Home Blog Page 485

2008ના જયપુર બોમ્બ બ્લાસ્ટ કેસમાં ચાર દોષિતોને આજીવન કેદની સજા

News Editor
-
0
2008ના જયપુર બોમ્બ બ્લાસ્ટ કેસમાં ચાર દોષિતોને આજીવન કેદની સજા

રાજસ્થાનના જયપુરમા વર્ષ 2008મા થયેલા બ્લાસ્ટના એક કેસમા કોર્ટે તમામ આરોપીઓને આજીવન કેદની સજા ફટકારી છે. સ્પેશિયલ કોર્ટે ગત શુક્રવારે આ ચારેય આરોપીઓને દોષિત ઠેરવ્યા હતાં. આ ચારેય આરોપી લાઈવ બોમ્બ કેસમાં સંડોવાયેલા હતાં. તેમને 17 વર્ષ બાદ આજીવન કારાવાસની સજા આપવામાં આવી છે.

સ્પેશિયલ કોર્ટના જજ રમેશ કુમાર જોષીએ સૈફુરહમાન, મોહમ્મદ સૈફ, મોહમ્મદ સરવર આઝમી, અને શાહબાઝ અહમદને જયપુરમાં સિરિયલ બોમ્બ બ્લાસ્ટ કેસમાં આજીવન કારાવાસની સજા ફટકારી છે. સ્પેશિયલ કોર્ટે જયપુર બોમ્બ બ્લાસ્ટમાં મળી આવેલા લાઈવ બોમ્બ કેસમાં આ ચારેયને આજીવન કારાવાસની સજા ફટકારી છે.

રાજસ્થાન પોલીસે ચુકાદો જાહેર થાય તે પૂર્વે સુરક્ષા કારણોસર કોર્ટ પરિસરને છાવણીમાં રૂપાંતરિત કરી દીધું હતું. 13 મે 2008 ના રોજ જયપુરમાં 8 શ્રેણીબદ્ધ વિસ્ફોટ થયા હતા. જ્યારે નવમો બોમ્બ ચાંદપોલ બજારના ગેસ્ટ હાઉસ પાસે મળી આવ્યો હતો. જેને વિસ્ફોટના માત્ર 15 મિનિટ પહેલા જ ડિફયુઝ કરવામા આવ્યો હતો. આ કેસમાં કોર્ટે સરવર આઝમી, મોહમ્મદ સૈફ, સૈફુરરહમાન, શાહબાઝને દોષિત ઠેરવ્યા અને આજે તેમને આજીવન કેદની સજા ફટકારી હતી.

મૃત્યુદંડની સજા ફટકારી હતી
આ પૂર્વે ડિસેમ્બર 2019 માં નીચલી કોર્ટે જયપુર વિસ્ફોટ કેસમાં સરવર આઝમી, મોહમ્મદ સૈફ, મોહમ્મદ સલમાન અને સૈફુરરહમાનને મૃત્યુદંડની સજા ફટકારી હતી. જ્યારે પાંચમા આરોપી શાહબાઝને શંકાના લાભમાં નિર્દોષ જાહેર કરવામાં આવ્યો. સજા પામેલા ચારેય આરોપીઓએ હાઇકોર્ટમાં સજાને પડકારી હતી. હાઇકોર્ટની ડિવિઝન બેન્ચે 29 માર્ચ 2023 ના રોજ ચારેયને નિર્દોષ જાહેર કર્યા અને શાહબાઝ હુસૈનને નિર્દોષ જાહેર કરવાના નિર્ણયને પણ સમર્થન આપ્યું હતું.

આ સમગ્ર મામલો 13 મે 2008ના રોજ જયપુરના ચાંદપોલમાં મળેલા બોમ્બ સાથે સંબંધિત છે. સુરક્ષા ટુકડીઓ દ્વારા આ બોમ્બને નિષ્ક્રિય કરવામાં આવ્યો હતો. આ દિવસે જયપુર શહેરમાં શ્રેણીબદ્ધ કુલ આઠ બોમ્બ વિસ્ફોટ થયા. તેની બાદ ચાંદપોલ બજાર પાસે નવમો બોમ્બ મળી આવ્યો હતો જેને નિષ્ક્રિય કરવામાં આવ્યો. જયપુરના માનક ચોક ખાંડા, ચાંદપોલ ગેટ, મોટી ચૌપડ, છોટી ચૌપડ, ત્રિપોલિયા ગેટ, જોહરી બજાર અને સાંગાનેરી ગેટ પર એક પછી એક બોમ્બ વિસ્ફોટ થયા. આ બોમ્બ વિસ્ફોટોમાં 71 લોકો માર્યા ગયા હતા અને 180 લોકો ઘાયલ થયા હતા.

ભૂતપૂર્વ ભારતીય ક્રિકેટર કેદાર જાધવ ભાજપમાં જોડાયા

News Editor
-
0
ભૂતપૂર્વ ભારતીય ક્રિકેટર કેદાર જાધવ ભાજપમાં જોડાયા

પૂર્વ ભારતીય ક્રિકેટર કેદાર જાધવ ક્રિકેટની ઈનિંગ બાદ હવે રાજકારણમાં પોતાની ઇનિંગ શરૂ કરવા જઈ રહ્યો છે. મંગળવારે મુંબઈમાં આયોજિત એક કાર્યક્રમમાં કેદાર જાધવ ભાજપમાં જોડાઈ ગયો છે. મુંબઈમાં મહારાષ્ટ્રના મંત્રી અને ભાજપ પ્રદેશપ્રમુખ ચંદ્રશેખર બાવનકુલેની હાજરીમાં ભાજપમાં જોડાયા. ચંદ્રશેખર બાવનકુલેએ તેમને પાર્ટીનો ખેસ પહેરાવીને ભાજપનું સભ્યપદ અપાવ્યું.

કેદાર જાધવે ગયા વર્ષે 3 જૂને આંતરરાષ્ટ્રીય ક્રિકેટમાંથી નિવૃત્તિ જાહેર કરી હતી. ત્યારબાદ તેઓ કોમેન્ટ્રી કરતા પણ જોવા મળ્યા હતા. મહારાષ્ટ્રના પુણેમાં જન્મેલા કેદાર જાધવે 2014માં ભારત તરફથી આંતરરાષ્ટ્રીય ડેબ્યુ કર્યું હતું. તેમણે શ્રીલંકા સામે પોતાનું પ્રથમ વનડે મેચ રમ્યું હતું. તેઓએ 73 વનડે મેચમાં 1389 રન બનાવ્યા છે, જેમાં 2 સદી અને 6 અડધી સદીનો સમાવેશ થાય છે.

કેદાર જાધવે ગયા વર્ષે જૂનમાં ક્રિકેટના તમામ ફોર્મેટમાંથી નિવૃત્તિની જાહેરાત કરી હતી. તેમણે સોશિયલ મીડિયા દ્વારા આ માહિતી આપી. 39 વર્ષીય ખેલાડીએ ભારત માટે પોતાની છેલ્લી મેચ ૮ ફેબ્રુઆરી, 2020 ના રોજ ન્યુઝીલેન્ડ સામે રમી હતી. ચાર મેચની ODI શ્રેણીમાં તેણે ફક્ત 35 રન બનાવ્યા. આ શ્રેણીમાં, તેને ફક્ત બે મેચમાં પ્લેઇંગ 11નો ભાગ બનાવવામાં આવ્યો હતો.

કેદાર જાધવે 2014 માં આંતરરાષ્ટ્રીય ક્રિકેટમાં પ્રવેશ કર્યો હતો.
કેદાર જાધવે 2014 માં આંતરરાષ્ટ્રીય ક્રિકેટમાં પ્રવેશ કર્યો હતો. તેમણે 16 નવેમ્બર 2014 ના રોજ રાંચી ખાતે શ્રીલંકા સામે પોતાનો પહેલો વનડે રમ્યો હતો. 73 વનડેમાં, જાધવે 42.09 ની સરેરાશથી 1389 રન બનાવ્યા હતા. આ સમયગાળા દરમિયાન, તેણે બે સદી અને છ અડધી સદી ફટકારી. જાધવે પણ 27 વિકેટ લીધી. આંતરરાષ્ટ્રીય ટી20 ની વાત કરીએ તો, જાધવે નવ મેચોમાં 123.23 ના સ્ટ્રાઇક રેટથી 58 રન બનાવ્યા.

નવસારીની પૂર્ણા નદીમાં પાંચ ડૂબ્યા, ત્રણ મહિલાનો બચાવ, 2નાં મોત

News Editor
-
0
નવસારીની પૂર્ણા નદીમાં પાંચ ડૂબ્યા, ત્રણ મહિલાનો બચાવ, 2નાં મોત

નવસારી નજીકના ધારાગીરી ગામ પાસે પૂર્ણા નદીમાં એક દુ:ખદ ઘટના બની છે, જ્યાં 4 મહિલાઓ અને 1 પુરુષ નદીમાં ડૂબી ગયા છે. આ અકસ્માતમાં ત્રણ મહિલાઓને બચાવી લેવામાં આવી છે, જ્યારે એક મહિલાનું મોત થયું છે અને એક પુરુષ હજુ પણ ગુમ છે. તે એક મહિલાનો દિયરે હોવાનું સામે આવ્યું છે.

આપને જણાવી દઈએ કે, ધારાગીરી ગામ નજીક પૂર્ણા નદીના ઓવારામાં ચાર મહિલાઓ કપડાં ધોવા ગઈ હતી. આ દરમિયાન એક મહિલા નદીમાં ડૂબવા લાગી. અન્ય મહિલાઓએ પણ તેને બચાવવા માટે પાણીમાં કૂદી પડી, પરંતુ તેઓ પણ ડૂબી ગયા.

મહિલાઓને ડૂબતી જોઈને, એક સ્થાનિક યુવકે તેની ભાભી સહિત મહિલાઓને બચાવવા માટે પાણીમાં કૂદી પડ્યો. પરંતુ કમનસીબે, તે યુવક પણ નદીના પ્રવાહમાં ગાયબ થઈ ગયો. નદીમાંથી પસાર થતા માછીમારોએ તાત્કાલિક પોતાની જાળ ફેંકી અને ત્રણ મહિલાઓના જીવ બચાવ્યા. મહિલાના મૃતદેહને નદીમાંથી બહાર કાઢીને નવસારી સિવિલ હોસ્પિટલમાં મોકલવામાં આવ્યો છે.

કેવી રીતે બની ઘટના?

ધારાગીરી ગામ પાસે પૂર્ણા નદીના ઓવારા પર ચાર મહિલાઓ કપડાં ધોવા માટે ગઈ હતી. આ દરમિયાન એક મહિલા નદીમાં ડૂબવા લાગી હતી. તેને બચાવવા માટે અન્ય મહિલાઓ પણ પાણીમાં ઉતરી હતી, પરંતુ તેઓ પણ ડૂબી ગઈ હતી.

શેરબજારમાં તેજી પરત ફરી, સેન્સેક્સ અને નિફ્ટી મોટા ઉછાળા સાથે ખુલ્યા

News Editor
-
0
શેરબજારમાં તેજી પરત ફરી, સેન્સેક્સ અને નિફ્ટી મોટા ઉછાળા સાથે ખુલ્યા

સોમવારે ધરખમ ઘટાડા બાદ આજે શેરબજારમાં અચાનક તેજી આવી છે. બીએસઈ સેન્સેક્સ 1700 પોઈન્ટથી વધુ વધીને ટ્રેડ થઈ રહ્યો છે, જ્યારે નિફ્ટીમાં 500 પોઈન્ટનો વધારો જોવા મળી રહ્યો છે. બપોરે 1.30 વાગ્યા સુધીમાં, સેન્સેક્સ 74800 અને નિફ્ટી 22650 પર હતો. બજારમાં આ વધારો RBIની MPC બેઠકના નિર્ણય પહેલા આવ્યો છે.

એવી અપેક્ષા છે કે ભારતીય રિઝર્વ બેંક રેપો રેટમાં 25 બેસિસ પોઈન્ટનો ઘટાડો કરી શકે છે. બજારમાં વધારા સાથે BSE માર્કેટ કેપિટલાઇઝેશનમાં પણ વધારો થયો છે અને તે 4.61 લાખ કરોડ રૂપિયા વધીને 393.86 લાખ કરોડ રૂપિયાને પાર કરી ગયું છે. નિફ્ટી કન્ઝ્યુમર ડ્યુરેબલ ઇન્ડેક્સમાં 3 ટકાનો વધારો થયો છે, જ્યારે મેટલ, રિયલ્ટી અને નાણાકીય ક્ષેત્રોમાં 2 ટકાથી વધુનો વધારો થયો છે. ઇન્ડિયા ફિયર ગેજ 10.2% ઘટીને 20.47 થયો છે.

સોમવારે શેરબજાર જે મૂડ અને સ્થિતિ સાથે બંધ થયું તે જોતાં એવું લાગતું હતું કે મંગળવારે પણ રોકાણકારો નિરાશ થશે. પરંતુ અમેરિકન શેરબજારે આપેલા સંકેતોએ સમગ્ર વિશ્વનો મૂડ બદલી નાખ્યો. મંગળવારે સવારના સત્ર દરમિયાન ભારતીય શેરબજારમાં જોરદાર ખરીદી જોવા મળી. નિફ્ટી 50 ઇન્ડેક્સ 22446 પર ખુલ્યો અને 22577ની ઇન્ટ્રાડે ઊંચી સપાટીને સ્પર્શ્યો. જેમાં ઇન્ટ્રાડેમાં 1.88 ટકાનો વધારો થયો. સેન્સેક્સ 74013 પર ખુલ્યો અને 1.75 ટકાનો વધારો નોંધાવીને 74421ની ઇન્ટ્રાડે ઊંચી સપાટીને સ્પર્શ્યો. બેંક નિફ્ટી 50388 પર ગેપ-અપ પર ખુલ્યો અને ફ્રન્ટલાઈન બેંકિંગ ઇન્ડેક્સ સોમવારના બંધ કરતા 1.87 ટકા વધીને 50793 ની ઇન્ટ્રાડે હાઈ સપાટીને સ્પર્શ્યો.

બધા ક્ષેત્રીય સૂચકાંકોમાં ભારે ખરીદી જોવા મળી. બીએસઈ સ્મોલ-કેપ ઇન્ડેક્સ 1.35 ટકાથી વધુ વધ્યો છે. જ્યારે મિડ-કેપ ઇન્ડેક્સ 1.10 ટકાની આસપાસ વધ્યો છે. સવારે 11:45 સુધીમાં 340 શેર સર્કિટમાં આવી ગયા હતા. જેમાંથી 165 બીએસઈ-લિસ્ટેડ શેર ઉપલી સર્કિટમાં ગયા હતા અને બાકીના 175 બીએસઈ-લિસ્ટેડ શેર નીચલા સર્કિટમાં ગયા હતા. એ જ રીતે મંગળવારના સત્ર દરમિયાન BSE-લિસ્ટેડ 37 શેર 52 અઠવાડિયાના નવા ઉચ્ચ સ્તરે પહોંચ્યા હતા જ્યારે BSE-લિસ્ટેડ 46 શેર 52 અઠવાડિયાના નવા નીચલા સ્તરે પહોંચ્યા હતા. ખાસ વાત એ છે કે શેરબજારના રોકાણકારોએ માત્ર 20 મિનિટના ટ્રેડિંગ સત્રમાં 7.7 લાખ કરોડ રૂપિયાની રિકવરી જોઈ છે.

EUએ અમેરિકાને 25% જવાબી ટેરિફ લગાવવાની આપી ધમકી

News Editor
-
0
EUએ અમેરિકાને 25% જવાબી ટેરિફ લગાવવાની આપી ધમકી

રાષ્ટ્રપતિ ડોનાલ્ડ ટ્રંપે ગયા અઠવાડિયે 180થી વધુ દેશો પર ટેરિફ લગાવવાની જાહેરાત કરી હતી. આ ટેરિફ તરત અસરકારક થઈ ગયા છે. ટ્રંપ વહીવટી તંત્રની નવી નીતિ હેઠળ નોન-લિસ્ટેડ દેશોથી થતી તમામ આયાત પર 10 ટકા ટેરિફ લાગશે, જ્યારે એવા દેશો પર વધુ ટેરિફ લાગશે, જે ટ્રંપ વહીવટી તંત્રના અનુસાર અમેરિકી નિકાસ પર કડક નિયમો કે ટેરિફ લગાવે છે.

ઉલ્લેખનીય છે કે ભારત પર 26% ટેરિફ લાદવા ઉપરાંત અમેરિકાએ ચીન પર 34%, યુરોપિયન યુનિયન પર 20%, દક્ષિણ કોરિયા પર 25%, જાપાન પર 24%, વિયેતનામ પર 46% અને તાઈવાન પર 32% ટેરિફ લાદવાની પણ જાહેરાત કરી હતી.

બજારોમાં આ જબરદસ્ત ઉથલપાથલ વચ્ચે ચિંતા વ્યક્ત કરવામાં આવી રહી છે કે ભારત અને બાકીના વિશ્વ પર તેની કેટલી અસર થશે? સવાલ એ પણ છે કે ભારતે ટ્રમ્પના ટેરિફના આ દબાણનો સામનો કેવી રીતે કરવો જોઈએ? જો અમેરિકામાં મોંઘવારી વધે તો ભારત અને વિશ્વના અન્ય દેશો પર તેની શું અસર થશે? ટ્રમ્પના ટેરિફ બોમ્બ પર બાકીની દુનિયા કેવી પ્રતિક્રિયા આપશે?

યુરોપિયન યુનિયનએ સોમવારે આ વાત પર સંમતિ દર્શાવી કે ડોનાલ્ડ ટ્રંપ દ્વારા લાગુ કરાયેલા ટેરિફને હટાવવા માટે જવાબી કાર્યવાહી કરતાં વાતચીતને પ્રાથમિકતા આપવામાં આવશે. યુરોપિયન કમિશનના અધ્યક્ષ ઉર્સુલા વોન ડેર લેયને બ્રસેલ્સમાં એક પત્રકાર પરિષદમાં જણાવ્યું કે યુરોપિયન યુનિયન ઔદ્યોગિક વસ્તુઓ માટે શૂન્ય વિરુદ્ધ શૂન્ય ટેરિફ કરાર માટે વાતચીત કરવા માટે તૈયાર છે.

રિપોર્ટમાં શું કહેવામાં આવ્યું?
આ રિપોર્ટમાં કહેવામાં આવ્યું હતું કે ભારતની કૃષિ પેદાશો પર WTO ટેરિફ વિશ્વમાં સૌથી વધુ છે. તે સરેરાશ 113.1% થી મહત્તમ 300% સુધીની છે. ભારત કોઈપણ સમયે કૃષિ અને બિન-કૃષિ ઉત્પાદનો પરના ટેરિફ દરોમાં ફેરફાર કરી શકે છે, જે અમેરિકન કામદારો, ખેડૂતો, પશુપાલકો અને નિકાસકારો માટે અનિશ્ચિતતા પેદા કરી શકે છે.

રિપોર્ટમાં કહેવામાં આવ્યું છે કે 2020-21ના બજેટમાં ભારતે સોલર ઇન્વર્ટર અને સોલર ફાનસ સહિત 31 પ્રોડક્ટ કેટેગરી પર તેના ટેરિફમાં વધારો કર્યો છે. 2021-22ના બજેટમાં, ભારતે હેડફોન, લાઉડસ્પીકર અને સ્માર્ટ મીટર પર ટેરિફ રેટમાં વધારો કર્યો હતો. વધુમાં, 2014 થી, ભારતે કેટલાક ટેલિકોમ સાધનો પર વારંવાર ટેરિફ લાદી છે. આવી ઘણી વાતો આ રિપોર્ટમાં કહેવામાં આવી છે.

આનો અર્થ એ છે કે રાષ્ટ્રપતિ ડોનાલ્ડ ટ્રમ્પે સંરક્ષણવાદની એક લહેર ઉભી કરી છે જે 1930ના દાયકામાં અમેરિકામાં આવેલી મહામંદી કરતાં પણ ખરાબ છે. તે સમયે, સ્મૂટ-હૉલી એક્ટે સ્થાનિક ઉદ્યોગો અને ખેડૂતોને બચાવવા માટે આયાત ટેરિફમાં વધારો કર્યો હતો, પરંતુ આનાથી આર્થિક મંદી વધુ ખરાબ થઈ હતી.

અયોધ્યામાં ભગવાન રામનો ‘રાજ્યાભિષેક’ સમારોહ યોજાશે, જાણો

News Editor
-
0
અયોધ્યામાં ભગવાન રામનો ‘રાજ્યાભિષેક’ સમારોહ યોજાશે, જાણો

અયોધ્યા રામ મંદિર ખાતે રામ લલ્લાના પ્રાણ પ્રતિષ્ઠા મહોત્સવને એક વર્ષ કરતાં વધુ સમય થયો છે. ફરી એકવાર અયોધ્યા રાજા રામના અભિષેક માટે સજ્જ થઇ રહ્યું છે. આવતા મહિને મંદિરમાં બીજો અભિષેક સમારોહ યોજાશે. ધ ઇન્ડિયન એક્સપ્રેસને જાણવા મળ્યું છે કે, આ સમારોહમાં ભગવાન રામને રાજા તરીકે પ્રસ્થાપિત કરાશે. આ સમગ્ર કાર્યક્રમ પહેલા રામ મંદિરના પહેલા માળે રામ દરબાર અથવા શાહી દરબારની સ્થાપના કરાશે.

રામ મંદિર અયોધ્યા ખાતે ભગવાન રામને રાજા તરીકે પ્રસ્થાપિત કરવાના આ કાર્યક્રમની તડામાર તૈયારીઓ ચાલી રહી છે. આ સમારોહ અંગે જાણવા મળેલી વિગતો અનુસાર, ગત વર્ષે 22 જાન્યુઆરીએ યોજાયેલા ભવ્ય પ્રાણ પ્રતિષ્ઠા કાર્યક્રમની સાપેક્ષમાં આ સમારોહ પ્રમાણમાં નાનો હશે. અહીં નોંધનિય છે કે, પ્રાણ પ્રતિષ્ઠા મહોત્વ વડાપ્રધાન નરેન્દ્ર મોદીની અધ્યક્ષતામાં યોજાયો હતો.

અયોધ્યા રામ મંદિરમાં રામ લલ્લા હવે રાજા બનશે

  • રામ લલ્લાની 51 ઇંચ ઊંચી મૂર્તિ સ્થાપિત કરવામાં આવી છે.
  • ભગવાન રામ તેમના જન્મસ્થળ પર બાળપણમાં હતા જેવો દેખાવ અપાયો છે.
  • કર્ણાટકના કલાકાર અરુણ યોગીરાજ દ્વારા આ મૂર્તિ બનાવવામાં આવી છે.
  • રામ દરબારનું નિર્માણ શિલ્પકાર પ્રશાંત પાંડેના નેતૃત્વમાં સફેદ મકરાણા આરસપહાણમાં કરાયું છે.
  • રામાયણના સૌથી લોકપ્રિય સંસ્કરણ, રામચરિતમાનસના લેખક સંત તુલસીદાસની એક વિશાળ પ્રતિમા પણ સંકુલમાં સ્થાપિત કરવામાં આવી રહી છે.

રામ મંદિર બાંધકામ દેખરેખ માટે એક સમિતિની રચના કરવામાં આવી હતી. રામ મંદિર નિર્માણ સમિતિનું નેતૃત્વ હાલમાં વડાપ્રધાનના ભૂતપૂર્વ મુખ્ય સચિવ નૃપેન્દ્ર મિશ્રા કરી રહ્યા છે. તેમણે જણાવ્યું હતું કે, મંદિર સંકુલમાં બાંધકામની કામગીરી આ મહિનાના અંત સુધીમાં પૂર્ણ થઇ જશે. જ્યારે સંકુલ કમ્પાઉન્ડ વોલનું બાકીનું કામ આ વર્ષના અંત સુધીમાં પૂર્ણ કરી દેવાશે.

તેમણે કહ્યું, “મંદિરમાં લગભગ 20,000 ઘન ફૂટ પથ્થર લગાવવાનો કરવાનો બાકી છે. મંદિરનું બાંધકામ 15 એપ્રિલ સુધીમાં પૂર્ણ થશે. મંદિરની બહાર કે અંદરની બધી મૂર્તિઓ 30 એપ્રિલ સુધીમાં અહીં લાવવામાં આવશે અને લગભગ બધી મૂર્તિઓ 15 એપ્રિલ સુધીમાં સ્થાપિત થઈ જશે.”

સિંગાપોરની શાળામાં આગ લાગતાં પવન કલ્યાણનો પુત્ર ઈજાગ્રસ્ત, હોસ્પિટલમાં સારવાર હેઠળ

News Editor
-
0
સિંગાપોરની શાળામાં આગ લાગતાં પવન કલ્યાણનો પુત્ર ઈજાગ્રસ્ત, હોસ્પિટલમાં સારવાર હેઠળ

આંધ્રપ્રદેશના નાયબ મુખ્યમંત્રી પવન કલ્યાણના સૌથી નાના પુત્ર માર્ક શંકર આગની ઘટનામાં ઘાયલ થયા છે. તે સિંગાપોરની એક શાળામાં અભ્યાસ કરતો હતો. માર્કની સારવાર સિંગાપોરની એક હોસ્પિટલમાં ચાલી રહી છે.

પવન કલ્યાણ હાલ આંધ્ર પ્રદેશના અલ્લૂરી સીતારામ રાજુના જિલ્લાની મુલાકાતે છે. તેમણે પોતાના નક્કી કરેલા કાર્યક્રમોને પૂર્ણ કર્યા બાદ સિંગાપોર જવાનો નિર્ણય લીધો છે. જનસેવા પાર્ટીના સોશિયલ મીડિયા પ્લેટફોર્મ એક્સ પર પોસ્ટમાં કહેવામાં આવ્યું છે કે, ‘પવન કલ્યાણે કાલે અરાકૂ પાસે કુરિડી ગામના આદિવાસીઓને મળવાનું વચન આપ્યું હતું. પહેલાં તે ત્યાં જઈને તેમને મળીને તેમની સમસ્યા વિશે સાંભળશે.’ પોસ્ટમાં એવું પણ કહેવામાં આવ્યું છે કે, અમુક વિકાસ યોજના શરૂ કરવાની છે. તેથી તે મુલાકાત ખતમ કર્યા બાદ સિંગાપોર જશે.

જનસેના પાર્ટીએ X પર જણાવ્યું હતું કે શંકરને તાત્કાલિક હોસ્પિટલમાં લઈ જવામાં આવ્યા હતા જ્યાં ડૉક્ટરોની એક ટીમ તેમની સારવાર કરી રહી છે. સારી વાત એ છે કે તેમની હાલત સ્થિર હોવાનું કહેવાય છે. નોંધનીય છે કે, માર્ક શંકરનો જન્મ 10 ઓક્ટોબર 2017 ના રોજ થયો હતો. તે હવે માત્ર 8 વર્ષનો છે અને સિંગાપોરમાં અભ્યાસ કરી રહ્યો છે. સોશિયલ મીડિયા પર લોકો શંકરના ઝડપથી સ્વસ્થ થવા માટે પ્રાર્થના કરી રહ્યા છે.

જયપુરમાં બેકાબૂ SUVએ 10 પદયાત્રીને કચડ્યા, ત્રણનાં મોત, સાત ઘાયલ

News Editor
-
0
જયપુરમાં બેકાબૂ SUVએ 10 પદયાત્રીને કચડ્યા, ત્રણનાં મોત, સાત ઘાયલ

રાજસ્થાનની રાજધાની જયપુરમાં 7 એપ્રિલ, 2025ના રોજ રાત્રે ગતિનો ભયંકર કહેર જોવા મળ્યો. અહીં એક બેકાબૂ SUV કારે રસ્તા પર ચાલી રહેલા અનેક ટુ-વ્હીલર સવારો અને રાહદારીઓને કચડી નાખ્યા હતા. આ અકસ્માતમાં ત્રણ લોકોના ઘટનાસ્થળે જ મૃત્યુ નિપજ્યાં હતા, જ્યારે 7 લોકો ઈજાગ્રસ્ત થયા હતા.

અહેવાલો અનુસાર, આ હિટ એન્ડ રનની ઘટના રાજસ્થાનના જયપુરના નાહરગઢ વિસ્તારમાં બની હતી, આ ઘટનાનો એક સીસીટીવી ફૂટેજ પણ સામે આવ્યો છે. વીડિયોમાં જોઈ શકાય છે કે કેવી રીતે એક બેકાબૂ સફેદ કાર અનેક વાહનોને ટક્કર મારે છે. અકસ્માત બાદ સ્થાનિક લોકોએ તાત્કાલિક કારનો પીછો કર્યો, તેને ઘેરી લીધી અને ડ્રાઇવરને પકડીને પોલીસને સોંપી દીધો. પોલીસે જણાવ્યું હતું કે શરૂઆતની તપાસમાં જાણવા મળ્યું છે કે કારચાલક ખૂબ જ નશામાં હતો.

એડ. DCP (ઉત્તર) બજરંગ સિંહ શેખાવતે જણાવ્યું હતું કે આરોપી ડ્રાઇવર, ઉસ્માન ખાન (62)એ લગભગ 500 મીટરના વિસ્તારમાં સૌથી વધુ નુકસાન પહોંચાડ્યું હતું. નાહરગઢ પોલીસ સ્ટેશન વિસ્તારમાં સંતોષી માતાના મંદિર પાસે આરોપી ડ્રાઇવરે પહેલા સ્કૂટર-બાઇકને ટક્કર મારી અને પછી રસ્તા પર ચાલતા લોકોને કચડીને ભાગી ગયો. આરોપીએ પોલીસ સ્ટેશનની બહાર પાર્ક કરેલાં વાહનોને પણ ટક્કર મારી હતી. આ અકસ્માતમાં શાસ્ત્રીનગર રહેવાસી વિરેન્દ્ર સિંહ (48), મમતા કંવર (50), નાહરગઢ રોડ નિવાસી મોનેશ સોની (28), માનબાગ ઢોર શારદા કોલોની રહેવાસી મોહમ્મદ જલાલુદ્દીન (44) ઘાયલ થયા છે.

આ દરમિયાન, સંતોષી માતા મંદિર વિસ્તારની રહેવાસી દીપિકા સૈની (17), વિજય નારાયણ (65), ઝેબુન્નીશા (50), અંશિકા (24) અને ગોવિંદરાવ જી માર્ગના રહેવાસી અવધેશ પારીક (37)ને પણ ઈજાગ્રસ્ત હાલતમાં હોસ્પિટલમાં લઈ જવામાં આવ્યા હતા, જ્યાં ડૉક્ટરોએ મમતા કંવર અને અવધેશને મૃત જાહેર કર્યા હતા. મંગળવારે સવારે અન્ય એક ઘાયલ વીરેન્દ્ર સિંહનું મોત નીપજ્યું.

આજથી કોંગ્રેસનું રાષ્ટ્રીય અધિવેશનનો થશે પ્રારંભ, રાહુલ અને સોનિયા ગાંધી સ્મારક પહોંચ્યા

News Editor
-
0
આજથી કોંગ્રેસનું રાષ્ટ્રીય અધિવેશનનો થશે પ્રારંભ, રાહુલ અને સોનિયા ગાંધી સ્મારક પહોંચ્યા

ગુજરાતમાં લગભગ 64 વર્ષ બાદ કોંગ્રેસનું રાષ્ટ્રીય અધિવેશન યોજાવા જઇ રહ્યું છે. અમદાવાદમાં આ અધિવેશન આજે 8 એપ્રિલ 2025 અને આવતી કાલે 9 એપ્રિલ 2025ના રોજ યોજાશે. અમદાવાદમાં યોજાઈ રહેલા કોંગ્રેસના રાષ્ટ્રીય અધિવેશનમાં હાજરી આપવા માટે કોંગ્રેસના મોટા નેતાઓનું અમદાવાદમાં આગમન શરૂ થઈ ચૂક્યું છે.

અમદાવાદમાં કોંગ્રેસના રાષ્ટ્રીય અધિવેશનમાં ભાગે લેવા માટે કોંગ્રેસના દિગ્ગજ નેતાઓ અમદાવાદમાં આવી ચૂક્યા છે ત્યારે રાહુલ ગાંધી, સોનિયા ગાંધી અને મલ્લિકાર્જૂન ખડગે ત્રણેય દિગ્ગજ નેતા સરદાર સ્મારક પહોંચ્યા છે. આ ત્રણેય નેતાઓ સૌ પ્રથમ મ્યુઝિયમમાં જશે.

નોંધનીય છે કે, આ અધિવેશન દરમિયાન અનેક મુદ્દાઓ પર ખુલ્લામંચે ચર્ચાઓ કરવામાં આવશે. આ અધિવેશનમાં અનેક રાજકીય પ્રસ્તાવ પણ પસાર થઈ શકે છે. એટલું જ નહીં પરંતુ કોંગ્રેસના તમામ દિગ્ગજ નેતાઓ આજે સાંજે પાંચ વાગ્યે ગાંધી આશ્રમ જશે અને કીર્તનમાં સામેલ થશે. કોંગ્રેસના રાષ્ટ્રીય અધિવેશનને ‘ન્યાય પથ’ નામ આપવામાં આવ્યું છે. જેમાં સંકલ્પ, સમર્પણ અને સંઘર્ષ ટેગલાઈન પણ આપવામાં આવી છે. અમદાવાદમાં અનેક જગ્યાએ આ અધિવેશનના પોસ્ટરો લાગેલા જોવા મળ્યા છે.

ગુજરાત સહિત 6 રાજ્યોમાં વિધાનસભાની ચૂંટણીની તૈયારી, વક્ફ (સંશોધન) બોર્ડ બિલ અંગે ચર્ચા, પ્રિયંકા ગાંધીને કોઈ મોટી જવાબદારી, રાષ્ટ્રીય કક્ષાએ ફરી કોંગ્રેસ પાર્ટીને મજબૂત બનાવવી વગેરે બાબતો પર આજે ચર્ચા થશે તેવું પાર્ટીના સૂત્રો દ્વારા જાણવા મળ્યું છે. નોંધનીય છે કે, બે દિવસીય અધિવેશન સાબરમતી નદીના કિનારે મળી રહ્યું છે. જેથી કોંગ્રેસ પાર્ટીએ સાબરમતી રિવરફ્રન્ટ નહીં પરંતુ સાબરમતી તટ એવું નામ આપ્યું છે. અધિવેશન માટેની તમામ તૈયારીઓ પૂર્ણ થઈ ગઈ છે. આજથી એટલે કે 11 વાગ્યાથી કોંગ્રેસનું મહાઅધિવેશન શરૂ થઈ જશે.

સપાના ભૂતપૂર્વ નેતાનાં 10 સ્થળો પર એન્ફોર્સમેન્ટ ડિરેક્ટોરેટના દરોડા

News Editor
-
0
સપાના ભૂતપૂર્વ નેતાનાં 10 સ્થળો પર એન્ફોર્સમેન્ટ ડિરેક્ટોરેટના દરોડા

એન્ફોર્સમેન્ટ ડિરેક્ટોરેટ (ED)એ સમાજવાદી પાર્ટીના નેતા અને ભૂતપૂર્વ વિધાનસભ્ય વિનય શંકર તિવારી સામે મની લોન્ડરિંગના ગંભીર આરોપોની તપાસ અંતર્ગત એક સાથે 10 થી વધુ સ્થળો પર દરોડા પાડી છે. લખનઉ, ગોરખપુર, નોએડા, મહારાજગંજ અને મુંબઈ સહિતના શહેરોમાં આ દરોડાની કાર્યવાહી ચાલી રહી છે. વિનય શંકર તિવારી સાથે સંકળાયેલી ગંગોત્રી એન્ટરપ્રાઈઝ પ્રાઈવેટ લિમિટેડ અને તેની સંબંધિત કંપનીઓની ઓફિસોને આ તપાસ હેઠળ આવરી લેવામાં આવી છે.

વિનય શંકર તિવારી, જે ચિલ્લુપાર વિધાનસભા ક્ષેત્રમાંથી વિધાનસભ્ય રહી ચૂક્યા છે અને પ્રસિદ્ધ નેતા હરિશંકર તિવારીના પુત્ર છે, તેમના વિરુદ્ધ બેન્ક ઓફ ઈન્ડિયા સહિત અનેક બેન્કોએ ફરિયાદ દાખલ કરી હતી. ફરિયાદમાં આરોપ છે કે ગંગોત્રી એન્ટરપ્રાઈઝે બેન્કો પાસેથી રૂપિયા 1129 કરોડની લોન લીધી અને પછી તેનો દુરુપયોગ કરીને ગેરરીતિ આચરી છે.

પૂર્વ ધારાસભ્ય વિનય શંકર તિવારી ગંગોત્રી એન્ટરપ્રાઈઝ નામની કંપની ચલાવે છે. વિનય શંકર તિવારી અને તેની કંપની પર થોડા વર્ષો પહેલા આ કંપની માટે 7 બેન્કો પાસેથી લગભગ 1129 કરોડ રૂપિયાની લોન લેવાનો અને બાદમાં તે જ બેન્કો સાથે છેતરપિંડી કરવાનો આરોપ છે. તેથી, આ મામલાની ગંભીરતાને ધ્યાનમાં લઈને તપાસ એજન્સીએ ગયા વર્ષે ED પાસેથી આ કેસ સંભાળ્યા બાદ હવે આગળની કાર્યવાહી હાથ ધરવામાં આવી રહી છે.

EDના સૂત્રો મુજબ, ગયા વર્ષે લોન ફ્રોડના આ જ કેસમાં લકનઉ ઝોન દ્વારા 72 કરોડથી વધુની જંગમ મિલકતો જપ્ત કરવામાં આવી હતી. હવે ફરી દરોડાની કાર્યવાહીથી સ્પષ્ટ થાય છે કે તપાસ એજન્સી સમગ્ર લોન ફ્રોડ મામલે વધુ પુરાવા અને જોડાયેલા વ્યક્તિઓ સુધી પહોંચવા માટે આક્રમક વલણ અપનાવી રહી છે. જો આ આરોપો સાબિત થાય તો તિવારી સહિત જોડાયેલા તમામ પર કાયદેસર કડક પગલાં લેવાઈ શકે છે.

1...484485486...1,463Page 485 of 1,463