Home Blog Page 602

મહિલાઓનું માપ પુરુષ ટેલર નહીં લઈ શકે, મહિલા આયોગે લગાવ્યો પ્રતિબંધ

News Editor
-
0

ઉત્તર પ્રદેશ રાજ્ય મહિલા આયોગે સાર્વજનિક સ્થાન પર મહિલાઓની સુરક્ષા માટે નવા દિશા-નિર્દેશ રજૂ કર્યાં છે. આયોગ પુરૂષ દરજીઓને મહિલાઓનું માપ લેવા પર રોક લગાવવા વિચાર કરી રહ્યું છે. યુપી પેનલે પ્રસ્તાવ રજૂ કર્યો છે કે, કોઈપણ પુરૂષ પોલીસ દરજી મહિલાઓનું માપ નહીં લઈ શકે. આ સાથે જ મહિલાની સુરક્ષાને ધ્યાને લેતા મહિલા આયોગે કહ્યું કે, જીમ અને યોગા સેન્ટરમાં પણ મહિલા ટ્રેનર હોવી જોઈએ. જીમ અને યોગા સેન્ટરમાં ડીવીઆર સહિત સીસીટીવ કેમેરા અનિવાર્ય કરવામાં આવે. સ્કૂલ બસમાં મહિલા સુરક્ષાકર્મી અથવા મહિલા શિક્ષિકા હોવી જોઈએ.

માહિતી આપતાં યુપી મહિલા આયોગના અધ્યક્ષ બબીતા ​​ચૌહાણે કહ્યું કે, છોકરીઓના ડ્રેસ અપ માટે પાર્લરમાં એક મહિલા હોવી જોઈએ. મહિલાઓ માટે ખાસ કપડાં વેચતા સ્ટોર્સમાં પણ મહિલાઓ હોવી જોઈએ. આ સિવાય કોચિંગ સેન્ટરો પર સીસીટીવી દ્વારા નજર રાખવી જોઈએ. આ માટે 28 ઓક્ટોબરે એક બેઠક બોલાવવામાં આવી હતી, બેઠકમાં આ સંબંધિત નિર્ણય લેવામાં આવ્યો હતો. હવે પંચે તમામ જિલ્લાના ડીએમ, કમિશનર અને એસપીને આદેશનો અમલ કરવા જણાવ્યું છે.

આદેશ અંગે મહિલા આયોગના અધ્યક્ષે કહ્યું કે તાજેતરમાં કાનપુરમાં એક ઘટના બની હતી, જેમાં એક જિમ ટ્રેનરે એક મહિલાની હત્યા કરી હતી. આવા કિસ્સાઓ પણ પ્રકાશમાં આવ્યા છે જેમાં છૂટાછેડાની વાત સામે આવી છે. જીમમાં મહિલા ટ્રેનર હશે તો મહિલાઓને રોજગાર પણ મળશે. તેમણે વધુમાં કહ્યું કે પુરૂષ દરજીઓ તેમના કપડા માપતી વખતે મહિલાઓને સ્પર્શ કરે છે. મહિલા આયોગને આવી ફરિયાદો મળતી રહી છે. તેને ધ્યાનમાં રાખીને આ નિર્ણય લેવામાં આવ્યો છે.

આ પણ વાંચો :-

ગુજરાતમાં 11 નવેમ્બરથી ટેકાના ભાવે મગફળીની ખરીદી શરૂ થશે

News Editor
-
0

રાજ્યભરમાં 11 નવેમ્બરથી ટેકાના ભાવે મગફળીની ખરીદી શરૂ થશે. મુખ્યપ્રધાન ભૂપેન્દ્ર પટેલ હિંમતનગરથી ખરીદીનો શુભારંભ કરાવશે. 160થી વધુ ખરીદ કેન્દ્રો પર ટેકાના ભાવે મગફળીની ખરીદી કરાશે. વેચાણ માટે 3 લાખ 33 હજારથી વધુ ખેડૂતોએ નોંધણી કરાવી. ઓનલાઇન નોંધણી માટે 10 નવેમ્બર છેલ્લો દિવસ છે.

Bhupendra Patel To Be Gujarat CM Again | Pragativadi | Odisha News, Breaking News Odisha, Latest Odisha News

કૃષિ મંત્રી રાઘવજીભાઈએ વધુ વિગતો આપતા જણાવ્યું હતું કે, સાબરકાંઠાના હિંમતનગર ખાતેથી મુખ્યમંત્રી ભૂપેન્દ્રભાઈ પટેલ આગામી તા.11 નવેમ્બરના રોજ એકસાથે રાજ્યભરના 160થી વધુ ખરીદ કેન્દ્રો ખાતે મગફળીની ટેકાના ભાવે ખરીદીનો શુભારંભ કરાવશે. ટેકાના ભાવે મગફળીનું વેચાણ કરવા માટે અત્યાર સુધીમાં રાજ્યના કુલ 3,33,000થી વધુ ખેડૂતોએ ઓનલાઈન નોંધણી કરાવી છે. નોંધણી કરાવેલા તમામ ખેડૂતો પાસેથી રૂ.1,34660 પ્રતિ મણના ભાવે પૂરતા પ્રમાણમાં મગફળીની ખરીદી કરવામાં આવશે.

મંત્રી રાઘવજી પટેલે કહ્યું હતું કે, ભારત સરકારની તાજેતરની જાહેરાત મુજબ એક દિવસમાં એક ખેડૂત પાસેથી વિસ્તાર આધારિત મહત્તમ 4,000 કિ.ગ્રા એટલે કે, 200 મણ મગફળીની ખરીદી કરવામાં આવશે. ખેડૂતોની લાગણી અને માંગણીને ધ્યાને રાખીને રાજ્ય સરકાર દ્વારા ટેકાના ભાવે વેચાણ માટે નોંધણીની તારીખ લંબાવવામાં આવી છે.

આ પણ વાંચો :-

અલીગઢ મુસ્લિમ યુનિવર્સિટીનો લઘુમતી દરજ્જો યથાવત રહેશે, સુપ્રીમ કોર્ટનો નિર્ણય

News Editor
-
0

સુપ્રીમ કોર્ટની સાત જજોની બંધારણીય બેંચે અલીગઢ મુસ્લિમ યુનિવર્સિટીના લઘુમતી દરજ્જાને પુનઃસ્થાપિત કરવાની માંગ કરતી અરજીઓ પર ઐતિહાસિક ચુકાદો આપ્યો છે. અલીગઢ મુસ્લિમ યુનિવર્સિટીને લઘુમતીનો દરજ્જો મળ્યો છે. સુપ્રીમ કોર્ટે કહ્યું છે કે AMUનો લઘુમતી દરજ્જો યથાવત રહેશે.

સાત જજોની બેન્ચે 4-3 થી ચુકાદો આપ્યો હતો કે અલીગઢ મુસ્લિમ યુનિવર્સિટી એક લઘુમતી સંસ્થાન જ ગણાશે. આ સાથે આ ઐતિહાસિક ચુકાદામાં સીજેઆઈના નેતૃત્વ હેઠળની બેન્ચે કહ્યું કે લઘુમતી સંસ્થાનોના નવા માપદંડ નક્કી કરાશે અને તેની જવાબદારી ત્રણ જજોની બેન્ચને સોંપવામાં આવી છે.

આ મામલે સીજેઆઈ સહિત ચાર જજોએ એકમત થઈને ચુકાદો આપ્યો હતો. જોકે અન્ય ત્રણ જજોએ ડિસન્ટ નોટ આપી હતી. સીજેઆઈ અને જસ્ટિસ પારડીવાલા એકમત દેખાયા હતા. જ્યારે જસ્ટિસ સૂર્યકાંત, જસ્ટિસ દીપાંકર દત્તા અને જસ્ટિસ સતીશ ચંદ્ર શર્માનો ચુકાદો અલગ રહ્યો હતો. કોર્ટે તેના ચુકાદામાં AMU એક લઘુમતી સંસ્થાન છે. આ સાથે 1967 નો ચુકાદો ફગાવી દીધો હતો.

આ મામલે CJI ચંદ્રચૂડે ચુકાદો આપતાં જણાવ્યું કે, આ મામલે ચુકાદો આપતાં પહેલાં અમારી સમક્ષ અનેક પ્રશ્નો હતા કે, કોઈપણ શૈક્ષણિક સંસ્થાને લઘુમતી સંસ્થા તરીકે સ્વીકાર કરવાનો તર્ક શું છે? આ યુનિવર્સિટીની સ્થાપના ધાર્મિક અને ભાષાકીય જ્ઞાન હેતુસર લઘુમતી વર્ગ દ્વારા કરવામાં આવી હોવાથી તેને લઘુમતી સંસ્થા તરીકે સ્વીકારવી યોગ્ય છે. તેનું સંચાલન લઘુમતી વર્ગ દ્વારા થઈ રહ્યું છે. ઉલ્લેખનીય છે, બંધારણની કલમ 30 હેઠળ કોઈપણ ધાર્મિક સમુદાય સંસ્થા સ્થાપિત કરવાનો અધિકાર ધરાવે છે. જેથી આ સંસ્થાને લઘુમતી કોમનો દરજ્જો ન આપવાથી આ કલમનું ઉલ્લંઘન થશે. આ કલમ હેઠળ કોઈપણ લઘુમતી કોમને પોતાના દ્વારા સ્થાપિત શૈક્ષણિક સંસ્થાઓમાં પોતાની જ કોમના લોકોને પ્રાધાન્ય આપવાનો હક છે.

AMUના લઘુમતી દરજ્જા અંગેનો વિવાદ 1965માં શરૂ થયો હતો. તત્કાલિન કેન્દ્ર સરકારે 20 મે 1965ના રોજ AMU એક્ટમાં સુધારો કરીને સ્વાયત્તતા ખતમ કરી દીધી હતી. જેને અઝીઝ બાશાએ 1968માં સુપ્રીમ કોર્ટમાં પડકાર્યો હતો. ત્યારે પાંચ જજોની બેન્ચે ચુકાદો આપ્યો કે AMU લઘુમતી સંસ્થા નથી. તેમાં ખાસ વાત એ હતી કે AMUને પક્ષકાર બનાવવામાં આવી નહોતી. 1972માં ઈન્દિરા ગાંધી સરકારે પણ સ્વીકાર્યું હતું કે AMU લઘુમતી સંસ્થા નથી. યુનિવર્સિટીમાં પણ આનો વિરોધ થયો હતો. પાછળથી ઈન્દિરા ગાંધી સરકારે 1981માં AMU એક્ટમાં ફેરફારો કર્યા અને યુનિવર્સિટીને લઘુમતી સંસ્થા તરીકે જાહેર કરી. પછી 2006માં, AMUની JN મેડિકલ કોલેજમાં મુસ્લિમો માટે 50 ટકા MD, MS સીટો અનામત રાખવાના વિરોધમાં હિંદુ વિદ્યાર્થીઓ અલ્હાબાદ હાઈકોર્ટમાં પહોંચ્યા હતા. હાઈકોર્ટે ચુકાદો આપ્યો કે AMU લઘુમતી સંસ્થા ન હોઈ શકે. આ નિર્ણયના વિરોધમાં AMU સુપ્રીમ કોર્ટમાં ગઈ હતી. ત્યારથી આ કેસ વિચારણા હેઠળ છે.

આ પણ વાંચો :-

સલમાન ખાનને ફરીથી લોરેન્સ બિશ્નોઈ ગેંગ તરફથી ધમકી મળી

News Editor
-
0

અભિનેતા સલમાન ખાન ઘણા સમયથી ચર્ચામાં છે. બાબા સિદ્દીકીની હત્યા બાદ તેને લોરેન્સ બિશ્નોઈ ગેંગ તરફથી ઘણી વખત ધમકીઓ મળી ચુકી છે અને હવે ફરી એકવાર મુંબઈના ટ્રાફિક કંટ્રોલ રૂમમાં સલમાન માટે ધમકીભર્યો મેસેજ આવ્યો છે. કહેવામાં આવી રહ્યું છે કે ગઈકાલે રાત્રે મુંબઈ ટ્રાફિક કંટ્રોલ રૂમમાં એક મેસેજ આવ્યો હતો, જેના પછી પોલીસે હવે આ મામલે કેસ નોંધીને તપાસ શરૂ કરી છે.

Lawrence Bishnoi Gangster after Salman Khan 26 years enmity

ધમકીમાં લખ્યું છે – ‘એક મહિનાની અંદર ગીત લખનારને મારી નાખવામાં આવશે, ગીત લખનારની હાલત એવી થઈ જશે કે તે પોતાના નામે ગીતો લખી શકશે નહીં. જો સલમાનમાં હિંમત હોય તો તેને બચાવી લે. આ મામલે મુંબઈની વરલી પોલીસે અજાણ્યા વ્યક્તિ વિરુદ્ધ કેસ નોંધ્યો છે. પોલીસ તે નંબરને શોધવામાં વ્યસ્ત છે જ્યાંથી ધમકી આવી હતી. જો કે, આ કયું ગીત છે અને કોણે લખ્યું છે… ધમકીભર્યા મેસેજમાં આ માહિતી આપવામાં આવી નથી.

ધમકીઓ વચ્ચે, અભિનેતા તેની ફિલ્મ સિકંદરના શૂટિંગમાં વ્યસ્ત છે. તે હૈદરાબાદમાં શૂટિંગ કરી રહ્યો છે. આ કારણે સલમાન ખાન બિગ બોસના આગામી ‘વીકેન્ડ કા વાર’નું શૂટ પણ ચૂકી ગયો છે. તેની જગ્યાએ એકતા કપૂર અને રોહિત શેટ્ટી આ શોને હોસ્ટ કરશે. શોના પ્રોમો પણ સામે આવ્યા છે. આ પહેલા પણ ઘણા સેલેબ્સ સલમાનની ગેરહાજરીમાં રિયાલિટી શો હોસ્ટ કરી ચૂક્યા છે. સલમાન ખાને ધમકીઓ છતાં પોતાના કામ સાથે કોઈ બાંધછોડ ન કરવાનો નિર્ણય લીધો છે. તે કડક સુરક્ષા વચ્ચે ફિલ્મો અને ‘બિગ બોસ’નું શૂટિંગ કરી રહ્યો છે.

આ પણ વાંચો :-

જમ્મુ-કાશ્મીરમાં આતંકવાદીઓએ બે VDG જવાનોની અપહરણ બાદ કરી હત્યા

News Editor
-
0

જમ્મુ-કાશ્મીરના સોપોર વિસ્તારમાં છુપાયેલા આતંકવાદીઓ અને સુરક્ષાદળો વચ્ચે ગુરુવારે ગોળીબાર શરૂ થયો હતો. મોડીરાતથી ચાલી રહેલી અથડામણમાં સેનાએ બે આતંકીઓને ઠાર માર્યા છે. અધિકારીઓએ જણાવ્યું છે કે, “સોપોરના સાગીપોરા વિસ્તારમાં આતંકવાદીઓનું એક ગ્રુપ છુપાયું હોવાની ચોક્કસ બાતમી મળ્યા બાદ સંયુક્ત ઓપરેશન શરૂ કરવામાં આવ્યું હતું.” આ પહેલા બુધવારે બાંદીપોરા અને કુપવાડામાં પણ સેનાએ આતંકીઓનો સામનો કર્યો હતો. કુપવાડાના લોલાબમાં થયેલી અથડામણમાં એક આતંકી માર્યો ગયો હતો. સેનાએ બાંદીપોરામાં પણ એક આતંકીને ઠાર માર્યો હતો.

જમ્મુ કાશ્મીર: LOC પાસે સેનાના વાહન પર મોટો આતંકી હુમલો | chitralekha

આતંકવાદીઓ ફરી એકવાર ઘાટીમાં પોતાનો પગપેસારો કરવાનો પ્રયાસ કરી રહ્યા છે. આતંકવાદીઓએ બે VDG સભ્યોની હત્યા કરી હતી. કહેવામાં આવી રહ્યું છે કે આતંકીઓએ પહેલા તેમની આંખ પર પટ્ટી બાંધી અને પછી ગોળી મારી દીધી. મૃતકોની ઓળખ નઝીર અહેમદ અને કુલદીપ કુમાર તરીકે થઈ છે.

મળી રહેલી માહિતી અનુસાર, જ્યારે નઝીર અહેમદ અને કુલદીપ કુમાર ઘરે પરત ન ફર્યા તો પરિવારે પોલીસને જાણ કરી. આ પછી પોલીસ ટીમે બંને લોકોની શોધ શરૂ કરી. ઘણી શોધખોળ બાદ સુરક્ષાદળોને જંગલમાંથી બંનેના મૃતદેહ મળ્યા. આ ઘટના બાદ સુરક્ષાદળોએ સમગ્ર વિસ્તારને ઘેરી લીધો છે અને આતંકીઓને શોધી રહ્યા છે.

આ હત્યાની જવાબદારી આતંકવાદી સંગઠન કાશ્મીર ટાઈગર્સે લીધી હતી. કહેવામાં આવી રહ્યું છે કે જ્યાં બંને VDG પશુઓ ચરાવી રહ્યા હતા, ત્યાં આતંકવાદીઓ પહોંચ્યા અને બંનેનું અપહરણ કરી લીધું. આ પછી તેઓ બંનેની આંખો પર પટ્ટી બાંધીને જંગલમાં લઈ ગયા અને પછી ગોળી મારી દીધી. આ ઘટનામાં બે-ત્રણ આતંકીઓ સામેલ હોવાના સમાચાર છે.

આ પણ વાંચો :-

સુરતના અલથાણ વિસ્તારમાં કાર ચાલકે 2 વર્ષના માસૂમને કચડ્યો

News Editor
-
0

સુરતના અલથાણ વિસ્તારમાં કમકમાટી ભર્યો અકસ્માત સર્જાયો. સુધર્મભવન SMC આવાસ રહેતા કાર ચાલકે પૂર ઝડપે આવી બે વર્ષના માસૂમને અડફેટે લીધો. અકસ્માતમાં પ્રિત ભટ્ટ નામના બાળકને માથાના ભાગે ગંભીર ઈજા થતાં ઘટનાસ્થળે જ મોત નિપજ્યું. અકસ્માત સર્જી કાર ચાલક સ્થળ પર કાર છોડી ફરાર થઈ ગયો હતો. તો ઘટનાની જાણ થતાં પોલીસ ઘટનાસ્થળે દોડી આવી હતી. સ્થળ પર પહોંચેલ પોલીસને હાજર મહિલાઓએ ઘેરી લીધી હતી. હાલ તો પોલીસે કાર ચાલક વિરુદ્ધ ગુનો દાખલ કરી આગળની કાર્યવાહી હાથ ધરી.

A middle-aged man who was injured in an accident near B-7 circle eventually died | અકસ્માત: ખ-7 સર્કલ પાસે અકસ્માતમાં ઘવાયેલા આધેડનું આખરે મોત - Gandhinagar News | Divya Bhaskar

મળતી વિગતો મુજબ રાજસ્થાનના નાગોર જિલ્લાના વતની સૂરજ અમિચંદ ભટ્ટ પરિવાર સાથે સુધર્મભવન એસએમસી આવાસમાં રહે છે. સૂરજ અમિચંદ ભટ્ટનો બે વર્ષનો દીકરો પ્રીત ભટ્ટ ગત સવા પાંચ વાગ્યાના સમયગાળા દરમિયાન એસએમસી આવાસની બી બિલ્ડિંગની સામે તથા આંગણવાડીની બાજુમાં રમતો હતો. બાળકનું ધ્યાન માત્ર ને માત્ર તેની મસ્તીમાં હતું.

બાળક રમતું હતું આ દરમિયાન કારનો ચાલક મુકેશ દેવીદાસ પેંધારકર કાર લઈને પસાર થયો હતો. ફૂલ સ્પીડમાં તે કાર લઈને આવાસમાંથી પસાર થયો હતો. આ દરમિયાન આંગણવાડી પાસે રમતા પ્રીત ભટ્ટને અડફેટે લીધો હતો. આ અકસ્માતમાં બાળકના માથા પર કારનું ટાયર ફરી વળ્યું હતું. માથું ચગદાઈ જતાં ઘટનાસ્થળે જ મોત નીપજ્યું હતું. આ ઘટના બાદ ચાલક કાર મૂકીને ઘટનાસ્થળેથી ફરાર થઈ ગયો હતો.

આ પણ વાંચો :-

ગાંધીનગરમાં ઝીકા વાયરસનો એક પોઝિટિવ કેસ, આરોગ્ય વિભાગ સતર્ક

News Editor
-
0

ગાંધીનગરમાં એક વ્યક્તિમાં ઝીકા વાયરસના લક્ષણો દેખાતા તેમનું સેમ્પલ પૂણેની લેબમાં મોકલવામાં આવ્યું હતું. આ સેમ્પલ રિપોર્ટ પોઝિટિવ આવતા આરોગ્ય વિભાગ દોડતું થઈ ગયું છે. ઝિકા વાયરસનો કેસ નોંધાતા ગાંધીનગર મનપાનું આરોગ્ય વિભાગ એલર્ટ થયું છે. જે વિસ્તારમાં કેસ નોંધાયો છે ત્યાં સઘન ચેકિંગ હાથ ધર્યું છે. એડિસ મચ્છરથી ઝીકા વાયરસ ફેલાતો હોય છે. ગુજરાતમાં અત્યાર સુધીમાં 5 ઝીકા વાયરસના કેસ નોંધાયા છે.

Zika virus case detected in Gujarat, patient discharged after treatment

સેમ્પલ પોઝિટિવ આવતા સ્થાનિક તંત્ર જ નહીં પરંતુ રાજ્યનું આરોગ્ય વિભાગ દોડતું થઇ ગયું છે. જો કે, હાલ આ પોઝિટિવ વૃદ્ધની તબીયત સુધારા ઉપર અને સ્ટેબલ હોવાનો તંત્ર દ્વારા દાવો કરવામાં આવ્યો છે. મચ્છરથી ફેલાતા ઝીકા વાયરસનો કેસ ગાંધીનગર શહેરમાંથી મળી આવ્યો છે. તકેદારીના ભાગરૂપે પોઝિટિવ દર્દીના ઘરે તેમજ આસપાસના વિસ્તારમાં ફોગીંગ સહિત એન્ટી લારવાની કામગીરી સતત કરવામાં આવી રહી છે.

ઝિકા વાયરસ સંક્રમિત એડીસ મચ્છરના કરડવાથી ફેલાય છે અને વરસાદ દરમિયાન તેનું જોખમ વધી જાય છે. ડેન્ગ્યુ અને ચિકનગુનિયાની જેમ ઝિકા પણ વાયરલ ચેપ છે. જ્યારે આનો ચેપ લાગે છે, ત્યારે લોકોને તાવ, માથાનો દુઃખાવો, સાંધામાં દુઃખાવો, સ્નાયુઓમાં દુઃખાવો, લાલ આંખો અને ત્વચા પર ફોલ્લીઓ જેવા લક્ષણો દેખાય છે. ઝિકા વાયરસ મચ્છર કરડવાના 2 થી 7 દિવસમાં ચેપનું કારણ બને છે અને ઘણા કિસ્સાઓમાં તેના લક્ષણો દેખાતા નથી. તેથી ચેકઅપ જરૂરી છે. ડોકટરોના મતે ઝિકા એ સગર્ભા સ્ત્રીઓને સૌથી વધુ નુકસાન પહોંચાડી શકે છે. આથી સાવધાની રાખવી ખુબ જ જરૂરી છે. લક્ષણો દેખાય કે તરત જ રિપોર્ટ કરાવવો જોઈએ.

આ પણ વાંચો :-

વાપીના રિકટર થેમિસ કંપનીના રિસર્ચ સેન્ટરમાં લાગી આગ

News Editor
-
0

વાપીના ખાનગી કંપનીમાં આગ લાગતા નાસભાગ મચી છે. નેશનલ હાઈવે નજીક આવેલી થેમિસ કંપનીમાં આગ લાગી હતી. આગને કારણે સમગ્ર વિસ્તારમાં દોડધામ મચી. આગને કારણે આસપાસના વિસ્તારમાં ધુમાડો ફેલાયો છે. ફાયર બ્રિગેડની ગાડીઓ દ્વારા આગ ઓલવવાના પ્રયાસ કર્યો. હજુ સુધી કોઈ ઈજા કે જાનહાનીના અહેવાલ નહીં.

Valsad : વાપીની એક ખાનગી કંપનીમાં લાગી ભીષણ આગ, આસપાસના વિસ્તારમાં અફરાતફરીનો માહોલ, જુઓ Video

વલસાડ જિલ્લાના વાપી GIDCના જે ટાઈપ વિસ્તારમાં આવેલ રિક્ટર થેમિસ કંપનીના રિસર્ચ સેન્ટરમાં આગ લાગવાની ઘટના બનવા પામી હતી.ઘટનાને પગલે વિસ્તારમાં દોડધામ મચી ગઈ હતી.સમગ્ર મામલે આગ વધુ પ્રસરતા ફાયર વિભાગને જાણ કરવામાં આવી હતી.અને ઘટના સ્થળ પર ફાયર બ્રિગેડના લાશ્કરો 4 જેટલા ફાયર ટેન્ડરો સાથે પહોંચીને આગને કાબુમાં લેવાના પ્રયાસો હાથ ધર્યા હતા.

ઘટનાની ગંભીરતા પારખીને જિલ્લા પોલીસ અધિક્ષક સહિતનો પોલીસનો કાફલો અને ઉચ્ચ અધિકારીઓ ઘટના સ્થળ પર પહોંચ્યા હતા. મામલતદાર વાપી દ્વારા પણ કંપની પર પહોંચીને નિરીક્ષણ કર્યું હતું.ઘટનામાં ત્રણ લોકો ઘાયલ થયા હતા.અને સારવાર અર્થે ખાનગી હોસ્પિટલમાં ખસેડવામાં આવ્યા હતા. ફાયર વિભાગ દ્વારા આગ પર કાબૂ મેળવવાના પ્રયાસો હાથ ધરવામાં આવ્યા હતા.

આ પણ વાંચો :-

ટ્રુકોલર એપની ઓફિસ પર ઈનકમ ટેક્સના દરોડા, જાણો શું છે મામલો

News Editor
-
0

ટ્રુકોલર એપની ઓફિસ પર ઈનકમ ટેક્સ ડિપાર્ટમેન્ટ તરફથી દરોડા પાડવામાં આવ્યા છે. ઈનકમ ટેક્સ ડિપાર્ટમેન્ટ તરફથી ટ્રુકોલર ઓફિસ અને તેના સંબંધિત કેમ્પસમાં શોધખોળ કરવામાં આવી. કંપની પર ટ્રાન્સફર પ્રાઈસિંગ નિયમના ઉલ્લંઘનનો આરોપ છે, જે માટે ઈનકમ ટેક્સ એજન્સીઓ તપાસ કરી રહી છે.

15 Amazing Truecaller Features You Should Start Using Right Now

સ્વીડન બેઝ્ડ ટ્રુકોલર ભારત સહિત ઘણા દેશોમાં ખૂબ પોપ્યુલર છે. આ એપ તમને તે કોલરનું નામ જણાવતી હતી, જેનો નંબર તમારી કોન્ટેક્ટ બુકમાં સેવ ન હોય. ઉદાહરણ તરીકે જો કોઈ અજાણ્યા નંબરથી કોલ આવી રહ્યો છે તો ટ્રુ કોલર એપ તે શખ્સનું નામ મોબાઈલ સ્ક્રીન પર બતાવે છે. તે બાદ તમે તે કોલને ઉઠાવવો કે ન ઉઠાવવાનો નિર્ણય લઈ શકો છો.

સ્વિડિશ એપ ટ્રુકોલરની શરૂઆત એલન મામેદી, નામી ઝરિંગહાલમે વર્ષ 2009માં કરી હતી. હવે તે ડેઈલી ઓપરેશનથી હટવા જઈ રહ્યાં છે અને જાન્યુઆરી સુધી પોતાનું પદ છોડી દેશે. હવે તેમનું સ્થાન ઝુનઝુનવાલા તેમનું સ્થાન સંભાળશે. રિશિત ઝુનઝુનવાલા પહેલેથી જ ટ્રુકોલર એપમાં પ્રોડક્ટ ચીફ છે.

આ પણ વાંચો :-

સુરતથી વંદે મેટ્રો દોડાવવા તૈયારી, મુંબઈ-અમદાવાદ વચ્ચે 130ની ઝડપે સફળ ટ્રાયલ

News Editor
-
0

અમદાવાદ અને મુંબઈ વચ્ચે વંદે મેટ્રો ટ્રેનનો પ્રથમ ટ્રાયલ રન તા.4 નવેમ્બરના રોજ પૂર્ણ થયો હતો. આ એક ઐતિહાસિક પ્રસંગ હતો અને તેમાં આ ટ્રેન 130 કિમી/કલાકની ઝડપે દોડતી હતી. વંદે ભારતની રચનાથી પ્રેરિત આ ટ્રેન તા.4 નવેમ્બર (સોમવાર) સવારે અમદાવાદથી સુરત થઈને મુંબઈ પહોંચી હતી. ટ્રાયલ રન દરમિયાન, રેલવેના રિસર્ચ ડિઝાઇન એન્ડ સ્ટાન્ડર્ડ્સ ઓર્ગેનાઇઝેશનના નિષ્ણાતોએ ટ્રેનની કામગીરી પર નજર રાખી, કંપન અને આંચકો જેવા મહત્વપૂર્ણ પરિબળોનું મૂલ્યાંકન કર્યું.

Vande Bharat Express - Wikipedia

આ ટ્રેન કુલ 1150 એર્ગોનોમિક ડિઝાઇન બેઠકો સાથે 12 કોચથી સજ્જ છે. મુસાફરોને સંપૂર્ણ વાતાનુકૂલિત કોચ, સીસીટીવી સર્વેલન્સ, ટોક-બેક સિસ્ટમ, પેસેન્જર ઇન્ફર્મેશન ડિસ્પ્લે, ફાયર ડિટેક્શન સિસ્ટમ અને શૌચાલયમાં વેક્યૂમ ટેકનોલોજી જેવી આધુનિક સુવિધાઓ મળશે. આ ટ્રેનની વિશેષતા એ છે કે તેમાં ઝડપી ગતિએ ફરવાની અને ધીમું કરવાની ક્ષમતા છે, જેથી મધ્યમ અંતરના શહેરો વચ્ચેની મુસાફરી ઝડપી થઈ શકે. જોકે અંતિમ માર્ગો પર વિચારણા ચાલી રહી છે, તેમ છતાં મુંબઈ અને સુરત વચ્ચે જોડાણની ચર્ચા ચાલી રહી છે. આ ટ્રેનની મહત્તમ ઝડપ 130 કિમી/કલાક છે, જે મુખ્ય પ્રવાહની ઇલેક્ટ્રિક મલ્ટિપલ યુનિટ ટ્રેનો કરતા વધુ ઝડપી છે.

પશ્ચિમ રેલવેના સીપીઆરઓ વિનીત અભિષેકે કહ્યું, કે “અમે અમદાવાદ અને મુંબઈ વચ્ચે વંદે મેટ્રો ટ્રેનનો ટ્રાયલ રન સફળ રહ્યો છે. પરીક્ષણ 130 કિમી પ્રતિ કલાકની ઝડપે કરવામાં આવ્યું હતું. આ પહેલા અમે અમદાવાદ અને ભુજ વચ્ચે વંદે મેટ્રો ટ્રેન ચલાવી રહ્યા છીએ. જે મુસાફરોને લઈ 110 કિમી પ્રતિ કલાકની ઝડપે દોડે છે. આ વંદે મેટ્રો ટ્રેનોનો બીજો સેટ છે જેનું અમે અમદાવાદ અને મુંબઈ વચ્ચે સફળતાપૂર્વક પરીક્ષણ કર્યું છે. તેનો માર્ગ શું હશે તે બોર્ડ દ્વારા નક્કી કરવામાં આવશે. હાલમાં તે માત્ર ટ્રાયલ રન છે.

આ પણ વાંચો :-

1...601602603...1,472Page 602 of 1,472