ગેરકાયદેસર બાંગ્લાદેશી ઘૂસણખોરી કેસમાં EDએ ઝારખંડ અને પશ્ચિમ બંગાળમાં દરોડા પાડ્યા. એન્ફોર્સમેન્ટ ડિરેક્ટોરેટ (ED) એ મંગળવારે પશ્ચિમ બંગાળ અને ઝારખંડમાં બાંગ્લાદેશી નાગરિકોની ઘૂસણખોરી સાથે જોડાયેલા મની લોન્ડરિંગની તપાસના સંબંધમાં ઘણા સ્થળોએ દરોડા પાડ્યા હતા. સત્તાવાર સૂત્રોએ આ માહિતી આપી.
)
તપાસ એજન્સીની ઝારખંડ ઓફિસના અધિકારીઓ બે પડોશી રાજ્યોમાં કુલ 17 સ્થળોએ સર્ચ ચલાવી રહ્યા છે. ઝારખંડમાં કેટલીક બાંગ્લાદેશી મહિલાઓની કથિત ઘૂસણખોરી અને તસ્કરીના કેસની તપાસ માટે EDએ સપ્ટેમ્બરમાં પ્રિવેન્શન ઓફ મની લોન્ડરિંગ એક્ટ (PMLA) હેઠળ કેસ નોંધ્યો હતો. એવો આરોપ છે કે ઘૂસણખોરી અને દાણચોરી દ્વારા ગુનાહિત આવક ઊભી કરવામાં આવી હતી.
આ પહેલા સોમવારે NIAએ દેશના 9 રાજ્યોમાં દરોડા પાડ્યા હતા અને બાંગ્લાદેશીઓ અને અલ કાયદાના નેટવર્ક સામે કાર્યવાહી કરી હતી. આ દરોડામાં ખુલાસો થયો હતો કે શંકાસ્પદ બાંગ્લાદેશીઓ અલ કાયદાને ફંડિંગ કરી રહ્યા છે અને તેઓ દેશની આંતરિક સુરક્ષા માટે કેવી રીતે ખતરો બની રહ્યા છે.
વડાપ્રધાન નરેન્દ્ર મોદી અને ભારતીય જનતા પાર્ટી (BJP)ના નેતાઓએ ઝારખંડમાં ચૂંટણી પ્રચાર દરમિયાન, રાજ્ય સરકાર પર ઘૂસણખોરીને પ્રોત્સાહિત કરવાનો આરોપ લગાવ્યો હતો. ભાજપે આરોપ લગાવ્યો હતો કે આદિવાસી વસ્તી ધરાવતા સંથાલ પરગણા અને કોલ્હાનમાં વસ્તી વિષયક લેન્ડસ્કેપમાં બદલાવ આવ્યો છે. ઝારખંડમાં વિધાનસભા ચૂંટણીના પ્રથમ તબક્કામાં બુધવારે 43 બેઠકો પર મતદાન થશે જ્યારે બીજા તબક્કામાં 20 નવેમ્બરે 38 બેઠકો પર મતદાન થશે. વિધાનસભા ચૂંટણીનું પરિણામ 23 નવેમ્બરે જાહેર કરવામાં આવશે.
આ પણ વાંચો :-
