કૃતિક કેન્દ્રમાં કરવામાં આવ્યું હતું.

આ પણ વાંચો :-

બોબી દેઓલ ફરીએક વાર વિલનની ભૂમિકામાં જોવા મળશે

News Editor
-
0

બોબી દેઓલે ફરી એક વખત ખલનાયકની ભૂમિકા ભજવવાની સ્વીકૃતિ આપી દીધી છે. દક્ષિણ ભારતીય ફિલ્મ દેવરા જે બે ભાગમાં બની રહી છે, તેના બન્ને ભાગમાં બોબી દેઓલ વિલન તરીકે જોવા મળશે. પહેલા ભાગમાં અભિનેતાનો રોલ ટૂંકો હશે જ્યારે બીજા ભાગમાં તે અન્ય એક વિલન સાથે સમાંતર ભૂમિકા ભજવતો જોવા મળશે. ફિલ્મના દિગ્દર્શક અને નિર્માતા કોરાતલા શિવા સાથે બોબીની મુલાકાતો પછી અભિનેતાએ આ ફિલ્મમાં વિલનનો રોલ ભજવાવની તૈયારી દર્શાવી હતી.

Animal impact: Bobby Deol draws Rs 8 cr for Balayya film

બોબી દેઓલ જુનિયર એન્ટીઆર અને સૈફ અલી ખાનની ફિલ્મ દેવરા,  પાર્ટ વનનો હિસ્સો બન્યાના સમાચાર છે. આ ફિલ્મ દ્વારા સૈફ અલી ખાન અન ેજાહ્નવી કપૂર દક્ષિણની ફિલ્મોમાં ડેબ્યુ કરી રહ્યા છે.

એક રિપોર્ટના અનુસાર, ફિલ્મમાં બોબીની એન્ટ્રી બીજા ખલનાયક તરીકે હશે.બોબી ફિલ્મ દેવરાના બન્ને ભાગમાં જોવા મળવાનો છે. જ્યારે પહેલા ભાગમાં તેની ભૂમિકા ટૂંકી હશે અને બીજા ભાગમાં તે સૈફ અલી ખાનના પાત્ર સાથે સમાંતર મુખ્ય ખલનાયક તરીકે જોવા મળશે.

રિપોર્ટમાં એવો પણ દાવો કરવામાં આવ્યો છે કે, ફિલ્મ દેવરાના પ્રથમ ભાગમાં જાહ્નવી કપૂરના ભાગે ખાસ રોલ ફાળવવામાં આવ્યો નથી. પરંતુ બીજા ભાગમાં તેની ભૂમિકાથી વાર્તામાં રસપ્રદ વળાંક આવતો જોવા મળશે.આ ફિલ્મને ૨૭ સપ્ટેમ્બરના રોજ રિલીઝ કરવાની યોજના છે.

આ પણ વાંચો :-

ગુજરાતમાં આજથી જ્ઞાન સહાયક ભરતી શરૂ, જાણો અરજી કરવાની છેલ્લી તારીખ?

News Editor
-
0

ગુજરાત સરકારે સેકન્ડરી અને હાયર સેકન્ડરી શાળાઓમાં જ્ઞાન સહાયકોની નિમણૂકની જાહેરાત કરી છે. આ મુદ્દે નોટિફિકેશન પણ બહાર પાડવામાં આવ્યું છે. વિસ્તૃત માહિતી મુજબ, હાલમાં સેકન્ડરી અને હાયર સેકન્ડરી શાળાઓમાં 11 મહિનાના કરાર આધારિત જ્ઞાન સહાયકોની નિયુક્તિની જાહેરાત કરવામાં આવી છે. આ ભરતી માટે અનેક વખત માંગણીઓ અને વિરોધ પ્રદર્શનો થયા છે.

Gyan Sahayak Recruitment 2024: ગુજરાત જ્ઞાન સહાયક ભરતી 2024, સરકારી અને બિનસરકારી શાળાઓમાં નોકરીનો મોકો - Gcas Gujarat

સરકારની જાહેરાત અનુસાર, ઉમેદવારો 27 જુલાઈથી 5 ઑગસ્ટ સુધી ઓનલાઇન અરજી કરી શકશે. ત્યારબાદ, મેરિટના આધારે સરકારી અને અનુદાનિત શાળાઓમાં શિક્ષણ કહાયકોની નિમણૂક કરવામાં આવશે એવું જણાવવામાં આવ્યું છે. ભરતી જાહેરાતમાં ઉલ્લેખ કરવામાં આવ્યો છે કે, શિક્ષણ વિભાગ હેઠળ ગુજરાતની સરકારી અને ખાનગી અનુદાનિત સેકન્ડરી અને હાયર સેકન્ડરી શાળાઓમાં ‘જ્ઞાન સહાયક યોજના’ (સેકન્ડરી અને હાયર સેકન્ડરી)’ માટે શાળા સ્તરે 11 મહિનાના કરાર આધારિત ‘જ્ઞાન સહાયક’ની જગ્યાઓ ભરવા માટે યોગ્ય ઉમેદવારો પાસેથી હાલમાં ઓનલાઈન અરજીઓ માંગવામાં આવી રહી છે.

આ જગ્યાઓ માટે ઉમેદવારની વયમર્યાદા ઓનલાઇન અરજી કરવાની તારીખ સુધીની રહેશે. માધ્યમિકમાં જ્ઞાન સહાયકની નિમણૂક માટે 40 વર્ષની વયમર્યાદા નક્કી કરાઈ છે અને મહિને રૂ. 24 હજારનું મહેનતાણું મળશે. જ્યારે ઉચ્ચતર માધ્યમિકમાં 42 વર્ષની વયમર્યાદા નક્કી કરાઈ છે, જ્યારે માસિક રૂ. 26 હજારનું મહેનતાણું આપવામાં આવશે. ઉમેદવારોએ વેબસાઇટ પર જઇ ઓનલાઇન અરજી કરવાની રહેશે.

  • આ કરારની મુદત ૧૧ માસની છે , એટલે કરારની મુદત પુરી થતાં આપ કામગીરી ઉ૫૨થી છુટા થયેલા ગણાશો. ૧૧ માસ પછી રીવ્યુના અંતે જ્ઞાન સહાયકની કામગીરી સંતોષકારક જણાશે તો શાળા વ્યવસ્થાપન સમિતિ(SMC) દ્વારા સંતોષકારક કામગીરીનું પ્રમાણપત્ર આપવામાં આવશે.
  • આ જગ્યાની આપની કામગીરી/વર્તણૂક સંતોષકારક નહીં જણાય તો કોઇ પણ જાતની નોટીસ વગર કરારનો અંત લાવવામાં આવશે. આ૫ના પક્ષે કરારનો અંત લાવવા માટે એક માસની નોટીસ આપવાની રહેશે.
  • આ કામગીરી માટે રૂ. ૨૧૦૦૦ /- ( એકવીસ હજાર પુરા) ઉચ્ચક માનદ વેતન ચૂકવવામાં આવશે. કરા૨ની મુદત દરમિયાન ઉકત ઉચ્ચક માનદવેતન ઉપર કોઈ પણ પ્રકારનો વધારો, ઇજાફો, ભથ્થાં કે અન્ય નાણાંકીય લાભ મળવાપાત્ર નથી.

આ પણ વાંચો :-

1...695696697...1,476Page 696 of 1,476