સુરત શહેર પોલીસ ઝોન-4 અને પાંડેસરા ઇન્ડસ્ટ્રીયલ એસોસિએશનના સંયુક્ત ઉપક્રમે ગણેશોત્સવ નિમિત્તે થેલેસેમિયા ગ્રસ્ત બાળકો માટે રક્તદાન કેમ્પનું આયોજન કરવામાં આવ્યું છે.
આ રક્તદાન કેમ્પ 11 સપ્ટેમ્બર, શુક્રવારના રોજ સવારે 8થી સાંજના 6 વાગ્યા સુધી યોજાશે. કેમ્પનું સ્થળ ઉદ્યોગ ભારતી વિદ્યાલય, રૂપા મિલની પાસે, GIDC કોલોની, ભાટલી બોય કંપની સામે, પાંડેસરા GIDC, સુરત રહેશે.
આ કેમ્પનો હેતુ થેલેસેમિયા ગ્રસ્ત બાળકોને જરૂરી રક્ત મળી રહે તે માટે લોકોમાં રક્તદાન અંગે જાગૃતિ લાવવાનો છે. આયોજકો દ્વારા નાગરિકોને મોટી સંખ્યામાં જોડાઈ રક્તદાન કરી જીવન બચાવવાની સેવાકીય પહેલમાં સહભાગી બનવા અપીલ કરવામાં આવી છે.
“રક્તદાન… એ જ જીવનદાન… સેવા… સુરક્ષા… સહયોગ…”ના સંદેશ સાથે યોજાનાર આ કેમ્પમાં લોકોની હાજરીને ગૌરવની વાત ગણાવવામાં આવી છે.
