ગુજરાતની આંતરરાષ્ટ્રીય સરહદ પર સુરક્ષા દળોની સતર્કતાએ ફરી એકવાર રાષ્ટ્રીય સુરક્ષાને મજબૂત કરી. 23 મે, 2025ની રાત્રે બનાસકાંઠામાં બોર્ડર સિક્યોરિટી ફોર્સ (BSF)એ એક પાકિસ્તાની ઘૂસણખોરને ઠાર કર્યો, જ્યારે કચ્છમાં ગુજરાત ATSએ જાસૂસીના આરોપસર એક આરોગ્ય કર્મચારીની ધરપકડ કરી.

ગુજરાતના કચ્છમાંથી એક જાસૂસની પણ ધરપકડ કરવામાં આવી છે. આ કાર્યવાહી ATS દ્વારા કરવામાં આવી છે. યુવકનું નામ સહદેવ ગોહિલ છે. તેના પર પાકિસ્તાનને ગુપ્ત માહિતી પૂરી પાડવાનો આરોપ છે. પ્રાપ્ત માહિતી અનુસાર, આરોપીઓએ ગુજરાતના ઘણા વિસ્તારોની માહિતી પાકિસ્તાન સાથે શેર કરી હતી. ATSના જણાવ્યા અનુસાર, એવી માહિતી સામે આવી છે કે આરોપીને જાસૂસી માટે એક વખત 40 હજાર રૂપિયા સુધી આપવામાં આવ્યા હતા.

કચ્છનો આ માણસ પાકિસ્તાન માટે કોન્ટ્રાક્ટ પર જાસૂસી કરતો હતો. એટીએસે જણાવ્યું કે જાસૂસનો ફોન એફએસએલમાં મોકલવામાં આવ્યો છે. સહદેવ સિંહ ગોહિલ દયાપરમાં આરોગ્ય કાર્યકર છે અને પાકિસ્તાની એજન્ટ અદિતિ ભારદ્વાજના સંપર્કમાં હતો. જાસૂસી દરમિયાન, બીએસએફ અને ભારતીય નૌકાદળની માહિતી પણ શેર કરવામાં આવતી હતી.

એવું બહાર આવ્યું છે કે અદિતિ નામની કોઈ વાસ્તવિક વ્યક્તિ ન પણ હોય, તેના બદલે, ગોહિલ સાથે સંપર્ક જાળવવા માટે આ નામનો ઉપયોગ કોઈ પાકિસ્તાની હેન્ડલર દ્વારા કરવામાં આવ્યો હોવાની શક્યતા છે. અહેવાલો સૂચવે છે કે ગોહિલ છેલ્લા એક વર્ષથી આ હેન્ડલરના સંપર્કમાં હતો. ચિંતાજનક બાબત એ છે કે પાકિસ્તાનનું જાસૂસી નેટવર્ક કેટલું વ્યાપક છે, જેની પાસે સ્થાનિક આરોગ્ય કર્મચારીઓની સંપર્ક વિગતો પણ છે. ગુજરાત એટીએસ આવા દેશદ્રોહીઓને સક્રિય રીતે શોધી રહી છે.

ભારત અને પાકિસ્તાન વચ્ચે અત્યારે પણ સંબંધો ખરાબ ચાલી રહ્યાં છે. તેવામાં બનાસકાંઠાની સરહદ પર પાકિસ્તાન ધૂસણખોર ને ઠાર કરવામાં આવ્યો છે. ધૂસણખોરને બીએસએફ દ્વારા ચેતવણી આપવામાં આવી હતી. તેમ છતાં ભારતની સરહદમાં આવી રહ્યો હોવાથી તેને ઠાર કરવામાં આવ્યો હોવાનું સૂત્રો દ્વારા જાણવા મળ્યું છે.

આ મામલે BSF દ્વારા સત્તાવાર રીતે વિગતો આપી હતી. 23 મેની રાત્રે ગુજરાતના બનાસકાંઠા જિલ્લામાં ભારતીય ક્ષેત્રમાં ઘૂસવાનો પ્રયાસ કરી રહેલા એક પાકિસ્તાની ઘુસણખોરને ઠાર મારવામાં આવ્યો હતો. BSF જવાનોએ એક શંકાસ્પદ વ્યક્તિને આંતરરાષ્ટ્રીય સરહદ પાર કરીને સરહદની વાડ તરફ આગળ વધતા જોયો હતો. BSF દ્વારા ઘુસણખોરને ચેતવણી પણ આપવામાં આવી હતી પરંતુ તે આગળ વધતો રહ્યો, જેના કારણે તેમને ગોળીબાર કર્યો હતો. જેથી પાકિસ્તાની ઘુસણખોર ઘટનાસ્થળે જ માર્યો ગયો હતો.

BSF દ્વારા ઘુસણખોરને ચેતવણી પણ આપવામાં આવી હતી
મહત્વની વાત એ છે કે, પાકિસ્તાન પર અત્યારે કોઈ પણ પ્રકારનો ભરોસો થઈ શકે તેમ નથી. કારણે તેનું કામ માત્ર આતંક ફેલાવવાનું છે. જેથી ભારત પાકિસ્તાન સામે આકરૂ વલણ રાખ્યું છે. બનાસકાંઠા બોર્ડર પર પણ પાકિસ્તાની ઘૂસણખોર દેખાયો હતો. જેથી દેશની સુરક્ષાને ધ્યાને રાખીને તેને ઠાર કરવામાં આવ્યો હતો. જો કે, બીએસએફ દ્વારા આરોપીને ચેતવણી પણ આપવામાં આવી હતી. પરંતુ ધૂસણખોરે બીએસએફની ચેતવણીને ગણકારી નહોતી તેના કારણે તેને ઠાર કરવામાં આવ્યો છે.