Home Blog Page 608

૩૧ ઓક્ટોબર, ૨૦૨૪ / ગુરુવરના દિવસે આ રાશિના જાતકોને કામમાં આવશે વારંવાર વિધ્ન,આર્થિક રીતે પણ પડશે ફટકો, જુઓ રાશિ ભવિષ્ય

News Editor
-
0

મેષઃ

માન‌સિક સ્વસ્થતા જળવાશે, પરંતુ આવકની પ‌રિ‌સ્થિ‌તિ ગઈકાલ જેવી જ રહેશે. એમાં કોઈ સુધારો જણાતો નથી. ત‌બિયત પણ નાદુરસ્ત રહેતી જણાશે. શરદી, ખાંસી, થાક લાગવાની સમસ્યા યથાવત રહેશે. ધંધામાં પ્રગ‌તિ જણાય.

વૃષભઃ

આ‌ર્થિક દૃ‌ષ્ટિએ ‌દિવસ સારો છે. બપોર બાદ આવકમાં ઘટાડો થતો જણાય. તથા બપોર બાદ થોડી ત‌બિયત કથળતી જણાય. પાણીથી થતા રોગોનો ઉપદ્ર રહે. ભાગ્ય સાથ આપતું જણાય. ધંધાકીય સફળતા મળે.

‌મિથુનઃ

નાણાંકીય વ્યવહારોથી ફાયદો થતો જણાય. નવી આવક મેળવવાના સ્ત્રોત ખુલતા જણાય. પ‌રિવારમાં આનંદનું વાતાવરણ રહે. વાહનસુખ-‌મિલકતસુખમાં વધારો થતો જણાય. સંતાનની સફળતા જોઈને આનંદ થાય. આરોગ્ય જળવાશે.

કર્કઃ

કરેલા કાર્યો સફળ થતા જણાય. પ‌રિણામે આનંદમાં વૃ‌દ્ધિ થાય. ‌મિત્રવર્તુળમાં વધારો, નવી ઓળખાણ થાય. ભાગ્યનો સાથ મળતો જણાય. ધા‌ર્મિક કાર્યનું આયોજન શક્ય બને. યાત્રા-પ્રવાસના યોગ બને છે. આરોગ્ય કથળતું જણાય.

‌સિંહઃ

‌દિવસની શરૂઆતમાં આવકમાં વૃ‌દ્ધિ થતી જણાય. બપોર પછી સામાન્ય. પ‌રિવારના તમામ સભ્યો વચ્ચે પ્રેમ જળવાશે. બપોર બાદ કાર્ય સફળતામાં વૃ‌દ્ધિ થતી જણાય. સંતાન સાથેના સંબંધોમાં અસંતોષ વધતો જણાય.

કન્યાઃ

આપના માટે ઉત્તમ ‌દિવસ. માન‌સિક આનંદ બરકરાર રહે. છતાં ‌વિઘ્‍નસંતોષીઓનો સામનો કરવો પડે. ‌પ્રિન્ટીંગ પ્રેસ, કોમ્પ્યુટરને લગતા ધંધામાં લાભ થતો જણાય. દામ્પત્ય જીવનમાં આનંદ-ઉત્સાહના સંચાર થતો જણાય.

તુલાઃ

આ‌ર્થિક દૃ‌ષ્ટિએ આજનો ‌દિવસ ‌મિશ્રફળ આપતો જણાશે. બપોર સુધી આવક ઓછી જણાશે. બપોર બાદ આવકમાં વધારો. પ‌રિવારમાં આનંદ તથા જીવનસાથી સાથે પ્રેમ જળવાશે. સ્વાસ્થ્ય સારું રહેશે. નોકરી-ધંધામાં પ્રગ‌તિ.

વૃ‌શ્ચિકઃ

ગઈકાલનો આનંદ આજે બપોર સુધી જળવાશે. ત્યારબાદ આવકમાં ઘટાડો થતો જણાય. બપોર પછી અગત્યના રોકાણો ટાળવા. જોકે સંઘર્ષ બાદ થોડી સફળતા મળતી જણાય. આરોગ્યની કાળજી રાખવી. સ્નાયુ સંબંધી તકલીફ જણાય.

ધનઃ

ધંધામાં સફળતા મળતી જણાય. નવો ધંધો શરૂ કરવાની વ્યવસ્થા સરળ બને. આ‌ર્થિક રીતે આવક વધતી જણાય. ‌મિત્રોથી લાભ મળતો જણાય. છતાં પણ માન‌સિક રીતે અજંપો રહેતો જણાય. આરોગ્યની કાળજી રાખવી જરૂરી. શરદી, કફનો ઉપદ્રવ રહે.

મકરઃ

માન‌સિક રીતે મજબૂતીનો અનુભવ થશે. નાણાંકીય ક્ષેત્રે સફળતા. દામ્પત્ય જીવનમાં પ્રેમનો અનુભવ થશે. ભાગ્ય બળવાન છે. નસીબથી આવક વધતી જણાય. યાત્રા-પ્રવાસના યોગ બને છે. નોકરી-ધંધામાં સફળતા. નવી નોકરી કે ધંધો શક્ય બને.

કુંભઃ

બપોર સુધી માન‌સિક પ‌રિતાપ રહે. કાર્યમાં અસફળતા મળતી જણાય. પરંતુ બપોર બાદ પ‌રિ‌સ્થિ‌તિમાં સુધારો અનુભવાય. નસીબનો સાથ મળતાં, આવક વધતી જણાય. પ‌રિવારમાં વાતાવરણ સુધરે. આરોગ્યમાં સુધારો થતો જણાય.

મીનઃ

બપોર સુધી ‌દિવસ સારો છે, આવકમાં વધારો. પ‌રિવારમાં શાં‌તિ, સંતાનોથી પ્રેમ જળવાય. જીવનસાથી સાથે સંબંધોમાં મધુરતા જણાય. બપોર પછી આવક ઘટતી જણાય. ત‌બિયતમાં અસ્વસ્થતા અનુભવાય. બપોર પછી અગત્યના ‌નિર્ણયો ટાળવા.

SBI શાખાને ચોરોએ 13 કરોડનાં આભૂષણો, CCTV ચોર્યાં અને હાર્ડ ડિસ્ક પણ ન છોડ્યા

News Editor
-
0

કર્ણાટકના દાવણગેરેના નયામતીમાં આવેલી SBI શાખાને ચોરોએ નિશાન બનાવી હતી. મળતી માહિતી મુજબ, ચોરો લોકરમાંથી લગભગ 13 કરોડ રૂપિયાના સોનાના દાગીના લઈ ગયા હતા. આ ઘટના ગયા શનિવાર અને રવિવારે બની હોવાનું કહેવાય છે. બેંકમાં 3 લોકર હતા. ચોર સીસીટીવી અને હાર્ડ ડિસ્ક પણ પોતાની સાથે લઈ ગયા હતા. ચોર બારીમાંથી બેંકમાં પ્રવેશ્યા હતા.

પ્રાપ્ત માહિતી તપાસ ટીમે જણાવ્યું હતું કે બેંકનું અલાર્મ પહેલેથી જ ખરાબ હતું. આ કારણે તે વાગ્યો નહોતો. ચોર પ્રોફેશનલ ગુનેગાર હતા. ચોરોએ ગેસ કટરનો ઉપયોગ કરી લોકર તોડીને તેમાંથી રૂ. 12.95 કરોડની કિંમતનાં સોનાનાં ઘરેણાં ચોર્યાં હતાં. ચોરોએ સ્નિફર ડોગને ભ્રમિત કરવા માટે મરચાંનો પાઉડર બેંકમાં ફેંક્યો હતો અને ત્યાંથી ભાગી છૂટ્યા હતા. FIRમાં જણાવ્યા મુજબ ચોરોએ અન્ય બે લોકર તોડવાનો પ્રયાસ કર્યો હતો, પરંતુ નિષ્ફળ રહ્યા હતા. બંને લોકરમાં મળી 30 લાખ કેશ અને સોનાનાં આભૂષણ હતાં.

પોલીસે જણાવ્યું હતું કે સોનાનાં આભૂષણો ઉપરાંત ચોરોએ બેંકમાં લાગેલા CCTV કેમેરા અને DVR પણ લઈ ગયા હતા. ગયા શનિવાર-રવિવારે બેંકમાં બે દિવસની રજા હતી, ત્યારે ચોરોએ વીકએન્ડમાં આ ઘટનાને અંજામ આપ્યો હતો. બેંકમાં ચોરી કરતાં પહેલાં ચોરોએ CCTV અને સાયરનને ડિસ્કનેક્ટ કરી દીધા હતા. આ ઉપરાંત અન્ય બે લોકરોને કાપવાનો પ્રયાસ કર્યો હતો, જેમાં આશરે 30 લાખ રૂપિયા કેશ અને સોનાનાં આભૂષણો હતાં.

આ પણ વાંચો :-

દિલ્હી ચાંદની ચોકમાં ફરવા ગયેલા ફ્રાંસના રાજદૂતનો મોબાઈલ ચોરાયો

News Editor
-
0

દિલ્હીનો ચાંદની ચોક આખી દુનિયામાં પ્રખ્યાત છે. દુનિયાભરમાંથી દિલ્હી ફરવા આવનારા ચાંદની ચોકની મુલાકાત ન લે તો તેની યાત્રા અધુરી ગણાય. ચાંદની ચોકનું બજાર કપડાની સાથે ખાણીપીણીની વસ્તુઓ માટે પણ જાણીતું છે. ચાંદની ચોક માર્કેટમાં કાયમ ભારે ભીડ જોવા મળી રહી છે. થોડા દિવસો પહેલા ફ્રાન્સના રાજદૂત થિયરી મથાઉ તેમના પત્ની સાથે ચાંદની ચોક માર્કેટની મુલાકાતે ગયા હતા. ચાંદની ચોકની ભીડમાં તેમનો ફોન ચોરાઈ ગયો હતો. એક પોલીસ અધિકારીએ બુધવારે જણાવ્યું હતું કે, ફ્રેન્ચ રાજદૂતના ફોનની ચોરીના સંબંધમાં 4 લોકોની ધરપકડ કરવામાં આવી છે.

એક અધિકારીએ બુધવારે (30 ઓક્ટોબર) માહિતી આપી હતી કે મથાઉ અને તેની પત્ની 20 ઓક્ટોબરના રોજ ચાંદની ચોક માર્કેટની મુલાકાત લેવા ગયા હતા. આ દરમિયાન કોઈએ તેના ખિસ્સામાંથી ફોન કાઢ્યો. ફ્રેન્ચ દૂતાવાસે 21 ઓક્ટોબરે પોલીસને આ ઘટનાની જાણ કરી હતી. આ પછી પોલીસે સીસીટીવી ફૂટેજ તપાસ્યા અને પોલીસ કર્મચારીઓની એક ટીમ બનાવવામાં આવી. અધિકારીએ જણાવ્યું કે ચારેય આરોપીઓ પાસેથી મોબાઈલ ફોન મળી આવ્યા છે. તેની ઉંમર 20 થી 24 વર્ષની હોવાનું કહેવાય છે. પોલીસના જણાવ્યા અનુસાર કેસની તપાસ ચાલી રહી છે.

જોકે ચાંદની ચોક ગીચ વિસ્તાર છે. પરંતુ પોલીસે મોબાઈલ ચોરીના આરોપીને પકડી લીધો છે. ખરેખર, પોલીસે તપાસ માટે એક ટીમ બનાવી હતી. ટીમે ઘટનાસ્થળ વિસ્તારના સીસીટીવી ફૂટેજ ચેક કર્યા. 20થી 25 વર્ષની ઉંમરના ચાર આરોપીઓની ઓળખ કરીને પકડી લીધા. પોલીસે આરોપી પાસેથી ફ્રાન્સના રાજદૂતનો મોબાઈલ ફોન કબજે કર્યો છે. મળતી માહિતી મુજબ ચોરીને અંજામ આપનાર ચારેય છોકરાઓ ટ્રાન્સ-યમુના વિસ્તારના રહેવાસી છે. પોલીસે આ મામલે વધુ તપાસ હાથ ધરી છે.

થિયરી મથાઉએ જણાવ્યું કે તેણે આ ઘટના સામે દિલ્હી પોલીસમાં ઓનલાઈન એફઆઈઆર નોંધાવી છે. ફરિયાદમાં જણાવાયું હતું કે, તેનો ફોન ચાંદની ચોકમાં જૈન મંદિર નજીકથી ચોરાઈ ગયો હતો. આ પછી પોલીસે આ મામલે કાર્યવાહી કરી અને આરોપીની શોધખોળ શરૂ કરી.

આ પણ વાંચો :-

શું પેટ્રોલ-ડિઝલ સસ્તુ થશે ? પેટ્રોલિયમ મંત્રીએ આપ્યું મોટું નિવેદન

News Editor
-
0

કેન્દ્રીય પેટ્રોલિયમ અને કુદરતી ગેસ મંત્રી હરદીપ સિંહ પુરીએ ધનતેરસ પર દેશવાસીઓને મોટી ભેટ આપી છે. તેમણે 6 રાજ્યોમાં પેટ્રોલ અને ડીઝલના ભાવમાં 5 રૂપિયાનો ઘટાડો કરવાની જાહેરાત કરી હતી. મોદી સરકારનો આ નિર્ણય આજે એટલે કે બુધવાર, 30 ઓક્ટોબરથી દેશભરમાં લાગુ થઈ ગયો છે. કેન્દ્રીય મંત્રી હરદીપ સિંહ પુરીએ કહ્યું કે ઓઈલ મેન્યુફેક્ચરિંગ કંપનીઓ (OMCs)એ પેટ્રોલ પંપ ડીલરોને આપવામાં આવતા કમિશનમાં વધારો કરવાનો નિર્ણય કર્યો છે.

શું પેટ્રોલ-ડિઝલ સસ્તુ થશે ? સરકાર બનતાની સાથે જ પેટ્રોલિયમ પ્રધાને કરી મોટી વાત, જાણો - Gujarati News | Will petrol diesel become cheaper As soon as government was formed, petroleum minister made big announcement - Will petrol-diesel become ...

આ કારણે પેટ્રોલ અને ડીઝલના ભાવમાં નોંધપાત્ર ઘટાડો થશે. ઇન્ડિયન ઓઇલ કોર્પોરેશન લિમિટેડ ડીલર માર્જિનમાં સુધારાની જાહેરાત કરીને ખુશ છે (30 ઓક્ટોબર 2024થી અસરકારક). ડીલર માર્જિન બદલવાથી ઉત્પાદનોની છૂટક વેચાણ કિંમત પર કોઈ વધારાની અસર નહીં થાય, બલ્કે ડીલરોનું કમિશન વધશે અને પેટ્રોલ અને ડીઝલ સસ્તું થશે. તેલના ભાવમાં આશરે રૂ.5નો ઘટાડો થશે. 7 વર્ષથી ચાલી રહેલી ડીલરોની માંગ પૂરી કરવામાં આવશે.

હરદીપ સિંહ પુરીએ કહ્યું કે, ઓડિશાના મલકાનગિરીના કુનાનપલ્લી અને કાલિમેલામાં પેટ્રોલના ભાવમાં રૂ. 4.69 અને રૂ. 4.55 અને ડીઝલના ભાવમાં રૂ. 4.45 અને રૂ. 4.32નો ઘટાડો થઇ શકે છે. તેવી જ રીતે છત્તીસગઢના સુકમામાં પેટ્રોલની કિંમતમાં 2.09 રૂપિયા અને ડીઝલની કિંમતમાં 2.02 રૂપિયાનો ઘટાડો થશે.

ડીલર કમિશનમાં વધારો અંદાજે 7 કરોડ નાગરિકોને વધુ સારી સેવાઓ પ્રદાન કરશે જેઓ દરરોજ ઈંધણના ભાવમાં વધારો કર્યા વિના દેશભરમાં અમારા ફ્યુઅલ રિટેલ આઉટલેટ્સની મુલાકાત લે છે. છેલ્લા 7 વર્ષથી પેન્ડિંગ આ માંગની પરિપૂર્ણતા પેટ્રોલ પંપ ડીલરો અને દેશભરના 83,000 થી વધુ પેટ્રોલ પંપ પર કામ કરતા લગભગ 10 લાખ કર્મચારીઓના જીવનમાં સુખ અને સમૃદ્ધિ લાવશે.

ઉલ્લેખનીય છે કે કેન્દ્રીય મંત્રી હરદીપ સિંહ પુરીએ ધનતેરસના અવસર પર 188 યુવાનોને નિમણૂક પત્ર પણ આપ્યા હતા. વડાપ્રધાન મોદીના નેતૃત્વમાં તેમણે લાખો લોકોને સરકારી નોકરીઓ આપી. રોજગાર મેળામાં પસંદગી પામેલા યુવાનોએ પણ આ પ્રસંગે ખુશી વ્યક્ત કરી હતી.

આ પણ વાંચો :-

ડૉક્ટર કે નરાધમ ? દર્દીને બેભાન કરી દુષ્કર્મ આચર્યું

News Editor
-
0

કોલકાતાના આરજી કર હોસ્પિટલમાં થયેલા ડોક્ટર રેપ-મર્ડર કેસ બાદ ઉઠેલો વિવાદ રોકાઈ રહ્યો નથી કે વધુ એક ડોક્ટરે રેપ કાંડ કરી દીધો. તેણે પોતાની મહિલા દર્દીને બેભાનીનું ઈન્જેક્શન લગાવીને હવસનો શિકાર બનાવી. તેણે પીડિતાની અશ્લીલ તસવીરો પણ ખેંચી અને તે તસવીરોનો ઉપયોગ કરીને તે પીડિતાને બ્લેકમેલ પણ કરવા લાગ્યો. તેણે તસવીર વાયરલ કરવાની ધમકી આપીને પીડિતા પાસે 4 લાખ રૂપિયા માગ્યા.

Was Kolkata doctor raped and murdered to silence her? | India News - Times of India

પશ્ચિમ બંગાળના નોર્થ 24 પરગણા જિલ્લાના હસનાબાદ વિસ્તારનો છે. પ્રાઈવેટ ક્લિનિક ધરાવતા આરોપીનું નામ ડૉ.નૂર આલમ સરદાર છે. આ જ ક્લિનિકમાં તેણે મહિલાને પોતાની હવસનો શિકાર બનાવી હતી. પોલીસે પીડિતાની ફરિયાદ પર દુષ્કર્મ અને બ્લેકમેલિંગનો કેસ નોંધ્યો છે. પોલીસે આરોપી ડૉક્ટરની ધરપકડ કરીને તેને કોર્ટમાં રજૂ કર્યો હતો, જ્યાંથી તેને જેલમાં મોકલી દેવામાં આવ્યો છે. પીડિતાનો આરોપ છે કે ડૉક્ટરે તેની સાથે એક નહીં પરંતુ ઘણી વખત દુષ્કર્મ કર્યો હતો. પીડિતાએ પોલીસમાં ફરિયાદ નોંધાવી અને કહ્યું કે તે નોર્થ 24 પરગણાના હસનાબાદ વિસ્તારમાં રહે છે. તેનો પતિ વિદેશમાં નોકરી કરે છે અને ત્યાં રહે છે.

પોલીસને આપવામાં આવેલી ફરિયાદમાં પીડિતાએ જણાવ્યું કે ‘હું નોર્થ 24 પરગનાના હસનાબાદ વિસ્તારમાં રહુ છું. મારા પતિ વિદેશમાં નોકરી કરે છે અને ત્યાં રહે છે. મે મારા પતિને ડોક્ટરની હરકતો વિશે જણાવ્યુ અને તેમણે જ ભારત આવીને પોલીસ કેસ કરાવ્યો. મારી તબિયત ઠીક રહેતી નહોતી. હું ડોક્ટર નૂર પાસે આવી તો તેમણે મને ઈન્જેક્શન લગાવવાની વાત કહી. હું ઈન્જેક્શન લગાવવા માગતી નહોતી પરંતુ ડોક્ટરે ઝડપી રિકવરી થવાનો હવાલો આપીને ઈન્જેક્શન લગાવી દીધું. તે બાદ મને કંઈ યાદ નથી. જ્યારે ભાન આવ્યું તો હું ક્લિનિકમાં બેડ પર સૂઈ રહેલી હતી અને મારા કપડા વ્યવસ્થિત નહોતા. મને લાગ્યું કે કંઈક ખોટું થયું છે. તે બાદ ડોક્ટરે મને મારી અશ્લીલ તસવીરો બતાવી અને રૂપિયા માગ્યા. તસવીર વાયરલ કરવાની ધમકી આપીને મારી પર ઘણી વખત દુષ્કર્મ આચર્યું.

NCRBના રિપોર્ટ અનુસાર, પશ્ચિમ બંગાળ 34738 કેસ સાથે મહિલાઓ વિરુદ્ધ અપરાધોના મામલામાં ચોથા સ્થાને છે. ઉત્તર પ્રદેશ 65743 કેસ સાથે પ્રથમ, મહારાષ્ટ્ર 45331 કેસ સાથે બીજા અને રાજસ્થાન 45058 કેસ સાથે ત્રીજા ક્રમે છે.

આ પણ વાંચો :-

દિવાળી પર ફટાકડા પર પ્રતિબંધ કેમ? મોહન ભાગવતના સવાલનો કેજરીવાલે આપ્યો જવાબ

News Editor
-
0

દિલ્હીમાં દિવાળી પર ફટાકડા પર પ્રતિબંધને લઈને પૂર્વ મુખ્યમંત્રી અરવિંદ કેજરીવાલે કહ્યું છે કે તેમાં કોઈ હિન્દુ-મુસ્લિમ મુદ્દો નથી. આમ આદમી પાર્ટીના રાષ્ટ્રીય કન્વીનરે જણાવ્યું હતું કે દિવાળી એ રોશનીનો તહેવાર છે અને ફટાકડાના કારણે થતા પ્રદૂષણનો માર આપણા બાળકોને સહન કરવો પડે છે. તેમણે આ જવાબ RSSના વડા મોહન ભાગવતની ટિપ્પણીને લઈને આપ્યો જેમાં તેમણે કહ્યું હતું કે માત્ર હિન્દુ તહેવારો પર જ પ્રતિબંધ શા માટે લાદવામાં આવે છે.

क्या PM मोदी पर लागू होगा ये कानून? केजरीवाल ने RSS चीफ को लिखी चिट्ठी; पूछे 5 सवाल - Arvind Kejriwal wrote a letter to RSS chief Mohan Bhagwat for PM Modi

બુધવારે પ્રેસ કોન્ફરન્સ દરમિયાન અરવિંદ કેજરીવાલને મોહન ભાગવતની ટિપ્પણી વિશે પૂછવામાં આવ્યું હતું. કેજરીવાલે હાઈકોર્ટથી લઈને સુપ્રીમ કોર્ટ સુધીના કેસ ટાંકીને જવાબ આપ્યો અને હિન્દુ-મુસ્લિમને કારણ તરીકે સ્વીકારવાનો ઈન્કાર કર્યો. તેમણે કહ્યું કે, ‘સુપ્રીમ કોર્ટ પણ કહે છે, હાઈકોર્ટ પણ કહે છે કે પ્રદૂષણને ધ્યાનમાં રાખીને આપણે ફટાકડા ન ફોડવા જોઈએ. આ રોશનીનો તહેવાર છે. ચાલો દીવાઓ અને મીણબત્તીઓ પ્રગટાવીને તહેવારો ઉજવીએ, ફટાકડા ફોડીને નહીં. ફટાકડાથી પ્રદૂષણ થાય છે.

કેજરીવાલે વધુમાં કહ્યું કે, ‘એવું નથી કે આપણે ફટાકડા ન ફોડીને કોઈના ઉપર ઉપકાર કરીએ છીએ, સાથે સાથે આપણે આપણી જાત પર પણ ઉપકાર કરી રહ્યા છીએ. જે પ્રદૂષણ ફેલાય છે તેનાથી માત્ર આપણે અને આપણા નાનાં બાળકોને જ સહન કરવું પડે છે. આમાં કોઈ હિંદુ કે મુસ્લિમ નથી, દરેકનો શ્વાસ મહત્ત્વનો છે, દરેકનો જીવ મહત્ત્વનો છે.

નોંધનીય છે કે મોહન ભાગવતે પ્રદૂષણના કારણે દિવાળી પર ફટાકડા ફોડવા પર પ્રતિબંધ લગાવવાના દિલ્હી સરકારના નિર્ણય પર સવાલો ઉઠાવ્યા છે અને કહ્યું છે કે માત્ર હિન્દુ તહેવારો પર જ શા માટે આવું? તેમણે એમ પણ કહ્યું કે દેશને પરિસ્થિતિ અનુસાર બદલી શકાય છે. ધાર્મિક વિધિઓ ધ્રુવીય રેખાઓ નથી, તે બદલાતી રહે છે, હિન્દુઓમાં આમાં કોઈ પ્રતિબંધ નથી. તેમણે કહ્યું કે અગાઉ ફટાકડા શુદ્ધ ગનપાઉડરમાંથી બનાવવામાં આવતા હતા અને તેના ધુમાડાથી ખેતરોમાં જીવાતોને પણ નિયંત્રિત કરવામાં આવતી હતી. જો આજે ફટાકડા વિશે કોઈ ગડબડ છે, તો તેને બદલી શકીએ છીએ.

આ પણ વાંચો :-

સુરતના હીરાના વેપારીઓના બેલ્જિયમનીબેન્કમાં નાણાં ફસાયા

News Editor
-
0

દિવાળીના સપરમા તહેવારોમાં જ સુરતથી ચોંકાવનારા સમાચાર આવી રહ્યા છે અને સુરતના હીરાના વેપારીઓની દિવાળી બગડી છે. મળી રહેલા સમાચાર મુજબ બેલ્જિયમની હીરા પેઢીનું ઉઠમણું થતાં ખળભળાટ મચી ગયો છે. બેલ્જિયમની હીરા પેઢી 142 કરોડમાં નાદાર થતાં હીરાબજારમાં ખળભળાટ મચી ગયો છે.

Video: સુરતમાં હીરા બજાર 10 જુલાઈ અને કારખાના 14 જુલાઈથી શરૂ થશે | The diamond market in Surat will start from July 10 and the factory from July 14 - Gujarat Samachar

બેલ્જિયમની હીરા પેઢી 142 કરોડમાં નાદાર થતાં હીરાબજારમાં ખળભળાટ મચી ગયો છે. બેલ્જિયમના બેન્કોના નાણાં ફસાતા ચિંતાનો વિષય બન્યો છે. એક તરફ યુદ્ધ અને મંદીનો માહોલ છે અને તેની વચ્ચે ઉઠમણું થતાં વેપારીઓની ચિંતા વધી ગઇ છે. ઉઠમણું કરનાર મૂળ સૌરાષ્ટ્રનો હીરા વેપારી હોવાનું જાણવા મળે છે. તેઓ બેલ્જિયમમાં 30 વર્ષથી ટ્રેડિંગ-ફાઈનાન્સનો બિઝનેસ કરતા હતા. બેલ્જિયમમાં 30 વર્ષથી ડાયમંડ ટ્રેડિંગ અને ફાઈનાન્સનો વેપાર કરતી પેઢીએ 142 કરોડમાં નાદારી નોંધાવતા ખળભળાટ મચ્યો છે.

ડાયમંડ ઉદ્યોગમાં મંદીને કારણે અનેક હીરા પેઢીઓના ઉઠમણાં થયા હતા .હવે બેલ્જિયમમાં ડાયમંડ પેઢીએ 142 કરોડ રૂપિયામાં નાદારી નોંધાવી હતી. મૂળ સૌરાષ્ટ્રના અને પાટીદાર વેપારી છેલ્લાં 30 વર્ષથી બેલ્જિયમમાં ડાયમંડ ટ્રેડિંગ ઉપરાંત ફાઈનાન્સનો પણ વેપાર કરતા હતા. ડાયમંડ માર્કેટમાં મંદીને કારણે આ પેઢી કાચી પડી હોવાનું જાણવા મળી રહ્યું છે.

આ પણ વાંચો :-

રાજુલાના ધારાસભ્ય હીરા સોલંકીના જમાઈ પર જીવલેણ હુમલો, 9 સામે ફરિયાદ

News Editor
-
0

અમરેલી જાફરાબાદના ધારાસભ્ય હીરા સોલંકીના જમાઈ ચેતન શિયાળ પર મોડી રાતે હુમલાની ઘટના બની હતી. મોડી રાતે સામા કાંઠે બોટ મુકવા બાબતે કેટલાક લોકો સાથે સ્થાનિક વ્યક્તિઓ અને ચેતન શિયાળને ભારે માથાકૂટ થઈ હતી. આ ઘટનાનો વિડિયો પણ સોશિયલ મીડિયામાં વાયરલ થયો હતો. ચેતન શિયાળનો હથિયાર કાઢતો વિડિયો પણ વાયરલ થયો હતો. MLA હીરા સોલંકીના જમાઈ ચેતન શિયાળ પર હુમલા મામલે જાફરાબાદ મરીન પોલીસ સ્ટેશનમાં 9 શખ્સ સામે ફરિયાદ નોંધાઈ છે. જીવલેણ હુમલાનો અને ગળામાં પહેરેલ ચેઈન લૂંટી ગયાનો ગુનો દાખલ થયો છે.

મળતી માહિતી મુજબ, ચંદ્રકાંત શિયાળ અને તેની સાથે અન્ય લોકો માછીમારી કરીને પરત ફરતા હતાં, તે દરમિયાન ચંદ્રકાંત અને અન્ય લોકો માછલી ખાલી કરવા જેટી પર જઈ રહ્યાં હતાં. ત્યારે યશવંત બારૈયાનું બરફ ભરેલું ટ્રેક્ટર રસ્તામાં આડુ પડ્યું હતું. જેને હટાવવાના મુદ્દે બંને પક્ષ તરફથી બોલાચાલી થઈ હતી. આ માથાકૂટ વધતાં ચંદ્રકાંતભાઈનો પુત્ર ચેતન શિયાળ પણ ત્યાં પહોંચ્યો. બાદમાં ઝઘડો વધતાં તે મારામારીમાં બદલાઈ ગયો. આ દરમિયાન આરોપીઓએ કુહાડી વડે જીવલેણ હુમલો કરી ચેઇન લૂંટી હોવાનો ચેતન શિયાળે આરોપ લગાવ્યો છે. ચેતન શિયાળ અમરેલી જિલ્લા યુવા ભાજપ પ્રમુખ અને ધારાસભ્ય હીરા સોલંકીનો જમાઈ છે.

આ હુમલામાં હીરા સોલંકીના જમાઈ ચેતન શિયાળને ગંભીર ઈજાઓ પહોંચી હતી.ચેતન શિયાળને ગંભીર ઈજાઓ થતા ભાવનગર હોસ્પિટલ ખસેડાયા હતા ઘટનાને લઈને ધારાસભ્ય હીરા સોલંકી સહીત સમર્થકો હોસ્પિટલમાં દોડ્યા હતા.

આ પણ વાંચો :-

પાકિસ્તાન સરહદેથી આતંકી ભારતમાં ઘૂસણખોરીની ફિરાકમાં, સૈન્ય એલર્ટ

News Editor
-
0

ભારતીય સેનાના એક વરિષ્ઠ અધિકારીએ ખુલાસો કર્યો છે કે સરહદ પાર સ્થિત આતંકવાદી કેમ્પોમાં 50 થી વધુ આતંકવાદીઓ હાજર છે અને તે બધા ભારતમાં ઘૂસણખોરી કરવાનો પ્રયાસ કરી રહ્યા છે. આ આતંકવાદીઓ જમ્મુ ક્ષેત્રમાં ઘૂસણખોરી કરવાની તૈયારી કરી રહ્યા છે. સેનાએ કહ્યું છે કે, તે આતંકવાદી ઓના આ પડકારને લઈને સંપૂર્ણ રીતે સતર્ક છે અને ઘૂસણખોરીના કોઈપણ પ્રયાસને નિષ્ફળ બનાવશે. તમને જણાવી દઈએ કે, તાજેતરમાં અખનૂર સેક્ટરમાં સેના અને આતંકીઓ વચ્ચે અથડામણ થઈ હતી. લગભગ 27 કલાક સુધી ચાલેલા એન્કાઉન્ટરમાં ત્રણ આતંકવાદીઓ માર્યા ગયા છે.

પાકિસ્તાનને મુંહતોડ જવાબ આપવા ભારતીય સેના સજજ - National News

ભારતીય સેનાના 10 ઇન્ફેન્ટ્રી ડિવિઝનના જનરલ ઓફિસર કમાન્ડિંગ મેજર જનરલ સમીર શ્રીવાસ્તવે મીડિયા સાથે વાત કરતા કહ્યું કે સેના આતંકવાદીઓને નાગરિકોને નુકસાન પહોંચાડવા દેશે નહીં. તેમણે કહ્યું કે ઘૂસણખોરીની પ્રોફાઇલ દરેક પસાર થતા વર્ષ સાથે બદલાતી રહે છે. ખાસ કરીને હિમવર્ષા દરમિયાન ઘૂસણખોરીના પ્રયાસોમાં ફેરફાર જોવા મળે છે. તેણે કહ્યું કે, અમે પડકાર માટે તૈયાર છીએ.

જમ્મુ કાશ્મીરમાં છેલ્લા બે સપ્તાહમાં સાત આતંકી હુમલા થયા હતા જેમાં બે જવાનો શહીદ થયા હતા અને 11 અન્ય લોકોના મોત નિપજ્યા છે. તાજેતરમાં વધી પહેલા હુમલાને ધ્યાનમાં રાખીને સૈન્ય દ્વારા જે પણ વિસ્તારમાં હુમલો થયો ત્યાં મોટા પાયે ડ્રોન અને હેલિકોપ્ટરની મદદથી સર્ચ ઓપરેશન શરૂ કરી દેવાયું હતું. અખનૂરના હુમલા બાદ ત્યાં જ સૈન્યએ આતંકીઓને ઘેરવા માટે ચક્રવ્યૂહ તૈયાર કર્યું હતું જેમાં અંતે સફળતા મળી છે. બીજી તરફ શિયાળો શરૂ થવા જઇ રહ્યો છે ત્યારે જમ્મુ કાશ્મીરમાં હિમવર્ષાનું આગમન થવા લાગ્યું છે. ખાસ કરીને ઘાટીમાં મંગળવારે હળવી હિમવર્ષા થઇ હતી સાથે જ હવામાન વિભાગે સામાન્ય વરસાદની પણ આગાહી કરી હતી. શ્રીનગરનું તાપમાન લઘુતમ 10 ડિગ્રી નોંધાયું હતું. હિમવર્ષા વધે તે પહેલા જ આતંકીઓ ઘૂસણખોરીની તૈયારીમાં છે. આ માહિતી સૈન્યના મેજર જનરલ સમીર શ્રીવાસ્તવે આપી હતી. તેમણે કહ્યું હતું કે સરહદે આશરે 50 જેટલા આતંકીઓ ઘૂસણખોરી કરવાની ફિરાકમાં છે. જેને ધ્યાનમાં રાખીને સૈન્યને પણ એલર્ટ કરી દેવામાં આવ્યું છે.

આ પણ વાંચો :-

સરકારી ગેઝેટમાં નામ સુધારા માટે બે નવી સેવા શરૂ કરાઇ

News Editor
-
0

સરકારી મુદ્રણ અને લેખન સામગ્રી ગાંધીનગરની કચેરી દ્વારા વ્યક્તિના નામ, અટક અને જન્મ તારીખમાં સુધારા અંગે સરકારી ગેઝેટમાં પ્રસિધ્ધિ કરવા માટે વધુ બે નવી સેવાનો સમાવેશ કરવામાં આવ્યો છે. આ બે સેવા રાજ્ય સરકારના સાધારણ અને અસાધારણ ગેઝેટમાં પ્રસિદ્ધિ કરવામાં આવશે, એમ સરકારી મુદ્રણ અને લેખન સામગ્રી નિયામક ગાંધીનગરની યાદીમાં જણાવાયું છે.

વધુમાં જણાવ્યા અનુસાર નામ, અટક બદલીને તાત્કાલિક અસાધારણ ગેઝેટમાં પ્રસિદ્ધિ માટે રૂૂ. 2,500 અને સાધારણ ગેઝેટમાં રૂૂ. 1,000ની નોન રિફન્ડેબલ રજીસ્ટ્રેશન ફી આપવાની રહેશે. અસાધારણ ગેઝેટમાં પ્રસિદ્ધિ માટે આવેલી અરજીઓ ત્રણ દિવસમાં અસાધારણ ગેઝેટના પાર્ટ-2માં પ્રસિદ્ધ કરવામાં આવશે. જ્યારે સાધારણ ગેઝેટમાં દર ગુરુવારે નિયમિત રીતે પ્રસિદ્ધ કરાતા ગેઝેટમાં પ્રસિદ્ધ કરવામાં આવશે.

સરકારી, અર્ધ સરકારી કચેરીઓમાં વિસંગતાઓ ઉભી થતી હોવાથી ઘણાં લોકો મુશ્કેલીમાં મુકાય છે આથી આ મુશ્કેલી દુર કરવાનો સરળ રસ્તો રાજ્ય સરકારે કર્યો છે. સરકારી ગેઝેટમાં જે નામ, અટક હોય તે સરકારી કચેરીઓમાં માન્ય રાખવામાં આવે છે. આ અંગેની વધુ માહિતી ખાતાની વેબસાઈટ https://egazette. gujarat.gov.in ઉપરથી મેળવી શકાય છે, તેમ યાદીમાં વધુમાં જણાવાયું છે.

આ પણ વાંચો :-

1...607608609...1,473Page 608 of 1,473