લખનઉના કાકોરીમાં મોડી રાત્રે લગભગ 11 વાગ્યે જરદૌસીના કારગીરના ઘરમાં બીજા માળે એકસાથે બે સિલિન્ડરમાં વિસ્ફોટ થતાં પરિવારના પાંચ સભ્યો જીવતાં ભૂંજાઈ ગયા હતા. જેમાં ત્રણ યુવતીઓ અને એક મહિલા સહિત પાંચ લોકોએ જીવ ગુમાવ્યો છે જ્યારે ચાર લોકો ગંભીર રીતે ઘાયલ થયા હતા. પોલીસના જણાવ્યા અનુસાર, કાકોરીના હાતા હઝરત સાહેબ વિસ્તારમાં મંગળવારે રાત્રે એક બે માળની ઈમારતમાં આગ ભભૂકી ઉઠી હતી. આગ લાગતાની સાથે જ સિલિન્ડરમાં વિસ્ફોટ થયો હતો. આ દુર્ઘટનામાં પાંચ લોકોનાં મોત, , ૯ ઘાયલ થયા હતા
પોલીસ તેમજ ફાયર બ્રિગેડ ઘટનાસ્થળે પહોંચી આગ પર કાબૂ મેળવી લેવામાં આવ્યો છે. કાકોરી શહેરના હાતા હઝરત સાહેબનો રહેવાસી મુશીર અલી જરદોઝીમાં કામ કરે છે. મંગળવારે રાત્રે લગભગ ૧૦:૩૦ વાગ્યે તેમના ઘરના બીજા માળે આગ લાગી હતી. આગ લાગ્યાની થોડીવાર બાદ ગેસ સિલિન્ડર માં જોરદાર વિસ્ફોટ થયો હતો.
મૃતકોના નામ :-
- મુશીર પુત્ર પુટ્ટુ
- હુસ્ન બાનો પત્ની મુશીર
- રૈયા પુત્રી બબલુ
- ઉમા પુત્રી અજમદ
- હિના પુત્રી અજમદ
આ બધાં લિકો આગમાં પરિવારના નવ સભ્યો દાઝી ગયા હતા. અધિકારીના જણાવ્યા અનુસાર, ઘાયલોને હોસ્પિટલ સારવારઅર્થે લઈ જવાતા ડોક્ટરએ મૃત જાહેર કર્યા હતા. તેમણે કહ્યું કે અન્ય ચાર ઘાયલ લોકોને ટ્રોમા સેન્ટરમાં સારવાર આપવામાં આવી રહી છે જ્યાં તેમની હાલત નાજુક હોવાનું કહેવાય છે. જેમાં ઈશા, લકબ, અમજદ અને અનમ નો સમાવેશ થાય છે. સ્થાનિક પોલીસ ફોર્સ અને ફાયર એન્જિનની મદદથી આગ પર કાબૂ મેળવવામાં આવ્યો છે. આગોતરા કાયદેસરની કાર્યવાહી હાથ ધરી છે.
આ પણ વાંચો :-
