Home Blog Page 607

કેન્દ્રીય મંત્રીના ભાઈ અને ભાજપના ધારાસભ્ય દેવેન્દ્ર સિંહ રાણાનું નિધન

News Editor
-
0

જમ્મુ અને કાશ્મીરના નગરોટાના ભારતીય જનતા પાર્ટીના ધારાસભ્ય દેવેન્દ્ર સિંહ રાણાનું ગુરુવારે મોડી સાંજે દિલ્હીની એક ખાનગી હોસ્પિટલમાં અવસાન થયું. દેવેન્દ્ર રાણા છેલ્લા 6 દિવસથી દિલ્હીની હોસ્પિટલમાં દાખલ હતા. પરિવારના નજીકના સૂત્રોના જણાવ્યા અનુસાર તેઓ છેલ્લા કેટલાક સમયથી બીમાર હતા. દેવેન્દ્ર સિંહ રાણા તાજેતરમાં જમ્મુ અને કાશ્મીરની નગરોટા વિધાનસભા બેઠક પરથી વિધાન પરિષદના સભ્ય તરીકે ચૂંટાયા છે. મળતી માહિતી મુજબ, તેઓ 59 વર્ષના હતા અને તેમના પરિવારમાં તેમની પત્ની અને બે પુત્રીઓ છે.

Devender Singh Rana dies: Who was BJP MLA from J&K's Nagrota? | Latest News India - Hindustan Times

જમ્મુ અને કાશ્મીરના રાજ્યપાલ મનોજ સિંહાએ પણ તેમના શોક સંદેશમાં દેવેન્દ્ર સિંહ રાણાને દેશભક્ત અને આદરણીય નેતા તરીકે યાદ કર્યા હતા. તેમણે લખ્યું કે, “દેવેન્દ્ર સિંહ રાણાના નિધનથી અમે એક પ્રિય નેતા ગુમાવ્યા છે જે જમ્મુ અને કાશ્મીરના લોકોના કલ્યાણ માટે પ્રતિબદ્ધ હતા.”

તે જ સમયે, જમ્મુ યુનિવર્સિટીના પૂર્વ વાઇસ ચાન્સેલર અમિતાભ મટ્ટુએ પણ દેવેન્દ્ર સિંહ રાણાના નિધન પર શોક વ્યક્ત કર્યો છે. મટ્ટુએ લખ્યું કે, દેવેન્દ્ર રાણા એક સમયે ઓમર અબ્દુલ્લાની નજીક હતા. તેમણે નગરોટા બેઠક જીતી હતી અને રાજ્યના લોકોની સેવા કરવાની તેમની પ્રતિજ્ઞા અતૂટ હતી.

આ પણ વાંચો :-

ધુમાડાને કારણે આ શહેરની હવાની ગુણવત્તા ‘ખૂબ જ ખરાબ’, જાણો AQI કયા સ્તરે પહોંચ્યો

News Editor
-
0

રાષ્ટ્રીય રાજધાની દિલ્હીમાં દિવાળીની સવારે વાયુની ગુણવત્તા વધારે ખરાબ રહી હતી. અહીં સવારે 9 વાગ્યે એર ક્વાલિટી ઇન્ડેક્સ (AQI) 330 રહ્યું હતું. સાંજે ફટાકડાને કારણે વાયુની ગુણવત્તા વધારે ખરાબ થવાની સંભાવના છે. ગુરુવારે રાત્રે ફટાકડા ફોડવાને કારણે શહેરમાં ધુમાડાના વાદળો ઘેરાયા છે. ફટાકડાના ધુમાડાને કારણે દિલ્હીની હવાની ગુણવત્તા ‘ખૂબ જ ખરાબ’ શ્રેણીમાં પહોંચી ગઈ છે.

Delhi AQI - Delhi Pollution: दिल्ली-NCR में प्रदूषण से मामूली राहत, कई इलाकों में 300 से कम AQI, देखें लिस्ट - Delhi Pollution update AQI still in very poor category marginal improvement

ગુરુવારે રાત્રે 10 વાગ્યા સુધીમાં દિલ્હીની હવાની ગુણવત્તા (AQI) 330 નોંધાઈ હતી. આ સમયગાળા દરમિયાન, આનંદ વિહાર સહિતના મુખ્ય વિસ્તારોમાં AQI ‘ગંભીર’ શ્રેણીમાં નોંધવામાં આવ્યો હતો. તે જ સમયે, દિલ્હીની હવામાં પીએમ 2.5ની સાંદ્રતા વધી ગઈ, જેના કારણે લોકોને શ્વાસ લેવામાં તકલીફનો સામનો કરવો પડ્યો. ફટાકડા ઉપરાંત પરાળ સળગાવવાથી અને વાહનોમાંથી નીકળતા ધુમાડાને કારણે પરિસ્થિતિ વધુ વણસી હતી.

દિલ્હી સિવાય જો આસપાસના વિસ્તારોની વાત કરવામાં આવે તો નોઈડા, ગાઝિયાબાદ અને ગુરુગ્રામ સહિત દિલ્હીની આસપાસના વિસ્તારોમાં સ્થિતિ અપેક્ષા કરતા સારી રહી. આ શહેરોમાં AQI ‘ખરાબ’ કેટેગરીમાં નોંધાયો હતો. જ્યારે ફરીદાબાદમાં AQI 181 નોંધાયું હતું. દિલ્હીમાં દિવાળી પર પાછલા વર્ષોના AQI વિશે વાત કરવામાં આવે તો, તે 2022માં 312, 2021માં 382, 2020માં 414, 2019માં 337, 2018માં 281, 2017માં 319 અને 2016માં 431 નોંધાયું હતું.

આ પણ વાંચો :-

ઝારખંડના બોકારોમાં ફટાકડાની 66 દુકાનો બળીને ખાખ

News Editor
-
0

દિવાળીની ઉજવણી વચ્ચે ઝારખંડમાંથી ચિંતાજનક સમાચાર આવી રહ્યા છે. જેમાં બોકારોમાં માર્ગા પુલ પાસે ફટાકડાની દુકાનોમાં આગ લાગતા ઘટનાસ્થળે અફરા-તફરીનો માહોલ છવાયો છે. ભયાનક આગે વિકરાળરૂપ ધારણ કરતા થોડી જ વારમાં 66 દુકાનો બળીને રાખ થઈ ગઈ હતી. મળતી માહિતી મુજબ, આગની ઘટના બાદ ફાયર બ્રિગેડની ચાર ગાડીઓ ઘટનાસ્થળે પહોંચી હતી અને ભારે જહેમત બાદ આગ પર કાબુ મેળવી.

ઝારખંડના બોકારો સ્ટીલ સિટી પોલીસ સ્ટેશન વિસ્તારમાં ગરગા બ્રિજ પાસે ફટાકડાની દુકાનો બળીને રાખ થઈ ગઈ હતી. આગ એટલી ગંભીર હતી કે થોડી જ વારમાં 66 દુકાનો બળીને રાખ થઈ ગઈ હતી. જિલ્લા પ્રશાસને આ દુકાનદારોને અસ્થાયી ધોરણે ફટાકડાની દુકાનો ખોલવાની પરવાનગી આપી હતી. આગ પર કાબુ મેળવી લેવામાં આવ્યો છે અને મામલાની તપાસ કરવામાં આવી રહી છે. દુકાનદારોએ દાવો કર્યો હતો કે આ ઘટનામાં તેમને મોટું નુકસાન થયું છે. તેમણે વહીવટીતંત્ર પાસેથી નુકસાન માટે વળતરની માંગ કરી હતી. ઘટના બાદ બોકારોના BJP ધારાસભ્ય બિરાંચી નારાયણ ઘટના સ્થળે પહોંચ્યા અને કહ્યું કે, જો જિલ્લા વહીવટીતંત્ર અને ફાયર વિભાગ સક્રિય હોત તો આવી ઘટના ન બની હોત.

દિલ્હીના દ્વારકાના છાવલા વિસ્તારમાં એક વ્યક્તિ બસમાં ફટાકડા લઈ જઈ રહ્યો હતો, ત્યારે તેમાં આગ લાગી અને તે અને તેની બાજુમાં બેઠેલા અન્ય મુસાફર દાઝી ગયા. ઘટનાની માહિતી મળતા પોલીસ અધિકારીઓ ઘટના સ્થળે પહોંચી ગયા હતા. અધિકારીએ જણાવ્યું હતું કે, પૂછપરછ દરમિયાન જાણવા મળ્યું હતું કે તે વ્યક્તિ થોડી માત્રામાં ફટાકડા લઈને જઈ રહ્યો હતો, જેના કારણે બસમાં આગ લાગી હતી, જેના કારણે તેને અને તેની બાજુમાં બેઠેલા સહ-મુસાફરને ઈજા થઈ હતી.

આ પણ વાંચો :-

01 નવેમ્બર 2024, શુક્રવારના દિવસે આ રાશિના જાતકોને આજનો દિવસ બેપારી સ્થિતિમાં સુધારો થશે, આવકના નવા સ્ત્રોત ખુલશે, જુઓ આજનું રાશિફળ

News Editor
-
0

Zodiac Sign know how planets will affect people life with their zodiac sign on 11 july 2023 - Astrology in Hindi 11 जुलाई को इन 3 राशि वालों का चमकेगा सोया हुआ

મેષઃ
મનોબળ માં વધારો થાય. આવકનું પાસુ મજબૂત થતું જણાય. ધારેલી આવક મેળવવી શકય બને. પરિવારના સભ્યોની પ્રગતિથી આનંદ છતાં થોડું ગુસ્સાવાળુ વાતાવરણ રહે. દામ્પત્ય સુખમાં આનંદ.

વૃષભઃ
અણગમતા સંજોગોનો સામનો કરવો પડે. આવક અંગે સામાન્ય દિવસ છે. પરિવારમાં શાંતિ રહે. કાર્યક્ષેત્રે સંઘર્ષ બાદ સફળતા મળતી જણાય. પત્નિ સાથે પ્રેમ જળવાય. મિત્રોથી સહકાર મળે.

મિથુનઃ
મનનું સિધ્ધાંત વલણ રહે. આવક જળવાશે. પરિવારના સભ્યો સાથે આત્મીયતા વધે. જુના રોકાણો થી ફાયદો તથા નવો રોકાણોનું યોગ્ય આયોજન શકય બને. સંતાનની પ્ર‌ગતિથી આનંદ વધે.

કર્કઃ
દિવસ દરમ્યાન આનંદની અનુભૂતિ થાય. કરેલા રોકાણો, ફળદાયી નીવડે. નવા વાહન ની ખરીદી શકય બને. નોકરીમાં બઢતી અને ધંધામાં પ્રગતિ થાય. આથી આવક વધે. ઠંડા પીણા, પાણી, આઇસક્રીમના ધંધામાં વિશેષ લાભ.

સિંહઃ
થોડુ ગુસ્સાનું પ્રમાણ રહે. નાણાંકીય પાસુ મજબૂત થતું જણાય. પરિવારના તમામ સભ્યોની પ્રગતિ આનંદદાયક સાબિત થાય. કાર્યોમાં સફળતા મળતી જણાય. આરોગ્ય સાચવવું.

કન્યાઃ
સરળ સ્વભાવને કારણે અન્યની હેરાનગતિનો ભોગન બનાય એનું ધ્યાન રાખવું. આર્થિક પાસુ મજબૂત બને. જીવનસાથી સાથે ઉગ્રતા ટાળવી. ભાગ્યનો સાથ મળતાં ધંધાકીય ક્ષેત્રે સફળતા મળતી જણાય છે.

તુુલાઃ
આનંદની અનુભૂતિ થાય. હિંમત અને વિદ્રતા માં વધારો થાય. અણ‌ુઊર્જા, ઇલેકટ્રોનિકસ, પુસ્તકાલય, કુરિયર જેવા ધંધામાં વિશેષ લાભ. લીવરની કાળજી રાખવી જરૂરી છે.

વૃશ્ચિકઃ
સ્વભાવમાં ગુસ્સાનું પ્રમાણ વધે. આવકનું પાસુ મજબૂત જણાય. સંતાન તરફની ચિંતા રહે. પત્નિ સાથે પ્રેમ જળવાય. પ્રિય પાત્રનું મિલન શકય બને. ભાગ્યનો સાથ મળતો નથી. આથી નોકરી ધંધામાં શાંતિ રાખવી.

ધનઃ
જીવનમાં અસતોષ જણાય પણ માનસિક સ્થિરતા જળવાઇ રહે. ખોટા વિચાર મનનો કબજો ન લઇ લે એનું ધ્યાન રાખવું. મિત્ર વર્ગથી ખૂબ સારો સહકાર મળતો જણાય. આરોગ્ય સારૂં રહે. ધંધાકીય ક્ષેત્રે આનંદમાં વધારો થાય.

મકરઃ
નવી નોકરી અથવા ધંધાની શરૂઆત શકય બને. હાલ ના કાર્યક્ષેત્રેમાં પ્રગતિ થતી જણાય. માતૃપક્ષ તરફથી લાભ. આર્થિક રોકાણોમાં ફાયદો જણાય. નવા વાહન ની ખરીદી શકય બને. ઓટોમોબાઇલ ડીલર તથા ટ્રાવેલીંગના ધંધામાં વિશેષ લાભ.

કુંભઃ
ભાગ્ય મજબૂત હોવાને કારણે ઓછી મહેનતે વધુ સફળતા મેળવી શકાશે. આવકનું પ્રમાણ વધશે. પરંતુ ખોટો ખર્ચ અટકાવવો. શેર બજાર, સ્ત્રી શણગારના સાધનો ના ક્ષેત્રે વિશેષ લાભ. પત્નિ ના ગુસ્સાનો સામનો કરવો પડે. આરોગ્ય જળવાય.

મીનઃ
મજબૂત આત્મબળને કારણે સાહસિક નિર્ણય લઈ શકો. પરિવાર માં આનંદ જળવાય. આવકનું પ્રમાણ સાધારણ રહે. માતાની તબિયતની કાળજી રાખવી જરૂરી. માથાનો દુઃખાવો, પડવા, વાગવાથી સાચવવું. સંતાન સુખ સારૂં.

આ પણ વાંચો :-

BJPના નેતા બ્રહ્મસિંહ તંવર AAPમાં જોડાયા

News Editor
-
0

ભારતીય જાણતા પાર્ટીના નેતા બ્રહ્મસિંહ તંવર આમ આદમી પાર્ટીમાં જોડાઈ ગયા છે. દિવાળીના અવસર પર તેમણે ભાજપ છોડીને આમ આદમી પાર્ટીમાં જોડાવાનો નિર્ણય કર્યો હતો. તેમણે આમ આદમી પાર્ટીના રાષ્ટ્રીય અધ્યક્ષ અરવિંદ કેજરીવાલની હાજરીમાં પાર્ટીનું સભ્યપદ લીધું. બ્રહ્મસિંહ તંવર ત્રણ વખત ધારાસભ્ય અને ત્રણ વખત સાંસદ રહી ચૂક્યા છે. બ્રહ્મસિંહ તંવર 1993, 1998માં મહેરૌલી અને 2013માં છતરપુરથી ભાજપની ટિકિટ પર ધારાસભ્ય રહી ચૂક્યા છે. બ્રહ્મસિંહ તંવર એક મહાન ગુર્જર નેતા તરીકે ઓળખાય છે.

છતરપુરથી AAP ધારાસભ્ય કરતાર સિંહ તંવર આમ આદમી પાર્ટી છોડીને ભાજપમાં જોડાયા હતા. આવી સ્થિતિમાં એવું માનવામાં આવે છે કે આમ આદમી પાર્ટી બ્રહ્મસિંહ તંવરને છતરપુર વિધાનસભાથી ટિકિટ આપી શકે છે. આમ આદમી પાર્ટીમાં જોડાયા બાદ બ્રહ્મ સિંહ તંવરે કહ્યું, “આજે મેં ભાજપ સાથે સંબંધ તોડીને AAP સાથે કામ કરવાનું મન બનાવી લીધું છે. અરવિંદ કેજરીવાલનો ઉત્સાહ અને વિકાસ જોઈને હું તેમની સાથે જોડાયો છું. અરવિંદ કેજરીવાલ જી આભાર કે તેમણે તેમની સાથે મને જોડ્યો.”

હોસબોલેએ રાહુલ ગાંધીને ટકોર કરી કે, અમે અને અમારો સંઘ સમાજના તમામ વર્ગો સાથે એકજૂટ થઈને રહીએ છીએ. હું વર્ષ દરમિયાન વિવિધ પક્ષોને મળતો રહું છું. ઉલ્લેખનીય છે કે, લોકસભામાં વિપક્ષ નેતા રાહુલ ગાંધી ભારત જોડો યાત્રા દરમિયાન RSS અને ભાજપ પર આકરા પ્રહારો કરતાં જોવા મળ્યા હતા. તેમણે 2024માં સાંસદ બન્યા બાદ લોકસભામાં નિવેદન આપ્યું હતું કે, ભાજપ અને RSS પૂર્ણ હિન્દુ સમાજ નથી. તેમણે કહ્યું કે, અમે નફરતના બજારમાં મોહબ્બતની દુકાન ખોલી રહ્યા છે. જેનો જવાબ આપતાં દત્તાત્રેય હોસબોલેએ આ નિવેદન આપ્યું છે.

બ્રહ્મસિંહ તંવરના પક્ષમાં જોડાવા અંગે અરવિંદ કેજરીવાલે કહ્યું, “આજે AAP માટે ખૂબ જ ખુશીનો દિવસ છે. બ્રહ્મસિંહજી એક મોટો ચહેરો છે. તેઓ 50 વર્ષથી જનતાની સેવા કરી રહ્યા છે. તેઓ ત્રણ વખત ધારાસભ્ય રહી ચૂક્યા છે. ભાજપ છોડીને જોડાયા છે. આમ આદમી પાર્ટીનું કામ જોઈને લોકો અમારી સાથે જોડાઈ રહ્યા છે. અરવિંદ કેજરીવાલે કહ્યું કે આમ આદમી પાર્ટી માત્ર 12 વર્ષની છે, પરંતુ દિલ્હી બાદ પંજાબમાં પણ તેણે સરકાર બનાવી છે. આ પાર્ટીમાં મોટા મોટા નેતાઓ જોડાઈ રહ્યા છે. તેનું કારણ આમ આદમી પાર્ટીની સરકારનું કામ છે.

આ પણ વાંચો :-

ગૃહમંત્રી હર્ષ સંઘવીએ સ્લમ વિસ્તારના બાળકો સાથે દિવાળીની કરી ઉજવણી

News Editor
-
0

રાજ્યના ગૃહમંત્રી હર્ષ સંઘવીએ પોતાના મતવિસ્તારમાં દિવાળીની ઉજવણી કરી હતી. જ્યાં તેમણે બાળકો સાથે ઉજવણી કરી હતી. સાથે જ તેમને ગીફ્ટ આપવાની સાથે સાથે તમામને શુભેચ્છા આપતાં કહ્યું કે, આપણી આસપાસના લોકો પણ તહેવારની ઉજવણી શાંતિથી કરે તે માટે શક્ય તેટલી મદદ કરજો અને કોઈ તહેવાર ઉજવવામાં બાકી ન રહી જાય તેનું ધ્યાન રાખજો.

દિવાળીમાં ફટાકડા ફોડતી વખતે સાવચેત રહેવા બાળકોને સૂચના આપી છે. ઘરકામમાં મદદ કરતા સહયોગીઓ સાથે પણ દિવાળી ઉજવવા અપીલ કરી છે. ઘરકામ કરતા સહયોગીના બાળકો સાથે પણ ઉજવણી કરવા માટે અપીલ કરી છે.

ગૃહમંત્રીએ બાળકોની સાથે દિવાળીના પર્વની ઉજવણી કરી હતી. રાજ્ય ગૃહમંત્રીએ પોતાના વિસ્તારના બાળકોને મળવા પહોંચ્યા હતા ત્યાં તેમને ફટાકડા સહિતની ચીજવસ્તુઓનું વિતરણ કર્યું હતું. તેમજ દિવાળીની શુભેચ્છા કેવી રીતે આપવી તે માટે પણ તેમને માહિતગાર કર્યા હતા. ખાસ કરીને હેપ્પી દિવાલી બોલવાને બદલે દિવાળીની ખૂબ ખૂબ શુભકામનાઓ કહીને શુભેચ્છા પાઠવવાનો આગ્રહ કર્યો હતો. તેમજ હેપ્પી ન્યુ યરને બદલે નૂતન વર્ષાભિનંદન કહેવાનું શીખડાવ્યું હતું.

આ પણ વાંચો :-

ગૌતમ ગંભીર ઉપર છેતરપિંડી કેસમાં કોર્ટે ફરી તપાસનો આપ્યો આદેશ

News Editor
-
0

ભારતીય ટીમના મુખ્ય કોચ ગૌતમ ગંભીરની મુશ્કેલીઓનો અંત નથી આવી રહ્યો. સિરીઝ હાર્યા બાદ તે હાલમાં ત્રીજી ટેસ્ટ માટે મુંબઈમાં છે અને ટીમ ઈન્ડિયાને વ્હાઇટ વોશના ખતરાથી બચાવવા માટે વિચારી રહ્યા છે. દરમિયાન, તેમના પર એક નવી આફત આવી. વાસ્તવમાં, ગંભીર પર પહેલાથી જ ફ્લેટ ખરીદનારાઓને છેતરવાનો આરોપ હતો, જેમાં તે નિર્દોષ બહાર આવ્યા હતા, પરંતુ 29 ઓક્ટોબરના રોજ દિલ્હી કોર્ટે નિર્દોષ છૂટવાના આદેશને ફગાવી દીધો, . એટલું જ નહીં, કોર્ટે આ કેસમાં તેમની ભૂમિકાની તપાસનો આદેશ પણ આપ્યો છે.

IPL has nothing to do with me: India coach Gautam Gambhir on player retentions - India Today

ફ્લેટ ખરીદનારાઓએ રિયલ એસ્ટેટ કંપનીઓ રૂદ્ર બિલ્ડવેલ રિયલ્ટી પ્રાઈવેટ લિમિટેડ, એચઆર ઈન્ફ્રાસિટી પ્રાઈવેટ લિમિટેડ, યુએમ આર્કિટેક્ચર એન્ડ કોન્ટ્રાક્ટર્સ લિમિટેડ અને ગૌતમ ગંભીર વિરુદ્ધ છેતરપિંડીનો કેસ દાખલ કર્યો હતો. ગંભીર આ તમામ કંપનીઓના સંયુક્ત સાહસમાં ડિરેક્ટર અને બ્રાન્ડ એમ્બેસેડર હતા. વિશેષ ન્યાયાધીશ વિશાલ ગોગણેએ આ કેસની સુનાવણી કરતાં કહ્યું કે ગંભીર એકમાત્ર એવા આરોપી છે જે બ્રાન્ડ એમ્બેસેડર તરીકે રોકાણકારો સાથે સીધો સંપર્ક ધરાવે છે.

આ સિવાય ચાર્જશીટમાં એ સ્પષ્ટ કરવામાં આવ્યું નથી કે છેતરપિંડીની રકમનો કોઈ ભાગ ગંભીરના હાથમાં આવ્યો કે નહીં. આમ છતાં તેને નિર્દોષ જાહેર કરવામાં આવ્યો હતો. આ કારણે તેઓએ નીચલી કોર્ટના અગાઉના નિર્ણયને પલટી નાખ્યો અને ટીમ ઈન્ડિયાના મુખ્ય કોચને ફરીથી આરોપી બનાવ્યા. તેણે પોતાના નિર્ણયમાં કહ્યું છે કે નીચલી કોર્ટના નિર્ણયમાં રૂદ્ર બિલ્ડવેલ રિયલ્ટી પ્રાઈવેટ લિમિટેડને 6 કરોડ રૂપિયા આપવા અને કંપની પાસેથી 4.85 કરોડ રૂપિયા લેવાનો કોઈ ઉલ્લેખ નથી.

આ પણ વાંચો :-

પીએમ મોદી ગુજરાતમાં કચ્છ બોર્ડર પર સેનાના જવાનો સાથે દિવાળી મનાવશે

News Editor
-
0

ગુજરાતના કચ્છમાં વડાપ્રધાન નરેન્દ્ર મોદી કચ્છ જિલ્લાના ભૂજ પહોંચ્યા છે. તેઓ ભૂજથી નલિયા જશે. નલિયા એરફોર્સ સ્ટેશનથી જવાનો પાસે જશે વડાપ્રધાન નરેન્દ્ર મોદી સેનાના જવાનો સાથે દિવાળીની ખુશીઓના ભાગીદાર બની શકે છે. પીએમ બન્યા બાદ આ પહેલીવાર હશે જ્યારે તેઓ ગુજરાતમાં સૈનિકો સાથે દિવાળીનો તહેવાર ઉજવશે.

EXCLUSIVE: PM Narendra Modi speaks about India's growth potential; says economy will 'deliver unprecedented opportunities' - BusinessToday

આ વખતે પણ વડાપ્રધાન નરેન્દ્ર મોદી ભારતીય સેનાના જવાનો સાથે દિવાળી મનાવશે. પીએમ મોદી કચ્છમાં ભારતીય જવાનો સાથે દિવાળી મનાવશે. આ માટે વડાપ્રધાન નરેન્દ્ર મોદી કેવડિયાથી વડોદરા જવા રવાના થયા છે. તેઓ વડોદરાથી કચ્છના નલિયા એરફોર્સ સ્ટેશન પર ઉતરશે, જ્યાંથી તેઓ સૈનિકો સાથે દિવાળીનો તહેવાર ઉજવવા જશે.

કેવડિયા ખાતે સરદાર સરદાર વલ્લભભાઈ પટેલને પુષ્પાંજલિ અર્પણ કર્યા બાદ વડાપ્રધાન મોદી સીધા કચ્છ જશે, જ્યાં તેઓ સૈનિકો સાથે સમય વિતાવશે અને તેમને દિવાળીની શુભેચ્છા પાઠવશે. તેમની આ મુલાકાતને રાષ્ટ્રીય એકતા અને સૈનિકોના સન્માનના પ્રતીક તરીકે જોવામાં આવી રહી છે. તમને જણાવી દઈએ કે, દિવાળીના અવસર પર પીએમ મોદી આ પહેલા પણ ઘણી વખત સૈનિકો સાથે જોવા મળ્યા છે. પીએમ ગયા વર્ષે (2023) હિમાચલ પ્રદેશ પહોંચ્યા હતા.

Image

રક્ષા મંત્રી રાજનાથસિંહ દિવાળીના તહેવારની ઉજવણી કરવા આજે અરુણાચલ પ્રદેશના તવાંગ પહોંચશે. ત્યાં તેઓ ભારતીય સેનાના જવાનો સાથે દિવાળી મનાવશે. તમને જણાવી દઈએ કે, આ પહેલા કેન્દ્રીય રક્ષા મંત્રી રાજનાથ સિંહ અને આર્મી ચીફ જનરલ ઉપેન્દ્ર દ્વિવેદી બુધવારે સાંજે આસામના તેજપુર પહોંચ્યા હતા. અહીં તેમણે મેઘના સ્ટેડિયમમાં સેનાના જવાનો સાથે દિવાળીની ઉજવણી કરી અને તેમની સાથે ડિનર પણ લીધું હતું.

વડાપ્રધાન નરેન્દ્ર મોદીએ કહ્યું કે ગત 10 વર્ષમાં ભારતે વિવિધતામાં એકતામાં જીવવાના દરેક પ્રયાસમાં સફળતા મેળવી છે. આજે વન નેશન, વન આઇડેંટિટી એટલે કે આધારની ચર્ચા દુનિયાભરમાં થઇ રહી છે. અમે વન નેશન, વન ટેક્સ સિસ્ટમ બનાવી. અમે વન નેશન, વન ગ્રિડની સંકલપના પુરી કરી. અમે આયુષ્માન ભારતના રૂપમાં વન નેશન, વન ઇશ્યોરન્સની સુવિધા દેશને આપી છે. હવે અમે વન નેશન, વન ઇલેક્શન પર કામ કરી રહ્યા છીએ. આ ભારતના લોકતંત્રને મજબૂતી પુરી પાડશે. તેનાથી ભારત વિકાસની નવી ગતિ અને સમૃદ્ધિ પ્રાપ્ત કરશે.

આ પણ વાંચો :-

સાળંગપુર હનુમાનજી મંદિર પરિસરમાં યાત્રિક ભવનનું અમિત શાહના હસ્તે લોકાર્પણ

News Editor
-
0

ગુજરાતના સુપ્રસિદ્ધ યાત્રાધામ સાળંગપુરધામમાં પહેલાં હાઇટેક ભોજનાલય અને પછી કિંગ ઓફ સાળંગપુરની 54 ફૂટ ઊંચી મૂર્તિના નજરાણા બાદ હવે હનુમાનજી મંદિર પરિસરની બાજુમાં 200 કરોડથી વધુના ખર્ચે 1000થી વધુ રૂમવાળું ગોપાળાનંદ સ્વામી યાત્રિક ભવનનું નિર્માણ કરવામાં આવ્યું છે. 20 વિઘામાં પથરાયેલાં પતંગિયા જેવી ડિઝાઈવાળા આ યાત્રિક ભવનમાં એકસાથે 5 હજારથી વધુ લોકો આરામથી રહી શકશે. આ રાજમહેલ જેવી ડિઝાઈનવાળા ગોપાળાનંદ યાત્રિક ભવન ભલભલી હોટલને ટક્કર આપે એવું છે.

ગૃહમંત્રી અમિત શાહે સાળંગપુરમાં ગુજરાતનું પહેલું સૌથી વધુ રૂમવાળું યાત્રિક ભવનનું લોકાર્પણ કર્યું, કહ્યુંઃ અહીં યુગ-યુગ સુધી લોકોને આશરો ...

સાળંગપુર હનુમાનજી મંદિર પરિસરમાં 1100 રૂમનું ગોપાળાનંદ સ્વામી યાત્રિક ભવનનું લોકાર્પણ કરશે. 500 AC અને 300 નોન AC રૂમ, 5 સર્વન્ટ હોલ, 14 સ્ટોર રૂમની વ્યવસ્થા છે. આ ઉપરાંત બિલ્ડિંગમાં 400 AC રૂમ દીઠ ભાડુ 1500 રૂપિયા અને 300 નોન AC રૂમ 600 રૂપિયા છે. આ ઉપરાંત સાળંગપુર હનુમાનજી મંદિરના પરિસરમાં 200 કરોડ થી વધુના ખર્ચે યાત્રિક ભવન તૈયાર કરવામાં આવ્યું છે. બિલ્ડીંગનું 9, 00, 000 સ્ક્વેર ફૂટમાં કન્સ્ટ્રક્શન કરાયું છે. 8 ફ્લોરવાળું અને 108 ફૂટ ઊંચુ આ બિલ્ડીંગ 340 કોલમ પર ઊભું કરાયું છે.

આખા ભવનમાં કુલ 18 લિફ્ટ જેમાં 10 હાઈસ્પીડ લિફ્ટ, 4 એલિવેટર અને 2 મીટરના 6 દાદરા હશે. દરેક ફ્લોર પર અલગ-અલગ સાઇઝના કુલ 96 રૂમ હશે. આ ઉપરાંત સર્વન્ટ રૂમ સહિત 40 સ્યૂટ બનાવાશે. દરેક ફ્લોર પર વેઇટિંગ એરિયા હશે, જેમાં એકસાથે 100થી વધુ લોકો સામાન સાથે બેસી શકશે. એટલુ જ નહીં એકસાથે 2500 કાર, 1000 ટુ-વ્હીલર અને 50 બસનું વિશાળ પાર્કિંગ તેમજ બે હેલિપેડની પણ સુવિધા. મશીન દ્વારા સતત સફાઈ તેમજ લોન્ડ્રીની પણ સુવિધા.

આ પણ વાંચો :-

જોધપુરમાં મહિલાની લાશના ટુકડા કરી પ્લાસ્ટિકની થેલીમાં બાંધી જમીનમાં દાટી દીધી

News Editor
-
0

જોધપુરમાં પોલીસે 50 વર્ષની મહિલા અનિતાની હત્યા કરીને તેના બંને હાથ, પગ અને ગરદન કાપીને કોથળામાં ભરીને જમીનમાં દાટી દેવાના મામલામાં ચોંકાવનારો ઘટસ્ફોટ કર્યો છે. મહિલાની હત્યા પ્લાનિંગ સાથે કરવામાં આવી હતી. હત્યા પહેલાં જેસીબીથી ઘરની બહાર ખાડો ખોદવામાં આવ્યો હતો. પોલીસે બોરાનાડા વિસ્તારના ગંગાના નિવાસી આરોપી ગુલામુદ્દીન (42)ની પત્નીની અટકાયત કરી છે.

ગુલામુદ્દીનની પત્નીના કહેવા પર પોલીસે અનિતાના મૃતદેહના ટુકડા તેના ઘરની સામેના ખાડામાંથી મેળવ્યા હતા. ગુલામુદ્દીને 3 દિવસ પહેલાં આ ખાડો ખોદ્યો હતો. હત્યા બાદ અનિતાના મૃતદેહના ટુકડા કરી બોરીમાં ભરીને એ જ ખાડામાં દાટી દીધા હતા.

સરદારપુર વિસ્તારમાં રહેતી અનિતા ચૌધરી બ્યુટી પાર્લર ચલાવતી હતી. 27 ઓક્ટોબરે તેના પરિવારજનોએ સરદારપુરા પોલીસ સ્ટેશનમાં ગુમ થયાની ફરિયાદ નોંધાવી હતી. જ્યારે પોલીસે મહિલાની શોધખોળ શરૂ કરી ત્યારે તે સીસીટીવી ફૂટેજમાં ટેક્સીમાં જતી જોવા મળી હતી. ત્યારબાદ નંબરોના આધારે ટેક્સી ડ્રાઈવરને પૂછપરછ માટે બોલાવવામાં આવ્યો હતો. ટેક્સી ડ્રાઈવરે જણાવ્યું કે તેણે મહિલાને ગંગાના વિસ્તારમાં ઉતારી હતી. પોલીસના ધ્યાનમાં આવ્યું કે ટેક્સી ડ્રાઈવર તેને જે ઘરમાં લઈ ગયો તે ગુલામુદ્દીનનું ઘર હતું, જે મહિલાની બ્યુટી પાર્લરની દુકાન પાસે જ દુકાન ચલાવતો હતો. ગુલામુદ્દીન ઘરે ન મળતાં પોલીસને શંકા ગઈ હતી.

ગુલામુદ્દીન અનિતાને બહેન માનતો હતો મનમોહને જણાવ્યું હતું કે સરદારપુરા બી રોડ પર ગુલામુદ્દીનની દુકાન અને તેની પત્નીનું બ્યૂટિપાર્લર સામે જ આવેલી છે. તેઓ લગભગ 25 વર્ષથી દુકાન ચલાવે છે. ગુલામુદ્દીન અનિતાને પોતાની બહેન માનતો હતો અને તેને બહેન કહીને બોલાવતો હતો. પતિએ આ મામલે અનિતાને વિશ્વાસમાં લઈને તેની હત્યા કરી હોવાની આશંકા વ્યક્ત કરી છે.

આ પણ વાંચો :-

1...606607608...1,473Page 607 of 1,473