મહારાષ્ટ્રના મંત્રી ધનંજય મુંડેએ મંગળવારે મહારાષ્ટ્ર કેબિનેટમાંથી રાજીનામું આપ્યું. સરપંચ સંતોષ દેશમુખની હત્યા કેસમાં વાલ્મિક કરાડને આરોપી બનાવ્યા બાદ મુખ્યમંત્રી દેવેન્દ્ર ફડણવીસે મુંડેને મંત્રી પદ પરથી રાજીનામું આપવાનું કહ્યું હતું. રાજીનામાના સમાચાર આવ્યા પછી ફડણવીસે કહ્યું કે મુંડેએ મને પોતાનું રાજીનામું સુપરત કર્યું છે. મેં તેમનું રાજીનામું સ્વીકારી લીધું છે અને આગળની કાર્યવાહી માટે રાજ્યપાલને મોકલી આપ્યું છે.

સૂત્રોના જણાવ્યા અનુસાર, નાયબ મુખ્યમંત્રી અજિત પવાર સોમવારે રાત્રે ફડણવીસને મળ્યા હતા અને દેશમુખ હત્યા કેસ અને અન્ય બે સંબંધિત કેસોમાં ગુના તપાસ વિભાગ (CID) દ્વારા દાખલ કરાયેલ ચાર્જશીટના પરિણામ અંગે ચર્ચા કરી હતી જેમાં કરાડને આરોપી નંબર વન બનાવવામાં આવ્યા છે.

શું મામલો છે?
બીડના મસાજોગ ગામના સરપંચ સંતોષ દેશમુખનું ગયા વર્ષે 9 ડિસેમ્બરે અપહરણ કરવામાં આવ્યું હતું જ્યારે તેમણે જિલ્લામાં એક વીજ કંપનીને નિશાન બનાવીને ખંડણીના પ્રયાસને રોકવાનો પ્રયાસ કર્યો હતો. તેને ત્રાસ આપવામાં આવ્યો અને બાદમાં તેની હત્યા કરવામાં આવી.

27 ફેબ્રુઆરીના રોજ 1200 થી વધુ પાનાની ચાર્જશીટ દાખલ કરવામાં આવી હતી
રાજ્યના ગુના તપાસ વિભાગ (CID) એ 27 ફેબ્રુઆરીએ દેશમુખની હત્યા અને બે સંબંધિત કેસોમાં બીડ જિલ્લા કોર્ટમાં 1,200 પાનાથી વધુની ચાર્જશીટ દાખલ કરી હતી. બીડના કેજ પોલીસ સ્ટેશનમાં સરપંચની હત્યા, અવડા કંપની પાસેથી પૈસા પડાવવાનો પ્રયાસ અને કંપનીના સુરક્ષા ગાર્ડ પર હુમલાના ત્રણ અલગ-અલગ કેસ નોંધાયા છે.

ગોપીનાથ મુંડેના ભત્રીજા ધનંજય મુંડેએ ઘણા ઓછા સમયમાં બીજીવાર કેબિનેટમાં પ્રધાનપદ મેળવી લીધું હતું. મુંડેની મુશ્કેલીઓ ઠાકરે સરકારમાં પ્રધાન હતા ત્યારથી જ શરૂ થઈ હતી. અરૂણા શર્મા નામની મહિલાએ પોતે મુંડેની પત્ની હોવાનો અને તેમનાથી બે સંતાન હોવાનો દાવો કર્યો હતો. આ મામલે તે સમયે વિરોધપક્ષમાં બેસેલા ભાજપે ભારે વિવાદ કર્યો હતો. અંતે મુંડેએ પોતાના અને અરૂણાના સંબંધોનો સ્વીકાર કર્યો હતો. ત્યારબાદ અરૂણા પોતાના હક માટે કોર્ટમાં પણ ગઈ હતી અને કોર્ટે તેની તરફેણમાં ચુકાદો પણ આપ્યો હતો.

ઉત્તરપ્રદેશની 33 વર્ષીય મહિલાને યુનાઈટેડ અરબ અમીરાતમાં મૃત્યુદંડ આપવામાં આવ્યો હતો. દિલ્હી હાઈકોર્ટમાં કેસની સુનાવણી દરમિયાન વિદેશ મંત્રાલયે આ વાતની પુષ્ટિ કરી છે. વિદેશ મંત્રાલયે કોર્ટને જણાવ્યું કે શહજાદી ખાનને 15 ફેબ્રુઆરીના રોજ ફાંસી આપવામાં આવી હતી. શહજાદી ખાન અબુ ધાબીમાં 4 મહિનાના બાળકની હત્યાના કેસ દોષિત સાબિત થઇ હતી, ત્યાર બાદ તેને મૃત્યુદંડની સજા સંભળાવવામાં આવી હતી.

શહજાદી ખાનના પિતાએ દિલ્હી હાઈકોર્ટમાં અરજી દાખલ કરીને તેમની દીકરીની સ્થિતિ વિશે માહિતી માંગી હતી. તેમણે કહ્યું કે તેમને કોઈ સ્પષ્ટ માહિતી મળી રહી નથી અને વિદેશ મંત્રાલય તરફથી પણ કોઈ નક્કર જવાબ મળી રહ્યો નથી. આ પછી, કોર્ટે વિદેશ મંત્રાલયન સમન્સ પાઠવ્યું હતું.

ઉત્તર પ્રદેશના બાંદાના ગોયરા મુરલીના ગામમાં રહેતી શહેજાદીને વર્ષ 2021માં અબુધાબી મોકલાઈ હતી. એવું કહેવાય છે કે, આગરાના ઉજૈર નામના વ્યક્તિએ શહેજાદીને લક્ઝરી લાઈફ અને ચહેરાની સારવાર કરાવવાની લાલચ આપી હતી અને પછી તેણીને આગરાના દંપત્તીને વેંચી દીધી હતી. આ મામલો સામે આવ્યા બાદ સીજેએમ કોર્ટના આદેશ પર દુબઈમાં રહેતા આગરાના દંપત્તી અને આરોપી ઉજૈર વિરુદ્ધ માનવ તસ્કરીનો કેસ નોંધવામાં આવ્યો છે.

શહેજાદી અબુધાબીમાં દંપત્તીના પુત્રની દેખરેખ કરતી હતી. જોકે અચાનક દંપત્તીના પુત્રનું મોત થતા તેઓએ શહેજાદી પર હત્યાનો આક્ષેપ કર્યો હતો. ત્યારબાદ અબુધાબીની કોર્ટે તપાસ કર્યા બાદ શહેજાદીની ધરપકડ કરી મોતની સજા સંભળાવી હતી. શહેજાદીને ફાંસીની સજા મળ્યા બાદ તેણીના પિતા શબ્બીર ખાને જિલ્લા વહિવટી તંત્ર અને સરકારને ફરીયાદ કરી પુત્રીને બચાવવા અપીલ કરી હતી. ફાંસી સજા પહેલા શહેજારીએ પરિવારજનો સાથે ફોન પર વાત કરી હતી. તેણીએ કહ્યું હતું કે, ‘તેને જુદા રૂમમાં રખાઈ છે અને જેલના કેપ્ટને આવીને કહ્યું હતું કે, તેણીને 24 કલાકમાં ફાંસીની સજા આપવામાં આવશે.’ વાસ્તવમાં યુએઈના જેલ તંત્રએ તેણીને આખરી ઈચ્છા વિશે કહ્યું હતું, તો તેણીએ પરિવારજનો સાથે વાત કરવાની ઈચ્છા વ્યક્ત કરી હતી.