Home Blog Page 1194

હાઈકોર્ટની કડક ટિપ્પણી, છોકરાઓને ખબર હોવી જોઈએ કે ‘ના’ નો અર્થ ના જ હોય

News Editor
-
0

High Court’s stern remark

  • દેશમાં શાળાઓ અને કોલેજોમાં સતત વધી રહેલા યૌન ઉત્પીડનના કેસોને ધ્યાનમાં રાખીને હાઈકોર્ટે એક ખુબ જ મહત્વની ટિપ્પણી કરી છે. હાઈકોર્ટે કહ્યું કે મહિલાઓ વિરુદ્ધ ભદ્દી ટિપ્પણીઓ સહન કરવામાં નહીં આવે. બાળકોને નાની ઉંમરમાં જ શીખવાડવું જોઈએ કે મહિલાઓ સાથે આદરથી વ્યવહાર કરવો જોઈએ.

દેશમાં શાળાઓ અને કોલેજોમાં સતત વધી રહેલા યૌન ઉત્પીડનના (Sexual harassment) કેસોને ધ્યાનમાં રાખીને કેરળ હાઈકોર્ટે (Kerala High Court) એક ખુબ જ મહત્વની ટિપ્પણી કરી છે. હાઈકોર્ટે કહ્યું કે મહિલાઓ વિરુદ્ધ ભદ્દી ટિપ્પણીઓ સહન કરવામાં નહીં આવે. બાળકોને નાની ઉંમરમાં જ શીખવાડવું જોઈએ કે મહિલાઓ સાથે આદરથી વ્યવહાર કરવો જોઈએ.

કોર્ટે કહ્યું કે સારો વ્યવહાર અને શિષ્ટાચાર સાથે જોડાયેલી વાતોને શાળાના પાઠ્યક્રમમાં સામેલ કરવી ખુબ જ જરૂરી છે. હાઈકોર્ટે કહ્યું કે અનેકવાર એવી ધારણાઓ બને છે કે આપણી એજ્યુકેશન સિસ્ટમ ચરિત્ર નિર્માણ પર કેન્દ્રિત છે પરંતુ સચ્ચાઈ એ છે કે આ સંપૂર્ણ રીતે એકેડેમિક પરિણામો અને રોજગાર પર કેન્દ્રિત છે.

તેમણે કહ્યું કે હવે સમય આવી ગયો છે કે ગુણવત્તાવાળા શિક્ષણ પર ધ્યાન આપવું જોઈએ જેથી કરીને આપણા બાળકો મોટા થઈને સારા નાગરિક બને. કમ સે કમ પ્રાઈમરી ક્લાસના સ્તરે શિક્ષકોએ વિદ્યાર્થીઓમાં સારા ગુણો અને મૂલ્યો માટે પ્રોત્સાહન આપવું જોઈએ.

કેરળ હાઈકોર્ટના જસ્ટિસ દ્વન રામચંદ્રને એક અરજી પર સુનાવણી કરતા આ ટિપ્પણી કરી. હકીકતમાં આ અરજીમાં એક કોલેજના પ્રિન્સિપાલના આદેશ અને આંતરિક ફરિયાદ સમિતિના આદેશને પડકારવામાં આવ્યો હતો. એવું કહેવાયું હતું કે અરજીકર્તાએ ગેરવર્તણૂંક કરી અને કોલેજ કેમ્પસમાં કેટલીક છોકરીઓને ખોટી રીતે સ્પર્શ કર્યો. અરજીકર્તાએ તેને દોષિત ઠેરાવનારી ફરિયાદ સમિતિના રિપોર્ટને પડકારતા કહ્યું કે તેનો પક્ષ સાંભળવાનો મોકો સુદ્ધા આપવામાં આવ્યો નથી.

કોર્ટે કહ્યું કે યૌન ઉત્પીડનના મોટાભાગના મામલાઓમાં આરોપ છોકરાઓ પર લગાવવામાં આવે છે. બહુ ઓછા આરોપ છોકરી પર લાગે છે. હવે સમય આવી ગયો છે કે બધા બેસીને વિચારે કે આ મામલે શું કરવું જોઈએ. છોકરાઓને ખબર હોવી જોઈએ કે છોકરીઓ અને મહિલાઓની સહમતિ વગર તેમને સ્પર્શ કરવો જોઈએ નહીં. તેમને ખબર હોવી જોઈએ કે ‘ના’નો અર્થ ના જ હોય છે.

આ પણ વાંચો :-

 

ગુજરાતીઓની એક પહેલ અને યુપીમાં નોકરીનો ઢગલો થશે, કરોડોનું રોકાણ કરશે

News Editor
-
0

An initiative of Gujaratis and jobs will pile up in UP

  • ગુજરાતના 22 રોકાણકારોએ અમદાવાદમાં આયોજિત B2G બેઠક અને રોડ શો દરમિયાન UPમાં 38,000 કરોડના MOUમાં હસ્તાક્ષર કર્યા. આ MOUથી રાજ્યમાં પ્રત્યક્ષ કે પરોક્ષ રીતે 50,000થી વધુ રોજગારીની તકોનું સર્જન થશે.

ગુજરાતીઓએ તો દુનિયાના ખૂણેખાચરે બિઝનેસ વિકસાવ્યો છે. ત્યારે હવે ગુજરાતીઓ યોગી આદિત્યનાથના ઉત્તર પ્રદેશમાં વેપાર કરશે. મુખ્યમંત્રી યોગી આદિત્યનાથની (Chief Minister Yogi Adityanath) નીતિ અને પ્રદેશમા આવેલા મોટા બદલાવ બાદ ગુજરાતના (Gujarat) રોકાણકારોએ યુપીમાં રોકાણ કરવા માટે મહોર લગાવી દીધી છે. શુક્રવારે આ અંગે એમઓયુ કરવામાં આવ્યા. જેમાં 22 રોકાણકારોએ 38 હજાર કરોડના રોકાણ (Investment) પર હસ્તાક્ષર કર્યા.

આ એમઓયુ બાદ ઉત્તર પ્રદેશમાં (Uttar Pradesh) પ્રત્યક્ષ કે પરોક્ષ રૂપે 50 હજારથી વધુ રોજગારીની તકો મળશે. આ ઉપરાંત અન્ય રોકાણકારોએ પણ ઉત્તર પ્રદેશમાં રોકાણ કરવાની ઈચ્છા વ્યક્ત કરી છે. આ ઈન્વેસ્ટમેન્ટ આગામી ફેબ્રુઆરી મહિનામાં રાજધાની લખનઉમાં (Lucknow) આયોજિત થનારા યુપી ગ્લોબલ ઈન્વેસ્ટમેન્ટ સમિટ 2023 માં થશે.

ઉલ્લેખનીય છે કે યુપીને સર્વોતત્મ બનાવવામાં અલગ અલગ રાજ્યોમાં મોટા શહેરોમાં આયોજિત રોડ શોમાં યુપીમાં મોટું ઈન્વેસ્ટમેન્ટ આવવાના પ્રયાસો ચાલુ છે. અમદાવાદમા બીટુજી મીટિંગ્સ અને રોડ શોની આગેવાનીમાં કેબિનેટ મિનિસ્ટર એકે શર્માએ કરી હતી.

કેબિનેટ મિનિસ્ટર પીડબલ્યુડી જતીન પ્રસાદે યોગી સરકારની ઈન્વેસ્ટમેન્ટ ફ્રેન્ડલી નીતિઓ વિશે માહિતી આપીને ઉદ્યોગપતિઓને પ્રદેશમાં ઈન્વેસ્ટમેન્ટ માટે આમંત્રિત કર્યા હતા. આ દરમિયાન રાજ્યમંત્રી જયેન્દ્ર પ્રતાપસિંહ રાઠોડે કહ્યું કે યુપીની નીતિ અને મહોલ સૌથી સારો છે. તેથી અમે તમને ઈન્વેસ્ટમેન્ટ કરીને મોટી તક ઉઠાવવા આમંત્રિત કરી રહ્યાં છીએ.

બાગપતમાં અમૂલ લગાવશે મિલ્ક પ્લાન્ટ :

રોડ પહેલા બિઝનેસ ટુ ગર્વનમેન્ટ મીટિંગનો દોર ચાલ્યો હતો. આ દરમિયાન ત્રણ ડઝનથી વધુ રોકાણકારોએ ઉત્તર પ્રદેશના પ્રતિનિધિમંડળથી યુપીમાં ઈન્વેસ્ટમેન્ટ કરવાની નીતિ તક વિશે માહિતી મેળવી. તથા રાહત અને છૂટછાટ વિશે પણ માહિતી મેળવી. જેના બાદ રોકાણકારોએ એમઓયુ ફાઈનલ કર્યા હતા. સૌથી મોટો એમઓયુ ગુજરાતની નામચીન ફાર્મા કંપની ટોરેન્ટ ફાર્મા દ્વારા કરવામા આવ્યા છે.

જે 25 હજાર કરોડ રૂપિયાનું છે. આ સાથે જ અમૂલ ઈન્ડિયાએ યુપીના બાગપતમાં નવો મિલ્ક પ્લાન્ટ લગાવવા માટે 900 કરોડના એમઓયુ કર્યા છે. તો 9 એમઓયુ એક હજાર કરોડ કે તેના વધુના રહ્યા છે. કુલ મળીને 22 એમઓયુ 38 હજાર કરોડ રૂપિયાથી વધુના સાઈન કરાયા છે.

આ પણ વાંચો :-

BMW થી તિહાડ જેલ બોલાવતો સુકેશ, સ્પેશ્યલ રૂમમાં આપતો દોઢ લાખ… ત્રણ હિરોઈનના ચોંકાવનારા ખુલાસા

News Editor
-
0

Sukesh calls Tihar Jail from BMW

  • સુકેશ ચંદ્રશેખર પરના છેતરપીંડીના કેસમાં બોલિવૂડની બે અભિનેત્રીઓના પણ નામ સામે આવ્યા છે. જેમાં તિહાર જેલમાં સુકેશ બોલાવતો હોવા સહિતના અનેક ચોંકાવનારા દાવા થયા છે.

મહાઠગ સુકેશ ચંદ્રશેખર કેસમાં (Mahathug Sukesh Chandrasekhar case) બોલિવૂડની બે અભિનેત્રીઓ જેકલીન ફર્નાન્ડીઝ (Jacqueline Fernandez) અને નોરા ફતેહીનું (Nora Fatehi) નામ જોડાયું છે. ત્યારે આ બંને સિવાય અન્ય એક અભિનેત્રી પણ વારંવાર તિહાર જેલમાં જતી હતી તેવો દાવો કરવામાં આવ્યો છે. મહત્વનું છે કે 200 કરોડની છેતરપિંડીની સુકેશ ચંદ્રશેખર વિરુદ્ધ ફરીયાદ દાખલ કરવામાં આવેલી હતી.

ચાર્જશીટમાં દિલ્હી પોલીસે દાવો કર્યો છે કે એપ્રિલ-મે 2018ના મહિનામાં ત્રણ અભિનેત્રીઓ સુકેશને મળવા તિહાર જેલમાં જતી હતી. ત્રણેય અભિનેત્રીઓની પૂછપરછ દરમિયાન તમામ રહસ્યો ખોલ્યા છે. ત્યારે જાણવા મળી રહ્યું છે કે તિહાર જેલના ઉચ્ચ અધિકારીઓને લાંચ આપવામાં આવી હતી.

1 કલાકની મુલાકાતના 1.5 લાખ રૂપિયા ! 

દિલ્હી પોલીસ દ્વારા ચાર્જશીટમાં જણાવ્યા અનુસાર જેલમાં અભિનેત્રીઓ 1 લાખથી 1.5 લાખ રૂપિયા સુધી લઈને સુકેશ ચંદ્રશેખરને 45 મિનિટથી 1 કલાક સુધી મુલાકાત કરતી હતી. જેલમાં સુકેશના શાનનો અંદાજો એ વાત પરથી લગાવી શકાય છે કે જ્યારે કોઈ હિરોઈન આવતી ત્યારે તેને એક સ્પેશિયલ રૂમમાં મોકલવામાં આવતી હતી. જ્યાં ટીવી, એસી, ફ્રીજ સહિતની સુવિધાઓ આપવામાં આવતી હતી.

સ્પેશિયલ રૂમમાં સુકેશ સાથે એકલી મિટીંગ કરતી હતી. તેમજ દિલ્હી પોલીસે દાવો કર્યો છે કે આ વાત અભિનેત્રીઓએ પોતે કહી છે. વધુમાં જણાવ્યું હતું કે અભિનેત્રીઓને BMW કારમાં તિહાર જેલમાં  લાવવામાં આવતા હતા અને તેમને ગેટ નંબર 3 પાસેથી પ્રવેશ આપવામાં આવતો હતો.

આ પણ વાંચો :-

ખોડલધામ મંદિરનો સાતમા વર્ષમાં મંગલ પ્રવેશ : આ મહિલા બન્યાં પ્રથમ મહિલા ટ્રસ્ટી

News Editor
-
0

Mangal entry of Khodaldham temple in seventh year

  • ખોડલધામ મંદિરનો આજે સાતમાં વર્ષમાં મંગલ પ્રવેશ થતા ભવ્ય મહોત્સવ. નરેશ પટેલ, જયેશ રાદડિયા સહિતના નેતાઓ પહોંચ્યા. મુખ્યમંત્રી ભૂપેન્દ્ર પટેલ પણ રહેશે હાજર.

રાજકોટના (Rajkot) કાગવડમાં આવેલું પાટીદારોનું ખોડલધામ (Khodaldham) આજે તેના સાતમા વર્ષમાં મંગલ પ્રવેશ કરી રહ્યું છે. ત્યારે આજે ખોડલધામ ખાતે અનેક કાર્યક્રમોનું આયોજન કરવામાં આવ્યું છે. જેમાં મુખ્યમંત્રી ભૂપેન્દ્ર પટેલ (Chief Minister Bhupendra Patel), રાજ્ય સરકારના અનેક મંત્રીઓ અને ધારાસભ્યો હાજરી આપશે.

ખોડલધામમાં આજે ધ્વજારોહણ કરવામાં આવશે. અનાર પટેલ સહિત નવા 40 થી વધુ ટ્રસ્ટીઓનો આજે ખોડલધામમાં સમાવેશ કરાયો છે. ખોડલધામ ટ્રસ્ટનાં પ્રથમ મહિલા ટ્રસ્ટી તરીકે અનારબેન પટેલ જોડાયા છે. તો 40થી વધુ ટ્રસ્ટીઓને ખોડલધામનો ખેસ પહેરાવીને આવકારવામાં આવ્યા.

વહેલી સવારથી જ ખોડલધામનું વાતાવરણ ગુંજી ઉઠ્યું છે. મુખ્યમંત્રી ભુપેન્દ્ર પટેલ ખોડલધામ પહોંચ્યા હતા. તેઓએ માતાજીના દર્શન કરી આશીર્વાદ લીધા હતા. મુખ્યમંત્રીએ માં ખોડલને ધજા ચડાવી અને નરેશ પટેલે મુખ્યમંત્રીને માતાજીનો ખેસ પહેરાવ્યો હતો. આ ભવ્ય મહોત્સવમાં નિરમા ગ્રુપના કરશન પટેલ, કેડીલા ગ્રુપના માલીક, બિપિન પટેલ, કાળુભાઈ મોહનભાઈ ઝાલાવડીયા પણ જોડાશે. આ ઉપરાંત આજે સંસ્થા દ્વારા નવા પ્રકલ્પો લેવામાં આવશે. જેમાં રાજકોટ નજીક આવેલ અમરેલી ગામ ખાતે શૈક્ષણિક શંકુલ અને આરોગ્ય ભવન બનાવવામાં આવશે.

આજે ખોડલધામમા યજ્ઞ, લોકડાયરાનું પણ આયોજન કરવામાં આવ્યું છે. સૌરાષ્ટ્રના ખ્યાતનામ કલાકારો દ્વારા લોકસંસ્કૃતિનું રસપાન કરાવવામાં આવશે. તો આજે ખોડલધામ ખાતે એક ભવ્ય સભાનું પણ આયોજન કરાયું છે. જેમાં મોટી સંખ્યામાં લોકો ઉમટશે. મા ખોડલના મંદિર ખોડલધામમાં આજે મોટી સંખ્યામાં લેઉવા પાટીદાર સમાજના લોકો ઉમટશે. જેના કારણે ચાર હજારથી વધુ સ્વયંસેવકો અને પોલીસ સ્ટાફ ખડેપગે રહેશે. દર્શને આવતા દર્શનાર્થીઓને કોઈ અગવડ ન પડે તે માટે મંદિર ટ્રસ્ટ દ્વારા ખાસ આયોજન કરવામાં આવ્યું છે. સુરક્ષાનો પણ ચુસ્ત બંદોબસ્ત ગોઠવવામાં આવ્યો છે.

રાજકોટમાં કાગવડ ખોડલધામ ટ્રસ્ટનો 7માં વર્ષમાં મંગલ પ્રવેશ થયો છે. ત્યારે આ પ્રસંગે ધારાસભ્ય અને ટ્રસ્ટી રમેશ ટીલારા, પૂર્વ મંત્રી અને જેતપુરના ધારાસભ્ય જયેશ રાદડિયા, પૂર્વ ધારાસભ્ય અરવિંદ રૈયાણી, જગદીશ ડોબરીયા, અલ્પેશ કથીરીયા, ધાર્મિક માલવીયા સહિતના પાટીદાર આગેવાનો ઉપસ્થિત રહ્યાં છે. પૂર્વ શિક્ષણ મંત્રી અને ભાવનગરના ધારાસભ્ય જીતુ વાઘાણી, કેબિનેટ મંત્રી કુંવરજીભાઈ બાવળિયા, ભાનુબેન બાબરીયા, મુળુભાઈ બેરા સહિતના મંત્રીઓ પણ ઉપસ્થિત રહ્યા છે.

આ પણ વાંચો :-

સુમુલમાં થયું અમુલ જેવું, તાત્કાલિક 3 અધિકારીઓની હકાલપટ્ટી કરી

News Editor
-
0

Like Amul happened in Sumul

  • સુમુલ ડેરીએ 3 ઉચ્ચ અધિકારીઓની હકાલપટ્ટી કરી. દૂધની ચોરીની આશંકાને પગલે કાર્યવાહી GM-માર્કેટિંગ મનિષ ભટ્ટની હકાલપટ્ટી.

ડેરીઓમાં ખદબદતો ભ્રષ્ટાચાર (Corruption) હવે બહાર આવી રહ્યો છે. ત્યારે દક્ષિણ ગુજરાતની સૌથી મોટી સુમુલ ડેરીએ 3 અધિકારીઓની તાત્કાલિક અસરથી હકાલપટ્ટી કરી છે. ડેરીમાંથી દૂધ ચોરી કરાતું હોવાની આશંકાને પગલે આ કાર્યવાહી કારઈ છે. જેમાં જીએમ-માર્કેટિંગ મનીષ ભટ્ટ (GM-Marketing Manish Bhatt), ડીજીએમ-ઓપરેશન અલ્પેશ શાહ અને મેનેજર એન્જિનિયરિંગ હિરેન પટેલની તાત્કાલિક હકાલપટ્ટી (Immediate expulsion) કરાઈ છે.

ડેરીના વહીવટમાં ગેરરીતિને કારણે સુમુલ ડેરીના ત્રણ અધિકારીઓને ટર્મિનેટ કરવામાં આવ્યા છે. ત્યારે સુમુલના ઉચ્ચ અધિકારીઓને ટર્મિનેટ કરતા અનેક ચર્ચાઓ વહેતી થઈ છે. આ ઘટના સમગ્ર દક્ષિણ ગુજરાતના સહકારી ક્ષેત્રમાં ચર્ચાનો વિષય બન્યો છે.

પ્રાપ્ત માહિતી અનુસાર ત્રણેય ઉચ્ચ અધિકારીઓની વહીવટમાં ગેરરીતિ કરવા માટે સસ્પેન્ડ કરાયા છે. જોકે, ડેરી દ્વારા તેનુ કારણ અપાયુ નથી. પંરતુ સૂત્રો દ્વારા પ્રાપ્ત માહિતી અનુસાર ડેરીમાં દૂધ ચોરી થતું હોવાની ગેરીરિતિને પગલે કેટલાક પુરાવા રજૂ કરાયા હતા.

જેમાં આ ત્રણેય અધિકારીઓની સંડોવણી સામે આવી છે. જેથી સુમુલ ડેરીના તંત્ર દ્વારા તાત્કાલિક અસરથી ત્રણેય અધિકારીઓની સસ્પેન્ડ કરવાનો નિર્ણય લીધો હતો. ત્રણેય ઉચ્ચ અધિકારીઓ પર દૂધને બારોબાર સગેવગે કરાતું હોવાનો આક્ષેપ ઉઠ્યો છે.

ઉલ્લેખનીય છે કે હાલમાં સુમુલ ડેરીનો વર્ષે 4200 કરોડથી વધારેનો વહીવટ થઈ રહ્યો છે. સુમુલ ડેરી સાથે 2.50 લાખથી વધારે પશુપાલકો સંકળાયેલા છે અને ડેરીમાં રોજ 12થી 14 લાખ લીટર જેટલા દુધની આવક થઈ રહી છે.

આ પણ વાંચો :-

SIM Swappingથી સાવધાન : ભૂલથી પણ આ સ્કેમને ન અવગણતા, નહીં તો મિનિટોમાં થઈ જશો કંગાળ !

News Editor
-
0

Beware of SIM Swapping

  • શું તમે SIM Swappingના વિશે જાણો છો? આ હેકિંગની એવી રીત છે જેમાં હેકર્સ તમારા સિમ કાર્ડનું એક્સેસ મેળવી લે છે. આ રીતે મામલામાં સ્કેમર્સની પાસે કોઈ પણ યુઝરનો OTP આવવા લાગે છે. તેનો ફાયદો ઉઠાવીને સ્કેમર્સ ફ્રોડ કરે છે. આવો જાણીએ હેકર્સની પાસે OTP કઈ રીતે આવે છે.

સ્કેમપ્સ (Scamps) લોકોને પોતાની જાળમાં ફસાવવા માટે ઘણી રીતે અપનાવે છે. પરંતુ બેકિંગ (Baking) સાથે જોડાયેલા ફ્રોડમાં OTPની જરૂર હોય છે. હવે આ OTP તેમને મળે છે કેવી રીતે ? આખા સ્કેમની સ્ટોરી તેના પર નિર્ભર કરે છે. શું થાય જો તમારો OTP તમારા નંબર પર આવવાની જગ્યા પર સ્કેમર્સની પાસે પહોંચી જાય? સ્કેમર્સની એક રીત આવી પણ છે.

આને કહેવાય છે SIM Swapping :

આ પ્રકારના સ્કેમને SIM Swapping કહેવામાં આવે છે. આ પ્રકારના ફ્રોડમાં સ્કેમર્સ યુઝર્સને સિમનું એક્સેસ મેળવવા માટે કહે છે. પછી શરૂ થાય છે ફ્રોડનો સંપૂર્ણ ખેલ હવે સવાલ એ થાય છે કે કોઈ ફોન હેક કરી શકે છે પરંતુ સિમનો કંટ્રોલ કેવી રીતે મેળવી શકે છે? આવો જાણીએ તેની સંપૂર્ણ ડિટેલ્સ.

આ રીતે મળવે છે સીમ કાર્ડનો કંટ્રોલ :

આ સંપૂર્ણ મામલામાં સ્કેમર્સ કમજોર ટૂ-ફેક્ચર ઓર્થેટિકેશન અને વેરિફિકેશન સિસ્ટમનો ફાયદો ઉઠાવે છે. સ્કેમને અંજામ આપવા માટે ફ્રોડક્સ પહેલા એક યુઝરની પર્સનલ ડિટેલ્સ ભેગી કરે છે. પછી તેનાથી સિમ કાર્ડનો કંટ્રોલ મેળવે છે. તેના પહેલા તમારે સમજવું પડશે કે આ સ્કેમ કેવી રીતે થાય છે?

શું છે SIM Swapping? 

સંપૂર્ણ ફ્રોડમાં સ્કેમર્સ કોઈ યુઝરના સિમનો કંટ્રોલ મેળવી લે છે. ત્યાર બાદ તેમની પાસે તમારો OTP અને બીજા મેસેજ અને કોલ્સ આવવા લાગે છે. સિમનો કંટ્રોલ મેળવવા માટે યુઝર્સ સૌથી પહેલા સોશિયલ એન્જિનિયરિંગની રીત અપનાવે છે અને આ યુઝર્સની તમામ ડિટેલ્સ ભેગી કરે છે.

યુઝર્સની પર્યાપ્ત જાણકારી હોવા બાદ સ્કેમર્સ ટેલીકોમ ઓપરેટરનો સંપર્ક કરે છે. સ્કેમર્સ જણાવે છે કે તેમનું સિમ કાર્ડ ખોવાઈ જાય અથવા ખરાબ થઈ જાય અથવા તેમને નંબર ન જોઈએ. જરૂરી જાણકારીઓને બદલે સ્કેમર્સ નવું સિમ કાર્ડ હાસિલ કરી લે છે અને સ્કેમ કરે છે.

તમે કઈ રીતે બચશો? 

પોતાની પર્સનલ ડિટેલ્સને લઈને તમારે સાવધાન રહેવું જોઈએ. તેનાથી તમારા નામ પર કેટલા સિમ કાર્ડ છે અને બીજી જરૂરી જાણકારીઓ બીજા કોઈના હાથમાં ન આવે. કોઈ પણ પ્રકારના ફિશિંગ લિંક પર ક્લિક ન કરો.

પોતાની ડિટેલ્સ અજાણ્યા લોકો સાથે શેર ન કરો. કોઈ પણ શંકાસ્પદ લિંક પર ક્લિક ન કરો. જો તમને લાગે છે કે તમે સિમ સ્વેપિંગની ફરિયાદ થઈ છે તો તેમની જાણકારી તરત બેંક અને ટેલીકોમ ઓપરેટને આપવામાં આવે છે.

આ પણ વાંચો :-

શું તમે જાણો છો કે રોજ ગૂગલ કેટલું પાણી પી જાય છે ? જાણો આટલાં ડેટા યાદ રાખવા માટે ગૂગલને કેટલીવાર લાગે છે ‘તરસ’

News Editor
-
0

Do you know how much water Google drinks every day

  • ગૂગલ પર દરરોજ અબજો સર્ચ કરવામાં આવે છે. ડેટા તેના કેન્દ્રોમાં સાચવવામાં આવે છે. પરંતુ શું તમે ક્યારેય વિચાર્યું છે કે તે આ કેન્દ્રોમાં કેટલા પાણીનો વપરાશ થાય છે? વિશ્વભરના ગૂગલ ડેટા સેન્ટર્સે વર્ષ 2021માં 1500 કરોડ લિટર પાણીનો વપરાશ કર્યો છે. તેમાંથી 80 ટકા વપરાશ માત્ર અમેરિકાના કેન્દ્રોમાં થઈ રહ્યો છે.

Google સમગ્ર વિશ્વમાં લોકોના પ્રશ્નોના જવાબ આપે છે. તેના ડેટા સેન્ટર (Data Center) આમાં ઉપયોગી છે. પરંતુ આ ડેટા સેન્ટરો કરોડો લીટર પાણી પીવે છે. જી હા તમને આશ્ચર્ય થશે પરંતુ આ સત્ય છે. વિશ્વભરના ગૂગલ ડેટા સેન્ટરોએ 2021માં 1500 કરોડ લિટર પાણીનો ખર્ચ કર્યો છે. તેમાંથી 80 ટકા અમેરિકામાં (America) હાજર ડેટા સેન્ટરનો વપરાશ છે.

ગૂગલે આ માહિતી ત્યારે આપી જ્યારે તેને એક મીડિયા સંસ્થા ધ ઓરેગોનિયન દ્વારા પડકારવામાં આવ્યો. તેને પૂછવામાં આવ્યું કે ગૂગલ જણાવે કે ઓરેગોનમાં સ્થિત ગૂગલ ડેટા સેન્ટર કેટલું પાણી વાપરે છે. આ બાબતે મામલો થોડો જટિલ બન્યો હતો.

કેસ કોર્ટમાં પણ ગયો હતો. આ કેસ 1 વર્ષ સુધી ચાલ્યો. ત્યારપછી ગૂગલે ખુલાસો કર્યો કે ઓરેગોનના ડેટા સેન્ટરે 2021માં 125 કરોડ લિટર પાણીનો ખર્ચ કર્યો છે. આ સાથે કંપનીએ કહ્યું કે હવે તે સમયસર આવા અહેવાલો આપવાનું ચાલુ રાખશે.

ગૂગલે કહ્યું કે છેલ્લા 5 વર્ષમાં તેની સુવિધાઓમાં પાણીનો વપરાશ 3 ગણો થયો છે. ઓરેગોનમાં કેન્દ્ર આખા શહેરને પૂરા પાડવામાં આવતા પાણીના ચોથા ભાગનો ઉપયોગ કરી રહ્યું છે. ગૂગલના જણાવ્યા અનુસાર તેનું ડેટા સેન્ટર અમેરિકામાં 29 ગોલ્ફ કોર્સ જેટલું પાણી વાપરી રહ્યું છે. વાસ્તવમાં અન્ય ટેક કંપનીઓની જેમ Google એ ક્યારેય જાહેર કર્યું નથી કે તે કેટલું પાણી વાપરે છે. આ પહેલીવાર છે જ્યારે ગૂગલે જાહેર કર્યું છે કે તે કેટલું પાણી વાપરે છે.

 આ પણ વાંચો :-

કોર્પોરેટરને લોકોએ કારમાંથી ઉતારીને ચખાડ્યો બરાબરનો મેથીપાક, હોસ્પિટલમાં કરાયા દાખલ

News Editor
-
0

People took the corporator out of the car and tasted

  • કૃષ્ણનગર વિસ્તારમાં આવેલા શિવાજી ચોક પાસે ટીપી સ્કીમના અમલીકરણ બાબતે નિકોલ વોર્ડના ભાજપના કોર્પોરેટર બળદેવ પટેલ પહોંચ્યા ત્યારે લોકોનું ટોળું તેમને ઘેરી વળ્યું હતું અને લોકોએ જાહેરમાં ધોલાઈ કરી હતી. ઈજાગ્રસ્ત કોર્પોરેટરને સારવાર અર્થે કાકડિયા હોસ્પિટલમાં દાખલ કરવામાં આવ્યા છે.

નિકોલ વોર્ડના (Nikol Ward) ભાજપના કોર્પોરેટર બળદેવ પટેલને (Corporator Baldev Patel) લોકોએ જાહેરમાં લમઘાર્યા છે. નિકોલના કોર્પોરેટર બળદેવ પટેલ સાથે આજે બપોરે આ ઘટના બની છે. જેમાં ટીપી સ્કીમના અમલીકરણ બાબતે મુલાકાત લેવા ગયા તે સમયે લોકોએ હુમલો કર્યો હતો. ટીપી સ્કીમના (TP Scheme) અમલીકરણથી લોકોના ઘર કપાતમાં આવી રહ્યા છે જેના કારણે લોકોમાં રોષ છે. આ સમયે ભાજપના કોર્પોરેટર બળદેવ પટેલને તેમની કારમાંથી બહાર કાઢીને લોકોએ ધોલાઈ કરી હતી. ઈજાગ્રસ્ત કોર્પોરેટરને સારવાર માટે હોસ્પિટલમાં (Hospital) દાખલ કરાયા હતા.

આ ઘટનાની મળતી માહિતી પ્રમાણે કૃષ્ણનગર વિસ્તારમાં આવેલા શિવાજી ચોક પાસે ટીપી સ્કીમના અમલીકરણ બાબતે નિકોલ વોર્ડના ભાજપના કોર્પોરેટર બળદેવ પટેલ પહોંચ્યા ત્યારે લોકોનું ટોળું તેમને ઘેરી વળ્યું હતું અને લોકોએ જાહેરમાં ધોલાઈ કરી હતી. ઈજાગ્રસ્ત કોર્પોરેટરને સારવાર અર્થે કાકડિયા હોસ્પિટલમાં દાખલ કરવામાં આવ્યા છે. આ અંગે પાછળથી પોલીસને જાણ થતાં કૃષ્ણનગર પોલીસ હોસ્પિટલ પહોંચી હતી અને ફરિયાદની તજવીજ હાથ ધરી હતી.

અમદાવાદના નિકોલ વોર્ડના ભાજપના કોર્પોરેટર બળદેવ પટેલ ટીપી સ્કીમના અમલીકરણ બાબતે લોકો સાથે મુલાકાત કરવા પહોંચ્યા હતા. પરંતુ અહીં ઉલ્ટું 5થી વધુ લોકોનું ટોળું ઘેરી વળ્યું હતું અને જાહેરમાં જ તેઓને માર માર્યો હતો. આ ઘટનામાં લોકોના ઘર રોડની કપાતમાં જતાં હોવાથી પોતાનો ગુસ્સો કોર્પોરેટર પર ઠાલવ્યો હોવાની લોકચર્ચા ચાલી રહી છે.

આ પણ વાંચો :-

21 જાન્યુઆરી 2023, આજનું રાશિફળ : હનુમાનજીની કૃપાથી પૈસાથી ઘરની છલકાઈ જશે તિજોરી

News Editor
-
0

21 January 2023, Today’s Horoscope Gujarat Guardian NewsPaper

મેષ
દિવસની શરૂઆતનો અજંપો પાછળથી દૂર થાય. આર્થિક લાભ મળતો જણાય. પરિવારમાં મનમેળ. સુખ-શાંતી રહે. સ્વાસ્થ્ય સારૂં રહે. ધંધામાં પ્રગતી થતી જણાય. માન-સન્માન વધે. સ્નાયુના દુઃખાવાથી સાચવવું

વૃષભ
બપોર પછી આનંદ ઉત્સાહમાં વધારો થતો જણાય. ભાગ્યનો સાથ મળતાં આવકમાં વૃદ્ધિ થાય. ફસાયેલા નાણાં છુટા થાય. ધાર્મિક બાબતોમાં ખર્ચ થાય. આરોગ્ય સારૂં રહે. કુટુંબમાં પરસ્પર સ્નેહનું પ્રમાણ વધે.

‌મિથુન
બપોર સુધી આનંદમાં વધારો થાય. બપોર બાદ બેચેનીનો અનુભવ થાય. પરિવારમાં શાંતી રહે. પૈસાની આવક રહેતા હળવાશનો અનુભવ થાય. અગત્યના નિર્ણયો મુલતવી રાખવા. બ્લડ પ્રેશરના દર્દીઓઅે વિશેષ સાવધાની રાખવી.

કર્ક
આજે નાણાંકીય બાબતોમાં સફળતા મળતી જણાય. નોકરી-ધંધામાં પ્રગતી, ઉપરી અધિકારીથી પ્રશંસા મળતી જણાય. માન-સન્માનમાં વૃદ્ધિ થતી જણાય. દામ્પત્ય સુખમાં આનંદનો અનુભવ થાય. આરોગ્ય સારૂં રહે. થોડી એલર્જીની તકલીફ વધે.

‌સિંહ
સાંજ સુધી દિવસ સારો છે. પ્રસન્‍નતા અનુભવાય. પરિવારમાં શાંતી-સંપ વધે. નાણાંની પ્રાપ્‍તી સહજ બને. સ્થાવર જંગમ મિલકતથી લાભ. સંતાનની પ્રગતી નીહાળવાની તક મળે. શરદી-ખાંસી-કફનો પ્રકોપ રહે.

કન્યા
આનંદિત દિવસ પસાર થાય. આવક વધતી જણાય. સ્ત્રીવર્ગથી લાભ મળતો જણાય. કાર્યમાં સફળતા મળતી જણાય. સ્થાવર-જંગમ મિલકત તથા નવા રોકાણો કરવાની વ્યવસ્થા સરળ બને. માથાનો દુઃખાવો, માઇગ્રેશનની સમસ્યા સતાવે.

તુલા
કાર્ય સફળતા આપના કદમ ચુમતી જણાય. પરિવારમાં આનંદ ઉત્સવ ભર્યું વાતાવરણ સર્જાય. કરેલા કાર્યમાં સફળતા મળતી જણાય. નવા કરાયેલા રોકાણો ફાયદાકારક પુરવાર થતા જણાય. પેટ સંબંધી સમસ્યાઓથી સાવચેતી જરરી.

વૃ‌શ્ચિક
થોડી ઉગ્રતા વર્તાય. આવકના નવા-નવા રસ્તાઓ ખુલતા જણાય. નાના ભાઈ-બહેનો સાથે આત્મીયતાનો અનુભવ થાય. ભાગ્ય બળવાન બનતું જણાય. ધંધાકીય ક્ષેત્રે સફળતાથી આવક વધતી જણાય. સ્વાસ્થ્ય સારૂં રહેશે.

ધન
માનસિક શાંતી જળવાશે. આરોગ્ય પણ સારૂં રહેશે. કાર્યક્ષેત્રે સફળતા મળતી જણાય. વૈવાહિક જીવનમાં આનંદ-ઉત્સાહ વધે. ભાગ્યની વૃદ્ધિ થતી  અનુભવાય. આરોગ્ય સારૂં રહે. પરંતુ બહેનોએ સ્ત્રી રોગોની કાળજી રાખવી જરૂરી છે.

મકર
આવક ઘટતી જણાય છતાં માનસિક શાંતી જળવાય. ખોટા ખર્ચ ન થાય એનું ધ્યાન રાખવું. પરિવારના સભ્યોની ચિંતા રહે. ધંધાકીય ક્ષેત્રે સફળતા અનુભવાય. બપોર બાદ પરિસ્થિતિ સુધરતી જણાય. મિત્રો તરફથી સારા સમાચાર મળે.

કુંભ
આત્મબળમાં વૃદ્ધિ થાય. પરિવારમાં વાદ-વિવાદની સ્થિતિ પેદા થાય. શેર બજાર તથા અન્ય રોકાણથી ફાયદો થતો જણાય. લક્ષ્મીની વખતસર હેરફેર થાય. મિત્ર વર્તુળમાં વધારો થતો જણાય. બપોર બાદ ખર્ચનું પ્રમાણ વધે.

મીન
કરેલા કાર્યમાં સફળતા મળતી જણાય. આજે અગત્યના નવા આર્થિક રોકાણો ટાળવા. સંતાનની પ્રગતી આપને હર્ષ આપનારી નીવડે. નોકરી-ધંધા માટે દિવસ શુભ છે. નોકરીમાં પ્રમોશન અને ધંધામાં સફળતા મળવાના યોગ છે. મિત્રો તરફથી લાભ.

આ પણ વાંચો :-

અરે બાપ રે ! 80 વર્ષની ઉંમરે મેરેથોન દોડ્યા દાદી, ભલભલા જુવાનિયા પણ જોતાં રહી જાય તેવી ચૂસ્તી-સ્ફૂર્તિ

News Editor
-
0

grandmother runs a marathon

  • ભારતીની પૌત્રી ડિમ્પલ મહેતા ફર્નાન્ડિસે વીડિયો ઈન્સ્ટાગ્રામ પર અપલોડ કર્યો. કારણકે તેમના પરિવાર અને મિત્રો તેને જોઈ શકે. વીડિયોમાં ભારતી નામની એક વૃદ્ધ મહિલા રાષ્ટ્રીય ધ્વજની સાથે સાડી અને એક જોડી બૂટ પહેરીને મેરેથોન દોડી રહી છે.

જે લોકોને રનિંગ કરવુ પસંદ છે. તેઓ મેરેથોન (Marathon) જેવી રેસમાં ભાગ લેવાનુ પસંદ કરે છે. દરેક ઉંમરના લોકો દોડમાં ભાગ લે છે અને પોતાના આરોગ્યનો ખ્યાલ રાખવા માટે જાગૃત રહે છે. ટાટા મુંબઈ મેરેથોનના (Tata Mumbai Marathon) આ વર્ષના સંસ્કરણમાં 55,000થી વધુ લોકોએ ભાગ લીધો હતો. આ વર્ષે અલગ-અલગ પ્રકારના મહત્વપૂર્ણ સામાજિક મુદ્દાઓનુ સમર્થન કરવા માટે મુંબઈમાં (Mumbai) ઘણા ક્ષેત્રોના લોકો એકસાથે દોડમાં સામેલ થયા.

મેરેથોનમાં ભાગ લેનારા લોકોમાં અલગ-અલગ ઉંમરના લોકો સામેલ રહ્યાં. જેમાં યુવા, વિકલાંગ અને વૃદ્ધ નાગરિક સામેલ હતા. ભારતી નામની એક 80 વર્ષીય મહિલા એવા દોડવીરમાંથી એક હતી. જેણે મેરેથોનમાં પોતાની ભાગીદારીથી ચર્ચા વધારી.

વૃદ્ધ નાગરિકે મેરેથોન દોડ લગાવી :

ભારતીની પૌત્રી ડિમ્પલ મહેતા ફર્નાન્ડિસે પોતાની મેરેથોનમાં દોડવાનો એક વીડિયો ઈન્સ્ટાગ્રામ પર અપલોડ કર્યો કારણકે તેમના પરિવાર અને મિત્રો તેને જોઈ શકે. વીડિયોમાં ભારતી નામની એક વૃદ્ધ મહિલા રાષ્ટ્રીય ધ્વજની સાથે સાડી અને એક જોડી બૂટ પહેરીને મેરેથોન દોડી રહી છે. ભારતીએ 51 મિનિટમાં 4.2 કિલોમીટર દોડ લગાવી.

ડિમ્પલે વીડિયો શેર કરીને કેપ્શન આપ્યું આ રવિવારે ટાટા મેરેથોનમાં ભાગ લેનારી મારી 80 વર્ષીય નાનીની દ્રઢ ઈચ્છાશક્તિ અને ધૈર્યથી ખૂબ પ્રેરિત છુ. વીડિયોમાં એક ઈન્ટરવ્યુની એક ક્લિપ પણ છે જેમાં તે કહે છે કે તે છઠ્ઠી વખત મેરેથોન દોડી રહી છે અને તેના માટે દરરોજ અભ્યાસ કરે છે.

તિરંગો લઈને વૃદ્ધ મહિલાએ લોકોનો વધાર્યો હોસલો :

તેમણે કહ્યું કે તે ઈચ્છતી હતી કે દરેક વ્યક્તિ જાણે કે તે ભારતીય છે અને તેને પોતાની સંસ્કૃતિ પર ગર્વ છે, તેથી આ દોડ દરમ્યાન તિરંગો લઈને ચાલતી હતી. વૃદ્ધ મહિલાએ એવુ પણ સુચન આપ્યું કે યુવાનો દોડવા અને અન્ય સક્ષમ વ્યાયામ કરીને વધુ વ્યાયામ કરે. ઈન્ટરનેટ પર યુઝર્સે ફિટનેસ પ્રત્યે તેમની પ્રતિબદ્ધતાથી પ્રેરણા લઇને તેમના ઉત્સાહના વખાણ કર્યા.

આ પણ વાંચો :-

1...1,1931,1941,195...1,450Page 1,194 of 1,450