વડાપ્રધાન નરેન્દ્ર મોદી આજથી ત્રણ દિવસની અમેરિકા મુલાકાતે જવા રવાના થયા છે. જિયો પોલીટીકસ ઉપરાંત વૈશ્ર્વિક પટલ પર એક તરફ રશિયા અને યુક્રેન વચ્ચેના યુધ્ધમાં નિર્ણાયક સ્થિતિ બની રહી છે અને ઇઝરાયલ તેમજ હમાસ વચ્ચેનો સંઘર્ષ આગળ વધીને મધ્ય પૂર્વમાં વધુ તનાવ સર્જી રહ્યો છે.
તે સમયે વડાપ્રધાનની આ અમેરિકી મુલાકાત મહત્વપૂર્ણ બની રહેશે. શ્રી મોદી આવતીકાલે ડેલેવરમાં કવાડ શીખર પરિષદમાં હાજરી આપશે અહીં તેઓ અમેરિકાના પ્રમુખ જો બાઇડન ઉપરાંત જાપાન અને ઓસ્ટ્રેલિયાના રાષ્ટ્રવડાઓને મળશે મોદી બેઠક માટે પ્રમુખ બાઇડનના વતન શહેર વીલમીંગટોન જઇ રહ્યા છે.
તેઓ તા.રરના રોજ સંયુકત રાષ્ટ્ર સંઘમાં સમીટ ઓફ ધ ફયુચરને સંબોધીત કરશે અને ન્યુયોર્કમાં તેઓ અમેરિકી કોર્પોરેટ જગતના સીઇઓ સાથે પણ બેઠક કરશે અને બાદમાં તેઓ ન્યુયોર્કથી ર8 કિ.મી. દુર ભારતીય સમુદાયના એક આયોજનમાં પણ હાજરી આપશે.
વધુમાં, યુનાઇટેડ સ્ટેટ્સ સાથેની દ્વિપક્ષીય બેઠકની ખૂબ જ વિશેષતા એ છે કે યુ.એસ.એ ભારતને 297 પ્રાચીન વસ્તુઓ પરત કરી, જેમાંથી કેટલીક મીટિંગ દરમિયાન બિડેનના નિવાસસ્થાને પ્રદર્શિત કરવામાં આવી હતી. ક્વાડ લીડરશીપ સમિટ અને અન્ય સંબંધિત પરિષદોમાં, વડાપ્રધાન મોદીએ ઈન્ડો-પેસિફિક ક્ષેત્રમાં વિવિધ ભાગીદારો સાથે વિકાસ માટે સહકાર, જોડાણ અને જોડાણના ભારતના વિઝનને રેખાંકિત કર્યું.
હાલમાં વડાપ્રધાનના રશિયા અને યુક્રેન પ્રવાસ બાદ તેમની આ અમેરિકા મુલાકાત બની જાય છે અને દેશમાં ચૂંટણી યોજાયા બાદ મોદીની આ પ્રથમ અમેરિકા મુલાકાત છે જયારે અમેરિકામાં નવેમ્બર માસમાં પ્રમુખ પદ માટે ચૂંટણી યોજાવાની છે અને તેમાં ભારતીય મુળના અમેરિકી કમલા હારિસ તેમજ પૂર્વ રાષ્ટ્રપતિ ડોનાલ્ડ ટ્રમ્પ વચ્ચે ટકકર છે.
જોકે અગાઉ 2019માં અમેરિકી મુલાકાત સમયે ટ્રમ્પ માટે પ્રચાર સભામાં પહોંચી ગયેલા વડાપ્રધાન નરેન્દ્ર મોદી તેમના આ પ્રવાસમાં ટ્રમ્પથી અંતર જાળવે તેવી શકયતા છે. જોકે ડોનાલ્ડ ટ્રમ્પે મોદીના આગમન પૂર્વે જ તેઓ ભારતીય વડાપ્રધાનને મળવા આતુર છે તેવું જણાવ્યું હતું પરંતુ માનવામાં આવે છે કે જે રીતે હાલ ચૂંટણીનું વાતાવરણ છે.
આ પણ વાંચો :-
