Home Blog Page 643

મ્યાનમારથી 900 કુકી આતંકવાદીઓની ઘૂસણખોરી બાદ મણિપુર સુરક્ષા એલર્ટ પર

News Editor
-
0

મણિપુરમાં છેલ્લા 16 મહિનાથી હિંસા ચાલી રહી છે. દરમિયાન, એક ઇનપુટએ રાજ્યની સુરક્ષા એજન્સીઓ માટે ગંભીર ચિંતાઓ ઊભી કરી છે. ઈન્ટેલિજન્સ અનુસાર, ડ્રોન આધારિત બોમ્બ, પ્રોજેક્ટાઈલ્સ, મિસાઈલ અને જંગલ યુદ્ધની તાલીમ મેળવનારા 900થી વધુ કુકી આતંકવાદીઓ મ્યાનમાર થઈને મણિપુરમાં પ્રવેશ્યા છે.

મણિપુર: 18 સપ્ટેમ્બરના રોજ સવારે 5 થી સાંજના 8 વાગ્યા સુધી ચાર જિલ્લામાં કર્ફ્યુ હળવો કરવામાં આવશે – હિન્દુસ્તાન ટાઇમ્સ

ઈન્ડિયા ટુડેના અહેવાલ મુજબ, આતંકવાદીઓ 30 સભ્યોના જૂથમાં હોવાના અહેવાલ છે અને હાલમાં તેઓ જુદા જુદા વિસ્તારોમાં છે. આતંકવાદીઓ 28 સપ્ટેમ્બર 2024 ની આસપાસ મેઇટી ગામો પર બહુવિધ હુમલાઓ કરે તેવી માહિતી છે. દરમિયાન, મણિપુર સુરક્ષા સલાહકાર કુલદીપ સિંહે ગુપ્તચર અહેવાલની પુષ્ટિ કરતા કહ્યું, જ્યાં સુધી તે ખોટા સાબિત ન થાય ત્યાં સુધી અમે માનીએ છીએ કે તે 100% સાચું છે.

દરમિયાન, મણિપુરમાં સુરક્ષા એજન્સીઓએ રાજ્યમાં ડ્રોનના ઉપયોગ માટે સ્ટાન્ડર્ડ ઓપરેટિંગ પ્રક્રિયા (SOP) લાગુ કરી નથી, એમ કુલદીપ સિંહે જણાવ્યું હતું. આ મુજબ, અધિકારીઓની પરવાનગી વિના કોઈને પણ આ ઉપકરણોને ઉડાવવાની મંજૂરી આપવામાં આવશે નહીં. તાજેતરમાં, મણિપુર પોલીસ સાથે ભારતીય સેનાના સંયુક્ત ઓપરેશનમાં ઇમ્ફાલ પૂર્વ જિલ્લાના પહાડી વિસ્તારોમાં ઇમ્પ્રુવાઇઝ્ડ એક્સપ્લોઝિવ ડિવાઇસ (IED)નો મોટો જથ્થો મળી આવ્યો છે. આ ઓપરેશન બોંગજાંગ અને ઈથમ ગામો પાસે થયું હતું.

તમને જણાવી દઈએ કે મણિપુરમાં લગભગ 16 મહિનાથી હિંસા ચાલી રહી છે. પરંતુ સપ્ટેમ્બરની શરૂઆતમાં થયેલી તાજેતરની હિંસાએ બધાને ચોંકાવી દીધા છે. આ હુમલામાં ડ્રોન, મિસાઈલ અને ખતરનાક આધુનિક હથિયારોનો ઉપયોગ કરવામાં આવ્યો હતો. કુકી અને મીતેઈ સમુદાયો વચ્ચેની લડાઈમાં અત્યાર સુધીમાં ૨૨૬ લોકોએ જીવ ગુમાવ્યા છે. સેંકડો ઘાયલ થયા છે અને હજારો મિલકતોને નુકસાન થયું છે.

આ પણ વાંચો :-

શુભમન ગિલ ચેન્નાઈમાં બાંગ્લાદેશ વિરુદ્ધ સદી ફટકારી

News Editor
-
0

પ્રિન્સ ઓફ ક્રિકેટ’ તરીકે ઓળખાતા શુભમન ગીલે ચેન્નાઈ ટેસ્ટ (IND vs BAN) મેચમાં ભારતની બીજી ઇનિંગ દરમિયાન શાનદાર અડધી સદી ફટકારી છે. ટેસ્ટ મેચના ત્રીજા દિવસે, ગિલે ભારતીય ઇનિંગ્સની 30મી ઓવરમાં મેહદી હસન મિરાજના બોલ પર બે ગગનચુંબી સિક્સર ફટકારીને પોતાની ફિફ્ટી પૂરી કરી. ગિલની ટેસ્ટમાં આ સાતમી અડધી સદી છે. ઉલ્લેખનીય છે કે, બે છગ્ગા ફટકારીને ગિલે પોતાના આંતરરાષ્ટ્રીય કરિયરમાં એક મોટી સિદ્ધિ મેળવી છે. ગિલે હવે આંતરરાષ્ટ્રીય ક્રિકેટમાં 100 સિક્સર મારવાનું કારનામું રચી દીધું છે.

India vs Bangladesh Live Score, 1st Test Day 3: Shubman Gill slams century vs Bangladesh in Chennai

ગિલ અત્યાર સુધી ટેસ્ટ ક્રિકેટમાં 26, ODIમાં 52 અને T20I ક્રિકેટમાં 22 સિક્સર ફટકારી ચૂક્યો છે. તે આંતરરાષ્ટ્રીય ક્રિકેટમાં 100 છગ્ગા મારનાર 17મો ભારતીય બેટ્સમેન પણ બની ગયો છે. આ સિવાય ગિલે ટેસ્ટની બીજી ઇનિંગમાં સતત ચોથી અડધી સદી પણ ફટકારી છે. તે જ સમયે, શુભમન ગિલ એવો બેટ્સમેન પણ છે જેણે વર્ષ 2023 પછી સૌથી વધુ રન અને સદી ફટકારી છે.

મહત્ત્વપૂર્ણ છે કે, ગિલ ચેન્નાઈ ટેસ્ટ મેચની પ્રથમ ઈનિંગમાં કોઈ રન બનાવી શક્યો નથી, ત્યારબાદ તેની બેટિંગની ટીકા થવા લાગી હતી, પરંતુ તેણે બીજી ઈનિંગમાં શાનદાર બેટિંગ કરીને ટીકાકારોને જડબાતોડ જવાબ આપ્યો હતો. બીજી તરફ જો ટેસ્ટ મેચની વાત કરવામાં આવે તો ભારતીય ટીમે મેચમાં પોતાની પકડ મજબૂત કરી લીધી છે.

ભારતે પ્રથમ દાવમાં 376 રન બનાવ્યા હતા. અશ્વિને ભારત માટે પ્રથમ દાવમાં શાનદાર 113 રન બનાવ્યા હતા. જ્યારે જાડેજાએ 86 રનની ઇનિંગ રમી હતી. બાંગ્લાદેશની ટીમ પ્રથમ દાવમાં માત્ર 149 રન બનાવીને આઉટ થઈ ગઈ હતી. ભારતના બુમરાહે 4 વિકેટ ઝડપી હતી.

આ પણ વાંચો :-

સુરતમાં ટ્રેન ઉથલાવાનું નિષ્ફળ પ્રયાસ

News Editor
-
0

સુરત માથેથી મોટી ઘાત ટળી છે. ટ્રેન ઉથલાવવાના ષડયંત્રનો પર્દાફાશ થયો હતો. કીમ-કોસંબા વચ્ચે આવેલા રેલવે ટ્રેક પર ટ્રેનને ઉથલાવી પાડવાનો પ્રયાસ કરાયો છે. ટ્રેક પર જોગલ ફિશર પ્લેટ ખોલીને મૂકવામાં આવી હતી. ડાઉન ટ્રેક પરથી આ પ્લેટ ખોલીને અપટ્રેક પર મૂકી દેવામાં આવી હતી. આ ડાઉન ટ્રેક પ્લેટ યુપી લાઈન ટ્રેક પરથી ખોલવામાં આવી હોવાનું જાણવા મળ્યું છે. જો કે આ બનાવ અંગેની જાણ થતાં જ પોલીસની ટીમ,રેલવેના અધિકારીઓ તાત્કાલિક અસરથી ઘટના સ્થળે પહોંચ્યા હતા અને ટ્રેનની અવરજવર બંધ કરવામાં આવી હતી.

સુરતના કીમ નજીક ટ્રેન ઉથલાવવાનું કાવતરું, રેલવે સ્ટાફની સતર્કતાને લીધે મોટી દુર્ઘટના ટળી 1 - image

પશ્વિમ રેલવે, વડોદરા ડિવીઝનને શનિવારે તેનો એક વિડીયો જાહેર કરીને જણાવ્યું હતું કે કેટલાક અજાણ્યા લોકોને કીમ રેલવે સ્ટેશન નજીક યુપી લાઇન ટ્રેક પરથી ફિશ પ્લેટ અને ચાવીઓ ખોલીને તેને ટ્રેક પર મૂકી દીધી હતી, ત્યારબાદ ટ્રેનની અવર-જવર બંધ કરી દેવામાં આવી હતી. જોકે ઝડપથી જ લાઇન પર ટ્રેન સેવા શરૂ કરી દેવામાં આવી હતી.

રેલવેના અધિકારીઓએ જણાવ્યું હતું કે ઘટના રામપુરથી લગભગ 43 કિલોમીટર દૂર રૂદ્રપુર સિટી રેલવે સ્ટેશન પાસે સર્જાઇ હતી. રૂદ્રપુર સિટી સેક્શનના રેલવે એન્જીનિયર રાજેન્દ્ર કુમારને ફરિયાદ પર રામપુરના રાજકીય રેલવે પોલીસ મથકમાં એક અજાણ્યા વ્યક્તિ વિરૂદ્ધ ગુનો દાખલ કરવામાં આવ્યો છે.

આ પણ વાંચો :-

૨૧ સપ્ટેમ્બર, ૨૦૨૪/ શનિવાર ના દિવસે આ રાશિ માટે પરિવારમાં સ્નેહ વધે, નવા વાહનની ખરીદી શક્ય બને, જાણો આજનું રાશિ ભવિષ્ય

News Editor
-
0

મેષઃ

મનોબળમાં વધારો થાય. આવકમાં નું પાસું મજબૂત થતું જણાય. ઘારેલી આવક મે‍ળવવી શકાય બને. પરિવારના સભ્યોની પ્રગતિથી આનંદ, છતાં થોડું ગુસ્સા વાળું વાતાવરણ રહે. દામ્પત્ય સુખમાં આનંદ.

વૃષભઃ

અણગમતા સંજોગો નો સામનો કરવો પડે. આવક અંગે સામાન્ય દિવસ છે. પરિવારમાં શાંતિ રહે. કાર્યક્ષેત્રે સંધર્ષ બાદ સફળતા મળતી જણાય. પત્નિ સાથે પ્રેમ જ‍ળવાય. મિત્રો થી સહકાર મળે.

મિથુનઃ

મનનું સિધ્ધાંતવાદી વલણ રહે. આવક જ‍ળવાશે. પરિવારના સભ્યો સાથે આત્મીયતા વધે. જુના રોકાણો થી ફાયદા તથા નવા રોકાણોનું યોગ્ય આયોજન શકય બને. સંતાનની પ્રગતિથી આનંદ વધે.

કર્કઃ

દિવસ દરમ્યાન આનંદની અનુભૂતિ થાય. કરેલા રોકાણો ફળદાયી નીવડે. નવા વાહનની ખરીદી શકય બને. નોકરીમાં બયતી અને ધંધામાં પ્રગતિ થાય. આથી આવક વધે. ઠંડાપીણા, પાણી, આઇસક્રીમના ધંધામાં વિશેષ લાભ.

સિંહઃ

થોડું ગુસ્સાનૂં પ્રમાણ રહે. નાણાંકીય પાસુ મજબૂત થતું જણાય. પરિવારના તમામ સભ્યોની પ્રગતિ આનંદ દાયક સાબિત થાય. તમામ કાયોમાં સફળતાં મળતી જણાય. આરોગ્ય સાચવું.

કન્યાઃ

સરળ સ્વભાવને કારણે અન્યની હેરાનગતિનો ભોગ બનાય અેનું ધ્યાન રાખવું. આર્થિક પાસુ મજબૂત બને. જીવનસાથી સાથે ઉગ્રતા ટાળવી. ભાગ્યનો સાથ મળતાં ધંધાકીય ક્ષેત્રે સફળતાં મળતી જણાય છે.

તુલાઃ

સૈદંર્ય, કલા અને રસીક તત્વના સંયોગ થી આનંદની અનુભૂતિ થાય. હિંમત અને વિદ્ગત્તામાં વધારો થાય. અણુઉર્જા, ઇલેકટ્રોનિકસ, પુસ્તકાલય, કુરિયર જેવા ધંધામાં વિશેષ લાભ. લીવરની કાળજી રાખવી જરૂરી છે.

વૃશ્ચિકઃ

સ્વભાવમાં ગુસ્સાનું પ્રમાણ વધે. આવકનું પાસું મજબૂત બનતું જણાય. સંતાન તરફની ચિંતા રહે. પત્નિ સાથે પ્રેમ જળવાય. પ્રિય પાત્ર નું મિલન શકય બને. ભાગ્યનો સાથ મળતો નથી આથી નોકરી, ધંઘામાં શાંતિ રાખવી.

ધનઃ

જીવનમાં અસંતોષ જણાય પણ માનસિક સ્થિરતા જળવાઇ રહે. ખોટા વિચાર મનનો કબજો ન લફલે અેનું ધ્યાન રાખવું, મિત્રો વર્ગથી ખૂૂૂબ સારો સહકાર મળતો જણાય. આરોગ્ય સારૂં રહે. ધંધાકીય ક્ષેત્રે આનંદમાં વધારો થાય.

મકરઃ

નવી નોકરી અથવા ધંધાની શરૂઆત શકય બને. હાલના કાર્યક્ષેત્રેમાં પ્રગતિ થતી જણાય. માતૃપક્ષ તરફથી લાભ. આર્થિક રોકાણોમં ફાયદો જણાય. નવા વાહનની ખરીદી શકય બને. ઓટોમોબાઇલ ડીલર તથા ટ્રાવેલીંગના ધંધામાં વિશેષ લાભ.

કુંભઃ

ભાગ્ય મજબૂત હોવાને કારણે ઓછી મહેનતે વધુ સફળતા મેળવી શકાશે. આવકનું પ્રમાણ વધરો પરંતુ ખોટો ખર્ચ અટકાવવો. શેર બજાર, સ્ત્રી શણગારના સાધનો ના ક્ષેત્રે વિશેષ લાભ. પત્નિના ગુસ્સાનો સામનો કરવો પડે. આરોગ્ય જળવાય.

મીનઃ

મજબૂત આત્મ‌બળને કારણે સાહસિક નિર્ણય લઇ શકો. પરિવારમાં આનંદ જળવાય. આવકનું પ્રમાણ સાધારણ રહે. માતાની તબિયતની કાળજી જરૂરી. માથાનો દુઃખાવો, પડવા, વાગવાથી સાચવવું. સંતાન સુખ સારૂં.

સુરતના અડાજણમાં જમીન દલાલ લૂંટાયો, અંદાજે 5 કરોડની લૂંટની શક્યતા

News Editor
-
0

સુરતના અડાજણ વિસ્તારમાંથી તાજેતરમાં મોટી ઘટના સામે આવી રહી છે. આ ઘટના અડાજણ વિસ્તારના રાંદેર રોડની છે. જમીન દલાલને પૈસાની ચુકવણીના બહાને લૂંટી લેવાયો છે. આ ઘટનામાં 5 કરોડની લૂંટ થઈ હોવાનું કહેવાય છે. આ ઘટના બાદ ડીસીપી સહિતના અધિકારીઓ ઘટના સ્થળે પહોંચી ગયા છે. પોલીસ દ્વારા સીસીટીવી ફુટેજ સહિતની તપાસ હાથ ધરવામાં આવી છે.

સુરતમાં પાંચ કરોડની લૂંટના મામલામાં ફરાર થયેલા 2 લુંટારુ વલસાડ જિલ્લામાંથી ઝડપાયા છે. વલસાડ એલસીબી અને એસઓજી પોલીસે આ કેસમાં મોટી કાર્યવાહી કરી છે. પારડી-પલસાણા નજીકથી આ બ આરોપી ઝડપાયા છે.

આપને જણાવી દઈએ કે, આ કેસમાં ઝડપાયેલા આરોપીઓ પાસેથી કેટલોક મુદ્દામાલ પણ મળ્યો છે. બાકીના ફરાર આરોપીઓને ઝડપવા માટે જિલ્લાભરમાં પોલીસ તપાસનો ધમધમાટ શરુ થઈ ગયો છે.

આ પણ વાંચો :-

શેરબજારમાં રોકાણકારોની સંપત્તિમાં 6 લાખ કરોડનો વધારો

News Editor
-
0

અમેરિકામાં ફેડરલ રિઝર્વે વ્યાજદરોમાં કાપ મૂકતાં અને આગામી સમયમાં વ્યાજદરોમાં વધુ કાપના સંકેતો આપતાં વૈશ્વિક બજારો અને એશિયન બજારોમાં તેજી થઈ હતી. જેને પગલે સેન્સેક્સ અને નિફ્ટી પણ રેકોર્ડ ઊંચી સપાટીએ પહોંચ્યા હતા. સેન્સેક્સે સૌપ્રથમ વાર 84,000ની સપાટીને વટાવી હતી, જ્યારે નિફ્ટે 25,800ની સપાટી વટાવી હતી. BSE પર લિસ્ટેડ કંપનીઓનું માર્કેટ કેપ રૂ. 469 લાખ કરોડે પહોંચ્યું હતું. નિફ્ટી બેન્ક, મિડકેપ અને સ્મોલકેપ ઇન્ડેક્સમાં પણ તેજી થઈ હતી. રોકાણકારોની સંપત્તિમાં રૂ. 6.5 લાખ કરોડનો વધારો થયો હતો.

શેર માર્કેટ ટુડે: આઈટી શેરોમાં ઝડપથી સેન્સેક્સ 443 અંક ઊછલા, રોકાણકારો એક દિવસમાં ₹4 લાખ કરોડ કમાયા | મની કંટ્રોલ હિન્દી

અમેરિકી ફેડ રિઝર્વે વ્યાજદરોમાં 50 બેઝિસ પોઇન્ટના કાપ કર્યા પછી S&P 500 અને ડાઉ જોન્સ રેકોર્ડ સ્તરે પહોંચ્યા હતા. જાપાનની નિક્કી ઇન્ડેક્સની આગેવાની હેઠળ એશિયન માર્કેટમાં તેજી થઈ હતી. જાપાનનો કોર કન્ઝ્યુમર પ્રાઇસ ઇન્ડેક્સ 2.8 ટકા વધ્યો છે. જેથી જાપાનની સેન્ટ્રલ બેન્કની આગામી બેઠકમાં વ્યાજદરો યથાવત્ રાખવાની અપેક્ષા છે. જ્યારે સેન્સેક્સ 1359.51 પોઇન્ટ ઊછળી 84,544.31ની ઓલટાઇમ સપાટીએ બંધ થયો હતો, જ્યારે નિફ્ટી 375.15 પોઇન્ટ ઊછળી 25,790.95ના નવા શિખરે બંધ થયો હતો.

ફેડરલ રિઝર્વના પગલાથી રિઝર્વ બેન્ક પર વ્યાજદરો ઘટાડવાનું દબાણ છે. કેટલાક વિશ્લેષકોનું માનવું છે કે RBI ડિસેમ્બરની બેઠકમાં વ્યાજદરોમાં કાપ મૂકે એવી શક્યતા છે. વળી, વ્યાજદરોમાં ઘટાડાને પગલે વૈશ્વિક માર્કેટમાં લિક્વિડિટી વધશે. ઊરતીય અર્થતંત્રની મજબૂતીથી ઇક્વિટી વેલ્યુએશનને સપોર્ટ મળશે.

આ પણ વાંચો :-

ST કર્મચારીઓના મોંઘવારી ભથ્થામાં 4 ટકાનો વધારો કરાયો

News Editor
-
0

સ્ટેટ ટ્રાન્સપોર્ટેશન(ST)ના કર્મચારીઓ માટે ખુશીના સમાચાર સામે આવ્યા છે. ST કર્મચારીઓના મોંઘવારી ભથ્થામાં 4 ટકાનો વધારો થયો છે. રાજ્યના ગૃહમંત્રી હર્ષ સંઘવીએ 46 ટકા મુજબ મોંઘવારી ભથ્થા સહિત એરિયર્સ ચૂકવવાનો નિર્ણય લેવાયો હોવાની જાહેરાત કરી છે. હાલ ચૂકવાતાં ભથ્થાંના એરિયર્સ પણ ચૂકવવાનો નિર્ણય કરવામાં આવ્યો છે.

AMC કમિશનર સાથેની બેઠક બાદ ગુજરાતમાં ST બસ સેવા સ્થગિત કરાશે -

રાજ્યના વાહન વ્યવહાર અને ગૃહમંત્રી હર્ષ સંઘવીએ સોશિયલ મીડિયા પ્લેટફોર્મ ‘X’ પર પોસ્ટ કરીને લખ્યું કે, ‘મુખ્યમંત્રી ભૂપેન્દ્ર પટેલે એસ.ટી. નિગમના કર્મચારીઓને વર્તમાન સમયમાં ચૂકવવામાં આવતા મોંઘવારી ભથ્થામાં 4% નો વધારો કરી હવેથી 46% મુજબ મોંઘવારી ભથ્થા સહિત હાલ ચૂકવાતા ભથ્થાના એરિયર્સ પણ ચૂકવવાનો સંવેદનશીલ નિર્ણય સ્વાગત યોગ્ય છે. આ નિર્ણય થકી કુલ ₹125 કરોડથી વધુનો લાભ નિગમના કર્મચારીઓને પ્રાપ્ત થશે.’

તેમણે વધુમાં જણાવ્યું છે કે રાત-દિવસ પોતાની ફરજને પ્રાધાન્ય આપી ઉત્કૃષ્ટ જવાબદારી નિભાવનાર એસ.ટી. નિગમના સર્વે કર્મચારીઓના જીવન ધોરણને વધુ સરળ અને સમૃદ્ધિમય બનાવવા ગુજરાત સરકાર નિરંતર પ્રયાસરત છે.

આ પણ વાંચો :-

આર્મી ઓફિસરની મંગેતરનું પોલીસ સ્ટેશનમાં જ જાતીય શોષણ

News Editor
-
0

કર્ણાટક હાઈકોર્ટના ન્યાયાધીશ જસ્ટિસ વેદવ્યાસચાર શ્રીશાનંદનો પશ્ચિમ બેંગલુરુમાં મુસ્લિમ બહુમતીવાળા વિસ્તારને ‘પાકિસ્તાન’ તરીકે ઓળખાવતો વીડિયો વાયરલ થયાના કલાકો બાદ વધુ એક વીડિયો વાયરલ થયો છે. આ વીડિયો મહિલા વકિલે જ સોશિયલ મીડિયામાં મુક્યો છે. વીડિયોમાં દેખાઈ રહ્યું છે કે હાઈકોર્ટમાં એક કેસની દલિલ દરમિયાન જજ મહિલા વકીલ પર અસંવેદનશીલ અને વાંધાજનક ટિપ્પણી કરતા જોવા મળે છે. વરિષ્ઠ વકીલ ઈન્દિરા જયસિંગે પણ આ વીડિયો સોશિયલ મીડિયા પર પોસ્ટ કરીને સુપ્રીમ કોર્ટને આ મામલે સંજ્ઞાન લેવાની અપીલ કરી છે.

High Court of Karnataka

આ વીડિયોમાં જસ્ટિસ શ્રીશાનંદ વિપક્ષના વકીલને પૂછવામાં આવેલા પ્રશ્નનો મહિલા વકીલે જવાબ આપવા બદલ તેમને ઠપકો આપ્યો હતો. જસ્ટિસ શ્રીશાનંદ મહિલા વકીલને કહે છે કે, તે વિપક્ષી વકિલ વિશે બહુ બધું જાણે છે. તે આગલી વખતે તેના અંડરગારમેન્ટનો રંગ પણ કહી શકે છે. હકિકતમાં કર્ણાટક હાઈકોર્ટમાં એક કેસની સુનાવણી ચાલી રહી હતી તે દરમિયાન તેણે આ વિવાદાસ્પદ ટિપ્પણી કરી હતી.

આર્મી ઓફિસરની મંગેતરે વધુમાં કહ્યું, ‘જ્યારે અમે ભરતપુર પોલીસ સ્ટેશન પહોંચ્યા તો ત્યાં સિવિલ ડ્રેસમાં એક લેડી કોન્સ્ટેબલ હાજર હતી. અમે કોન્સ્ટેબલને FIR નોંધવા અને બદમાશોને પકડવા માટે પેટ્રોલિંગ વાહન મોકલવા વિનંતી કરી હતી પરંતુ મહિલા કોન્સ્ટેબલે અમને મદદ કરવાને બદલે અમારી સાથે ગેરવર્તણૂક શરૂ કરી, થોડા સમય પછી કેટલાક વધુ પોલીસકર્મીઓ પણ પોલીસ સ્ટેશન પહોંચ્યા અને આર્મી ઓફિસરને ફરિયાદ નોંધાવવા કહ્યું હતુ.

વધુમાં મહિલાએ કહ્યું કે, ‘પોલીસકર્મીઓને કોઈ વાત પર ગુસ્સો આવી ગયો અને મારા મંગેતરને લોકઅપમાં મૂક્યા. મેં પોલીસકર્મીઓને કહ્યું કે, આ ગેરકાયદેસર છે, પોલીસ આર્મી ઓફિસરને કસ્ટડીમાં રાખી શકે નહીં. જે બાદ મને બે મહિલા પોલીસકર્મીઓએ માર મારવાનું શરૂ કરી દીધું હતું. જ્યારે મહિલા પોલીસકર્મીએ મારી ગરદન પકડવાનો પ્રયાસ કર્યો, ત્યારે મેં તેના હાથ પર બટકું ભર્યું.

ભરતપુર પોલીસ સ્ટેશનના 5 પોલીસકર્મીઓને સસ્પેન્ડ કરવામાં આવ્યા છે. સસ્પેન્ડ કરાયેલા અધિકારીઓમાં આઈઆઈસી દિનકૃષ્ણ મિશ્રા, સબ ઈન્સ્પેક્ટર બેસ્લિની પાંડા, ASI સલીલામયી સાહુ, સાગરિકા રથ અને કોન્સ્ટેબલ બલરામ હાંડાનો સમાવેશ થાય છે.

રાષ્ટ્રીય મહિલા આયોગે DGP પાસેથી કાર્યવાહીનો રિપોર્ટ પણ માંગ્યો છે. ડીજીપીને ઔપચારિક પત્ર મોકલીને 3 દિવસમાં રિપોર્ટ માંગવામાં આવ્યો છે. ઓડિશા પોલીસે આ મામલે ઉચ્ચ સ્તરીય તપાસના આદેશ આપ્યા છે. આ મામલે CID તપાસ કરશે.

આ પણ વાંચો :-

CBINTAPaper leak caseSpecial court

NEET પેપર લીક કેસમાં 6 આરોપીઓના વિરુદ્ધ બીજી ચાર્જશીટ દાખલ કરી CBI

News Editor
-
0

CBIએ NEET UG 2024 પેપર લીક કેસમાં પટનામાં CBI કેસ માટે સ્પેશિયલ કોર્ટમાં છ આરોપીઓ વિરુદ્ધ બીજી ચાર્જશીટ દાખલ કરી છે. જેમાં વધુ 6 શખસોની આ ગુનામાં સંડોવણી ખુલતા તેમના નામનો ઉમેરો કરવામાં આવ્યો છે. આ તમામ 6 આરોપીઓ સામે કલમ 120-બી (ગુનાહિત કાવતરું), કલમ 109 (ઉશ્કેરણી), કલમ 409 (વિશ્વાસનો ફોજદારી ભંગ), કલમ 420 (છેતરપિંડી), કલમ 380 (ચોરી) સહિત ભારતીય દંડ સંહિતાની વિવિધ કલમો હેઠળ ચાર્જશીટ દાખલ કરવામાં આવી છે. જેમાં કલમ 201 (પુરાવા ગાયબ થવાનું કારણ બને છે) અને કલમ 411 (અપ્રમાણિકપણે ચોરાયેલી મિલકત પ્રાપ્ત કરવી)નો પણ સમાવેશ થાય છે.

Central Bureau of Investigation (CBI) | Land-for-jobs scam: CBI summons 11 railway employees to Delhi for questioning - Telegraph India
વધુમાં તેમની સામે ભ્રષ્ટાચાર નિવારણ અધિનિયમ હેઠળ નીટ UG-2024 ની પરિક્ષાના સંચાલન માટે NTA દ્વારા નિમણૂક કરાયેલ સિટી કોઓર્ડિનેટર અને વાઈસ પ્રિન્સિપાલ સામે ભારતીય દંડ સંહિતા 1988ની કલમ 13(2) સાથે વાંચેલી કલમ 13(1)(a) હેઠળ આરોપો ઘડવામાં આવ્યા છે

CBI અને EOUએ NEET પેપર લીક કેસની તપાસ કરી હતી. આ તપાસ દરમિયાન ઘણા આરોપીઓની ધરપકડ કરવામાં આવી હતી અને રિપોર્ટમાં જાણવા મળ્યું હતું કે ઝારખંડના હજારીબાગ અને પટનામાંથી પેપર લીક થયું હતું. સીબીઆઈએ EOUના રિપોર્ટ પર સીક્વેન્સિંગ શરૂ કરી હતી. સીબીઆઈએ પ્રથમ એફઆઈઆર નોંધી હતી, જેમાં આઠ આરોપીઓના નામ હતા. જેમાં સંજીવ મુખિયા, સિકંદર યાદવેન્દુ, અમિત આનંદ, આયુષ રાજ, નીતિશ કુમાર, રોકી, અખિલેશ અને બિટ્ટુના નામ સામેલ છે. સીબીઆઈએ પહેલા પટનામાં ત્રણ સ્થળોએ દરોડા પાડ્યા હતા.

તપાસ એજન્સી સિકંદર યાદવેન્દુના ફ્લેટ પર પહોંચી હતી. જે બાદ લર્ન એન્ડ પ્લે સ્કૂલ અને તેની બોયઝ હોસ્ટેલ પર પણ દરોડા પાડવામાં આવ્યા હતા. NH ગેસ્ટ હાઉસમાં પણ સર્ચ કરવામાં આવ્યું હતું. આ તે સ્થાનો છે જે NEET પેપર લીક કાંડના આરોપીઓ સાથે સંબંધિત છે. પટનાના ખેમનીચક ખાતે આવેલી લર્ન એન્ડ પ્લે સ્કૂલમાં સંજીવ મુખિયામાં વિદ્યાર્થીઓને રહેવાની વ્યવસ્થા કરવામાં આવી હતી. આરોપ છે કે અહીં 35 વિદ્યાર્થીઓને બેસીને પ્રશ્નપત્રના જવાબો યાદ કરાવવામાં આવ્યા હતા.

આ પણ વાંચો :-

ગુજરાત- મધ્યપ્રદેશ સહિત ઘણા રાજ્યોમાં ભારે વરસાદની સંભાવના, IMD જારી કર્યું એલર્ટ

News Editor
-
0

ગુજરાતમાં વરસાદ હવે ધીમે ધીમે અંત તરફ આગળ વધી રહ્યો છે. ગુજરાતમાં વરસાદ ઓછો થઈ ગયો છે ત્યારે છેલ્લા 24 કલાકમાં ગુજરાતમાં માત્ર 11 તાલુકામાં વરસાદ નોંધાયો હતો. એમાં પણ સૌથી વધારે વરસાદ અડધા ઈંચ કરતા પણ ઓછો હતો. બાકીના તાલુકામાં વરસાદે માત્ર હાજરી પુરાવી હતી.બીજી તરફ હવામાન વિભાગે આજના દિવસ માટે ગુજરાતમાં ભારે વરસાદની શક્યતાઓ દર્શાવી નથી.

Gujarat Weather updates rain IMD Forecast Today 3 August 2024,અમદાવાદમાં વરસાદ શરૂ, ગુજરાતમાં આજની આગાહી

સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદ નાં આંકડા પ્રમાણે આ વર્ષે ચોમાસાની સિઝનમાં ગુજરાતમાં શરેરાશ 125.21 ટકા વરસાદ નોંધાયો છે. ઝોન પ્રમાણે વાત કરીએ તો કચ્છમાં 183.32 ટકા, ઉત્તર ગુજરાતમાં 107.76 ટકા, પૂર્વ મધ્ય ગુજરાતમાં 121.27 ટકા, સૌરાષ્ટ્રમાં 129.78 ટકા, દક્ષિણ ગુજરાતમાં 129.64 ટકા વરસાદ નોંધાયો હતો.

સ્ટેટ ઇમનરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે ગુરુવારે સવારે 6 વાગ્યાથી લઈને શુક્રવારે સવારે 6 વાગ્યા સુધીમાં 24 કલાકના સમયમાં ગુજરાતના 11 તાલુકામાં વરસાદ નોંધાયો હતો. જેમાં સૌથી વધારે વરસાદ તાપીના ડોલવણમાં માંડ અડધા ઈંચ જેટલો વરસાદ નોંધાયો હતો.

હવામાન વિભાગે આગાહી કરી છે કે ઉત્તર પ્રદેશ, ઉત્તરાખંડ, હરિયાણા, દિલ્હી અને રાજસ્થાન સહિત અનેક રાજ્યોમાં ભારે વરસાદની સંભાવના છે. IMD અનુસાર ચક્રવાતી તોફાન ‘યાગી’ના અવશેષોને કારણે દેશના ઉત્તર-પશ્ચિમ ભાગોમાં ભારે વરસાદ થઈ શકે છે. IMD અનુસાર, દિલ્હીમાં વરસાદી સિસ્ટમ સક્રિય થઈ ગઈ છે, જેના કારણે આગામી દિવસોમાં દિલ્હી-NCRમાં ભારે વરસાદ જોવા મળી શકે છે. હવામાન વિભાગના જણાવ્યા અનુસાર, ઝારખંડમાં સક્રિય થયા બાદ ચક્રવાતી તોફાન યાગીના અવશેષો ઉત્તર-પશ્ચિમ તરફ ઝડપથી આગળ વધવાની આશંકા છે, જેના કારણે બુધવારે દિલ્હી અને મધ્યપ્રદેશ સહિત કેટલાક રાજ્યોમાં સારો વરસાદ થવાની સંભાવના છે.

આ પણ વાંચો :-

1...642643644...1,473Page 643 of 1,473