રાજસ્થાનના બુંદી જિલ્લામાં ટ્રક અને કાર વચ્ચે ગમખ્વાર અકસ્માત સર્જાયો છે. જેમાં એક જ પરિવારના ચાર સભ્યોના મોત થયા છે. આ ઘટનાની વિગતો મુજબ કાંકરી ભરેલા ટ્રકનું ટાયર ફાટતા ડ્રાઈવરે કાબુ ગુમાવ્યો હતો અને કારને કચડી નાખી હતી. આ ઘટનાની જાણ થતા પોલીસ પહોંચી હતી અને બચાવ કામગીરી શરુ કરી હતી. તેમજ મૃતદેહોને પોસ્ટમોર્ટમ માટે મોકલવામાં આવ્યા છે.

સમગ્ર કારનો ભુક્કો બોલાયો
આ અકસ્માત અંગે મળેલી વિગતો મુજબ બુંદી જિલ્લાના નેશનલ હાઈવે નંબર 52 પર કાંકરી ભરેલા ટ્રકનું ટાયર ફાટતા ડ્રાઈવરે કાબુ ગુમાવ્યો હતો. તેમજ આ ટ્રક કાર પર પલટી ગયો હતો. આ અકસ્માત એટલો ભયાવહ હતો કે સમગ્ર કારનો ભુક્કો બોલાયો હતો. તેમજ તેમાં બેસેલા લોકો ફસાઈ ગયા હતા. આ તમામ મૃતકો એક જ પરિવારના હતા.

પોલીસના જણાવ્યા અનુસાર, આ અકસ્માત ગુરુવારે 6:30 વાગ્યે બુંદી જિલ્લાના સદર પોલીસ સ્ટેશન વિસ્તારમાં સિલોર બ્રિજ પાસે થયો હતો. જેમાં ટોંક જિલ્લાના પાંચ લોકો જન્મદિવસની ઉજવણી માટે કાર દ્વારા કોટા જઈ રહ્યા હતા. જયપુરથી કોટા જઈ રહેલા કાંકરી ભરેલો ટ્રક પાછળથી કાર સાથે અથડાયો હતો. જેમાં ટ્રકનું એક ટાયર ફાટી જતા ડ્રાઈવરે સ્ટીયરીંગ પરથી કાબુ ગુમાવ્યો હતો. આ અક્સ્માતમાં ત્રણ સગા ભાઈ સહિત ચાર લોકોના મોત થયા છે.

એક જ પરિવારના ચાર સભ્યોના મોત
મૃતકો ટોંક જિલ્લાના રહેવાસી હતા અને પરિવારના કોઈ સભ્યના જન્મદિવસની ઉજવણી માટે કોટા જઈ રહ્યા હતા. પરંતુ રસ્તામાં જ કાળ ભેટી ગયો. મોઈનુદ્દીન (60), ફરીઉદ્દીન (45), અજમીઉદ્દીન (40) અને તેમના પિતરાઈ ભાઈ સૈફુદ્દીન (28). સૈફુદ્દીનના પિતા વસીઉદ્દીન (64)નો આ અકસ્માતમાં ચમત્કારિક બચાવ થયો છે, તેમને સામાન્ય ઈજાઓ પહોંચતા હોસ્પિટલ ખસેડવામાં આવ્યા છે.

ટ્રક નીચે કાર સંપૂર્ણપણે દબાઈ જતાં અંદર સવાર લોકોને બહાર નીકળવાની કે બચવાની કોઈ તક મળી ન હતી. અકસ્માત બાદ હાઈવે પર ટ્રાફિક જામ સર્જાયો હતો. પોલીસે ક્રેનની મદદથી ટ્રક હટાવી કારમાં ફસાયેલા મૃતદેહોને બહાર કાઢી પોસ્ટમોર્ટમ માટે મોકલી આપ્યા છે. એકસાથે ચાર ભાઈઓના મોતથી ટોંક જિલ્લામાં પંથકમાં શોકનું મોજું ફરી વળ્યું છે.

પ્રધાનમંત્રી નરેન્દ્ર મોદીની વિદેશ યાત્રાઓ રાજદ્વારી સિદ્ધિઓના નવા રેકોર્ડ બનાવી રહી છે. ગુરુવારે, ઓમાનના સુલતાન હૈથમ બિન તારીકે દ્વિપક્ષીય સંબંધોને નવી ઊંચાઈએ લઈ જવા બદલ પ્રધાનમંત્રી મોદીને ઓર્ડર ઓફ ઓમાન, એક ખાસ નાગરિક સન્માન એનાયત કર્યું. પ્રધાનમંત્રી મોદી તેમના સફળ ત્રણ દેશોના પ્રવાસના અંતિમ તબક્કામાં મસ્કત પહોંચ્યા, જ્યાં તેમને આ સન્માન એનાયત કરવામાં આવ્યું.

અત્યાર સુધીમાં 28 થી વધુ આંતરરાષ્ટ્રીય પુરસ્કારો
પ્રધાનમંત્રી મોદીની વૈશ્વિક ઓળખનો અંદાજ એ વાત પરથી લગાવી શકાય છે કે તેમને વિવિધ દેશો દ્વારા 28 થી વધુ સર્વોચ્ચ નાગરિક સન્માનોથી નવાજવામાં આવ્યા છે. તાજેતરમાં, તેમને બે અન્ય મુખ્ય સન્માનોથી નવાજવામાં આવ્યા હતા:

• ઇથોપિયા: ‘ઇથોપિયાનું મહાન સન્માન ચિહ્ન’
• કુવૈત: ‘મુબારક અલ-કબીરનો હુકમ’

રાજદ્વારી સંબંધોની 70મી વર્ષગાંઠની ઉજવણી
ભારત અને ઓમાન રાજદ્વારી સંબંધોની 70મી વર્ષગાંઠની ઉજવણી કરી રહ્યા હોવાથી, પીએમ મોદીની ઓમાન મુલાકાત ખાસ મહત્વની છે. બુધવારે જ્યારે પ્રધાનમંત્રી મસ્કત પહોંચ્યા ત્યારે તેમનું ભવ્ય સ્વાગત કરવામાં આવ્યું અને ગાર્ડ ઓફ ઓનર આપવામાં આવ્યું. સુલતાન સાથેની ઉચ્ચ સ્તરીય મુલાકાત દરમિયાન, તેમણે વેપાર, રોકાણ, ઊર્જા, સંરક્ષણ અને સાંસ્કૃતિક સંબંધોને મજબૂત બનાવવા પર ધ્યાન કેન્દ્રિત કર્યું.

જોર્ડન અને ઇથોપિયાની અગાઉની મુલાકાતો
જોર્ડન અને ઇથોપિયા પછી, પીએમ મોદીની ઓમાનની ત્રણ દેશોની મુલાકાત વ્યૂહાત્મક રીતે મહત્વપૂર્ણ છે. ઓમાન ગલ્ફ ક્ષેત્રમાં ભારતનો સૌથી જૂનો સંરક્ષણ ભાગીદાર છે, અને બંને દેશો હાલમાં તેમની વ્યૂહાત્મક ભાગીદારીને વધુ ગાઢ બનાવી રહ્યા છે.