Home Blog Page 695

‘રોડ ટુ UX INDIA24’ ની પ્રી-કોન્ફરન્સ મીટ સુરતમાં યોજાઈ

News Editor
-
0

સુરત શહેરના પુણા-કેનાલ રોડ સ્થિત રેડ એન્ડ વ્હાઇટ મલ્ટીમીડિયા એજ્યુકેશન ઇન્સ્ટિટ્યૂટના સહયોગથી તેની યોગી ચોક બ્રાન્ચ ખાતે ‘રોડ ટુ UX INDIA 24’ માટે ની પ્રી-કોન્ફરન્સ મીટ યોજાઈ હતી. અહીં ઇન્ડસ્ટ્રીના વિવિધ વિષયો પર પ્રશ્નોત્તરી સત્રમાં યુવાઓએ રસ બતાવ્યો હતો. આ પ્રી-કૉન્ફરન્સ મીટનો મુખ્ય ઉદ્દેશ્ય આવનારા સમયમાં બેંગ્લોર ખાતે યોજાનાર UX INDIA24 કૉન્ફરન્સ માટે યુવા કમ્યુનિટીમાં ઉત્સાહ અને આતુરતા વધારવાનો છે.


આ મીટ અપમાં યુએક્સ કમ્યુનિટીના નિષ્ણાતો સર્વશ્રી રનસુભે (હ્યુમન એક્સપિરિયન્સ ડિઝાઇન લીડરશીપ), પ્રિયા વર્મા (સિનિયર યુએક્સ ડિઝાઈનર,એફવાયએનએક્સટી) અને રિષભ બોહરા (એસોસિયેટ યુએક્સ લીડ, લોલીપોપ ડિઝાઇન સ્ટુડિયો), રોહન શ્રીધર (કો-ફાઉન્ડર, ડિઝાઇન સ્ટુડિયો) દ્વારા ઇન્ડસ્ટ્રીના અપડેશન, ઇનોવેશન જેવા વિવિધ વિષયો પર ચર્ચા સત્ર આયોજિત કરવામાં આવ્યું હતું. અહીં ઉલ્લેખનીય છે કે આ મીટ અપ્સમાં જોડાઈને, ડિઝાઇનિંગના આકાંક્ષી અને અનુભવી ડિઝાઇનર્સને એક મંચ મળે છે, જ્યાં તે ઓ પોતાનાં વિચારો અને અનુભવ શેર કરી શકશે. આ પ્રસંગે મોટી સંખ્યામાં કમ્યુનિટી લીડર્સ, યુવા વિદ્યાર્થીઓ અને સંસ્થાના કર્મચારીઓ ઉપસ્થિત રહ્યા હતા.

આ પણ વાંચો :-

બાબા રામદેવને દિલ્હી હાઈકોર્ટ તરફથી મળ્યો ઝટકો, દવા પર કરેલો દાવો પરત ખેંચવો પડશે

News Editor
-
0

યોગગુરુ બાબા રામદેવને આજે સોમવારે ફરી એકવાર કોર્ટ તરફથી ઝટકો લાગ્યો છે. હવે દિલ્હી હાઈકોર્ટે બાબા રામદેવ અને આચાર્ય બાલકૃષ્ણને સોશ્યિલ મીડિયા પરથી દાવો પાછો ખેંચવા કહ્યું છે જેમાં ‘કોરોનિલ’નો કોરોનાના ઈલાજ તરીકે પ્રચાર કરવામાં આવ્યો હતો. આ સાથે એલોપેથીની અસરને લઈને જે વાતો કહેવામાં આવી છે તે પણ પાછી લેવી પડશે. કોર્ટે તેમને 3 દિવસમાં આવું કરવા માટે કહ્યું છે.

We Are Not Accepting Your Apology: SC To Ramdev, Patanjali MD For Their Reply To Contempt Notice

કોર્ટે એ પણ નિર્દેશ આપ્યો છે કે, જો બાબા રામદેવ ત્રણ દિવસની અંદર પોતાનું નિવેદન પાછું નહીં ખેંચે તો સોશિયલ મીડિયા પ્લેટફોર્મ તેને તાત્કાલિક હટાવી લે. બાબા રામદેવ, તેમના સહયોગી આચાર્ય બાલકૃષ્ણ અને પતંજલિ આયુર્વેદ વિરૂદ્ધ પણ યોગ ગુરુ રામદેવ સામે અનેક ડોક્ટરોના સંગઠનો દ્વારા કોરોનિલને કોરોના મહામારીનો ઈલાજ હોવાના દાવા પર કેસ દાખલ કરવામાં આવ્યો હતો.

દિલ્હી મેડિકલ એસોસિએશન (DMA) દ્વારા દાખલ કરવામાં આવેલી અરજી પર કોર્ટે આ આદેશ આપ્યો હતો. અરજીમાં કહેવામાં આવ્યું હતું કે, બાબા રામદેવની કંપનીએ કોરોનિલ કીટ વિશે ખોટા દાવા કર્યા હતા અને તેને કોરોના રોગનો ઈલાજ ગણાવ્યો હતો, જ્યારે તેને ઈમ્યુનિટી બૂસ્ટર તરીકેનું લાઇસન્સ આપવામાં આવ્યું હતું. અરજીમાં એમ પણ કહેવામાં આવ્યું છે કે બાબા રામદેવનો દાવો કોરોનિલ સહિત તેના ઉત્પાદનોના વેચાણને વધારવા માટે ખોટો પ્રચાર અભિયાન અને માર્કેટિંગ વ્યૂહરચના છે.

અરજીમાં ડૉક્ટર સંગઠનોએ આરોપ લગાવ્યો છે કે, રામદેવ દ્વારા પ્રોડકરના વેચાણને વધારવા માટે ખોટી માહિતી આપવાનું અભિયાન ચલાવવામાં આવ્યું હતું, આ વ્યૂહરચનામાં, કોરોનિલને કોરોના રોગચાળા માટે વૈકલ્પિક સારવાર હોવાનો દાવો કરવામાં આવ્યો હતો.

આ પણ વાંચો :-

ધોરણ-10 અને 12ની પુરક પરીક્ષાનું રિઝલ્ટ થયું જાહેર, અહીંથી ફટાફટ ચેક કરો

News Editor
-
0

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) એ પૂરક પરિણામો જાહેર કર્યા છે. GSEB SSC પુરક પરીક્ષાઓ માટે નોંધણી કરાવનારા 1,28,337 વિદ્યાર્થીઓમાંથી 1,04,429 એ પરીક્ષા આપી હતી. તેમાંથી 29,542 વિદ્યાર્થીઓ સફળતાપૂર્વક પાસ થયા છે. આ પરિણામમાં પાસની ટકાવારી 28.29% છે.

GSEB 10th result 2019 today, here's how to check Gujarat Board SSC results - Hindustan Times

મળતી માહિતી પ્રમાણે ધોરણ 10મા (એસએસસી) અને ધોરણ 12મા (એચએસસી) જનરલ અને વોકેશનલ બંને સ્ટ્રીમના પૂરક પરિણામો બોર્ડની અધિકૃત વેબસાઇટ – gseb.org પર ઉપલબ્ધ છે. જે વિદ્યાર્થીઓએ પૂરક પરીક્ષામાં ભાગ લીધો હતો તેઓ તેમના પરિણામો સત્તાવાર વેબસાઇટ, gseb.org પર જોઈ શકે છે. તમારી માર્કશીટ ડાઉનલોડ કરવા માટે નીચે આપેલ સીધી લિંકનો ઉપયોગ કરો.

કેવી રીતે જોઈ શકાશે ધો.10-12નું પરિણામ?

  • સૌથી પહેલા GSEBની વેબસાઈટ https://gseb.org/ પર જાઓ.
  • આ બાદ GSEB 10th / 12th Repeater Result લિંક પર ક્લિક કરો.
  • અહીં આપેલી ફીલ્ડમાં તમારો રોલ નંબર નાખો.
  • વિગતો સબમિટ કરો.
  • ગુજરાત બોર્ડ 10/12 નું પરિણામ મોબાઈલ સ્ક્રીન પર દેખાશે.
  • પરિણામની PDF ડાઉનલોડ કરીને સાચવી રાખો.

 

શિક્ષણ બોર્ડ દ્વારા 24 જૂનથી ધો. 10, ધો.12 સામાન્ય પ્રવાહ અને વિજ્ઞાન પ્રવાહના વિદ્યાર્થીઓ માટે પરીક્ષા શરૂ કરાઈ હતી. આ પરીક્ષા માટે 238,030 વિદ્યાર્થીઓ નોંધાયા હતા. આ વખતે ધો.10માં વિદ્યાર્થીઓને બે વિષયની જગ્યાએ ત્રણ વિષયની પૂરક પરીક્ષા આપવાની તક મળી હતી. જ્યારે ધો.12 સામાન્ય પ્રવાહમાં એક વિષયના બદલે બે વિષય સુધી પરીક્ષા આપવાની તક મળી હતી.

આ પણ વાંચો :-

બિહારમાં ટળી મોટી ટ્રેન દુર્ઘટના, બે ભાગમાં ડબ્બા એન્જિનથી અલગ થઇ ગયા

News Editor
-
0

બિહારના સમસ્તીપુરમાં મોટી ટ્રેન દુર્ઘટના થતા બચી ગઈ. નવી દિલ્હીથી દરભંગા જતી બિહાર સંપર્ક ક્રાંતિ એક્સપ્રેસ પુસા અને કર્પુરીગ્રામ સ્ટેશન વચ્ચે બે ભાગમાં વહેંચાઈ ગઈ. ટ્રેનનું એન્જિન બે બોગી સાથે આગળ વધ્યું હતું જ્યારે બાકીની બોગી પાછળ રહી ગઈ હતી. આ ઘટના કર્પૂરીગ્રામ અને પુસા સ્ટેશન વચ્ચે રેપુરા ગુમતી પાસે બની હતી. ટ્રેનમાં મુસાફરોએ જણાવ્યું કે કપલિંગ ખુલવાને કારણે અને એન્જિનની સાથે બે બોગી અલગ થવાને કારણે જોરદાર આંચકો લાગ્યો હતો.

Weekly train between Palitana - Bandra will start from October 17 | 17 ઓક્ટોબરથી પાલીતાણા - બાંદ્રા વચ્ચે સાપ્તાહિક ટ્રેન શરૂ થશે | Divya Bhaskar

જેના કારણે બધા ડરી ગયા. જો કે સદનસીબે હજુ સુધી કોઈ નુકસાનના અહેવાલ નથી. લગભગ સો મીટર આગળ વધ્યા પછી ડ્રાઈવરે એન્જિન બંધ કરી દીધું. કોઈક રીતે એન્જિનને પાછું લઈ જવામાં આવ્યું હતું અને બીજી બોગી ઉમેરવામાં આવી હતી અને ટ્રેનને ધીમે ધીમે પુસા સ્ટેશન પર લાવવામાં આવી હતી.

દુર્ઘટનાની માહિતી મળતાં જ રેલવેની ટીમ ઘટનાસ્થળે પહોંચી ગઈ હતી અને ટ્રેનના કપલિંગની તપાસ શરૂ કરી હતી. હાલમાં ટ્રેન પુસા સ્ટેશન પર 12.45 સુધી ઉભી રહી હતી. રેલ્વેના ઘણા ટેકનિકલ અધિકારીઓ પુસા સ્ટેશન પર હાજર હતા, પરંતુ અકસ્માત અંગે કંઈપણ કહેવાનું ટાળી રહ્યા હતા. તમામ મીડિયાના લોકો રેલવે અધિકારીઓ સાથે વાત કરવાનો પ્રયાસ કરી રહ્યા હતા પરંતુ અધિકારીઓ વધુ કહેવાનું ટાળી રહ્યા હતા.

તેમણે એટલું જ કહ્યું કે તપાસ કરવામાં આવી રહી છે અને તપાસ બાદ જ કહી શકાશે કે આ ઘટના પાછળનું કારણ શું હતું. ટ્રેનમાં મુસાફરી કરી રહેલા મુસાફરો મોટી દુર્ઘટના ટળી જવા બદલ ભગવાનનો આભાર માની રહ્યા હતા. તેણે જણાવ્યું કે બે બોગી સાથે એન્જિન અલગ થવાને કારણે ટ્રેનમાં અચાનક જ આંચકો લાગ્યો હતો. જોરદાર આંચકાથી મુસાફરોમાં ગભરાટ ફેલાયો હતો. જો કે અત્યાર સુધી મળતી માહિતી મુજબ કોઈ મુસાફરને ઈજા થઈ નથી.

આ પણ વાંચો :-

સાબરકાંઠામાં રેલવે અંડર બ્રિજમાંથી પસાર થતી એસટી બસ પાણીમાં ગરકાવ

News Editor
-
0

હવામાન વિભાગ દ્વારા આગામી પાંચ દિવસ ગુજરાતના વિવિધ ભાગોમાં હળવાથી ભારે વરસાદની આગાહી વ્યક્ત કરવામાં આવી છે. જેમાં આગામી બે દિવસ ઉત્તર ગુજરાત અને મધ્ય ગુજરાતમાં વરસાદની સંભાવના વ્યક્ત કરવામાં આવી છે. તો બીજી તરફ જાણીતા હવામાન નિષ્ણાત અંબાલાલ પટેલે પણ આગામી બે દિવસ એટલે કે 29 અને 30 જુલાઇના રોજ ઉત્તર અને મધ્ય ગુજરાતમાં ભારે વરસાદ આગાહી કરી છે. ત્યારે ફરી એકવાર મધ્ય ગુજરાત અને ઉત્તર ગુજરાતમાં વરસાદી માહોલ સર્જાયો છે. ગત 24 કલાકમાં કલાકમાં 116 તાલુકામાં વરસાદ નોંધાયો છે.

એ...એ...ગઇ બસ પાની મેં: હિંમતનગર નજીક રેલવે અંડરબ્રિજના પાણીમાં બસ ડૂબી, વીડિયો થયો વાયરલ 1 - image

હિંમતનગરના હમીરગઢ ગામ પાસે આવેલા રેલવે અંડરબ્રિજમાં પાણી ભરાયું છે. રેલવે અંડર બ્રિજમાંથી પસાર થતી એસટી બસ પાણીમાં ગરકાવ થઈ છે. હિંમતનગરથી વીરાવડા જતી બસ હમીરગઢ અંદર બ્રિજના પાણીમાં ગરકાવ થઈ છે. પાણી ભરાય તે પૂર્વે એસટી બસ અંડર બ્રિજમાં જ સેન્સરના કારણે બંધ પડી હતી. આસપાસના ખેતરોનું તેમજ ગામનું પાણી અંડરબ્રિજમાં વર્ષોથી ભરાય છે. દર વર્ષે ચોમાસામાં અંડર બ્રિજમાં પાણી ભરાય છે. વરસાદી પાણીના નિકાલના અભાવે દર વર્ષે અંડરબ્રિજમાં પાણી ભરાય છે.

રાજ્યમાં છેલ્લા કેટલાય દિવસથી દક્ષિણ અને સૌરાષ્ટ્રના અનેક વિસ્તારમાં ધોધમાર વરસાદ ખાબક્યો છે, આજે (29મી જુલાઈ) કચ્છ, દેવભૂમિ દ્વારકા, પોરબંદર, જૂનાગઢ, અમરેલી અને ગીર સોમનાથ સિવાયના વિસ્તારમાં ભારેથી અતિભારે વરસાદ પડવાની આગાહી કરવામાં આવી છે. જેમાં અમદાવાદ, આણંદ, વડોદરા, ભરૂચ અને છોટા ઉદેપુર જિલ્લામાં ઓરેન્જ એલર્ટ જાહેર કરવામાં આવ્યું છે. જ્યારે બનાસકાંઠા, પાટણ, મહેસાણા, ગાંધીનગર, સાબરકાંઠા, અરવલ્લી, મહીસાગર, દાહોદ, પંચમહાલ, ખેડા, સુરેન્દ્રનગર, મોરબી, જામનગર, રાજકોટ, બોટાદ, ભાવનગર, સુરત, નર્મદા, તાપી, નવસારી, ડાંગ, વલસાડી સહિતના જિલ્લામાં યલો એલર્ટ જાહેર કરવામાં આવ્યું છે.

આ પણ વાંચો :-

બિહાર સરકારને ‘સુપ્રીમ’ આંચકો, 65% ટકા અનામત રદ કરવાનો હાઇકોર્ટનો આદેશ યથાવત

News Editor
-
0

બિહારમાં 65% અનામત મામલે નીતીશ સરકારને સુપ્રીમ કોર્ટમાંથી ઝટકો લાગ્યો છે. સુપ્રીમ કોર્ટે પટના હાઈકોર્ટના આદેશ પર સ્ટે આપવાનો ઈન્કાર કરી દીધો છે. અગાઉ, 20 જૂને પટના હાઈકોર્ટે 65% જાતિ આધારિત અનામત આપવાના બિહાર સરકારના નિર્ણયને ગેરબંધારણીય ગણાવીને રદ્દ કરી દીધો હતો. નીતિશ સરકારે પટના હાઈકોર્ટના આ નિર્ણયને સુપ્રીમ કોર્ટમાં પડકાર્યો હતો પરંતુ હાલમાં તેને કોઈ રાહત મળી નથી. જો કે સુપ્રીમ કોર્ટે બિહાર સરકારની અપીલને સુનાવણી માટે સ્વીકારી લીધી હતી. કોર્ટે વકીલ મનીષ કુમારને નોડલ વકીલ તરીકે નિયુક્ત કર્યા છે. કોર્ટ હવે આ મામલે સપ્ટેમ્બરમાં સુનાવણી કરશે.

The government should take strict action in this matter, or be prepared for humiliation; Action should be taken irrespective of religion | હેટ સ્પીચ મામલે સુપ્રીમ કોર્ટ આકરી થઈ: કહ્યું- 'આ 21મી

બિહાર સરકારે પછાત વર્ગ, SC અને ST સમુદાયના લોકો માટે રોજગાર અને શૈક્ષણિક સંસ્થાઓમાં અનામતની મર્યાદા 50 ટકાથી વધારીને 65 ટકા કરી હતી. બિહાર સરકારે 9 નવેમ્બર, 2023 ના રોજ શૈક્ષણિક સંસ્થાઓ અને સરકારી નોકરીઓમાં અનામત 50 ટકાથી વધારીને 65 ટકા કરવા માટે કાયદો પસાર કર્યો હતો. બિહાર સરકારે ગયા વર્ષે જાતિ ગણતરી હાથ ધરી હતી અને તેના આધારે તેણે OBC, અતિ પછાત વર્ગ, દલિત અને આદિવાસીઓનું અનામત વધારીને 65 ટકા કરવાનો નિર્ણય લીધો હતો.જેને પટના હાઈકોર્ટે રદ કર્યો હતો.

બિહાર સરકારે હાઈકોર્ટના નિર્ણય પર વચગાળાનો સ્ટે માંગ્યો હતો અને કહ્યું હતું કે જો વચગાળાની રાહત આપવામાં નહીં આવે તો રાજ્યમાં મોટી સંખ્યામાં ભરતી પ્રક્રિયાઓ ચાલી રહી છે. જેમાંથી કેટલીક અંતિમ તબક્કામાં છે. આ પસંદગી પ્રક્રિયાને અસર કરશે. પિટિશનમાં કહેવામાં આવ્યું છે કે પછાત વર્ગનું પૂરતું પ્રતિનિધિત્વ હોવાનું હાઈકોર્ટનું તારણ જાતિ સર્વેક્ષણના આંકડા પર આધારિત છે.

આ પણ વાંચો :-

સુરતના ડેપ્યુટી મેયરની સાહેબગીરી, કાદવથી બચવા ફાયર કર્મીના ખભે ચઢી ગયા

News Editor
-
0

સુરત શહેરના પરવટ પાટિયા પાસે ડૂબી ગયેલા યુવકનો ચાર દિવસે મૃતદેહ મળ્યો હતો. પાણી ઓસરતાં જ ઘટના સ્થળે ભાજપના નેતાઓની ભીડ જામી હતી. યુવકનો મૃતદેહ બહાર કાઢ્યા પછી ડેપ્યુટી મેયર ડો.નરેન્દ્ર પાટીલ સ્થળ પરથી રોડ પર જવા નીકળ્યા હતાં. ફૂટપાથથી રોડ વચ્ચે માત્ર 2 ફૂટની જગ્યામાં સામાન્ય કાદવ-કિચડ હતો. આમ છતાં અહીં ઉભેલા ફાયરના સબ ઓફિસર ડેપ્યુટી મેયરને કહ્યું “હું તમને લઈ જઉ?’ કહેતા જ ડો.નરેન્દ્ર પાટીલ હસતાં હસતાં બે પગ ઉંચા કરી ઓફિસરના ખભે ટિંગાઈ ગયા હતા. નરેન્દ્ર પાટીલનું જાણે રેસ્ક્યુ કરાયું હોય તેવું દૃશ્ય સર્જાયું. નરેન્દ્ર પાટીલ જિન્સ પર કાદવ ન લાગે તે રીતે તેઓ ફાયર જવાનના ખભે ટિંગાયા હતાં.

નરેન્દ્ર પાટીલ જિન્સ પર કાદવ ન લાગે તે રીતે તેઓ ફાયર જવાનના ખભે ટિંગાયા હતાં. આ મામલે ડેપ્યુટી મેયરને ઊંચકીને લઇ જનાર સબ ફાયર ઓફિસર સુનીલ ચૌધરીએ જણાવ્યું હતું કે, ડે. મેયરને પગમાં ઇન્ફેકશન હતું. ત્યાં બેથી ત્રણ ફૂટ કીચડ હોવાથી વધારે ઇન્ફેકશન ન થાય એટલે તેઓને રોડ પર બહાર ઉતર્યા હતા. રોડ સાઈડથી ફૂટપાઠ પર આવી શકાતું હતું, પણ તેના માટે લાંબુ ફરીને જવું પડે તેમ હોવાથી તેઓને સેફલી રોડ પર જ ઉતાર્ય હતાં.ત્યાં ચોથા દિવસે ડૂબેલા યુવકની લાશ મળી હતી અને 108ની મદદથી તેની લાશને લઇ જવાની હતી. ડે. મેયરના કપડા અને બુટ બગડે તેના માટે રેસ્ક્યૂ કર્યું નથી. તેઓએ બુટ પહેર્યા હતા, પરંતુ પાણીની અંદર ઇન્ફેકશન વધી જવાની શક્યતા વધી જવાના કારણે એમને ખભા પર લઈને સેફટી રીતે રોડ પર ઉતાર્યા હતાં.

 

આ પણ વાંચો :-

ત્રીજા દિવસે ભારતીય ખેલાડીઓ આ ગેમ્સમાં લાવી શકે છે મેડલ, જૂઓ ભારતીય મેચોનું શેડ્યૂલ

News Editor
-
0

રમતગમતની સૌથી મોટી મેગા ઈવેન્ટ એવી પેરિસ ઓલિમ્પિક્સના ત્રીજા દિવસે એટલે કે આજે સોમવારે શૂટિંગમાં ભારતને વધુ મેડલ મળવાની અપેક્ષા છે. આજે, રમિતા જિંદાલ 10 મીટર એર રાઇફલ મહિલા ફાઇનલમાં અને અર્જુન બબુતા 10 મીટર એર રાઇફલ મેન્સ ફાઇનલમાં પોતાની તાકાત બતાવતી જોવા મળશે. ઓલિમ્પિકના બીજા દિવસે એટલે કે રવિવારે ભારતનું ખાતું ખુલ્યું હતું. શૂટિંગમાં સ્ટાર શૂટર મનુ ભાકરે બ્રોન્ઝ મેડલ જીતીને ભારતને પહેલો મેડલ અપાવ્યો હતો. જોકે, તીરંદાજીની મહિલા ટીમ ઈવેન્ટની ક્વાર્ટર ફાઇનલમાં નેધરલેન્ડ સામે ભારત 0-6થી હારી ગયું છે.

પેરિસ ઓલિમ્પિક પહેલા મોટી જાહેરાત, આ ખેલાડીઓને 41.60 લાખ રૂપિયા આપવામાં આવશે - Gujarati News | Big announcement before the Paris Olympics these players will be paid Rs 41 lakhs - big

તીરંદાજી

  • મેન્સ ટીમ ક્વાર્ટર-ફાઇનલ: તરુણદીપ રાય, ધીરજ બોમ્માદેવરા, પ્રવીણ જાધવ – સાંજે 6:30
  • બેડમિન્ટન
  • મેન્સ ડબલ્સ (ગ્રુપ સ્ટેજ): સાત્વિકસાઈરાજ રેન્કીરેડ્ડી અને ચિરાગ શેટ્ટી વિ માર્ક લેમ્સફસ અને માર્વિન સીડેલ (જર્મની) – બપોરે 12 વાગ્યે
  • મહિલા ડબલ્સ (ગ્રુપ સ્ટેજ): અશ્વિની પોનપ્પા અને તનિષા ક્રાસ્ટો વિ. નામી માત્સુયામા અને ચિહારુ શિડા (જાપાન) – બપોરે 12:50
  • મેન્સ સિંગલ્સ (ગ્રુપ સ્ટેજ): લક્ષ્ય સેન વિ જુલિયન કેરેજી (બેલ્જિયમ) – સાંજે 5:30 કલાકે

શૂટિંગ

10 મીટર એર પિસ્તોલ મિશ્રિત ટીમ લાયકાત: મનુ ભાકર અને સરબજોત સિંહ, રિધમ સાંગવાન અને અર્જુન સિંહ ચીમા – બપોરે 12:45 કલાકે

  • મેન્સ ટ્રેપ ક્વોલિફિકેશન: પૃથ્વીરાજ ટોન્ડાઈમન – બપોરે 1:00 કલાકે
  • 10 મીટર એર રાઈફલ મહિલા ફાઈનલ: રમિતા જિંદાલ – બપોરે 1:00 કલાકે
  • 10 મીટર એર રાઈફલ મેન્સ ફાઈનલ: અર્જુન બબુતા – બપોરે 3:30 કલાકે

હોકી

મેન્સ પૂલ બી મેચ: ભારત વિ અર્જેન્ટીના – સાંજે 4:15

ટેબલ ટેનિસ – મહિલા સિંગલ્સ (રાઉન્ડ ઓફ 32): શ્રીજા અકુલા વિ જીયાન ઝેંગ (સિંગાપોર) – રાત્રે 11:30

સમય મુજબનું સમયપત્રક નીચે મુજબ છે…

બપોરે 12 – મેન્સ ડબલ્સ (ગ્રુપ સ્ટેજ): સાત્વિકસાઈરાજ રેન્કીરેડ્ડી અને ચિરાગ શેટ્ટી વિ માર્ક લેમ્સફસ અને માર્વિન સીડેલ (જર્મની)

બપોરે 12:45 – 10 મીટર એર પિસ્તોલ મિશ્રિત ટીમ લાયકાત: મનુ ભાકર અને સરબજોત સિંહ, રિધમ સાંગવાન અને અર્જુન સિંહ ચીમા

બપોરે 12:50 – વિમેન્સ ડબલ્સ (ગ્રુપ સ્ટેજ): અશ્વિની પોનપ્પા અને તનિષા ક્રાસ્ટો વિ. નામી માત્સુયામા અને ચિહારુ શિડા (જાપાન)

બપોરે 1:00 – મેન્સ ટ્રેપ ક્વોલિફિકેશન: પૃથ્વીરાજ ટોન્ડાઈમન

બપોરે 1:00 – 10 મીટર એર રાઇફલ મહિલા ફાઇનલ: રમિતા જિંદાલ

બપોરે 3:30 – 10 મીટર એર રાઈફલ મેન્સ ફાઈનલ: અર્જુન બબુતા

બપોરે 4:15 – પુરુષોની પૂલ B મેચ: ભારત વિ આર્જેન્ટિના

સાંજે 5:30 – મેન્સ સિંગલ્સ (ગ્રુપ સ્ટેજ): લક્ષ્ય સેન વિ જુલિયન કેરેગી (બેલ્જિયમ)

સાંજે 6:30 – મેન્સ ટીમ ક્વાર્ટર-ફાઇનલ: તરુણદીપ રાય, ધીરજ બોમ્માદેવરા, પ્રવીણ જાધવ

રાત્રે 11:30 – મહિલા સિંગલ્સ (રાઉન્ડ ઓફ 32): શ્રીજા અકુલા વિ જીયાન ઝેંગ (સિંગાપોર)

આ પણ વાંચો :-

મુરેના જિલ્લામાં ટ્રકે 14 કાવડીઓને ટક્કર મારતાં બે લોકોના મોત, હાઇવે બે કલાક જામ!

News Editor
-
0

મધ્યપ્રદેશના મુરેના જિલ્લામાં સોમવારે એક મોટી દુર્ઘટના ઘટી હતી. અહીં કાંવડને લઈ જતી એક ટ્રકે રોડ કિનારે 14 કાંવડિયાંને ટક્કર મારી હતી. અકસ્માત એટલો ભયાનક હતો કે બે કાંવડિયાંના મોત થયા છે અને અન્ય લોકો ગંભીર રીતે ઘાયલ થયા છે. સાથે જ પાંચ કાંવડિયાંને ગ્વાલિયર રિફર કરવામાં આવ્યા છે. તમામ કાંવડિયાંઓ સૌરોનથી મુરેનાના સિહોનીયા ગામ તરફ જઈ રહ્યા હતા ત્યારે અકસ્માત સર્જાયો હતો. આ અકસ્માતથી રોષે ભરાયેલા કાંવડિયાંઓએ હાઈવે બ્લોક કરી દીધો છે.

Bx0T4Vnz T6

વહેલી સવારે આ અકસ્માત સર્જાયો હતો જે બાદ કાંવડિયાંઓએ નેશનલ હાઈવે બ્લોક કરી દીધો હતો જેના કારણે ટ્રાફિક જામ થઈ ગયો હતો. સ્થળ પર ચુસ્ત પોલીસ બંદોબસ્ત જામ હટાવવાનો પ્રયાસ કરી રહી છે. આ ભયાનક અકસ્માત બાદ મૃતકો અને ઘાયલોને જિલ્લા હોસ્પિટલમાં લઈ જવામાં આવ્યા હતા. જણાવવામાં આવી રહ્યું છે કે કાંવડિયાં મુરેના જિલ્લાના સિહોનિયા પોલીસ સ્ટેશન વિસ્તારના એક ગામના રહેવાસી છે.

તમને જણાવી દઈએ કે આજે સાવનનો બીજો સોમવાર છે. દેશભરના લાખો કાવડિયાઓ વિવિધ માર્ગો દ્વારા શિવ મંદિરોમાં જળ લઈ જઈ રહ્યા છે અને તેમના આરાધ્ય ભગવાન શિવનો જલાભિષેક કરી રહ્યા છે.

આ પણ વાંચો :-

નીતિ આયોગની બેઠકમાંથી નારાજ થઈને બહાર આવ્યા મમતા બેનરજી, જાણો કેમ ?

News Editor
-
0

વડાપ્રધાન નરેન્દ્ર મોદીની અધ્યક્ષતામાં આજે શનિવારે નીતિ આયોગની ગવર્નિંગ કાઉન્સિલની 9મી બેઠક યોજાઈ હતી. આ બેઠકમાં અનેક રાજ્યોના મુખ્યમંત્રીઓએ ભાગ લીધો હતો. આ બેઠકમાં તૃણમૂલ કોંગ્રેસના સુપ્રીમો અને પશ્ચિમ બંગાળના મુખ્યમંત્રી મમતા બેનરજી પણ હાજર રહ્યા હતા. જો કે, તેઓ ગુસ્સામાં મીટિંગ છોડીને બહાર નીકળી ગયા હતા. આ દરમિયાન તેમણે સરકાર પર ભેદભાવનો આરોપ લગાવ્યો હતો અને એમ પણ કહ્યું હતું કે, હું બોલી રહી હતી તો મારું માઈક બંધ કરી દીધું. પાંચ મિનિટ પછી જ મને બોલતા રોકી દેવામાં આવી હતી. મેં તેનો વિરોધ કર્યો કે મને બોલતા કેમ રોકવામાં આવી. સરકારને ખુશી થવી જોઈએ કે મેં આ બેઠકમાં ભાગ લીધો. સહકારી સંઘવાદને મજબૂત કરવામાં મને વધુ રસ છે, નીતિ આયોગ પાસે કોઈ નાણાકીય સત્તા નથી.

'માઈક બંધ નહોતું, ખોટી વાર્તાના બદલે સાચી વાત કહેવી જરૂરી...' મમતાના આરોપ અંગે કેન્દ્રનો જવાબ 1 - image

બંગાળના CM મમતા બેનરજીએ વધુમાં કહ્યું કે, “આ બેઠકમાં સરકાર પોતાના પક્ષના નેતાઓને વધુ બોલવા માટે તક આપી રહી છે. વિપક્ષમાંથી હું એકલી જ છું અને તમે મને બોલવાથી રોકી રહ્યા છો. આ માત્ર બંગાળનું જ નહીં, પરંતુ દેશનું અપમાન છે. તમામ પ્રાદેશિક પક્ષોનું પણ અપમાન છે.”

ઘણા વિપક્ષ શાસિત રાજ્યોના મુખ્યમંત્રીઓએ બજેટમાં ભેદભાવનો આરોપ લગાવીને નીતિ આયોગની આ બેઠકનો બહિષ્કાર કરવાની જાહેરાત કરી છે. બહિષ્કાર કરનારા મુખ્ય પ્રધાનોમાં તમિલનાડુના સીએમ એમકે સ્ટાલિન, કેરળના મુખ્ય પ્રધાન પિનરાઈ વિજયન તેમજ આમ આદમી પાર્ટીના નેતૃત્વવાળી પંજાબ અને દિલ્હી સરકારોનો સમાવેશ થાય છે. આ સિવાય કર્ણાટકના સીએમ સિદ્ધારમૈયા, હિમાચલ પ્રદેશના સીએમ સુખવિંદર સિંહ સુખુ અને તેલંગાણાના સીએમ રેવંત રેડ્ડીએ પણ બેઠકમાં ભાગ ન લેવાનો નિર્ણય કર્યો હતો.

નીતિ આયોગની આ બેઠકમાં વર્ષ 2047 સુધીમાં ભારતને વિકસિત દેશ બનાવવા પર ધ્યાન કેન્દ્રિત કરવામાં આવ્યું છે. ગવર્નિંગ કાઉન્સિલ એ નીતિ આયોગની સર્વોચ્ચ સંસ્થા છે. જેમાં તમામ રાજ્યોના મુખ્યમંત્રીઓ, કેન્દ્રશાસિત પ્રદેશોના લેફ્ટનન્ટ ગવર્નરો અને કેટલાક કેન્દ્રીય મંત્રીઓનો સમાવેશ થાય છે. આ બેઠકનું આયોજન રાષ્ટ્રપતિ ભવનના સાંસ્કૃતિક કેન્દ્રમાં કરવામાં આવ્યું હતું.

આ પણ વાંચો :-

1...694695696...1,476Page 695 of 1,476