Home Blog Page 682

ભરતપુરમાં બાણગંગા નદીમાં ડૂબી જવાથી સાત યુવકોના મોત

News Editor
-
0

રાજસ્થાનના ભરતપુર જિલ્લામાં એક દુ:ખદ અકસ્માતમાં સાત યુવકોના બાણગંગા નદીમાં ડૂબી જવાથી મોત થયા છે. તમામ યુવકો નદીમાં ન્હાવા ગયા હતા ત્યારે તેમના પગ ખાડામાં ફસાઈ જતાં તેઓ ડૂબી ગયા હતા. અકસ્માતમાંથી એક યુવક બચી ગયો હતો અને તેણે ગામલોકોને ઘટના વિશે જાણ કરી હતી, ત્યારબાદ મૃતકોના મૃતદેહ બહાર કાઢી શકાયા હતા.

પોલીસે એજન્સીને જણાવ્યું કે શ્રીનગર ગામના આઠ યુવકો ગામની નજીક વહેતી બાણગંગા નદીમાં નહાવા ગયા હતા, ત્યારે સાત યુવકો નદીમાં ઊંડા ખાડામાં ફસાઈ ગયા અને ડૂબી ગયા. જેમાં એક યુવક સલામત રીતે બચી ગયો હતો અને ગામમાં જઈને ગ્રામજનોને ઘટનાની જાણ કરી હતી.

Rajasthan: ભરતપુરમાં બાણગંગા નદીમાં ડૂબી જવાથી સાત યુવકોના મોત, ન્હાતી વખતે થયો અકસ્માત - Seven youths died after drowning in Banganga river in Bharatpur, an accident occurred while bathing

ગ્રામજનોએ ઘટનાસ્થળે પહોંચીને સાતેય મૃતદંડોને બહાર કાઢઢ્યા હતા. પોલીસ અધિકારી બલરામ યાદવે એજન્સીને જણાવ્યું કે મૃતક યુવકોની ઓળખ પવન સિંહ જાટવ (20), સૌરભ જાટવ (18), (ભૂપેન્દ્ર જાટવ (18), શાંતનુ જાટવ (18), લાખી જાટવ (20), પવન જાટવ (22) અને ગૌરવ જાટવ (16) તરીકે થઈ છે. તેમણે જણાવ્યું કે તમામ મૃતક યુવકો એક જ રહેવાસી છે અને એકબીજાના સગા છે. પોસ્ટમોર્ટમ બાદ મૃતદેહ પરિજનોને સોંપવામાં આવ્યા છે.

આ પણ વાંચો :-

‘રાહુલ ગાંધી સૌથી ખતરનાક માણસ છે’, કંગના રનૌતે આવું કેમ કહ્યું?

News Editor
-
0

હિમાચલ પ્રદેશના મંડીથી ભાજપના સાંસદ કંગના રનૌતે સોમવારે ફરી એક વાર કોંગ્રેસના સાંસદ રાહુલ ગાંધી પર પ્રહાર કર્યા છે, કંગના રનૌતે રાહુલ ગાંધીને ‘સૌથી ખતરનાક માણસ’ ગણાવ્યા હતા. હિંડનબર્ગ રિસર્ચના તાજેતરના રિપોર્ટમાં માર્કેટ રેગ્યુલેટર સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયાના ચેરપર્સન માધબી બૂચ પર ગંભીર આરોપ લગાવવામાં આવ્યા છે, રાહુલ ગાંધીએ આ આરોપોને સમર્થન આપ્યું હતું અને ભાજપ અને અદાણી ગ્રુપની ટીકા કરી હતી.

કંગના રાણાવતે તેના સોશિયલ મીડિયા એકાઉન્ટ પર એક પોસ્ટ લખીને કહ્યું કે રાહુલ ગાંધી સૌથી ખતરનાક માણસ છે, તે કડવા, ઝેરીલા અને વિનાશક છે, તેમનો એજન્ડા છે કે તેઓ જો વડાપ્રધાન ન બની શકે તો આ દેશને બરબાદ કરવાનો છે. આપણા શેરબજારને સીધું નિશાન બનાવતો હિંડનબર્ગનો અહેવાલ, જેને રાહુલ ગાંધી ગઈકાલે રાત્રે સમર્થન આપી રહ્યા હતા, તે નકામી વાત સાબિત થઈ.

ગાંધીએ યુએસ સ્થિત શોર્ટ-સેલર હિંડનબર્ગ રિસર્ચ દ્વારા જાહેર કરાયેલા તાજેતરના આક્ષેપોને પગલે ભારતના શેરબજાર અંગે કડક ચેતવણી આપી હતી. તેમણે સેબીના વડા માધબી પુરી બુચ સામે સવાલો ઉભા કર્યા હતા. તેમણે એવો પણ સવાલ કર્યો હતો કે બુચે હજુ સુધી રાજીનામું કેમ આપ્યું નથી અને સરકાર પાસે જવાબ માંગ્યો છે.

રાહુલ ગાંધીએ એક વિડિઓ સંદેશમાં જણાવ્યું હતું. “વિપક્ષના નેતા તરીકે મારી ફરજ છે કે તમારા ધ્યાન પર લાવવાની કે ભારતીય શેરબજાર પર નોંધપાત્ર જોખમ છે કારણ કે જે સંસ્થાઓ શેરબજારને સંચાલિત કરે છે તેઓ અયોગ્ય કાર્યો કરે છે. અદાણી જૂથ સામે એક ખૂબ જ ગંભીર આરોપ ગેરકાયદેસર શેરની માલિકી અને ઓફશોર ફંડ્સનો ઉપયોગ કરીને કિંમતમાં હેરાફેરી કરવાનો હતો.

આ પણ વાંચો :-

ગુજરાતમાં 24 કલાકમાં 153 તાલુકામાં ભારે વરસાદની આગાહી

News Editor
-
0

ગુજરાતમાં ફરીથી મેઘરાજા મહેરબાન થયા છે. 24 કલાકમાં ગુજરાતના 153 તાલુકામાં વરસાદ નોંધાયો હતો. જોકે, વરસાદના આંકડા એક બે ઈંચ પુરતા રહ્યા છે. બીજી તરફ હવામાન વિભાગે આજે ગુજરાતના મોટાભાગના વિસ્તારોમાં હળવો વરસાદ પડવાની આગાહી કરી છે.

આજે શ્રાવણ મહિનાના બીજા સોમવારે ગુજરાતમાં મેઘરાજાની ફરી તોફાની બેટિંગ જોવા મળી હતી. સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા આંકડા પ્રમાણે આજે 12 ઓગસ્ટ 2024, સોમવારે સવારે 6 વાગ્યાથી 12 વાગ્યા સુધીમાં 82 તાલુકામાં વરસાદ નોંધાયો હતો. જેમાં સૌથી વધારે વરસાદ સુરતના ઉમરપાડામાં બે ઈંચ ખાબક્યો હતો. જ્યારે નવસારીમાં પણ બે ઈંચ વરસાદ નોંધાયો હતો. નવસારીના જલાલપોરમાં પોણા બે ઈંચ વરસાદ તો તાપીના વાલોડમાં દોઢ ઈંચ જેટલો વરસાદ નોંધાયો હતો.

Rain in 153 talukas of the state till 4 pm | સાંજના 4 વાગ્યા સુધી રાજ્યના 153 તાલુકામાં વરસાદ, સૌથી વધુ પંચમહાલના જાંબુઘોડામાં 6.3 ઇંચ

સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે ગુજરાતમાં રવિવારે સવારે 6 વાગ્યાથી લઈને સોમવારે સવારે 6 વાગ્યા સુધીમાં કૂલ 153 તાલુકામાં વરસાદ નોંધાયો હતો. જોકે, વરસાદનું પ્રમાણે ઓછું રહ્યું હતું. આ તાલુકામાં મોટાભાગના વિસ્તારોમાં અડધા ઈંચથી લઈને બે ઈંચ સુધી જ વરસાદ નોંધાયો હતો. જેમાં આણંદના અંકલેશ્વરમાં પોણા બે ઈંચ વરસાદ, નવસારીન ખેરગામમાં સવા ઈંચ અને ગાંધીનગરના દહેગામમાં એક ઈંચ વરસાદ નોંધાયો હતો.

સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે ગુજરાતમાં રવિવારે સવારે 6 વાગ્યાથી લઈને સોમવારે સવારે 6 વાગ્યા સુધીમાં કૂલ 153 તાલુકામાં વરસાદ નોંધાયો હતો. જેમાં 22 તાલુકા એવા છે જ્યાં અડધા ઈંચથી એક ઈંચ વચ્ચે વરસાદ નોંધાયો હતો.

આ પણ વાંચો :-

સુરતમાં ફરી એકવાર નકલી નોટનું કાંડ ઝડપાયું, જાણો સમગ્ર ઘટના ?

News Editor
-
0

સુરતમાં ફરી એકવાર કામરેજ માંથી નકલી નોટો પકડાવવાનો સિલસિલો યથાવત રહ્યો છે. કામરેજ ખાતે યુવાને વેબસિરીઝ જોઈને રત્નકલાકારે પોતાના ઘરે જ નકલી નોટો છાપવાનું શરુ કરી દીધુ હતું. અને આરોપી નકલી નોટો છાપીને બજારમાં વટાવતો હતો. પોલીસે આરોપીની ધરપકડ કરી અને આરોપી પાસેથી 500, 200, 100ની નકલી નોટો સાથે પ્રિન્ટર, કાગળો સહિતની સામગ્રી પોલીસે કરી જપ્ત કરી હતી.

શાહિદ કપૂરની ફેમસ વેબ સિરીઝ ફર્ઝી માંથી શીખીને કામરેજના શ્રીજી એવન્યુ ફ્લેટ નં. બી-506માં રહેતા કરણ ગુણવંતભાઈ વાહેર પોતાના ઘરે બનાવટી ચલણી નોટો છાપતો હતો જે બાતમીના આધારે પોલીસે ફ્લેટ પર રેડ કરતા રત્ન કલાકારની કલાકારી જોઈને પોલીસ પણ ચોંકી ઉઠી હતી કારણ કે રત્નકલાકારના રૂમ માંથી 500નાં દરની 68 નંગ નોટો, 200ના દરની 114 નંગ નોટો, 100નાં દરની 32 નંગ નોટો મળી કુલ 214 બનાવટી ચલણી નોટો મળી આવી હતી.

આરોપીએ 500, 200, 100 દરની પ્રિન્ટ કરેલી બનાવટી ચલણી નોટો છાપવા મૂકી હતી. જે જોઈને પોલીસે પૂછપરછ કરતા રત્ન કલાકારે બનાવટી નોટો છાપતો હોવાનું કબૂલ્યું હતું. જેને લઈને પોલીસે બનાવટી નોટોના મુદામાલ સાથે કુલ 1,56,00 રૂપિયાનો મુદ્દામાલ કબ્જે કરી સ્થળ પરથી જ રત્નકલાકાર નામે કરણ વાઢેરને ઝડપી લઈને કાયદેસરની કાર્યવાહી હાથધરી છે.

મુખ્ય સુત્રધાર રત્નકલાકાર કરણ વાઢેરે ફર્ઝી વેબસિરિઝ જોઈ બનાવટી ભારતીય ચલણી નોટો છાપવા પ્રેરાયો હતો. તે સુરત શહેર અને ગ્રામ્ય વિસ્તારનાં નાના દુકાનદારો, વેપારીને ટાર્ગેટ કરી અલગ અલગ જગ્યાએ માર્કેટમાં પાંચ મહિનાથી ટુકડે ટુકડે ડુપ્લિકેટ નોટ ફરતી કરતો હતો હાલ તો પોલીસે આરોપી કરણ વાઢેરે કેટલી માત્રામાં ક્યાં ક્યાં નકલી નોટો પધરાવી તેની તપાસ શરૂ કરી.

આ પણ વાંચો :-

ગુજરાતના ચાંદીપુરા વાયરસના કેસમાં વધારો, 162 શંકાસ્પદ કેસ, 73 બાળકોના મોત

News Editor
-
0

ગુજરાતમાં ચાંદીપુરા વાયરસના કેસની સખ્યામાં સતત વધારો નોંધાઈ રહ્યો છે. છેલ્લા 24 કલાકમાં ચાંદીપુરાના કુલ 162 શંકાસ્પદ કેસ નોંધાયા છે જેમાં સૌથી વધુ સાબરકાંઠામાં 16 શંકાસ્પદ કેસ નોંધાયા છે. શંકાસ્પદ કેસ પૈકી 60 કેસ હાલ પોઝિટિવ છે. ત્યારે ચાંદીપુરાના કારણે 73 દર્દીના મોત થયા છે. જ્યારે રાજ્યમાં અત્યાર સુધી 81 દર્દીઓ સાજા થયા છે.

Chandipura Virus: ચાંદીપુરા વાયરસે મચાવ્યો હાહાકાર..! જાણો લક્ષણો અને શું રાખશો તકેદારી? | Sandesh

ગુજરાત સરકારના આરોગ્ય વિભાગના આંકડા અનુસાર, ગુજરાત રાજ્યના વાયરલ એન્કેફેલાઈટીસના કુલ-162 કેસો છે. જે પૈકી સાબરકાંઠા-16, અરવલ્લી-07, મહીસાગર-04, ખેડા-07, મહેસાણા-10, રાજકોટ-07, સુરેન્દ્રનગર-06, અમદાવાદ કોર્પોરેશન-12, ગાંધીનગર- 08, પંચમહાલ-16, જામનગ2-08, મોરબી-06, ગાંધીનગર કોર્પોરેશન-03, છોટાઉદેપુર-02, દાહોદ-04, વડોદરા-09, નર્મદા-02, બનાસકાંઠા-07, વડોદરા કોર્પોરેશન-02, ભાવનગર-01 દેવભૂમિ દ્વારકા-02, રાજકોટ કોર્પોરેશન-04, કચ્છ-05, સુરત કોર્પોરેશન-02, ભરૂચ-04, અમદાવાદ-02, જામનગર કોર્પોરેશન-01, પોરબંદર- 01, પાટણ-01, ગીર સોમનાથ-01, અમરેલી-01 તેમજ ડાંગ-01 શંકાસ્પદ કેસો મળેલ છે.

ગુજરાત રાજ્યના વાયરલ એન્કેફેલાઈટીસના કુલ-162 કેસો પૈકી સાબરકાંઠા-05, અરવલ્લી-03, મહીસાગર-02, ખેડા-02, મહેસાણા-05, રાજકોટ-04, સુરેન્દ્રનગર-02, અમદાવાદ કોર્પોરેશન-06, ગાંધીનગર-03, પંચમહાલ-07, જામનગર-04, મોરબી-05, ગાંધીનગર કોર્પોરેશન-02, દાહોદ-03, વડોદરા-04, નર્મદા-01, બનાસકાંઠા-04, વડોદરા કોર્પોરેશન-01, દેવભૂમિ દ્વારકા-01, કચ્છ-04, સુરત કોર્પોરેશન-01, ભરૂચ-01, જામનગર કોર્પોરેશન-01, પાટણ-01 તેમજ ગીર સોમનાથ-01 એમ કુલ-73 દર્દીઓ મૃત્યુ પામેલ છે.

ગુજરાત રાજ્યના વાયરલ એન્કેફેલાઇટીસના 08 દર્દી દાખલ છે તથા 81 દર્દીઓને રજા આપેલ છે. રાજસ્થાનના કુલ-07 કેસો પૈકી 01 કેસ પોઝીટીવ મળેલ છે જેમાં-04 દર્દી દાખલ છે તેમજ-03 દર્દી મૃત્યુ પામેલ છે. તથા મધ્ય પ્રદેશનાં -06 કેસો જેમાં -02 દર્દી દાખલ છે તેમજ -02 દર્દી મૃત્યુ પામેલ તથા-02 દર્દીને રજા આપેલ છે. તેમજ મહારાષ્ટ્રનો -01 કેસ જેમાં -01 દર્દી દાખલ છે.

આ પણ વાંચો :-

‘મને જેલમાંથી બહાર કાઢો’, કેજરીવાલે જામીન માટે સુપ્રીમ કોર્ટમાં કરી અરજી

News Editor
-
0

અરવિંદ કેજરીવાલે તેમની CBI ધરપકડને સુપ્રીમ કોર્ટમાં પડકારી છે. અરવિંદ કેજરીવાલ વતી વરિષ્ઠ વકીલ અભિષેક મનુ સિંઘવીએ વહેલી સુનાવણીની માંગ કરી છે. ચીફ જસ્ટિસે તેમને ઔપચારિક ઈમેલ મોકલવા કહ્યું છે. સુપ્રીમ કોર્ટે ED કેસમાં કેજરીવાલને વચગાળાના જામીન આપ્યા છે. પરંતુ સીબીઆઈના કેસમાં હજુ સુધી જામીન મળ્યા નથી. દિલ્હી હાઈકોર્ટે ધરપકડ વિરુદ્ધ કેજરીવાલની અરજી ફગાવી દીધી હતી. જામીન માટે ટ્રાયલ કોર્ટમાં જવાનું કહેવામાં આવ્યું હતું.

કેજરીવાલે દિલ્હી હાઇકોર્ટના 5 ઓગસ્ટના ચુકાદાને પડકાર આપ્યો છે.કેજરીવાલની અરજીને ચીફ જસ્ટિસ ઓફ ઇન્ડિયા ડીવાય ચંદ્રચુડ સામે ઉઠાવતા સીનિયર વકીલ અભિષેક મનુ સિંઘવીએ કહ્યું કે સેક્શન 45 (PML) હેઠળ ત્રણ જામીન આદેશ છે અને આ જામીન અરજી સેક્શન વગર 45ની છે. જેના પર CJIએ ઇમેલ કરવા કહ્યું છે.

દિલ્હીના મુખ્યમંત્રી અરવિંદ કેજરીવાલને મની લોન્ડરિંગ અથવા પીએમએલએ કેસમાં દિલ્હીની રાઉઝ એવન્યુ કોર્ટે જામીન આપ્યા હતા. જો કે, દિલ્હી હાઈકોર્ટે 25 જૂને આ આદેશ પર રોક લગાવી દીધી હતી. આ પછી મુખ્યમંત્રી અરવિંદ કેજરીવાલે હવે સુપ્રીમ કોર્ટમાં અપીલ કરી હતી, જ્યાંથી તેમને 12 જુલાઈના રોજ વચગાળાના જામીન મળ્યા હતા. આ દરમિયાન સીબીઆઈએ તેમની ધરપકડ કરી હતી. ત્યારથી તે તિહાર જેલમાં બંધ છે.

EDએ 21 માર્ચે દિલ્હી લિકર પોલિસી સાથે જોડાયેલા મની લોન્ડરિંગ કેસમાં અરવિંદ કેજરીવાલની ધરપકડ કરી હતી. આ પછી, 26 જૂનના રોજ, સીબીઆઈએ તેમને આ જ કેસમાં પોતાની કસ્ટડીમાં લીધો હતો. કેન્દ્રીય તપાસ એજન્સીઓ અનુસાર, દારૂના વેપારીઓને અયોગ્ય લાભ આપવા માટે તેમની પાસેથી લાંચ લેવામાં આવી હતી. દિલ્હી સરકાર અને આમ આદમી પાર્ટી આ દાવાઓને વારંવાર ફગાવી રહી છે.

આ પણ વાંચો :-

કોલકાતામાં મહિલા ડૉક્ટર પર દુષ્કર્મ અને હત્યાના વિરોધમાં દેશમાં હડતાળની કરી જાહેરાત

News Editor
-
0

પશ્ચિમ બંગાળના કોલકાતામાં રાજ્ય સરકાર દ્વારા સંચાલિત RG કર મેડિકલ કોલેજ અને હોસ્પિટલના પ્રિન્સિપાલ સંદીપ ઘોષે આજે સોમવારે રાજીનામું આપી દીધું છે અને આઉટડોર કાઉન્ટર બંધ રાખવામાં આવ્યું છે, જેના કારણે દર્દીઓને ભારે હાલાકીનો સામનો કરવો પડી રહ્યો છે. આ મેડિકલ કોલેજમાં મહિલા ડોક્ટરની હત્યા કરવામાં આવી હતી. હત્યા પહેલા મહિલા પર દુષ્કર્મ ગુજારવામાં આવ્યો હતો.

આ ઘટના બાદ દેશભરમાં દેખાવો થઈ રહ્યા છે અને ડોક્ટર એસોસિએશન ન્યાયની માંગ કરી રહ્યા છે. શરૂઆતમાં RG કર મેડિકલ કોલેજના ડોક્ટરોએ વિરોધ પ્રદર્શનો શરૂ કર્યા હતા. આ પછી દિલ્હી એઈમ્સ સહિત દેશભરના અન્ય સ્થળો પરના ડૉક્ટરો પણ આ હડતાલમાં જોડાયા છે તેમજ જમ્મુ કાશ્મીર અને લખનઉના ડૉકટરો રસ્તાઓ પર ઉતરી આવ્યા છે.

પોલીસે આ કેસમાં તપાસ પૂર્ણ કરી આરોપીઓની ધરપકડ કરી લીધી છે. પોલીસ પોસ્ટમોર્ટમના અંતિમ રિપોર્ટની રાહ જોઈ રહી છે. રિપોર્ટ આવ્યા બાદ આરોપીઓ સામે સુનાવણી શરૂ થશે. ફેડરેશન ઓફ રેસિડેન્ટ ડોક્ટર્સ એસોસિએશન (FORDA) અનુસાર, દેશભરના લગભગ ત્રણ લાખ ડોક્ટરો આજથી અનિશ્ચિત મુદત સુધી હડતાલ પર છે.

દેશની સૌથી મોટી હોસ્પિટલ દિલ્હી AIIMSમાં ડોક્ટરો હડતાલ પર ઉતાર્યા છે. રવિવારે સાંજે AIIMS હોસ્પિટલના કેમ્પસમાં RDA ડોક્ટરો દ્વારા કેન્ડલ માર્ચ કાઢવામાં આવી હતી. આ ઉપરાંત સફદરજંગની રામ મનોહર લોહિયા(RML) હોસ્પિટલના રેસિડેન્ટ ડોક્ટરો પણ હડતાલ પર ઉતરી ગયા છે. OPDમાં રેસિડેન્ટ ડોક્ટરે તેમની સેવાઓ બંધ કરી દીધી છે. જોકે, ઈમરજન્સી સેવાઓ ચાલુ છે. ડોક્ટરોની માંગ છે કે, આ સમગ્ર મામલાની સીબીઆઈ દ્વારા તપાસ કરવામાં આવે. દેશભરની હોસ્પિટલોમાં ડોક્ટરોની સુરક્ષા સુનિશ્ચિત કરવી જોઈએ. જવાબદાર અધિકારીઓ સામે કડક કાર્યવાહી થવી જોઈએ.

આ પણ વાંચો :-

ઇઝરાયેલમાં હિઝબુલ્લા દ્વારા મોટો હુમલો, 10 રોકેટ છોડ્યા

News Editor
-
0

મિડલ ઇસ્ટમાં વધી રહેલા તણાવ વચ્ચે હિઝબુલ્લાએ ઇઝરાયેલ પર લગભગ 10થી વધુ મિસાઇલો છોડી છે. ઇઝરાયેલની સેના IDFએ આ વાતની પુષ્ટિ કરી હતી અને કહ્યું હતું કે, ગઇકાલે રાત્રે લેબનોનથી અનેક મિસાઇલો છોડવામાં આવી હતી. લેબનીઝ સંગઠન હિઝબુલ્લાહે આ હુમલાની જવાબદારી લીધી છે અને કહ્યું કે, તેમણે ઈઝરાયેલના સૈન્ય મથકોને નિશાન બનાવીને આ હુમલો કર્યો છે. જેમાંથી મોટાભાગની મિસાઈલો ખુલ્લા મેદાનમાં પડી હતી, જેના કારણે કોઈ જાન-માલને નુકસાન થયું નથી.

આ હુમલા બાદ અમેરિકાના રક્ષા મંત્રી લોયડ ઓસ્ટીને મધ્ય પૂર્વમાં ગાઈડેડ મિસાઈલ સબમરીન તૈનાત કરવાનો આદેશ આપ્યો હતો. તેમણે ઇઝરાયેલના સંરક્ષણ પ્રધાન યોવ ગાલાંટ સાથે વાત કરી અને તેમને કહ્યું કે, તેમણે મદદ માટે બે જહાજો અને સબમરીન તૈનાત કરવાનો આદેશ આપ્યો છે. અમેરિકી રક્ષા મંત્રાલય પેન્ટાગોને એક નિવેદનમાં જણાવ્યું હતું કે, રક્ષા મંત્રી ઓસ્ટીને અબ્રાહમ લિંકન સ્ટ્રાઈક ગ્રુપને મધ્ય પૂર્વમાં હથિયારોની સપ્લાય વધારવા માટે કહ્યું છે.

ઇઝરાયેલ પર હિઝબુલ્લાહના હુમલા બાદ, યુએસ સંરક્ષણ સચિવ લોયડ ઓસ્ટીને મધ્ય પૂર્વમાં ગાઈડેડ મિસાઇલ સબમરીન તૈનાત કરવાની જાહેરાત કરી હતી. પેન્ટાગોન દ્વારા આ વાતની પુષ્ટિ પણ કરવામાં આવી છે. અમેરિકાએ ઈઝરાયલની મદદ માટે બે યુદ્ધ જહાજ અને એક સબમરીન મોકલી છે.

તાજેતરમાં જ ઈરાનની રાજધાની તેહરાનમાં હમાસના રાજકીય વડા ઈસ્માઈલ હાનિયાની હત્યા કરવામાં આવી હતી. ઈરાને આ માટે ઈઝરાયલને જવાબદાર ઠેરવ્યું છે અને બદલો લેવાની પ્રતિજ્ઞા લીધી છે. ત્યારથી, ગાઝા યુદ્ધના કારણે મધ્ય પૂર્વમાં ચાલી રહેલ તણાવ ઘણો વધી ગયો છે.

આ પણ વાંચો :-

સુરતમાં નકલી RC બુક બનાવાના રેકેટનો પર્દાફાશ

News Editor
-
0

સુરતના RTOમાં એજન્ટની મિલીભગતથી નકલી RC બુક બનાવાના રેકેટનો પર્દાફાશ થયો છે. સ્માર્ટ કાર્ડવાળી 370 RC બુક, 100 કોરા સ્માર્ટ કાર્ડ અને 15 સ્ટેમ્પ જપ્ત કરવામાં આવ્યા છે. ક્રાઇમ બ્રાન્ચે ડભોલીની સર્જન વાટિકા સોસાયટીમાં દરોડા પાડ્યા હતા. આપઘાત કરનાર યુવકની તપાસમાં સમગ્ર કૌભાંડ બહાર આવ્યું છે.

Surat News: Surat RTO e-auction of select golden and silver numbers of GJ 05 RS series of LMV

10 દિવસ પહેલા કેબલ સ્ટેઇડ બ્રિજ પરથી યુવકે આપઘાત કર્યો હતો. બાઇકની લોન અંગે ફાઇનાન્સ કંપની ત્રાસ આપતી હોવાથી આપઘાત કર્યો હતો. ફાઇનાન્સ કંપનીની ત્રાસ આપતી હોવાનો સ્યુસાઇડ નોટમાં ઉલ્લેખ હતો. લોન બાકી હોવા છતાં અન્યના નામે RC બુક ટ્રાન્સફર થઇ ગઈ હતી. પોલીસ અને RTOએ તપાસ કરતા RC બુકનું ભોપાળુ બહાર આવ્યું

સમગ્ર ઘટનાની વાત કરવમાં આવે તો પોલીસે અંકિત વઘાસિયા અને જીતેન્દ્ર પટેલની ધરપકડ કરી છે,આ બન્ને આરોપીઓ આરટીઓ એજન્ટના સંપર્કમાં હતા અને આરટીઓમાંથી માહિતી મેળવી નકલી આરસી બુક બનાવતા હતા.પોલીસે તપાસ દરમિયાન આરોપીઓ પાસેથી 370 નકલી આરસી બુક જપ્ત કરી છે.100 કોરા સ્માર્ટકાર્ડ અને 15 સ્ટેમ્પ પણ જપ્ત કરાયા છે.

સુરતમાં થોડાક દિવસ પહેલા એક યુવકે આપઘાત કર્યો હતો,અને કારના રૂપિયાને લઈ મગજમારી ચાલતી હોવાથી આ આપઘાત કર્યો હોવાનું સામે આવ્યું હતુ તે કેસમાં પોલીસે તપાસ હાથધરતા આરસી બુક કૌભાંડનો છેડો હાથે લાગ્યો હતો.લોન બાકી હોવા છતાં અન્યના નામે RC બુક ટ્રાન્સફર થઇ ગઈ હતી જે કેસમાં યુવકે આપઘાત કર્યો હતો,જેના આધારે પોલીસે વધુ તપાસ હાથધરી છે.

આ પણ વાંચો :-

હિંડનબર્ગ ધડાકા બાદ અદાણી ગ્રુપના શેર્સ તુટયા, રોકાણકારોને 53000 કરોડનો લોસ

News Editor
-
0

હિંડનબર્ગ રિસર્ચ દ્વારા અદાણી એપિસોડમાં સેબીના વડા પર સીધો આરોપ મૂકયા બાદ સોમવારે સ્‍થાનિક શેરબજારમાં ઘટાડા સાથે ટ્રેડિંગ શરૂ થયું હતું. આ સમયગાળા દરમિયાન મુખ્‍ય ભારતીય બેન્‍ચમાર્કમાં ઘટાડા સાથે વેપાર જોવા મળ્‍યો હતો. જ્‍યારે અદાણી ગ્રુપના શેરમાં 7%નો ઘટાડો થયો હતો. અદાણીના શેર્સ તુટતા રોકાણકારોને રૂ.53000 કરોડનો ધુંબો લાગ્‍યો છે. અદાણી ગ્રુપના ૧૦ શેર્સની વેલ્‍યુ ઘટીને 16.7 લાખ કરોડ થઇ છે.

Adani Enterprises' profits doubled | અદાણી એન્ટરપ્રાઈઝનો નફો બમણો થયો: એપ્રિલ-જૂન ક્વાર્ટરમાં રૂ. 1,455 કરોડ હતો, શેર 1.76% વધીને બંધ થયો | Divya Bhaskar

સવારે 10.18 વાગ્‍યે સેન્‍સેક્‍સ 430 પોઈન્‍ટ ઘટીને 79,275 પર ટ્રેડ થતો જોવા મળ્‍યો હતો. બીજી તરફ, નિફ્‌ટી 148 પોઈન્‍ટ ઘટાડા સાથે 24,218 ના સ્‍તરે ટ્રેડ થઈ રહ્યો હતો. યુએસ શોર્ટસેલર હિંડનબર્ગ રિસર્ચે સેબીના વડા માધાબી પુરી બુચ અને તેમના પતિ ધવલ બુચ પર અદાણી ગ્રૂપના શેરને વધારવા માટે ઉપયોગમાં લેવાતા ઓફશોર ફંડ્‍સમાં રોકાણ કરવાનો આરોપ મૂકયો છે. જો કે, બુચ દંપતીએ આરોપોને નકારી કાઢયા છે અને કહ્યું છે કે નિયમો અનુસાર રોકાણની તમામ માહિતી જાહેર કરવામાં આવી છે.

હિંડનબર્ગના નવા અહેવાલે અદાણી ગ્રુપના શેરોમાં હલચલ મચાવી દીધી છે. શરૂઆતના વેપારમાં અદાણી પાવર 9 ટકાથી વધુ ઘટયો હતો. અદાણી વિલ્‍મરમાં ૬ ટકાથી વધુનો ઘટાડો છે. તે જ સમયે, અદાણી ગ્રુપના બેન્‍ચમાર્ક સ્‍ટોક અદાણી એન્‍ટરપ્રાઈઝમાં પણ 3.17 ટકાનો ઘટાડો થયો છે. અદાણી ટોટલ ગેસ 7 ટકાથી વધુ ઘટયો છે. અદાણી એનર્જી સોલ્‍યુશનમાં પણ લગભગ સાડા ચાર ટકાનો ઘટાડો છે. ACCમાં 1.83 ટકા અને અંબુજા સિમેન્‍ટમાં 1.54 ટકાનો ઘટાડો છે. અદાણી ગ્રીન એનર્જી 3.61% ઘટી છે.

આ પણ વાંચો :-

1...681682683...1,476Page 682 of 1,476