કેન્દ્ર સરકાર સાથે રાષ્ટ્રીય શિક્ષણ નીતિ, સીમાંકન અને ત્રણ ભાષાના મુદ્દે સતત સંઘર્ષમાં રહેતી તમિલનાડુ સરકારે વધુ એક પગલું ભર્યું છે. જેમાં એમ.કે. સ્ટાલિન સરકારે હવે રાજ્યના બજેટના લોગોમાં પ્રતિક બદલ્યું છે. જેમાં તમિલનાડુ સરકાર 14 માર્ચ અને શુક્રવારના રોજ રાજ્યનું બજેટ રજૂ કરવા જઇ રહી છે.

આ બજેટ અંગે તમિલનાડુના સીએમ એમ.કે. સ્ટાલિન એકસ પર એક વિડીયો શેર કર્યો છે. આ વીડિયોમાં, બજેટ લોગોમાં રૂપિયાના સત્તાવાર પ્રતીક ₹ ને બદલે, તમિલ પ્રતીક ரூ નો ઉપયોગ કરવામાં આવ્યો છે. આ વીડિયો શેર કરતા સીએમ એમકે સ્ટાલિને તમિલમાં લખ્યું – “સમાજના તમામ વર્ગોના લાભ માટે તમિલનાડુના વ્યાપક વિકાસની ખાતરી કરવી.”

તમને જણાવી દઈએ કે દેશમાં રૂપિયા (₹) નું પ્રતીક ઉદય કુમાર ધર્મલિંગમ દ્વારા ડિઝાઇન કરવામાં આવ્યું હતું, જે વ્યવસાયે શિક્ષણવિદ અને ડિઝાઇનર છે. તેમની ડિઝાઇન પાંચ શોર્ટલિસ્ટેડ પ્રતીકોમાંથી પસંદ કરવામાં આવી હતી. ધર્મલિંગમના મતે, તેમની ડિઝાઇન ભારતીય ત્રિરંગા પર આધારિત છે.

તમિલનાડુ સરકાર દ્વારા સત્તાવાર રીતે કંઈ કહેવામાં આવ્યું નથી કે પ્રતીક બદલવાનો નિર્ણય કેમ લેવામાં આવ્યો છે. આ ઉપરાંત એમકે સ્ટાલિનના નેતૃત્વ હેઠળની ડીએમકે સરકાર રાષ્ટ્રીય શિક્ષણ નીતિ, સીમાંકન અને ત્રણ ભાષાના સૂત્ર જેવા અનેક મુદ્દાઓ પર કેન્દ્ર સરકારનો વિરોધ કરી રહી છે. ડીએમકેનો આરોપ છે કે કેન્દ્ર સરકાર તમિલનાડુ પર હિન્દી લાદવાનો પ્રયાસ કરી રહી છે.

મધ્ય પ્રદેશના ધાર જિલ્લામાં એક ભયાનક માર્ગ અકસ્માતમાં 7 લોકોએ જીવ ગુમાવ્યા અને 3 ગંભીર રીતે ઈજાગ્રસ્ત થયા હતા. આ અકસ્માત બુધવારે (12મી માર્ચ) રાત્રે બદનાવર-ઉજ્જૈન હાઈવે પર ગેસ ટેન્કર, કાર અને પિકઅપ વચ્ચે સર્જાયો હતો. પીકઅપમાં પણ લોકો ફસાયા હતા, જેમને ક્રેનની મદદથી બહાર કાઢવામાં આવ્યા હતા. બધાં મૃતકો રતલામ અને મંદસૌર જિલ્લાના રહેવાસી હતા.

મળતી માહિતી મુજબ, ધાર જિલ્લામાંથી પસાર થતી નવનિર્મિત બદનાવર-ઉજ્જૈન ફોર લેન પર બુધવારે રાત્રે આ અકસ્માત થયો હતો. પોલીસે જણાવ્યું કે ધાર જિલ્લામાં બદનવર-ઉજ્જૈન ફોરલેન પર રોંગ સાઇડથી આવી રહેલા ગેસ ટેન્કરે કાર અને પીકઅપ વાહનને ટક્કર મારી હતી. ટક્કર એટલી જોરદાર હતી કે કારમાં બેઠેલા કેટલાક લોકો કૂદીને દૂર પડી ગયા હતા જ્યારે કેટલાક લોકો કારમાં ખરાબ રીતે ફસાઈ ગયા હતા. બહાર પડેલા લોકો મૃત્યુ પામ્યા. અકસ્માત સમયે ટેન્કર અને પીકઅપમાં હજુ ત્રણ લોકો ફસાયેલા હતા, તેમને બહાર કાઢવા માટે ક્રેઈનની મદદ લેવામાં આવી રહી છે.

સાત લોકોના ઘટનાસ્થળે જ મોત થયા. ત્રણ લોકો ગંભીર રીતે ઈજાગ્રસ્ત થયા છે અને તેમની હોસ્પિટલમાં સારવાર ચાલી રહી છે. અકસ્માતમાં મૃત્યુ પામેલા તમામ લોકો રતલામ અને મંદસૌર જિલ્લાના રહેવાસી હોવાનું કહેવાય છે. પોલીસે ગેસ ટેન્કર ચાલક વિરુદ્ધ ગુનો નોંધ્યો છે અને વધુ તપાસ ચાલુ છે. અકસ્માતનું કારણ હજુ સુધી જાણી શકાયું નથી. પોલીસ આ મામલાની ઊંડાણપૂર્વક તપાસ કરી રહી છે.