Google Play Store ની એપ્સમાં મળ્યો ‘ગોલ્ડોસોન’ માલવેર, આ રીતે બેવકૂફ બન્યા રહ્યા છે લોકો

• Malware : ગુગલ પ્લે સ્ટોરની 60 એપ્સમાં માલવેર જોવા મળ્યું છે. એપ્સને લગભગ 100 મિલિયન ડાઉનલોડસ મળ્યા છે. સમાચારમાં માલવેરની વિગતો જાણો.

ગુગલ પ્લે એપમાં માલવેર (Malware) મળી આવ્યો છે. આ એપ્સની સંખ્યા 60ની નજીક છે અને એપ્સને લગભગ 100 મિલિયન ડાઉનલોડસ મળ્યા છે. ગુગલ પ્લેમાં ‘ગોલ્ડોસન‘ નામનો નવો એન્ડ્રોઈડ માલવેર મળી આવ્યો છે. જેને કુલ 100 મિલિયન ડાઉનલોડસ સાથે 60 એપ્સમાં જોવા મલ્યો છે.

આ આંકડો ખરેખર આશ્ચર્યજનક છે. McAfeeની રિસર્ચ ટીમે આ માલવેરની શોધ કરી છે. આ માલવેર લોકોનો સંવેદનશીલ ડેટા એકત્ર કરવામાં સક્ષમ છે. જેમાં યુઝર્સની ઈન્સ્ટોલ કરેલી એપ્સ, WiFi અને બ્લૂટૂથ કનેક્ટેડ ડિવાઈસ અને જીપીએસ માહિતીનો સમાવેશ થાય છે.

અજાણતા ડેવલપર્સે કર્યું આ કામ :

BleepingComputer ના અહેવાલ અનુસાર માલવેર ઘટકને થર્ડ પાર્ટી લાઈબ્રેરી સાથે લિંક કરવામાં આવ્યું છે જેને ડેવલપર્સે અજાણતાં તમામ 60 એપ્સમાં સામેલ કરી લીધો છે. હવે આ એપ્સ પ્લે સ્ટોર પર ઉપલબ્ધ છે અને લાખો લોકોએ તેને ડાઉનલોડ કરી છે. રિપોર્ટ અનુસાર આ માલવેર યૂઝર્સની પરવાનગી વગર બેકગ્રાઉન્ડમાં જાહેરાતો પર ક્લિક કરીને તેમની સાથે છેતરપિંડી કરી શકે છે.