સંસદના ચોમાસુ સત્રના અંતિમ દિવસે જે દૃશ્યની રાહ જોવાઈ રહી હતી, તે જોવા મળ્યું—લોકસભામાં વડાપ્રધાન નરેન્દ્ર મોદી, ગૃહમંત્રી અમિત શાહ અને વિપક્ષના નેતા રાહુલ ગાંધીની હાજરી વચ્ચે ‘વંદે માતરમ’નું ગાન થયું અને ત્યારબાદ કાર્યવાહી અનિશ્ચિતકાળ માટે સ્થગિત થઈ ગઈ. 20 જુલાઈથી શરૂ થયેલું ચોમાસુ સત્ર આજે સમાપ્ત થયું છે.
આજે સવારે 11 વાગ્યે લોકસભાની કાર્યવાહી શરૂ થતાં જ અધ્યક્ષ ઓમ બિરલાએ રાષ્ટ્રીય ગીત ‘વંદે માતરમ’ માટે સભ્યોને ઉભા રહેવા જણાવ્યું હતું. સત્તાપક્ષ અને વિપક્ષના સાંસદો હાજર રહ્યા અને ગાન બાદ લોકસભા સ્થગિત કરવામાં આવી હતી.
આ દરમિયાન વડાપ્રધાન નરેન્દ્ર મોદી ,ગૃહમંત્રી અમિત શાહ પણ લોકસભામાં હાજર રહ્યા હતા. પેપર લીકને લઈને વિદ્યાર્થીઓ પર થયેલી પોલીસ કાર્યવાહીના મુદ્દે વિપક્ષ સતત તેમના નિવેદનની માંગ કરી રહ્યો હતો. હંગામાના કારણે સત્રમાં મહત્વપૂર્ણ ચર્ચાઓ વારંવાર અટકી હતી.
સત્ર દરમિયાન વિપક્ષે અમિત શાહ પાસેથી જવાબ માંગ્યો હતો, જ્યારે સરકારે ચર્ચા માટે તૈયારી દર્શાવી હતી. જોકે સતત વિરોધને કારણે કાર્યવાહી અસરગ્રસ્ત રહી અને અનેક મુદ્દાઓ પર ચર્ચા થઈ શકી નહોતી.
