Home Blog Page 588

ગાંધીનગરમાં જુના સચિવાલયમાં લાગી આગ, અનેક દસ્તાવેજો સહિત કોમ્પ્યુટર બળીને ખાખ

News Editor
-
0

ગાંધીનગરમાં જૂના સચિવાલયના બ્લોક નઉમ્બર 1માં આગ લાગી હોવાની ઘટના સામે આવી છે. બ્લોક નઉમ્બર 1માં રોજગાર તાલીમ કેન્દ્ર કચેરી આગની ઝપેટમાં આવી હોવાનું સામે આવ્યું છે.

આજે સવારના જૂના સચિવાલયમાં બ્લોક નંબર 1 બિલ્ડીંગમાંથી ધુમાડા બહાર આવતા આગ લાગી હોવાનું સામે આવતા ફાયર વિભાગને જાણ કરવામાં આવી. ફાયર ટીમ તુરંત ઘટના સ્થળ પર પહોંચી જઈ પાણીનો મારો ચલાવી આગ પર કાબુ મેળવવાનો પ્રયત્ન શરૂ કરી દીધો હતો.બ્લોક નંબર 1માં રોજગાર તાલીમ કેન્દ્ર કચેરી આવેલી છે. આગ કેવી રીતે લાગી તે મામલે હજુ સ્પષ્ટતા કરવામાં આવી નથી.

આ અંગે મહાનગર પાલિકાના ઈન્ચાર્જ ચીફ ફાયર ઓફીસર ગૌતમભાઈએ જણાવ્યું કે, આજે સવારે દસ વાગ્યાના અરસામાં બચુભાઈ ઠાકોર નામના વ્યક્તિએ જીવરાજ મહેતા ભવન જુના સચિવાલયનાં બ્લોક નંબર – 1 ના ત્રીજા માળે આગ લાગી હોવાની જાણ કરી હતી. જેનાં પગલે ફાયર બ્રિગેડનો કાફલો તાત્કાલિક સ્થળ પર પહોંચી ગયો હતો અને સતત પાણીનો મારો ચલાવી આગ ઉપર કાબુ મેળવી લેવાયો છે.

આ પણ વાંચો :-

પદયાત્રા દરમિયાન ધીરેન્દ્ર કૃષ્ણ શાસ્ત્રી પર ફેંકાયો મોબાઈલ, જાણો શું બોલ્યા બાબા?

News Editor
-
0

પદયાત્રા દરમિયાન બાગેશ્વર ધામના પીઠાધીશ્વર અને કથાકાર આચાર્ય ધીરેન્દ્ર કૃષ્ણ શાસ્ત્રી પર કોઈએ મોબાઈલ ફોન ફેંક્યો હતો. આ દિવસોમાં ધીરેન્દ્ર શાસ્ત્રી હિંદુ એકતા યાત્રા કાઢી રહ્યા છે અને આ દરમિયાન જ્યારે તેમની યાત્રા ઉત્તર પ્રદેશના ઝાંસી પહોંચી તો કોઈએ બાબાના ચહેરા પર મોબાઈલ ફોન ફેંક્યો, જે તેમના ગાલ પર વાગી ગયો. બાબાની સાથે આવેલા લોકોએ મોબાઈલ ફોન કબજે કર્યો હતો. આચાર્ય ધીરેન્દ્ર કૃષ્ણ શાસ્ત્રીએ કહ્યું કે કોઈએ તેમને મોબાઈલ ફોન ફેંકીને માર્યો હતો. ફૂલોની સાથે મોબાઈલ ફોન બાબા તરફ ફેંકી દીધો હતો.

આ ઘટનાને લઈને બાબાએ જણાવ્યું કે, “કોઈએ ફૂલો સાથેનો મોબાઈલ ફોન અમારી દિશામાં ફેંક્યો હતો, અને અમને તે મળી ગયો છે.” ઉલ્લેખનીય છે કે, ધીરેન્દ્ર શાસ્ત્રીની હિન્દુ એકતા યાત્રાનો આજે છઠ્ઠો દિવસ છે, જ્યાં બાગેશ્વર ધામથી ઓરછા સુધી આ પદયાત્રાને લોકોનો ભરપૂર સમર્થન મળી રહ્યો છે. હજારોની સંખ્યામાં લોકો આ યાત્રામાં જોડાયા છે અને માર્ગમાં તેમના સ્વાગત માટે ફૂલહાર કરવામાં આવી રહ્યા છે. આ યાત્રા દરમિયાન એકતા અને સનાતન ધર્મની મજબૂતીના સંદેશાઓ આપવામાં આવી રહ્યા છે.

આ યાત્રા 21 નવેમ્બરે શરૂ થઈ હતી, જેમાં બોલિવુડ અભિનેતા સંજય દત્ત અને ધ ગ્રેટ ખલી પણ જોડાયા છે. આ સાથે બીજેપી મહાસચિવ કૈલાશ વિજયવર્ગીય, બીજેપી ધારાસભ્ય રાજેશ્વર શર્મા અને કોંગ્રેસના ધારાસભ્ય જયવર્ધન સિંહ સહિત અનેક રાજકીય નેતાઓએ પણ યાત્રાને સમર્થન આપ્યું છે. યાત્રા શરૂ કરતા સમયે ધીન્દ્રે શાસ્ત્રીએ કહ્યું હતું કે, “જાતિવાદની જાળમાંથી બહાર આવવું પડશે.” તેમણે હિન્દુ એકતા માટે સૂત્ર આપ્યું – “જાત-પાતની કરો વિદાઇ, આપણે સૌ હિન્દુ ભાઈ-ભાઈ.” યાત્રાના મુખ્ય હેતુમાં સનાતન ધર્મ મજબૂત કરવો અને લોકોમાં ભેદભાવ દૂર કરવાનો પ્રયાસ છે.

આ પણ વાંચો :-

ખ્યાતિ હોસ્પિટલ કાંડમાં પોલીસે ફરાર 5 આરોપીની કરી ધરપકડ

News Editor
-
0

અમદાવાદની ખ્યાતિ હોસ્પિટલ દર્દીના મોતનો મામલે પોલીસ દ્વારા આરોપીઓને ઝડપવા માટે તમામ પ્રકારના પ્રયાસો કરવામાં આવ્યા હતા. ત્યારે આજરોજ આ ઘટનાના આરોપીઓમાંથી 5 આરોપીને પોલીસ ઝડપી પાડ્યા હતા. જેમાં ચિરાગ રાજપૂત, મિલિંદ પટેલ ખેડાના ફાર્મ હાઉસમાંથી ઝડપાયા હતા. જ્યારે રાહુલ જૈનને રાજસ્થાનના ફાર્મ હાઉસમાંથી ઝડપવામાં આવ્યો હતો.

જો કે, ખ્યાતિ હોસ્પિટલના સર્જન ડૉ.સંજય પટોળિયા હજુ પણ ફરાર હોવાનું જાણવા મળ્યું છે. સૂત્રો દ્વારા જાણવા મળ્યું છે કે, ડૉ.સંજય પટોળિયા આગોતરા જામીન માટે અરજી કરી ચૂક્યો છે. એટલું જ નહીં પરંતુ ડૉ. સંજય પટોળિયા સાથે ચેરમેન કાર્તિક પટેલ પણ હજુ પોલીસ પકડથી બહાર હોવાનું સામે આવ્યું છે. નોંધનીય છે કે, ‘ખ્યાતિકાંડ’ ના બે મોટા માથા હજુ પણ પોલીસ પકડથી બહાર છે.

પોલીસથી બચવા આરોપીએ દ્રશ્યમ ફિલ્મ જેવી ટેક્નિક વાપરી હતી. જેમાં આરોપીઓએ મોબાઈલ બીજા લોકેશનમાં મોકલી આપ્યા હતા. જેથી પોલીસ લોકેશન મેળવી શકે નહીં. ત્યારે હાલમાં ક્રાઇમ બ્રાન્ચે 5 આરોપીની ધરપકડ કરી તપાસ શરૂ કરી છે. જોકે ડાયરેક્ટર ડોક્ટર કાર્તિક પટેલ, રાજેશ્રી કોઠારી અને ડૉ સંજય પટોલીયા હજુ ફરાર છે.

આ પણ વાંચો :-

મહારાષ્ટ્રના મુખ્યમંત્રી એકનાથ શિંદેએ રાજીનામું આપ્યું, કોણ બનશે નવા CM?

News Editor
-
0

મહારાષ્ટ્ર વિધાનસભા ચૂંટણીના પરિણામો આવી ગયા છે. 15મી વિધાનસભામાં જનતાએ ફરી મહાયુતિને ચૂંટી કાઢી છે. મહારાષ્ટ્રના એકનાથ શિંદેએ મુખ્યમંત્રી પદ પરથી રાજીનામું પણ આપી દીધું છે. પરંતુ 14મી વિધાનસભાનો કાર્યકાળ 26 નવેમ્બરે મધરાતે 12 વાગ્યે પૂરો થશે. હજુ સુધી મહાયુતિએ સરકાર બનાવવાનો દાવો પણ કર્યો નથી. જો નિર્ધારિત સમય મર્યાદામાં દાવો રજૂ કરવામાં નહીં આવે તો મહારાષ્ટ્રમાં રાષ્ટ્રપતિ શાસન લાગી જશે. આ અગાઉ વર્ષ 2019માં પણ આવું બન્યું હતું. ચૂંટણી પરિણામો બાદ ભાજપ અને શિવસેના વચ્ચે CM પદને લઈને ઘર્ષણ જોવા મળ્યું હતું.

કેન્દ્રીય મંત્રી અને રિપબ્લિકન પાર્ટી ઓફ ઈન્ડિયા (RPI)ના અધ્યક્ષ રામદાસ આઠવલેએ કહ્યું કે મહારાષ્ટ્ર મામલે ભાજપ હાઈકમાન્ડે નિર્ણય લીધો છે કે દેવેન્દ્ર ફડણવીસને સીએમ બનાવવામાં આવશે. આનાથી એકનાથ શિંદે નારાજ છે. તેમની નારાજગી દૂર કરવી જોઈએ. શિંદેએ તેમના અઢી વર્ષના કાર્યકાળમાં ઘણા કામ કર્યા. લાડલી બહેન યોજનાની મહારાષ્ટ્રમાં ઘણી અસર થઈ છે.

ભાજપ પાસે એટલી બધી બેઠકો (132) છે જે તેઓ સ્વીકારશે નહીં. મને લાગે છે કે એકનાથ શિંદે બે ડગલાં પાછળ હટી જવું જોઈએ. દેવેન્દ્ર ફડણવીસ ચાર પગલાં પાછળ ગયા હતા. શિંદેના નેતૃત્વમાં ફડણવીસ ડેપ્યુટી સીએમ હતા. હવે શિંદે સાહેબને ડેપ્યુટી સીએમ બનવું જોઈએ. જો તેમને આ પસંદ ન હોય તો તેમણે કેન્દ્રમાં મંત્રી બનવા માટે આગળ આવવું જોઈએ. મને લાગે છે કે પીએમ નરેન્દ્ર મોદી અને ગૃહમંત્રી અમિત શાહ આ અંગે વિચાર કરશે.

વળી, ભાજપને તેનો જવાબ આપતા કહ્યું કે, અમિત શાહની હાજરીમાં મુંબઈમાં બેઠક થઈ હતી. આ બેઠકમાં કહેવામાં આવ્યું હતું કે, મહાયુતિને જો બહુમત મળી તો મુખ્યમંત્રીનો નિર્ણય ભાજપના સસંદીય બોર્ડ, એનસીપી અને શિવસેનાનું નેતૃત્ત્વ કરશે. હા, ચૂંટણી એકનાથ શિંદેની લીડરશીપમાં લડવામાં આવશે. તેમ છતાં મુખ્યમંત્રીનો નિર્ણય ચૂંટણી બાદ મળીને લેવામાં આવશે. ભાજપ નેતાએ કહ્યું કે, આ પ્રકારે નક્કી કરવામાં આવ્યું હતું કે, બાદમાં નિર્ણય લેવામાં આવશે, પહેલાંથી કંઈ નક્કી નહતું.

આ પણ વાંચો :-

સુરેન્દ્રનગરમાં ચોટીલા નજીક અકસ્માતમાં એક જ પરિવારમાં ચાર સભ્યોનાં મોત

News Editor
-
0

સુરેન્દ્રનગરમાં ચોટીલા નજીક આપા ગીગાના ઓટલા નજીક અકસ્માત સર્જાયો હતો. આ અકસ્માતમાં ચાર લોકોના મોત થયા હતા. આપા ગીગાના ઓટલા નજીક બોલેરો અને ટ્રક વચ્ચે ભયાનક અકસ્માત થયો હતો. અકસ્માતમાં શિયાણી ગામના એક જ પરિવારના ચારના મોત થયા. જ્યારે 15થી વધુ લોકો ઈજાગ્રસ્ત થયા હતા. ઈજાગ્રસ્તોને સારવાર માટે હૉસ્પિટલમાં ખસેડવામાં આવ્યા છે.

આપા ગીગાના ઓટલા નજીક બોલેરો પિકઅપ વાન અને ટ્રક વચ્ચે અકસ્માત સર્જાયો હતો જેમાં લીંબડીના શિયાણી ગામના રેથરીયા કોળી પરિવારના ૪ સગા દેરાણી જેઠાણીના મોત થયા હતા. આ અકસ્માતમાં 15થી વધુને નાની મોટી ઇજાઓ પહોંચતા સારવાર માટે હોસ્પિટલમાં ખસેડાયા હતા. પરિવારના લોકો પિતૃ કાર્ય માટે સોમનાથ જઇ રહ્યા હતા. મૃતકોની ઓળખ મગજીબેન ગોબરભાઈ રેથરીયા ઉ.72 (૨ ) ગલાલબેન કાળુભાઈ રેથરીયા (ઉંમર-60) મંજુબેન ઘનશ્યામભાઈ રેથરીયા ઉ.65 (૪) ગૌરીબેન પાંચાભાઈ રેથરીયા ઉ.68 નો સમાવેશ થાય છે.

અરવલ્લી જિલ્લાના ખોડંબા નજીક બે ટ્રક વચ્ચે અકસ્માત સર્જાયો હતો. અકસ્માત બાદ બંન્ને ટ્રક રોડ નજીક રહેણાંક વિસ્તારમાં ઘૂસી ગયા હતા. એક ટ્રકમાં એસિડ ભરેલુ હોવાની માહિતી મળી રહી છે. ફાયર બ્રિગેડની ટીમ ઘટનાસ્થળે પહોંચી હતી. અકસ્માતમાં સદનસીબે કોઈ જાનહાનિ થઇ નથી. બીજી તરફ મહીસાગરના બાબલીયા નજીક અકસ્માત સર્જાયો હતો. વીજપોલ સાથે અથડાતા બાઈક ચાલકનું મોત થયું હતું. અકસ્માતમાં બાઈક પર સવાર અન્ય એક વ્યક્તિ ઈજાગ્રસ્ત થઇ હતી. બાકોર પોલીસે ઘટનાસ્થળ પર તપાસ હાથ ધરી હતી.

આ પણ વાંચો :-

RBI ગવર્નર શક્તિકાંત દાસની તબિયત બગડી, ચેન્નાઈની હોસ્પિટલમાં દાખલ

News Editor
-
0

RBI ગવર્નર શક્તિકાંત દાસને નાની સમસ્યાના કારણે ચેન્નાઈની એક હોસ્પિટલમાં દાખલ કરવામાં આવ્યા છે. તે અપોલો હોસ્પિટલમાં દાખલ છે. ભારતીય રિઝર્વ બેંકના ગવર્નર શક્તિકાંત દાસે એસિડિટીની ફરિયાદ કરી હતી અને તેમને સારવાર માટે ચેન્નાઈની એપોલો હોસ્પિટલમાં દાખલ કરવામાં આવ્યા હતા. તેમની તબિયતને લઈને RBI અધિકારીએ કહ્યું કે, હાલ તેઓ ઠીક છે, ચિંતા કરવાની કોઈ જરૂર નથી અને આગામી 2-3 કલાકમાં તેમને રજા આપવામાં આવશે.

આ પછી RBIના પ્રવક્તા દ્વારા તેમના સ્વાસ્થ્યને લઈને એક નિવેદન પણ જારી કરવામાં આવ્યું હતું. તેમણે કહ્યું કે, ભારતીય રિઝર્વ બેંકના ગવર્નર શક્તિકાંત દાસે એસિડિટીની ફરિયાદ કરી હતી અને તેમને નિરીક્ષણ માટે ચેન્નાઈની એપોલો હોસ્પિટલમાં દાખલ કરવામાં આવ્યા હતા. હવે તેમની તબિયત સારી છે. આગામી 2-3 કલાકમાં તેમને રજા આપવામાં આવશે.

RBIના વર્તમાન ગવર્નર શક્તિકાંત દાસનો કાર્યકાળ પણ 10 ડિસેમ્બરે પૂરો થઈ રહ્યો છે. આવી સ્થિતિમાં તે તેમના પદ પર ચાલુ રહેશે કે નહીં તે એક મોટો પ્રશ્ન છે. ઉર્જિત પટેલના અચાનક રાજીનામા બાદ શક્તિકાંત દાસે છ વર્ષ પહેલા આરબીઆઈ ગવર્નરની જવાબદારી સંભાળી હતી. તેમના કાર્યકાળ દરમિયાન, તેમણે કોવિડ અને ત્યારપછી દેશમાં ઉભી થયેલી મોંઘવારીની સમસ્યાને અંકુશમાં લેવા માટે નોંધપાત્ર કામ કર્યું છે.

આ પણ વાંચો :-

સુરતમાં નકલી RC બુક બનાવવાના કૌભાંડમાં RTO એજન્ટ સહિત બેની ધરપકડ

News Editor
-
0

ક્રાઈમ બ્રાન્ચ દ્વારા ગત ઓગસ્ટ માસમાં સિંગણપોર ડભોલી વિસ્તારમાંથી ઝડપી પાડવામાં આવેલા નકલી આરસીબુક બનાવવાના મસમોટા કૌભાંડમાં વધુ બે આરટીઓ એજન્ટની ધરપકડ કરવામાં આવી છે. જે પૈકી એક આરોપી અગાઉ અડાજણ પોલીસ મથકમાં નકલી ચૂંટણી કાર્ડ બનાવવાના ગુનામાં ઝડપાઈ ચૂક્યો છે. જ્યારે અનેક આરોપી અગાઉ પકડાયેલા આરોપીનો સગો ભાઈ છે. ચોંકાવનારી વાત તો એ છે કે આ આરોપીઓ વિરુદ્ધ સુરત ક્રાઈમ બ્રાન્ચ દ્વારા 5000 પાનાની ચાર્જશીટ સુરત કોર્ટમાં ફાઈલ કરવામાં આવી હતી.

સુરત ક્રાઈમ બ્રાન્ચ દ્વારા ગત ઓગસ્ટમાં સિંગણપોર ડભોલી વિસ્તારમાં આવેલી સર્જન વાટિકા સોસાયટીમાંથી નકલી આરસીબુક બનાવવાનું મસમોટું રેકેટ ઝડપી પાડવામાં આવ્યું હતું. ક્રાઈમ બ્રાન્ચે અહીંથી 370 જેટલી આરસી બુક, કોમ્પ્યુટર, સ્માર્ટ કાર્ડ પ્રિન્ટર સહિત 92 હજારથી વધુની મત્તાનો મુદ્દામાલ કબજે કરવામાં આવ્યો હતો. ક્રાઈમ બ્રાન્ચે તે સમયે આરોપી અંકિત નરેશ વઘાસિયા, જીતેન્દ્ર ઉર્ફે જીતુ બાબુ પટેલ, સવજી મોહનભાઈ ડાભી, અશોક ઉર્ફે બાલો ગોરધન કાછડીયા, સતીશ એલૈયાની ધરપકડ કરવામાં આવી હતી.

સુરત ક્રાઈમ બ્રાન્ચની તપાસમાં સામે આવ્યું હતું કે આરોપી નિમેષ ગાંધી વિરુદ્ધ વર્ષ 2022માં અડાજણ પોલીસ મથકમાં નકલી ચૂંટણી કાર્ડ બનાવવાના કેસમાં ધરપકડ થઈ ચૂકી છે. જ્યારે વર્ષ 2020માં અઠવાલાઇન્સ પોલીસ મથકમાં ગુનામાં પણ આરોપી ઝડપાઈ ચૂક્યો છે. આરોપી નિમેષ ગાંધી છેલ્લા ચાર વર્ષથી આરટીઓ એજન્ટ તરીકે કામ કરે છે. આરોપી અગાઉથી જ અંકિત વઘાસિયાના સંપર્કમાં હતો. આરોપી પોતાની પાસે આવતા કામમાંથી જૂની આરસીબુક કાઢી આરોપી અંકિત વઘાસિયાને આપતો હતો. જે બાદ અંકિત વઘાસિયા પાસે નકલી આરસીબુક બનાવતો હતો. જેમાં ટુ વ્હીલરની નકલી આરસીનું બનાવવા પેટે 1500 અને ફોર વ્હીલની નકલી આરસી બુક બનાવવાના 3000 રૂપિયા વસૂલ કરવામાં આવતા હતા.

ક્રાઈમ બ્રાન્ચના હાથે ઝડપાયેલો આરોપી હેમંત પટેલ અગાઉ ઝડપાયેલા આરોપી જીતેન્દ્ર પટેલનો ભાઈ છે. જે છેલ્લા 25 વર્ષથી આરટીઓ એજન્ટ તરીકે કામ કરે છે. જે આરોપી પણ અગાઉથી જ અંકિત વઘાસિયાના સંપર્કમાં હતો. આ આરોપી ગ્રાહકોને જલ્દી આરસી બુક મળી જાય તેવી લાલચે અંકિત વઘાસિયા પાસે નકલી આરસીબુક બનાવતો હતો. જેમાં આરોપી પણ ગ્રાહકો પાસેથી નકલી આરસી બુક બનાવી આપવાના નામે ₹1,500 વસૂલ કરતો હતો.

આ પણ વાંચો :-

અમદાવાદમાં નશામાં ધૂત નબીરાએ ઔડીથી 5 વાહનોને ટક્કર મારી

News Editor
-
0

અમદાવાદમાં દારુડિયા બાદ હવે ચરસીઓ ધૂમ મચાવી રહ્યા હોય એવું લાગે છે. શહેરમાં આજે સોમવારે થયેલા એક અકસ્માત બાદ જે દૃશ્યો જોવાં મળી રહ્યાં છે તેનાથી સમાજની દશા અને દિશા કેટલી ચિંતાજનક છે તેનો અંદાજ આવી રહ્યો છે. શહેરના બોપલ-આંબલી રોડ પર આજે સોમવારે અકસ્માતની ઘટના બની હતી. રિપલ પંચાલ નામનો એક નબીરો વૈભવી કાર લઇને નીકળ્યો અને ટાટાના શો રૂમ પાસે ચારથી પાંચ વાહનોને અડફેટે લીધા હતા. અકસ્માતના પગલે ત્યાંથી પસાર થતાં વાહન ચાલકોમાં ગભરાટ ફેલાયો હતો અને અફરા-તફરી મચી ગઇ હતી.

પ્રાપ્ત માહિતી અનુસર આજે વહેલી અમદાવાદના બોપલ-આંબલી રોડ પર વૈભવી ઓડી કારચાલકે નશાની હાલતમાં પૂરપાટ ઝડપે બેફામ કાર હંકારી પાંચથી સાત જેટલા વાહનો અડફેટે લીધા હતા. કાર ચાલક નશાની હાલતમાં હોવાનું લાગી રહ્યું હતું. ધડાધડ એક પછી એક વાહનોને અડફેટે લીધા ઓડી કાર રેલીંગ સાથે ટકરાતા રોકાઇ ગઇ હતી. ત્યારબાદ લોકોનું ટોળું એકઠું થઇ જતાં કાર ચાલકને મેથીપાક ચખાડ્યો હતો. ઘટનાની જાણ થતાં પોલીસની ટીમ દોડી આવી હતી.

અકસ્માતનો ભોગ બનનાર યુવતીએ જણાવ્યા અનુસાર, તે ઓફિસ જઇ રહી હતી ત્યારે OD કારના ચાલકે ટક્કર મારી હતી અને ઢસડી હતી. ચાલક નશામાં હતો અને તેને કંઇ ભાન ન હતું. તે અકસ્માત કર્યા બાદ કારમાં બેઠાં બેઠાં સિગારેટ પી રહ્યો હતો. આ નબીરાએ ફરીવાર કાર ચલાવી અને ટાટા મોટર્સના શો રૂમ પાસે અન્ય વાહનોને ટક્કર મારી હતી. આ નબીરાએ હેરિયર કાર અને એક ટેમ્પોને ટક્કર મારી હતી આ ટેમ્પો અન્ય કાર સાથે અથડાયો હતો. બાદમાં OD કારે એક નેક્સન કારને પણ ટક્કર મારી હતી અને ડિવાઇડર સાથે અથડાઈને ઓડી કાર ઊભી રહી ગઇ હતી.

હાલમાં મળી રહેલી માહિતી અનુસાર બેફામ કાર હંકાવનાર નબીરાનું નામ રીપલ પંચાલ છે. ઘટનાસ્થળે હાજર લોકોએ જણાવ્યું હતું કે તે નશાની હાલતમાં હતો અને અકસ્માત સર્જયા બાદ તેણે ગાડીમાં બેસીને સિગરેટ પીધી હતી એટલું જ નહી લોકોએ તેને કારમાંથી બહાર કાઢ્યો તો તે સ્પ્રે છાંટતો હતો. કારથી સ્પીડ 100થી વધુ હતી અને તેણે લગભગ 5 થી સાત વાહનો ટક્કર મારી હતી. જોકે સદનસીબે કોઇ જાનહાનિ સર્જાઇ ન હતી. અકસ્માત બાદ રીપલ પંચાલને પોલીસ લઇ ગઇ છે અને કાયદેસરની કાર્યવાહી હાથ ધરવામાં આવી છે.

આ પણ વાંચો :-

સંભલ હિંસા મામલે પોલીસની કાર્યવાહી, સપા સાંસદ સહિત 800 તોફાનીઓ સામે FIR

News Editor
-
0

ઉત્તરપ્રદેશના સંભલમાં કોર્ટના નિર્દેશ બાદ રવિવારે જામા મસ્જિદના સ્થળે સર્વેક્ષણની કાર્યવાહી માટે ટીમ પહોંચી હતી. આ દરમિયાન કટ્ટરવાદી ટોળાએ ભારે પથ્થરમારો, આગજની અને હિંસા કરતા પોલીસ એક્શનમાં આવી છે. સંભલમાં ઈન્ટરનેટ સેવા બંધ કરી દેવામાં આવી હતી, એટલું જ નહીં પરંતુ બહારના લોકોને પ્રવેશવા ઉપર પણ પ્રતિબંધ લગાવી દેવામાં આવ્યો છે. દરમિયાન પોલીસે અખિલેશ યાદવના પક્ષ સમાજવાદી પાર્ટીના સાંસદ જિયા ઉર રહેમાન તેમજ સપાના ધારાસભ્ય ઇકબાલ મસુદના પુત્ર સુહેલ ઇકબાલ ઉપર હિંસાના કાવતરાનો કેસ દાખલ કર્યો છે.

સંભલ પોલીસે સપાના સ્થાનિક આગેવાનો વિરુદ્ધ કેસ દાખલ કરવા ઉપરાંત હિંસા ભડકાવવા માટેના પોસ્ટર કોણે લગાવ્યા હતા તેની તપાસ પણ શરૂ કરી છે. સંભલના પોલીસ અધિકારીએ જણાવ્યું કે, અમારા એક સબ-ઈન્સ્પેક્ટર દીપક રાઠી ગઈકાલની હિંસામાં ઘાયલ થયા હતા, તેમણે તેમના સહિત પોલીસ અને સર્પેક્ષણની ટીમ ઉપર હુમલો કરનારા 800 જણા ઉપર એફઆઈઆર દાખલ કરાવી છે.

કોર્ટના આદેશ બાદ એસડીએમ, ઈઓ અને સીઓની એક કમિટી બનાવવામાં આવી હતી, જેના પર મસ્જિદનો સરવે કરાવવાની જવાબદારી હતી. કમિટીએ કહ્યું કે, સંભલમાં હાલ કલમ 163 લાગુ છે. જોકે, હવે પરિસ્થિતી નિયંત્રણમાં છે. દુકાનો પણ ધીમે-ધીમે ખુલી રહી છે. જોકે, મંગળવારે પણ ઈન્ટરનેટ બંધ રાખવાની અપીલ કરવામાં આવી છે.

હિંસા બાદ સંભલમાં જિલ્લા પ્રશાસને બહારના લોકોના પ્રવેશ પર પહેલી ડિસેમ્બર સુધી પ્રતિબંધ લગાવી દીધો છે. જોકે, ભીમ આર્મી ચીફ અને નગીનાથી સાંસદ ચંદ્રશેખર આઝાદે એલાન કર્યું છે કે, તે આજે સંભલ જશે અને મૃતકોના પરિવારજનોને મળશે. આઝાદે કહ્યું, દર વખતે સરકારના ઈશારે પોલીસે નિઃશસ્ત્ર આંદોલનકારીઓ પર સીધો ગોળીબાર કરી તેમનો જીવ લઈ લે છે. હું જલ્દી જ ઘાયલ પોલીસકર્મીઓને પણ મળીને આ હિંસાની હકીકત દેશ સામે લાવવાનો પ્રયાસ કરીશ.

આ પણ વાંચો :-

અમદાવાદમાં નકલી IAS અધિકારીની ધરપકડ

News Editor
-
0

અમદાવાદ ક્રાઈમ બ્રાંચે એક નકલી આઈએએસ અધિકારીની ધરપકડ કરી છે. આ નકલી આઈએએસ ઓફિસર લોકોને નોકરી અપાવવાની લાલચ આપી તેમની પાસેથી લાખો રૂપિયા એંઠતો હતો. તે પોતાના વરિષ્ઠ સરકારી અધિકારી ગણાવતો હતો. જ્યારે આ નકલી આઈએએસ વિરૂદ્ધ લોકોએ પોલીસમાં ફરિયાદ કરી તો પોલીસ એક્શનમાં આવી અને આ ઠગને ઝડપી પાડ્યો. આ ઠગનું નામ મેહુલ શાહ (29) છે. જે ખરેખરમાં એન્જીનિયર છે અને મોરબીના વાંકાનેરમાં બે શાળાઓનું પ્રબંધન જુએ છે.

અમદાવાદ ક્રાઈમ બ્રાંચના એક પોલીસ અધિકારી અનુસાર, ઠગ મેહુલ શાહ વિરૂદ્ધ એક ટૂર્સ એન્ડ ટ્રાવેલ્સ કંપનીના માલિકે ફરિયાદ કરી હતી. જેમણે જણાવ્યું હતું કે, આરોપી મેહુલ શાહે તેમની પાસે કાર ભાડા પર લેવા માટે સંપર્ક કર્યો હતો. તેણે પોતાના મહેસૂલ વિભાગના નિયામક અને IAS અધિકારી ગણાવ્યો હતો. જેના પછી મેહુલ શાહે ફરિયાદી પાસે કારમાં સાયરન અને પડદા લગાવરાવ્યા હતા અને ગૃહ મંત્રાલય, વિજ્ઞાન અને અનુસંધાન વિભાગનો નકલી લેટર પણ આપ્યો હતો.

પોલીસે વધુમાં જણાવ્યું કે, આરોપીએ નકલી લેટર દેખાડી અને ખોટા વાયદાઓ કરી લોકોને ઠગ્યા હતા. એક ફરિયાદીના પુત્રને તેણે સરકારી કાર્યાલયમાં નોકરી અપાવવાના નામે તેની પાસેથી લાખો રૂપિયા લીધા હતા. તેણે અમદાવાદ જિલ્લા શિક્ષણ અધિકારીનો નકલી ઓફર લેટર તૈયાર કર્યો હતો અને તેણે ફરિયાદીના પુત્રને આપી દીધો હતો. જ્યારે યુવક નોકરી માટે પહોંચ્યો તો હકીકત જાણીને તેના પગ નીચેથી જમીન સરકી ગઈ હતી.

આ પણ વાંચો :-

1...587588589...1,473Page 588 of 1,473