વરસાદના શોર્ટ બ્રેક બાદ આજે ભારતીય હવામાન વિભાગની નાવકસ્ટ આગાહી મુજબ આજે સાંજના 7 વાગ્યા સુધીમાં આ જિલ્લાઓમાં ઓરેંજ એલર્ટ આપવામાં આવ્યું છે.
દાહોદ,પંચમહલ,મહીસાગર,ખેડા,આણંદ,અમદાવાદ,ગાંધીનગર,અરવલ્લી,સાબરકાંઠા,બનાસકાંઠા,પાટણ,મેહસાણા,સુરેન્દ્રનગર,બોટાદ,ભાવનગરમાં ભારે વરસાદ પડવાની શક્યતા છે.
હવામાન વિભાગની આગાહી અનુસાર, આ જિલ્લાઓમાં કેટલાક વિસ્તારોમાં ભારે વરસાદ સાથે ગાજવીજ અને પવનની સ્થિતિ પણ સર્જાઈ શકે છે. વરસાદની તીવ્રતા અને સ્થાનિક હવામાન પરિસ્થિતિને ધ્યાનમાં રાખીને લોકોને સાવચેતી રાખવાની સલાહ આપવામાં આવી છે.
સાથે રાજ્યના બીજા જિલ્લાઓમાં યેલ્લો એલર્ટ જાહેર સાથે વોચ રાખવાનું જાહેર કરવામાં આવ્યું છે.
ગુજરાતમાં અગાઉ પણ ભારે વરસાદ દરમિયાન IMD દ્વારા ઓરેન્જ અને રેડ એલર્ટ જાહેર કરવામાં આવ્યા છે, જેમાં અમદાવાદ સહિત અનેક જિલ્લાઓ અસરગ્રસ્ત રહ્યા હતા.
