અલ્જીરિયાની બોક્સર ઈમાને ખલીફની યોગ્યતા બાબતે પેરિસ ઓલિમ્પિક વિવાદમાં છે. ઈમાને ખલીફે 66 કિ.ગ્રા. વર્ગમાં ઈટાલીની એન્જેલા કેરિનીસામે 46 સેકંડમાં મેળવેલી જીત બાદ જેન્ડર એલેજીબીલીટી અંગે ચર્ચા શરુ થઇ છે. ઇટાલીની કેરિનીએ કહ્યું હતું કે ખલીફના મુક્કા જોરદાર હતા, મને લાગતું હતું કે હું ઈજાગ્રસ્ત થઇ જઈશ. ખલીફનો એક મુક્કો કારિનીને તેના નાક પર વાગ્યો અને તે પીડાથી ચીસ પાડી ઉઠી. બાદમાં, ખલીફ પર પુરુષ રંગસૂત્રો સાથેની ખેલાડી હોવાનો આરોપ મૂકવામાં આવ્યો હતો.
ગત વર્ષે બીક્સિંગ વર્લ્ડ ચેમ્પિયનશિપમાં ખલીફ ઉપરાંત અન્ય એક ખેલાડીને બહાર કરવામાં આવી હતી, તાઈવાનની લિન યુ-ટિંગ પર આવા જ આરોપ લાગ્યા હતા. હવે લિન યુએ પેરિસ ઓલમ્પિકમાં તેની શરૂઆતની મેચમાં મહિલાઓની 57 કિગ્રા વર્ગમાં ઉઝબેકિસ્તાનની સિટોરા તુર્દીબેકોવાને પણ હરાવી હતી. જો કે આ દરમિયાન લિન યુ ટીંગ મહિલા બોક્સરને જોરદાર પંચ મારતી જોવા મળી હતી. જીત બાદ લિને મીડિયા સાથે વાત કરવાનું ટાળ્યું હતું.
મહિલાઓની 66 કિગ્રા વર્ગમાં રાઉન્ડ ઓફ 16ની મેચ એન્જેલા અને ઈમાન વચ્ચે હતી. એન્જેલા રિંગમાં પ્રવેશી અને ઈમાનના પ્રથમ મુક્કાથી તેના માથાના સેફ્ટી ગિયરની સાંકળ તોડી નાખી. બીજા મુક્કામાં તેના નાકમાંથી લોહી નીકળવા લાગ્યું. આ પછી એન્જેલા રિંગની બહાર થઈ ગઈ હતી. આખી મેચ માત્ર 46 સેકન્ડ ચાલી હતી.
એન્જેલાએ કહ્યું- મેં ક્યારેય આવો મુક્કો નથી લીધો. મારું હૃદય તૂટી ગયું. હું એક બોક્સર છું, મેં મારા પિતાના સન્માન માટે રિંગમાં પ્રવેશ કર્યો હતો, પરંતુ મારા સ્વાસ્થ્યની સુરક્ષા માટે મેં મેચમાંથી ખસી જવું જરૂરી માન્યું હતું. આ મેચ સાચી હતી કે ખોટી તે નક્કી કરવાનું કામ મારું નથી. મેં હમણાં જ મારું કામ કર્યું, મેં રિંગમાં પ્રવેશ કર્યો, પરંતુ મારા નાકમાં એટલી પીડા હતી કે મેં દૂર જવાનું નક્કી કર્યું. આટલો અનુભવ હોવા છતાં હું કહું છું કે મારા જીવનમાં આટલો જોરદાર મુક્કો ક્યારેય લાગ્યો નથી.
આ પણ વાંચો :-
