- સુરતના રસ્તાઓ પર એક બાઈક તમામ લોકોને આકર્ષી રહી છે. લોકોનું કેહેવું છે કે આવી બાઇક તો તેઓએ હોલિવૂડ મૂવીમાં જોઈ છે.
સામાન્ય ગેરેજ ચલાવતા નટુ પટેલે આ બાઈક બનાવી છે. ધો. ૦૭ ભણેલા ૬૪ વર્ષના નટુ પટેલે બાઈક તથા કારમાં પ્રયોગ કરતા રહે છે.
હાલ ચાલી રહેલા સોશિયલ મીડિયાના યુગમાં કયો વીડિયો ક્યારે વાયરલ થઈ જાય એનું કાંઈ નક્કી નથી હોતું અને આવો જ એક રિંગ બાઈકનો વીડિયો સોશિયલ મીડિયામાં હાલ ટ્રેન્ડમાં જોવા મળી રહ્યો છે. આ વીડિયો વાયરલ થતાની સાથે અમે આ રિંગ બાઈક કોણે બનાવ્યું એની તપાસમાં જોડાયા આ રિંગ બાઈક અઠવા ઝોન ઓફિસની બાજુમાં આવેલા શ્રીકૃષ્ણ ગેરેજના માલિક નટુભાઈએ બનાવ્યું હતું. નટુભાઈ નો સંપર્ક કરી અમે તેમની પાસે પહોંચ્યા જ્યારે અમે તેમની પાસે પહોંચ્યા ત્યારે ખરેખર તેમની પાસે આ રિંગ બાઈક હાજર હતી અને તેઓ તેમના ઘરેથી આ બાઈક ચલાવીને આવી રહ્યા હતા.
નટુભાઈ છેલ્લા ૪૨ વર્ષથી મિકેનિક તરીકે પોતાનું કામ કરી રહ્યા છે નાનપણથી જ તેમને કંઈક અલગ કરવાનો શોખ હતો અને હવે તેમનો આ શોખ પૂરો થયો છે આ બાઈક બનાવવા માટે તેમણે દિવસ રાત મહેનત કરી છે આ બાઈક બનાવી છે.
નટુભાઈને આ બાઈક બનાવતા આશરે ચાર મહિના જેટલો સમય લાગ્યો છે ચાર મહિનામાં નટુભાઈએ આ બાઈકની સર્વપ્રથમ ડિઝાઈન બનાવી હતી. ડિઝાઈન બનાવ્યા બાદ કબાડી માર્કેટમાંથી થોડો થોડો સામાન લાવ્યા બાદ બાઈકને બનાવવાની શરૂઆત કરી હતી. આ બાઈકને બનાવવા માટે તેમણે નાની લિથિયમ બેટરીનો ઉપયોગ કર્યો છે લિથિયમ બેટરી એકવાર ચાર્જ કરવાથી ૩૫ કિલોમીટર ચાલે છે.
લીથીયમ બેટરીને ચાર્જ કરવાનો સમય એક કલાક જેવું લાગે છે. એક યુનિટ કરતાં પણ ઓછી વીજળીમાં આ બેટરી ચાર્જ થઈ જાય છે નટુભાઈ દ્વારા બનાવવામાં આવેલી આ રિંગ બાઈક નો અત્યારે બનાવવાનો ખર્ચ ૮૦ થી ૯૦,૦૦૦ જેટલો આવ્યો છે.
નટુભાઈ જ્યારે આ બાઈક લઈને સુરતના રસ્તા ઉપર નીકળે છે ત્યારે લોકો કુતુહલતા સાથે આ બાઈક અને જુએ છે. નટુભાઈ રસ્તા વચ્ચે જતા હોય ત્યારે લોકો તેમની પાસે આ રિંગ બાઈક રોકાવીને એક વખત રાઉન્ડ પણ માનતા હોય છે અને જ્યારે પણ તેઓ રસ્તા પરથી નીકળે ત્યારે લોકો સોશિયલ મીડિયામાં અપલોડ કરવા માટે તેના વીડિયો પણ બનાવતા હોય છે. લોકો દ્વારા સહયોગ મળતા નટુકાકા પણ ખુશખુશાલ જોવા મળે છે નટુકાકાને સેલિબ્રિટી હોય એવી ફીલીંગ તેમને આવી રહી છે.
આ પણ વાંચો :-