HomeNationalVIDEO: ધડાકાથી હચમચ્યું મંગલુરુ, MRPL રિફાઇનરીમાં બ્લાસ્ટ બાદ કાળા ધુમાડાના ગોટેગોટા!

VIDEO: ધડાકાથી હચમચ્યું મંગલુરુ, MRPL રિફાઇનરીમાં બ્લાસ્ટ બાદ કાળા ધુમાડાના ગોટેગોટા!

Date:

Related stories

કર્ણાટકમાં બોટ પલટી જતાં સુરતના દંપતીનાં કરુણ મોત, બે સંતાનોનો આબાદ બચાવ

કર્ણાટકના કોડાગુ જિલ્લામાં આવેલા હરંગી બેકવોટર્સમાં બોટિંગ દરમિયાન ભયાનક...

અમેરિકામાં તમામ ફ્લાઇટ્સ પર અચાનક રોક, 9/11 હુમલા બાદ બીજી વખત લેવાયો મોટો નિર્ણય; હજારો મુસાફરો એરપોર્ટ પર ફસાયા

વોશિંગ્ટનઃ અમેરિકામાં એર ટ્રાફિક કંટ્રોલની સંચાર વ્યવસ્થામાં ખામી સર્જાતા...

કાઝીરંગામાં ભયાનક માર્ગ અકસ્માત: ટ્રક અને મિનિબસ વચ્ચે જોરદાર ટક્કર, 23 લોકોનાં મોત

આસામ: આસામના કાઝીરંગા નજીક શુક્રવારે એક ભયાનક માર્ગ અકસ્માત...
spot_img

કર્ણાટકના મંગલુરુમાં આજે બપોરે અચાનક થયેલા ધડાકાએ આસપાસના વિસ્તારોમાં ભયનો માહોલ સર્જી દીધો હતો. મંગલુરુ નજીક કુઠેથુર-જોકટ્ટે વિસ્તારમાં આવેલી Mangalore Refinery and Petrochemicals Limited (MRPL)ની રિફાઇનરીમાં વિસ્ફોટ બાદ આકાશમાં કાળા ધુમાડાના ગોટેગોટા જોવા મળ્યા હતા. ધડાકાની તીવ્રતા એટલી હતી કે નજીકના વિસ્તારોમાં કેટલાક મકાનોના બારી-બારણાં અને કાચને નુકસાન થવાનું પણ જણાઈ રહ્યું છે.

પ્રાપ્ત માહિતી અનુસાર, ઘટના આજે બપોરે આશરે 12:15થી 12:25 વાગ્યાની વચ્ચે બની હતી. અહેવાલો મુજબ MRPLના Coker Hydro Treating Unit (CHTU)માં વિસ્ફોટ બાદ આગ લાગી હતી.

ધડાકા બાદ MRPLની ઇમરજન્સી ટીમ ઉપરાંત મંગલુરુ, પાંડેશ્વર અને ન્યૂ મંગલુરુ પોર્ટ ઓથોરિટીની ફાયર ટીમો ઘટનાસ્થળે પહોંચી હતી. આગને કાબૂમાં લેવાની કામગીરી હાથ ધરવામાં આવી હતી.

જોકટ્ટે, કવૂર, યેય્યાડી, બાજપે, કલાવરુ, બૈકંપાડી, સુરતકલ અને કટિપલ્લા સહિતના વિસ્તારોમાં લોકોને જોરદાર અવાજ અને ધ્રુજારીનો અનુભવ થયો હતો. કેટલાક સ્થળોએ બારીઓના કાચ તૂટ્યા હોવાની પણ માહિતી સામે આવી છે. ધડાકાનો અવાજ મંગલુરુ ઈન્ટરનેશનલ એરપોર્ટ આસપાસના વિસ્તારો સુધી સંભળાયો હતો.

સ્થાનિક માહિતી મુજબ આઠ લોકો ઈજાગ્રસ્ત થયા હોવાનું સામે આવ્યું છે. આ આંકડો સત્તાવાર રીતે વધુ સ્પષ્ટ થાય તેની રાહ જોવાઈ રહી છે.

દરમિયાન, દક્ષિણ કન્નડના સાંસદ કેપ્ટન બ્રિજેશ ચૌટાએ લોકોને અફવાઓથી દૂર રહેવા અને ગભરાટ ન ફેલાવવા અપીલ કરી છે. ઘટનાનું ચોક્કસ કારણ અને નુકસાનની સંપૂર્ણ વિગતો જાણવા તપાસ ચાલી રહી છે.

Subscribe

Latest stories