Home Blog Page 653

ગુજરાતમાં આગામી ચાર દિવસ અતિભારે વરસાદની આગાહી: હવામાન વિભાગ

News Editor
-
0

ગુજરાતમાં વરસાદે વિરામ લેતા તાપમાનનો પારો સતત વધી રહ્યો છે. રાજ્યના મોટાભાગના વિસ્તારોમાં તાપમાનનો પારો 35 ડિગ્રીની આસપાસ રહેવાની શક્યતા છે. હવામાં ભેજનું પ્રમાણ વધવાથી લોકો બફારાથી ત્રાહિમામ પોકારી રહ્યા છે. બીજી બાજુ બંગાળની ખાડીની સિસ્ટમના કારણે રાજ્યના અનેક વિસ્તારોમાં હવામાન વિભાગે વરસાદની શક્યતા દર્શાવી છે.

હાલ સર્જાયેલી સિસ્ટમના કારણે ત્રણ દિવસમાં લગભગ સમગ્ર રાજ્યમાં વરસાદની શક્યાતા છે. જેમાં મધ્ય અને દક્ષિણ ગુજરાતમાં વરસાદની તીવ્રતા વધારે રહેવાની શક્યતા છે. જેમાં 24મી અને 25મી સપ્ટેમ્બરે સુરત, નવસારી, ડાંગ, વલસાડ, દમણ, અને દાદરા નગર હવેલીમાં ભારેથી મધ્યમ વરસાદની આગાહી છે. દરમિયાન આજે વહેલી સવારે અમદાવાદના પુર્વ વિસ્તારમાં વરસાદી છાટાં પડ્યા હતાં.

અંબાલાલ પટેલની આગાહી- 'મેઘરાજા વધુ એક વખત સૌરાષ્ટ્ર અને દક્ષિણ ગુજરાતને ઘમરોળશે, 17 જુલાઈ કોસ્ટલ એરિયામાં તૂટી પડશે ભારે વરસાદ' | ambalal patel ...

25મી સપ્ટેમ્બરે દક્ષિણ ગુજરાતના વલસાડ અને દમણ, દાદરા નગર હવેલીમાં છૂટાછવાયા સ્થળોએ ખૂબ જ ભારે વરસાદની સંભાવના છે. આ સાથે દક્ષિણ ગુજરાત પ્રદેશના સુરત, ડાંગ, નવસારી અને તાપી જિલ્લાઓમાં છૂટાછવાયા સ્થળોએ ભારે વરસાદની સંભાવના છે. આ સાથે ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ અને દમણ, દાદરા નગર હવેલીમાં તથા સૌરાષ્ટ્રના જિલ્લાઓમાં એટલે કે રાજકોટ, જૂનાગઢ, અમરેલી, ભાવનગર, ગીર સોમનાથ, બોટાદ અને દીવમાં છૂટાછવાયા સ્થળોએ હળવાથી મધ્યમ વરસાદની સંભાવના છે.

26મી તારીખે સૌરાષ્ટ્રના અમરેલી, ભાવનગર તથા દક્ષિણ ગુજરાતના સુરત, તાપી, નવસારી, ડાંગ, વલસાડ જિલ્લામાં તથા દમણ, દાદરા નગર હવેલીમાં છૂટાછવાયા સ્થળોએ અતિ ભારે વરસાદની સંભાવના છે. આ સાથે ગીર સોમનાથ, દીવ, બોટાદ, અમદાવાદ, આણંદ, વડોદરા, ભરૂચ, નર્મદા, છોટાઉદેપુરમાં છૂટાછવાયા સ્થળોએ ભારે વરસાદની આગાહી આપવામાં આવી છે. આ ઉપરાંતના કોઈપણ જિલ્લામાં વરસાદની કોઈ વોર્નિંગ નથી.

27મી તારીખે સૌરાષ્ટ્રના અમરેલી, ભાવનગર, ગીર સોમનાથ, દીવ તથા દક્ષિણ ગુજરાતના સુરત, નવસારી, વલસાડ જિલ્લામાં તથા દમણ, દાદરા નગર હવેલીમાં છૂટાછવાયા સ્થળોએ અતિ ભારે વરસાદની સંભાવના છે. આ સાથે બોટાદ, અમદાવાદ, રાજકોટ, જુનાગઢ, આણંદ, વડોદરા, ભરૂચ, નર્મદા, છોટાઉદેપુર, તાપી અને ડાંગમાં છૂટાછવાયા સ્થળોએ ભારે વરસાદની આગાહી આપવામાં આવી છે. આ ઉપરાંતના કોઈપણ જિલ્લામાં વરસાદની કોઈ વોર્નિંગ નથી.

આ પણ વાંચો :-

બેંગલુરુમાં ‘શ્રદ્ધા વૉકર જેવો હત્યાકાંડ’, 29 વર્ષની યુવતીના કર્યા 50 ટુકડા, ફ્રિઝમાંથી મળ્યો મૃતદેહ

News Editor
-
0

કર્ણાટકની રાજધાની બેંગ્લોરમાં મહાલક્ષ્મી નામની 29 વર્ષની મહિલાની હત્યા કરવામાં આવી હતી. મહિલાનો મૃતદેહ 21 સપ્ટેમ્બરે રેફ્રિજરેટરમાંથી મળી આવ્યો હતો. આરોપીઓએ લાશના 30 ટુકડા કરી ફ્રિજમાં સંતાડી દીધા હતા. પરંતુ જ્યારે દુર્ગંધ આવવા લાગી ત્યારે મહોલ્લાના લોકોએ મહિલાની માતા અને ભાઈને બોલાવ્યા. જે બાદ હત્યાનો મામલો સામે આવ્યો હતો. પોલીસને હવે જાણવા મળ્યું છે કે અશરફ નામનો વ્યક્તિ, જે પશ્ચિમ બંગાળનો રહેવાસી છે, તે મહિલાની હત્યામાં સામેલ છે.

Gujarati News Samachar: Mumbai Samachar - ગુજરાતી ન્યૂઝ સમાચાર

મહિલાના પતિ હેમંત દાસના કહેવા પ્રમાણે, મહાલક્ષ્મીનું અશરફ સાથે અફેર હતું. કર્ણાટકના ગૃહમંત્રી જી પરમેશ્વરાના જણાવ્યા અનુસાર, પશ્ચિમ બંગાળમાં શંકાસ્પદ વ્યક્તિની ઓળખ કરવામાં આવી છે. મહિલાનો મૃતદેહ બેંગ્લોરમાં તેના એપાર્ટમેન્ટમાંથી મળી આવ્યો હતો. ગૃહમંત્રીએ હાલમાં કોઈપણ ધરપકડનો ઈન્કાર કર્યો છે. પોલીસના જણાવ્યા અનુસાર, મહિલા બેંગ્લોરના વ્યાલીકાવલ વિસ્તારમાં ભાડેથી રહેતી હતી. ઘટનાની માહિતી મળતા જ તેના પતિ ઘટનાસ્થળે પહોંચ્યા હતા. જેમણે વાળંદ તરીકે કામ કરતા અશરફ પર આરોપ લગાવ્યો હતો. સાથે જ સરકાર મહિલાઓની સુરક્ષાને લઈને ચિંતિત છે.

ભયાનક રીતે હત્યા કરાયેલી મહિલાની ઓળખ 29 વર્ષીય મહાલક્ષ્મી તરીકે થઈ છે. મહાલક્ષ્મી છેલ્લા 9 મહિનાથી તેના પતિથી અલગ રહેતી હતી અને અશરફ નામના યુવક સાથે સંબંધમાં હતી, જે ઉત્તરાખંડનો રહેવાસી હોવાનું કહેવાય છે. મહાલક્ષ્મીના પતિ હેમંત દાસે જણાવ્યું કે, તેમણે તેમની પત્નીને એક મહિના પહેલા જોઈ હતી, જ્યારે તે તેમની પુત્રીને મળવા તેમની દુકાને આવી હતી. હેમંત દાસે કહ્યું કે મહાલક્ષ્મી અશરફ સાથે થોડા મહિનાઓથી રિલેશનશિપમાં હતી અને તેની સાથે ફ્લેટમાં રહેતી હતી.

ફ્લેટમાં જ મહાલક્ષ્મીનો મૃતદેહ 50 ટુકડાઓમાં મળી આવ્યો હતો. લોકોને દુર્ગંધ આવતા અને દરવાજો તોડ્યો હતો ત્યારે હત્યાનો બનાવ પ્રકાશમાં આવ્યો હતો. તેની તસવીરો પણ સોશિયલ મીડિયા પર વાયરલ થઈ છે, જે એટલી ભયાનક છે કે તેને અહીં પ્રકાશિત પણ કરી શકાતી નથી. હેમંત દાસે કહ્યું કે અશરફ અને મહાલક્ષ્મીએ તેની વિરુદ્ધ પોલીસ ફરિયાદ કરી હતી, જેના કારણે તે બેંગલુરુ ગયો ન હતો. હવે આ મામલાએ બધાને ચોંકાવી દીધા છે અને તે કોમી તણાવનો મામલો પણ બની શકે છે. ભાજપે રાજ્યની સિદ્ધારમૈયા સરકાર પર આરોપ લગાવ્યો છે કે કોંગ્રેસ લવ જેહાદ કાયદાનો વિરોધ કરે છે કારણ કે તેણે સમાજના એક વર્ગને આવી છૂટ આપવી પડે છે.

આ પણ વાંચો :-

જમીન કૌભાંડમાં મુખ્યમંત્રી સિદ્ધારમૈયાને ઝટકો, તપાસ પર રોક લગાવવા હાઈકોર્ટનો ઈનકાર

News Editor
-
0

કર્ણાટકના મુખ્યમંત્રી સિદ્ધારમૈયાને MUDA જમીન કૌભાંડ કેસમાં આજે મંગળવારે હાઈકોર્ટ તરફથી મોટો ઝટકો લાગ્યો છે. આ કેસમાં રાજ્યપાલ સામેની તેમની અરજી હાઈકોર્ટે ફગાવી દીધી છે અને રાજ્યપાલના આદેશને યથાવત રાખ્યો છે. હાઈકોર્ટે સુનાવણી દરમિયાન કહ્યું કે, અરજીમાં જણાવવામાં આવેલા તથ્યોની તપાસ કરવાની જરૂર છે. આમ કહીને હાઈકોર્ટે અરજી ફગાવી દીધી હતી. સુનાવણી દરમિયાન કોર્ટે કહ્યું કે, રાજ્યપાલ કાર્યવાહીને મંજૂરી આપવા માટે સક્ષમ અધિકારી છે. ઉલ્લેખનીય છે કે, રાજ્યપાલે આ મામલે સિદ્ધારમૈયા વિરુદ્ધ તપાસના આદેશ આપ્યા છે.

Image

હકીકટમાં, આ મુદ્દો 3.14 એકર જમીનના ટુકડાને લગતો છે, જે મુખ્યમંત્રી સિદ્ધારમૈયાની પત્ની પાર્વતીના નામે છે. ભાજપ આ મામલાને લઈને મુખ્યમંત્રી અને તેમની સરકાર પર સતત પ્રહારો કરી રહી છે અને CM સિદ્ધારમૈયા પર ભ્રષ્ટાચારનો આરોપ લગાવ્યો છે અને તેમના રાજીનામાની માંગ કરી છે. આ કેસમાં કર્ણાટકના રાજ્યપાલ થાવરચંદ ગેહલોતે સિદ્ધારમૈયા સામે કેસ ચલાવવાની મંજૂરી આપી દીધી છે.

મૈસૂર અર્બન ડેવલોપમેન્ટ ઑથોરિટીએ વર્ષ 1992 માં કેટલીક જમીન રહેણાક વિસ્તારને વિકસાવવા માટે ખેડૂતો પાસેથી જમીન લીધી હતી. આ પ્રક્રિયા અંતગર્ત કૃષિ જમીનથી અલગ કરવામાં આવ્યો હતો, પરંતુ 1998 માં સંપાદિત જમીનનો એક ભાગ MUDA એ ખેડૂતોને પરત કરી દીધો હતો. આ રીતે આ જમીન ફરી એકવાર કૃષિ જમીન બની ગઇ. અહીંયા સુધી બધુ જ બરોબર હતું. પરંતુ હવે વિવાદની શરૂઆત 2004 થી થઇ, આ દરમિયાન સિદ્ધારમૈયાની પત્ની પાર્વતીના ભાઇ બી.એમ.મલ્લિકાર્જુને વર્ષ 2004 માં આ જમીનમાં 3.16 એકર જમીન ખરીદી. આ દરમિયાન 2004-05 માં કર્ણાટકમાં કોંગ્રેસ જેડીએસ ગઠબંધનની સરકાર હતી અને ત્યારે સિદ્ધારમૈયા ડેપ્યુટી સીએમ હતા. આ દરમિયાન સામે આવ્યું કે આ જમીનને ફરી એકવાર કૃષિ જમીનથી અલગ કરવામાં આવી હતી, પરંતુ જ્યારે જમીનનો માલિકી હક લેવા માટે સિદ્ધરમૈયાનો પરિવાર પહોંચ્યો ત્યાં સુધી ત્યાં લે-આઉટ ડેવલોપ થઇ ગયો હતો.

આ પણ વાંચો :-

વડાપ્રધાન નરેન્દ્ર મોદીને ઝેલેન્સકીએ શાંતિના પ્રયાસો માટે આભાર માન્યો

News Editor
-
0

વડાપ્રધાન નરેન્દ્ર મોદી ત્રણ દિવસની અમેરિકાની મુલાકાત પૂર્ણ કરીને દિલ્હી જવા રવાના થયા છે. તેમની મુલાકાત દરમિયાન તેમણે ન્યુયોર્કમાં યુનાઈટેડ નેશન્સ ખાતે ક્વાડ લીડર્સ સમિટ અને સમિટ ઓન ધ ફ્યુચર (SOTF)માં ભાગ લીધો હતો. આ સાથે તેમણે તેમની મુલાકાત દરમિયાન કેટલીક મોટી દ્વિપક્ષીય બેઠકો પણ યોજી હતી. PM મોદીએ ન્યૂયોર્કમાં યુક્રેનના રાષ્ટ્રપતિ ઝેલેન્સકી સાથે મુલાકાત કરી હતી. આ દરમિયાન ઝેલેન્સકીએ શાંતિના પ્રયાસો માટે આભાર માન્યો હતો. તે જ સમયે, પીએમ મોદીને મળ્યા બાદ પેલેસ્ટાઈનના રાષ્ટ્રપતિ મહમૂદ અબ્બાસે કહ્યું કે ભારત ગાઝાની સમસ્યાના ઉકેલમાં ભૂમિકા ભજવી શકે છે.

Image

પીએમ મોદી અને યુક્રેનના રાષ્ટ્રપતિ ઝેલેન્સકી વચ્ચે એક મહિનામાં આ બીજી મુલાકાત હતી. પીએમ મોદીએ 23 ઓગસ્ટે યુક્રેનની મુલાકાત લીધી હતી. આ દરમિયાન ભારતે રશિયા અને યુક્રેન વચ્ચે શાંતિ પુનઃસ્થાપિત કરવા માટે દરેક સંભવિત રીતે યોગદાન આપવાની ઈચ્છાનો પુનરોચ્ચાર કર્યો હતો. સોમવારે યોજાયેલી બેઠકની શરૂઆત ઝેલેન્સકી દ્વારા કરવામાં આવી હતી. મીટિંગ દરમિયાન પીએમ મોદીએ ઝેલેન્સકીને કહ્યું કે યુદ્ધને લઈને ઘણા દેશોના નેતાઓ સાથે વાતચીત થઈ છે અને દરેકનું માનવું છે કે યુદ્ધ સમાપ્ત થવું જોઈએ. સોમવારે બંને નેતાઓ વચ્ચે ખાસ મુદ્દાઓ પર ચર્ચા થઈ હતી. પીએમ મોદી રશિયા અને યુક્રેન વચ્ચે શાંતિ પુનઃસ્થાપિત કરવા માટે પુતિન અને બિડેન સહિત તમામ પક્ષોના સંપર્કમાં છે. તે જ સમયે, ઝેલેન્સકીએ પીએમ મોદીની આ પહેલનો આભાર માન્યો છે.

વિદેશ મંત્રાલયના પ્રવક્તા રણધીર જયસ્વાલે લખ્યું કે વડાપ્રધાન નરેન્દ્ર મોદીએ ન્યૂયોર્કમાં સંયુક્ત રાષ્ટ્ર સભામાં વિયેતનામના રાષ્ટ્રપતિ ટો લામ સાથે મુલાકાત કરી હતી. બંને નેતાઓએ વ્યાપક રણનિતીક ભાગીદારીને વધારવાના પ્રયાસોની ચર્ચા કરી. અગાઉ, પીએમ મોદીએ પેલેસ્ટાઈનના રાષ્ટ્રપતિ મહમૂદ અબ્બાસને મળ્યા હતા અને ગાઝામાં માનવતાવાદી પરિસ્થિતિ પર ઊંડી ચિંતા વ્યક્ત કરી હતી અને આ ક્ષેત્રમાં શાંતિ અને સ્થિરતાની તાત્કાલિક પુનઃસ્થાપના માટે ભારતના સમર્થનની પુનઃપુષ્ટિ કરી હતી.

આ પણ વાંચો :-

જાપાનમાં ફરી એક વાર ભૂકંપના આંચકા, રિક્ટર સ્કેલ પર 5.9ની તીવ્રતા

News Editor
-
0

જાપાનની ધરા ફરી એક વાર ધણધણી ઉઠી છે. જાપાનના ટોક્યોમાં દક્ષિણ વિસ્તાપમાં આજે સવારે લગભગ 5:00 વાગ્યે ઈઝુ દ્વીપના દરિયાકિનારાના વિસ્તારોમાં ભૂકંપ આવ્યો હતો. આ ભૂકંપની તીવ્રતા 5.9 આંકવામાં આવી છે. જો કે હજુ સુધી ભૂકંપના કારણે જાનમાલના નુકસાનના કોઈ સમાચાર સામે નથી આવ્યા. પરંતુ જાપાનના હવામાન વિભાગે દરિયાઈ વિસ્તારોમાં સુનામીનું એલર્ટ જાહેર કરી દીધું છે.

Japan's earthquake shocks, people feared of tsunami | जापान मेें लगे भूकंप के तेज झटके, सुनामी की आशंका से सहम गए लोग | Hindi News, ग्लोबल नजरिया

જાપાનના હવામાન વિભાગે વિશેષ સુનામી એલર્ટ જાહેર કરીને દરિયાકાંઠાના વિસ્તારોમાં રહેતા લોકોને તાત્કાલિક સ્થળાંતર કરવાની સૂચના આપી છે. એવી સંભાવના છે કે દરિયામાં 1-2 મીટર સુધી ઊંચા મોજા ઊછળી શકે છે, જે સુનામીનું રૂપ લઈ શકે છે. સૂત્રોના જણાવ્યા મુજબ, હાચીજો સમુદ્રી દ્વીપ નજીક સુનામીના નાના મોજાઓ જોવા મળ્યા છે. બીજી તરફ આફ્ટરશોક કે વધુ મોટો આંચકો આવે તો મોજાઓ વધુ ઉંચા થઈને મોટી તબાહીનું કારણ બની શકે છે. હવામાન વિભાગ સતત સ્થિતિ પર નજર રાખી રહ્યું છે અને નાગરિકોને સુરક્ષિત સ્થાન પર જવાની અપીલ કરવામાં આવી રહી છે.

ભૂકંપ પછી જાપાનની હવામાન એજન્સીએ પ્રથમવાર “મેગાકંપ એલર્ટ” જાહેર કર્યું છે. આ એલર્ટ ખાસ કરીને નાનકાઈ ટર્ફ નામના ભુસ્તરીય ખંડ પાસે જોખમને ધ્યાનમાં રાખીને આપવામાં આવ્યું છે. આ વિસ્તાર એક મહત્વપૂર્ણ ફોલ્ટ ઝોન પર સ્થિત છે, જ્યાંથી મોટાં ભૂકંપોની શક્યતા વધી જાય છે. મેગાકંપ ચેતવણી ત્યારે આપવામાં આવે છે જ્યારે 8 કે તેથી વધુની તીવ્રતાના ભૂકંપની સંભાવના હોય. જો આવું ભૂકંપ થાય તો જાપાનમાં ગંભીર હાની અને જાનમાલના નુકસાનની શક્યતા છે.

આ પણ વાંચો :-

ભારતીય શેરબજારે રચ્યો ઈતિહાસ, સેન્સેક્સ પહેલીવાર 85,000 હજારને પાર

News Editor
-
0

સેન્સેક્સ-નિફ્ટી લાલ નિશાનમાં ખુલ્યા હતા. જો કે, આ ઘટાડો લાંબો સમય ટકી શક્યો નહીં અને માત્ર 15 મિનિટના ટ્રેડિંગ પછી બંને સૂચકાંકો ગ્રીન ઝોનમાં આવી ગયા. દરમિયાન ધીમી ગતિ છતાં શેરબજારમાં નવો ઈતિહાસ સર્જાયો હતો. વાસ્તવમાં, બોમ્બે સ્ટોક એક્સચેન્જના 30 શેરના સેન્સેક્સે વેગ પકડ્યો કે તરત જ તે 85,041.34ના સર્વકાલીન ઉચ્ચ સ્તરે પહોંચી ગયો. આ પહેલીવાર છે જ્યારે સેન્સેક્સ 85,000ના આંકને વટાવી ગયો છે. નિફ્ટી પણ 26000 ની નજીક ટ્રેડ કરી રહ્યો છે.

સેન્સેક્સ-નિફ્ટીમાં જોરદાર ઉછાળો, પ્રથમ વખત સેન્સેક્સ 51,000 અને નિફ્ટી 15,000ને પાર | nifty crosses 15000 sensex 51000 first time ahead

જણાવી દઈએ કે આજે સૌથી વધુ વૃદ્ધિ મેટલ અને એનર્જી શેર્સમાં જોવા મળી રહી છે. જ્યારે FMCG, IT અને બેન્કિંગ શેર્સમાં ઘટાડો જોવા મળી રહ્યો છે. ટોપ ગેનર્સ વિશે વાત કરીએ તો, વેદાંતનો શેર આજે 3%ના વધારા સાથે ટોચ પર છે જ્યારે ટાટા સ્ટીલનો શેર પણ 3%ના ઉછાળા સાથે જોવા મળી રહ્યો છે.

ભારતીય શેરબજારની જેમ એશિયન માર્કેટમાં પણ તેજી જોવા મળી રહી છે. અમેરિકન બજારનો ડાઉ જોન્સ 23 સપ્ટેમ્બરે 0.15 ટકાના વધારા સાથે 42,124 ના સ્તર પર બંધ થયો હતો. જ્યારે Nasdaq 0.14 ટકા વધીને 17,974 પર અને S&P 500 0.28% વધીને 5,718 પર બંધ થયો હતો. આટલું જ નહીં ચીનના શાંઘાઈ કમ્પોઝિટ ઈન્ડેક્સમાં વધારો જોવા મળ્યો છે. જ્યારે શાંઘાઈ કમ્પોઝિટ ઈન્ડેક્સમાં 1.79 ટકાનો વધારો નોંધાયો છે, જ્યારે કોરિયાના કોસ્પીમાં 0.066 ટકાનો વધારો નોંધાયો છે.

અગાઉ, સોમવારે, છેલ્લા ટ્રેડિંગ દિવસે, શેરબજારના બંને સૂચકાંકો તેમના અગાઉના તમામ રેકોર્ડ તોડીને સર્વકાલીન ઉચ્ચ સ્તરે બંધ થયા હતા. દિવસના કારોબાર દરમિયાન BSE સેન્સેક્સ 84,651.15 ના સ્તર પર ખુલ્યો અને 84,980.53 ના સ્તરે પહોંચ્યો. આ પછી તે 384.30 પોઈન્ટના ઉછાળા સાથે 84,928.61ના સ્તરે બંધ રહ્યો હતો. NSE ના નિફ્ટીમાં પણ જોરદાર રન નોંધાયો હતો અને 25,872.55 ના સ્તર પર ખુલ્યા બાદ તે ટ્રેડિંગ દરમિયાન 25,956 ના સ્તર પર પહોંચી ગયો હતો. જોકે, બજાર બંધ થયું ત્યારે નિફ્ટી 148 પોઈન્ટના વધારા સાથે 25,939.05 ના સ્તર પર બંધ થયો હતો.

આ પણ વાંચો :-

૨૪ સપ્ટેમ્બર, ૨૦૨૪ : મંગળવારના દિવસે આ રાશિના જાતકોને આજનો દિવસ વેપારની સ્થિતિમાં સુધારો થશે, આવકના નવા સ્ત્રોત ખુલશે, જૂઓ આજનુ રાશિફળ

News Editor
-
0

મેષઃ

માનસિક ‌ઉગ્રતા રહે. આવકનું પ્રમાણ જળવાય. પરિવારમાં સુખ, શાંતિનું પ્રમાણ વધતું જણાય. કાર્યક્ષેત્રે સફળતા નો અનુભવ થાય. નવા રોકાણો ફાયદા કારક સાબિત થાય. આધાત્મિકતા વધતી જણાય. આરોગ્ય જળવાય.

વૃષભઃ

માનસિક સ્વસ્થતા જળવાય. આવકમાં વધારો થાય. નાના ભાઇ બહેન સાથે પ્રેમભાવ વધે. પરિવારમાં આનંદ. ભાગ્યનો સાથ મળતો જણાય. નોકરીમાં શાંતિ તથા ધંધામાં પ્રગતિ થતી જણાય. સ્વાસ્થ્ય સારૂં રહેશે.

મિથુનઃ

આત્મવિશ્વાસ વધવાને કારણે તમામ ક્ષેત્રે સફળતા મળતી જણાય. સ્વભાવમાં ગુસ્સો અને આનંદનું મિશ્રણ જોવા મળે. નાણાંકીય વ્યવહારો ફાયદા કારક સા‌િબત થાય. ટેલીફોન, મોબાઇલ, કોમ્પ્યુટર ક્ષેત્ર થી ‌િવશેષ લાભ.

કર્કઃ

માનસિક આનંદ જળવાય. નાણાંની આવક ધટે. આકસ્મિક ખર્ચનો સામનો કરવો પડે. કુટુંબમાં સ્નેહનું વાતાવરણ રહે. શેરબજારથી લાભ. રોકાણો દ્ગારા ફાયદો થતો જણાય. ભાગ્યનો સાથ મળે. આરોગ્ય સારૂં રહેશે.

સિંહઃ

સત્ય બોલવાને કારણે અ‌િપ્રય થવાય. સ્વભાવમાં ઉગ્રતા રહે. આર્થિક પાસુ મજબૂત બને. પરિવારના સભ્યો વચ્ચે લાગણી નું પ્રમાણ વધે. મિત્રો નો સાથ સહકાર મળતો જણાય. માફકસરનો ખર્ચ રહે.

કન્યાઃ

વાણી ઉપરનો કાબુ વધે. સ્વાર્થવૃત્તિ વધતી જણાય. નાણાંકીય બાબતોમાં ગણત્રીપૂર્વક આયોજન કરી શકાય. માતાની તબિયત સાચવવી. ટ્રાવેલીંગ, વીમો, હોટલના કામકાજમાં સફળતાં મળે. માથાનો દુઃખાવો અનુભવાય.

તુલાઃ

ભાગ્યનો સાથ મળતાં કાર્યક્ષેત્રે સફળતા મળતી જણાય.પરિણામે આવક વધતાં આનંદનો અનુભવ થાય. ધાર્મિક યાત્રા-પ્રવાસનું આયોજન શકય બને. ઠંડાપીણા, આ‌ઇસક્રીમ, સ્ત્રી શણગારના ધંધામાં લાભ મળતો જણાય.

વૃશ્ચિકઃ

મોજ શોખમાં ખર્ચ વધવાની શકયતા છે. વ્યસનમાં ફસાવાય નહીં તેનું ધ્યાન રાખવું. આવક બાબતે જૈસે થે ની સ્થિતિ અનુભવાય. સંતાન સાથે મતભેદ ટાળવા. સ્નાયુ ઓ તથા ક્ષાનતંતુ ના રોગોથી સાચવવું.

ધનઃ

દિવસ દરમ્યાન ઉશ્કેરાટ વધે તથા માનસિક અસ્થિરતા અનુભવાય. આવક જળવાશે. મશીનરી, અેસ્ટેટ, વિજળીના સામાન, સંદેશ વ્યવહારને લગતા ધંધામાં વધુ લાભ. ખભાનો દુઃખાવો તથા તાવનો ઉપદ્રવ રહે.

મકરઃ

માનસિક સ્વસ્થતા તથા આત્મવિશ્વાસ ધટે. ખર્ચનું પ્રમાણ વધે. માતૃપક્ષ તરફથી લાભ. ભાગ્યનો સાથ મળતો જણાતો નથી. સફળતા માટે સંધર્ષ વધુ કરવો પડે. દામ્પત્ય જીવનમાં આનંદ જળ‍વાશે. માથાનો દુઃખાવો રહે.

કુંભઃ

આર્થિક પાસુ મજબૂત બનતું જણાય. ભાઇ બહેન સાથે ગુસ્સાનું પ્રમાણ વધે. કાર્યક્ષેત્રે સફળતા મળતી જણાય. સ્ત્રીવર્ગ તરફથી લાભ. સંતાનોની પ્રગતિથી આનંદ. વિધાર્થી મિત્રોને સફળતા. ખોટી સોબત થી સાવધાની જરૂરી.

મીનઃ

આત્મવિશ્વાસ વઘતો જણાય. પોતે સાચા અને બીજા ખોટા અેવી ભાવના પેદા થાય. પરિવારના સભ્યો સાથે લાગણીનું પ્રમાણ વધે. માતૃ સુખ વધે. સ્ત્રીવર્ગ તરફથી લાભ. નોકરી, ધંધા પ્રગતિ થતી જણાય. આરોગ્ય સારૂં રહેશે.

ઇઝરાયેલી સેનાએ લેબનોનમાં 300થી વધુ લક્ષ્યો પર હુમલો કર્યો, 100 લોકોના મોત

News Editor
-
0

ઇઝરાયેલ અને લેબનોન વચ્ચે સતત તણાવ વધી રહ્યો છે. હિઝબુલ્લાહ પર દબાણ લાવવા માટે, ઇઝરાયલે લેબનોનમાં 300 ટાર્ગેટ પર હુમલો કર્યો છે. આ દાવો ઈઝરાયેલની સેના દ્વારા કરવામાં આવ્યો છે. જો કે હજુ સુધી લેબનોન અને હિઝબુલ્લાહ તરફથી થયેલા હુમલા અંગે કોઈ માહિતી સામે આવી નથી.

Israel-Hezbollah conflict: Abandoned houses, scorched forests hint at war | World News - Business Standard

હુમલા અંગે માહિતી આપતા લેબનોનના સ્વાસ્થ્ય મંત્રાલયે કહ્યું કે, ઈઝરાયેલની સેનાએ તેના દક્ષિણી વિસ્તારના ગામો અને નગરો પર હુમલો કર્યો છે. આ હુમલાઓમાં તેના 100 નાગરિકો માર્યા ગયા છે. આ સિવાય 300 લોકો ઘાયલ થયા છે. આ લોકોમાં બાળકો, મહિલાઓ અને ઇમરજન્સી કામદારોનો સમાવેશ થાય છે. હાલમાં આ પ્રાથમિક આંકડો છે અને મૃત્યુઆંક વધી શકે છે. મંત્રાલયનું કહેવું છે કે માત્ર પ્રારંભિક સંખ્યામાં મહિલાઓ અને બાળકોનો સમાવેશ થાય છે. આ હુમલાઓમાં લેબનોનના દક્ષિણ વિસ્તાર ઉપરાંત પૂર્વોત્તર વિસ્તારને પણ નિશાન બનાવવામાં આવ્યો છે.

ગાઝા યુદ્ધની અસર સહન કરી રહેલા પશ્ચિમ એશિયામાં બીજા મોરચે હુમલાઓ અને વળતા હુમલાઓ તીવ્ર બન્યા છે. લેબનોન તરફી લેબનીઝ હિઝબુલ્લાહ અને ઈઝરાયેલ વચ્ચે તણાવ ચરમસીમા પર છે. બંનેએ આંતરરાષ્ટ્રીય સમુદાયની ચેતવણીને અવગણીને એકબીજાની સરહદ પર હુમલા વધુ તીવ્ર બનાવવાની ધમકી આપી છે. ઇઝરાયેલ હિઝબુલ્લાહની કમર તોડી નાખવા માટે કટિબદ્ધ છે, જે પોતાની સામે હમાસને ટેકો આપવા ઉભો થયો છે. ઈઝરાયેલે સતત કેટલાય દિવસોથી હિઝબુલ્લાહ વિરુદ્ધ સખ્ત કાર્યવાહી કરી છે. પહેલા પેજર, પછી વાયરલેસ સિરિયલ બ્લાસ્ટ અને પછી હવાઈ હુમલા. સાથે જ હિઝબુલ્લાહના ચીફ નસરાલ્લાહે પણ પરિણામ ભોગવવાની ચેતવણી આપી છે.

રવિવારે, હિઝબુલ્લાએ ઉત્તરી ઇઝરાયેલમાં 100 થી વધુ રોકેટ છોડ્યા હતા. આ રોકેટ ઈઝરાયેલના હાઈફા શહેર નજીક પડ્યા હતા. આ હુમલામાં ચાર લોકો ઘાયલ થયા છે. રોકેટ હુમલા બાદ હિઝબુલ્લાહના ડેપ્યુટી લીડર નઈમ કાસિમે ખુલ્લા યુદ્ધની જાહેરાત કરી હતી. જવાબી કાર્યવાહીમાં, ઇઝરાયેલે દક્ષિણ લેબનોનમાં હિઝબોલ્લાહના લક્ષ્યો પર હુમલો કર્યો, જેમાં એરબેઝ અને લશ્કરી ઉત્પાદન સુવિધાઓનો સમાવેશ થાય છે.

લેબનોનના આરોગ્ય મંત્રાલયે જણાવ્યું હતું કે દક્ષિણી વિસ્તારોમાં ઇઝરાયેલના હુમલામાં ત્રણ લોકો માર્યા ગયા હતા, જ્યારે હિઝબુલ્લાએ પુષ્ટિ કરી હતી કે તેના બે લડવૈયાઓ માર્યા ગયા છે. ઇઝરાયેલી દળો અને હિઝબુલ્લાએ 20 સપ્ટેમ્બરે ઉત્તરી ઇઝરાયેલ પર મોટો હુમલો કર્યો. લેબનોનમાંથી રાતોરાત 150થી વધુ રોકેટ, મિસાઈલ અને ડ્રોન છોડવામાં આવ્યા હતા. આ પછી, ગુસ્સે ભરાયેલા ઇઝરાયેલી સેનાએ વળતો હુમલો કર્યો અને હિઝબુલ્લાહના ટોચના કમાન્ડર ઇબ્રાહિમ અકીલને મારી નાખ્યો. ઈબ્રાહિમ અકીલ હિઝબુલ્લાહનો સેકન્ડ-ઈન-કમાન્ડ છે, જે સીધો ચીફ હસન નસરાલ્લાહને રિપોર્ટ કરે છે.

આ પણ વાંચો :-

કેન્દ્રીય રક્ષા મંત્રી રાજનાથ સિંહની સુરક્ષામાં મોટી ચૂક

News Editor
-
0

રાજસ્થાનના જયપુરમાં કેન્દ્રીય રક્ષા મંત્રી રાજનાથ સિંહની સુરક્ષામાં મોટી ક્ષતિનો મામલો સામે આવ્યો છે. સુરક્ષા કોર્ડન તોડીને એક વિદ્યાર્થી રાજનાથ સિંહ ને મળવા પહોંચ્યો હતો, પરંતુ સુરક્ષાકર્મીઓએ તેને ધક્કો મારીને બહાર કાઢ્યો હતો. તેના પર કેન્દ્રીય મંત્રીએ વિદ્યાર્થીને પોતાની પાસે બોલાવ્યો અને તેની વાત સાંભળી.

કેન્દ્રીય મંત્રી રાજનાથ સિંહ સોમવારે રાજસ્થાનના જયપુર પહોંચ્યા, જ્યાં તેમણે સીકર રોડ પર સ્થિત શ્રી ભવાની નિકેતન સ્કૂલના કેમ્પસમાં પબ્લિક પ્રાઈવેટ પાર્ટનરશિપ (PPP) હેઠળ સૈનિક સ્કૂલનું ઉદ્ઘાટન કર્યું. ઉદ્ઘાટન કાર્યક્રમની સમાપ્તિ પછી, તેઓ એરપોર્ટ જવા માટે રવાના થઈ રહ્યા હતા, પરંતુ તે પહેલા તેમની સુરક્ષામાં એક મોટી ખામી સર્જાઈ હતી.

કેન્દ્રીય મંત્રી રાજનાથ સિંહ તેમની કારમાં બેસીને જતા હતા ત્યારે એક વિદ્યાર્થી સુરક્ષા કોર્ડન તોડીને તેમની પાસે પહોંચ્યો હતો. આના પર સુરક્ષાકર્મીઓએ વિદ્યાર્થીને પકડીને રાજનાથ સિંહના કાફલામાંથી બહાર ધકેલી દીધો હતો. આ દરમિયાન જ્યારે કેન્દ્રીય મંત્રીની નજર તે વિદ્યાર્થી પર પડી તો તેમણે તેને પોતાની પાસે બોલાવ્યો અને તેની વાત સાંભળી.

વિદ્યાર્થીએ રાજનાથ સિંહને જણાવ્યું કે તે 10મા ધોરણમાં અભ્યાસ કરે છે અને NCC કેડર છે. તે જયપુરમાં એકલો રહે છે. તેમની માતા ઝાલાવાડમાં સરકારી શિક્ષિકા છે, પરંતુ તેમની અહીં બદલી થઈ રહી નથી. કેન્દ્રીય મંત્રીએ વિદ્યાર્થીની વાત સાંભળી, પરંતુ તેની અરજી સ્વીકારી નહીં.

આ પણ વાંચો :-

ગુજરાતની રિયા સિંઘા જીતી મિસ ઇન્ડિયા યુનિવર્સનો તાજ

News Editor
-
0

ભારતીય સુંદરી રિયા સિંઘાએ મિસ યુનિવર્સ ઈન્ડિયા 2024 સ્પર્ધા જીતી લીધી છે. મિસ યુનિવર્સ 2015ની વિનર અને અભિનેત્રી ઉર્વશી રૌતેલાએ રિયા સિંઘાને મિસ યુનિવર્સ ઈન્ડિયાનો તાજ પહેરાવ્યો હતો.

રિયાએ 50થી વધુ સ્પર્ધકોને હરાવીને આ તાજ જીત્યો હતો. ગુજરાતની રિયા સિંઘા હવે આ વર્ષના અંતમાં મેક્સિકો ખાતે યોજાનાર ગ્લોબલ મિસ યુનિવર્સ 2024 સ્પર્ધાના વૈશ્વિક પ્લેટફોર્મ પર ભારતનું પ્રતિનિધિત્વ કરશે. મિસ યુનિવર્સ ઈન્ડિયા 2024નો ગ્રાન્ડ ફિનાલે 22 સપ્ટેમ્બરે રાજસ્થાનના જયપુરમાં યોજાયો હતો.

Gujarat's Rhea Singha crowned Miss Universe India 2024

આ જીત બાદ ન્યૂઝ એજન્સી સાથે વાત કરતા 19 વર્ષની રિયા સિંઘાએ જણાવ્યું હતું કે, “આજે મેં મિસ યુનિવર્સ ઈન્ડિયા 2024નો ખિતાબ જીત્યો છે. હું ખૂબ આભારી છું. મેં આ સ્તર સુધી પહોંચવા માટે ઘણી મહેનત કરી છે. મને અગાઉના વિજેતાઓમાંથી પ્રેરણા મળી છે.મિસ યુનિવર્સ ઈન્ડિયાના ઓફિશિયલ એકાઉન્ટ દ્વારા પોસ્ટ કરવામાં આવેલી રિયા સિંઘાની તસવીરો જુઓ. હું મારી જાતને આ તાજ માટે લાયક માનું છું. હું અગાઉના વિજેતાઓથી ખૂબ જ પ્રેરિત છું. રિયાના ફોટાને લાખો લાઈક્સ મળે છે.

રિયાએ તાજ જીત્યા બાદ ઉર્વશીએ પણ ખુશી વ્યક્ત કરી છે. તેણે કહ્યું- હું અનુભવી શકું છું કે બધી છોકરીઓ શું અનુભવી રહી છે. વિનર માઈન્ડ બ્લોઈંગ છે. તે મિસ યુનિવર્સમાં આપણા દેશનું ખૂબ સારી રીતે પ્રતિનિધિત્વ કરશે અને મને આશા છે કે ભારત આ વર્ષે ફરીથી મિસ યુનિવર્સનો તાજ જીતશે.

આ પણ વાંચો :-

1...652653654...1,485Page 653 of 1,485