અલ્હાબાદ સેન્ટ્રલ યુનિવર્સિટીના પીસીબી હોસ્ટેલના રૂમ નંબર ૬૮માં એક બોમ્બ બ્લાસ્ટ થયો હતો. આ ઘટનામાં પ્રભાત નામનો વિદ્યાર્થી ગંભીર રીતે ઘવાયો હતો. તેના હાથનો એક પંજો જ ગાયબ થઇ ગયો અને છાતીમાં બોમ્બના છરાં વાગ્યા હતા. પીસીબીના આ રૂમમાં આ વિદ્યાર્થી કબજો કરીને ગેરકાયદે રીતે રહેતો હતો. ઘટનાસ્થળે પહોંચેલી પોલીસે તપાસ હાથ ધરી છે.
બોમ્બ વિસ્ફોટને કારણે હોસ્ટેલમાં અફરાતફરી મચી ગઈ હતી. બોમ્બ વિસ્ફોટને કારણે પ્રભાત નામનો વિદ્યાર્થી ઘાયલ થયો હતો. તેના એક હાથનો પંજો ઉડી ગયો હતો અને તેની છાતીમાં બોમ્બના ટુકડા પણ વાગ્યા હતા. જાણકારી મુજબ વિદ્યાર્થી આ રૂમ પર કબજો કરી ગેરકાયદેસર રીતે રહેતો હતો. વિદ્યાર્થી કથિત રીતે બોમ્બ બનાવી રહ્યો હતો, એ દરમિયાન થયેલા વિસ્ફોટને કારણે તેના જમણા હાથને ગંભીર ઈજા પહોંચી છે.
વિદ્યાર્થીઓની મદદથી ઘાયલ વિદ્યાર્થીને હોસ્પિટલમાં દાખલ કરવામાં આવ્યો હતો. પોલીસ આ કેસની તપાસમાં લાગી ગઈ છે. વિદ્યાર્થીને ગંભીર હાલતમાં SRN હોસ્પિટલમાં દાખલ કરવામાં આવ્યો છે. બુધવારે સાંજે તે કથિત રીતે બોમ્બ બનાવી રહ્યો હતો જ્યારે અચાનક વિસ્ફોટમાં તે ગંભીર રીતે ઘાયલ થયો હતો. આ ઘટનામાં અન્ય એક વિદ્યાર્થીને સામાન્ય ઈજા થઈ છે. ફરિયાદના આધારે પોલીસ પ્રભાત યાદવ વિરુદ્ધ સંબંધિત કલમો હેઠળ કેસ નોંધશે.
આ પણ વાંચો :-