હરિયાણા વિધાનસભા ચૂંટણીમાં હાલમાં જ રાજકારણમાં જોડાનારી પૂર્વ રેસલર વિનેશ ફોગાટે જુલાના બેઠક પરથી 6015 મતોની બહુમતી સાથે જીત હાંસલ કરી છે. કોંગ્રેસે વિનેશ ફોગાટને અત્યંત જટિલ બેઠક પરથી ઉમેદવાર બનાવી હતી. જુલાના બેઠક પરથી ફોગાટ પૂર્વ આર્મી કેપ્ટન અને ભાજપના ઉમેદવાર યોગેશ બૈરાગીને ટક્કર આપી રહી હતી. બૈરાગીને 6000 મતોની સરસાઈથી ધોબીપછાડ આપ્યો છે. આ સિવાય જુલાના બેઠક પરથી જેજેપી તરફથી ઉમેદવાર અમરજીત ધંડા, અને આપની રેસલર કવિતા દલાલે ચૂંટણી લડી હતી.

ગત વખતે કોંગ્રેસ આ બેઠક પર 12 ટકા મત સાથે ત્રીજા ક્રમે હતી. જેજેપીના અમરજીત ધાંડા આ સીટ પરથી ચૂંટણી જીત્યા હતા. એક વાત વિનેશ ફોગાટની તરફેણમાં જઈ શકે છે અને તે એ છે કે જેજેપી આ ક્ષેત્રમાં નબળી પડી રહી છે. જેજેપીના મતદારો ભાજપની વિરુદ્ધના મતદારો હતા, તેથી વિનેશ માટે જીતનો માર્ગ સરળ બન્યો હતો.

રેસલર વિનેશ ફોગટે વિધાનસભા ચૂંટણી જીતી લીધી છે. કોંગ્રેસે જુલાણાથી વિનેશને ટિકિટ આપી હતી. તેમણે ભાજપના યોગેશ કુમારને હરાવ્યા છે. વિનેશે પેરિસ ઓલિમ્પિકમાં ભારત માટે ભાગ લીધો હતો. તે 50 કિગ્રા વર્ગની ફાઇનલમાં પહોંચી હતી. આખા દેશને આશા હતી કે ગોલ્ડ મેડલ આવશે. પરંતુ ફાઈનલ પહેલા વિનેશનું વજન 100 ગ્રામ વધુ હતું અને તેના કારણે તે ડિસક્વોલિફાઈ થઈ ગઈ હતી.

પેરિસ ઓલિમ્પિક બાદ બજરંગ પુનિયા પણ વિનેશ ફોગાટ સાથે કોંગ્રેસમાં જોડાયા હતા. બજરંગે 2020 ટોક્યો ઓલિમ્પિકમાં મેડલ જીત્યો હતો. વિનેશની જીત બાદ તેણે સોશિયલ મીડિયા પ્લેટફોર્મ X પર લખ્યું, ‘દેશની દીકરી વિનેશ ફોગટને તેની જીત માટે ખૂબ ખૂબ અભિનંદન. આ લડાઈ માત્ર એક જુલાના બેઠક માટે નહોતી, માત્ર 3-4 વધુ ઉમેદવારો સાથે જ નહીં, માત્ર પક્ષો વચ્ચેની લડાઈ જ નહીં. આ લડાઈ દેશની સૌથી મજબૂત દમનકારી શક્તિઓ સામે હતી. અને આમાં વિનેશ વિજેતા બની હતી.

જમ્મુ-કાશ્મીર વિધાનસભા ચૂંટણીઓના પરિણામો આવતા શરૂ થઈ ગયા છે. અત્યાર સુધીમાં ત્રણ બેઠકોના પરિણામો આવી ચૂક્યા છે, જેમાં એક પર એનસી અને બે પર ભાજપે વિજય નોંધાવ્યો છે. રુઝાનો મુજબ, ઈન્ડિયા ગઠબંધન 52 બેઠકો પર આગળ ચાલી રહ્યું છે. જ્યારે ભાજપ તેના જમ્મુની બેઠકોના બળે 26 બેઠકો પર આગળ છે. અબ્દુલ્લા પરિવારની નેશનલ કૉન્ફરન્સ પોતાની તાકાત પર 40 બેઠકો પર આગળ છે. જ્યારે છેલ્લી વાર ભાજપ સાથે મળીને સરકાર બનાવનારી પીડીઈપીની સ્થિતિ ખરાબ લાગી રહી છે.

પીડીઈપીના નેતા ઇલ્તિજા મુફ્તીએ પોતાની હારને સ્વીકારી છે અને લખ્યું છે કે, “હું લોકોના જનાદેશને સ્વીકારું છું.” તેમની પાર્ટી માત્ર 5 બેઠકો પર આગળ ચાલી રહી છે. લોકસભા ચૂંટણીમાં ઓમર અબ્દુલ્લાને હરાવીને ચર્ચામાં આવેલા રશીદ ઇજનેરની પાર્ટી પાછળ રહી છે. ભાજપના પ્રદેશ અધ્યક્ષ રવિન્દ્ર રૈના પોતાની બેઠક નૌશેરા પરથી 11 હજારથી વધુ મતોથી પાછળ ચાલી રહ્યા છે. લગભગ, દાયકાથી પોતાના યોગ્ય ઉમેદવારની રાહ જોઈ રહેલા જમ્મુ-કાશ્મીરના મુખ્યમંત્રી પદની ખુરશી પર કોણ બેઠે, તેનો નિર્ણય પણ લગભગ આજે જ થઈ જશે. છેલ્લા વિધાનસભા ચૂંટણીથી આજ સુધીમાં કાશ્મીરના લોકો માટે ઘણું બદલાઈ ગયું છે. 5 ઓગસ્ટ, 2019ના રોજ કેન્દ્ર સરકારે 370 હટાવીને કાશ્મીરને કેન્દ્ર શાસિત પ્રદેશ બનાવી દીધું હતું. પરિસીમન બાદ થઈ રહેલી પહેલી ચૂંટણીમાં તમામ પાર્ટીઓ આજે પોતાની જીતનો ધ્વજ લહેરાવવા આતુર છે.

એગ્ઝિટ પોલની વાત કરીએ તો જમ્મુમાં ભાજપને થોડી આગળ મળતી જણાઈ રહી છે, પરંતુ કાશ્મીરમાં તેમની સ્થિતિ વધારે સારી નથી. બીજી બાજુ, નેશનલ કૉન્ફરન્સ અને કોંગ્રેસના ગઠબંધનને કાશ્મીરમાં ઘણી બેઠકો મળવાની અપેક્ષા છે. એગ્ઝિટ પોલ મુજબ, છેલ્લી ચૂંટણીઓથી પીડીઈપીનો ગ્રાફ નીચે જશે, પરંતુ ત્યાર બાદ પણ તે કિંગમેકરની ભૂમિકા ભજવી શકે છે.

છેલ્લા વિધાનસભા ચૂંટણીની વાત કરીએ તો તે સમયે આ વિસ્તાર એક રાજ્ય હતું. 37 બેઠકો જમ્મુ રીજનમાં હતી, 46 કાશ્મીર ખીણમાં અને 4 લદ્દાખ રીજનમાં હતી. છેલ્લી ચૂંટણીમાં પીડીઈપી 28 બેઠકો જીતીને સૌથી મોટી પાર્ટી બની હતી. જ્યારે ભાજપને 25 બેઠકો મળી હતી. ફારુખ અબ્દુલ્લાના નેતૃત્વમાં એનસીને 15, કોંગ્રેસને 12 બેઠકો મળી હતી. આ ઉપરાંત પિપુલ્સ કૉન્ફરન્સને બે બેઠકો પર વિજય મળ્યો હતો. જ્યારે ત્રણ અપક્ષ પણ વિધાનસભામાં પહોંચવામાં સફળ રહ્યા હતા.

જમ્મુ કાશ્મીરમાં એક દાયકા બાદ વિધાનસભા ચૂંટણી યોજવામાં આવી હતી. જમ્મુ-કાશ્મીર વિધાનસભા ચૂંટણીમાં 90 બેઠકો પર ત્રણ તબક્કામાં મતદાન યોજાયું હતું. સરેરાશ 63.45 ટકા મતદાન થયું હતું. જમ્મુ-કાશ્મીરમાં અત્યાર સુધીનાં ચૂંટણી પરિણામો અનુસાર નેશનલ કોન્ફરન્સ અને કોંગ્રેસ ગઠબંધન સરકાર બનાવશે તેવું લાગી રહ્યું છે. PDPને ભારે નુકસાન થઈ રહ્યું છે.જમ્મુ-કાશ્મીરમાં પ્રારંભિક વલણોમાં કોંગ્રેસ ગઠબંધન બહુમતીની નજીક પહોંચી ગયું છે. કોંગ્રેસ ગઠબંધન 47 બેઠકો પર આગળ છે. જ્યારે ભાજપ 32 બેઠકો પર આગળ છે. PDP 5 બેઠક પર આગળ છે, જ્યારે અન્ય 3 બેઠક પર આગળ છે.