બોબી દેઓલે ફરી એક વખત ખલનાયકની ભૂમિકા ભજવવાની સ્વીકૃતિ આપી દીધી છે. દક્ષિણ ભારતીય ફિલ્મ દેવરા જે બે ભાગમાં બની રહી છે, તેના બન્ને ભાગમાં બોબી દેઓલ વિલન તરીકે જોવા મળશે. પહેલા ભાગમાં અભિનેતાનો રોલ ટૂંકો હશે જ્યારે બીજા ભાગમાં તે અન્ય એક વિલન સાથે સમાંતર ભૂમિકા ભજવતો જોવા મળશે. ફિલ્મના દિગ્દર્શક અને નિર્માતા કોરાતલા શિવા સાથે બોબીની મુલાકાતો પછી અભિનેતાએ આ ફિલ્મમાં વિલનનો રોલ ભજવાવની તૈયારી દર્શાવી હતી.
બોબી દેઓલ જુનિયર એન્ટીઆર અને સૈફ અલી ખાનની ફિલ્મ દેવરા, પાર્ટ વનનો હિસ્સો બન્યાના સમાચાર છે. આ ફિલ્મ દ્વારા સૈફ અલી ખાન અન ેજાહ્નવી કપૂર દક્ષિણની ફિલ્મોમાં ડેબ્યુ કરી રહ્યા છે.
એક રિપોર્ટના અનુસાર, ફિલ્મમાં બોબીની એન્ટ્રી બીજા ખલનાયક તરીકે હશે.બોબી ફિલ્મ દેવરાના બન્ને ભાગમાં જોવા મળવાનો છે. જ્યારે પહેલા ભાગમાં તેની ભૂમિકા ટૂંકી હશે અને બીજા ભાગમાં તે સૈફ અલી ખાનના પાત્ર સાથે સમાંતર મુખ્ય ખલનાયક તરીકે જોવા મળશે.
રિપોર્ટમાં એવો પણ દાવો કરવામાં આવ્યો છે કે, ફિલ્મ દેવરાના પ્રથમ ભાગમાં જાહ્નવી કપૂરના ભાગે ખાસ રોલ ફાળવવામાં આવ્યો નથી. પરંતુ બીજા ભાગમાં તેની ભૂમિકાથી વાર્તામાં રસપ્રદ વળાંક આવતો જોવા મળશે.આ ફિલ્મને ૨૭ સપ્ટેમ્બરના રોજ રિલીઝ કરવાની યોજના છે.
આ પણ વાંચો :-
