રાજસ્થાનની રાજધાની જયપુરમાં એક જ્વેલર પિતા-પુત્રએ અમેરિકન મહિલાને ૩૦૦ રૂપિયાની આર્ટિફિશિયલ જ્વેલરી ૬ કરોડ રૂપિયામાં વેચી દીધી. પોલીસના જણાવ્યા અનુસાર, અમેરિકન નાગરિક ચેરિશે લગભગ બે વર્ષ પહેલા શહેરના ગોપાલજી કા રસ્તા પર આવેલી દુકાનમાંથી ખરીદેલી જ્વેલરી પાછળ ૬ કરોડ રૂપિયાનો ખર્ચ કર્યો હતો. ખરીદતી વખતે, વિક્રેતાએ મહિલાને હોલમાર્ક સર્ટિફિકેટ પણ આપ્યું હતું, જે જ્વેલરીની શુદ્ધતા સાબિત કરશે. જયપુર પોલીસે જ્વેલરી વેચનાર પિતા-પુત્ર વિરુદ્ધ કેસ નોંધ્યો છે. એક અમેરિકન મહિલાએ તેની સામે ફરિયાદ કરી છે કે, તેમણે ૩૦૦ રૂપિયાના નકલી ઘરેણાં ૬ કરોડ રૂપિયામાં વેચીને તેની સાથે છેતરપિંડી કરી છે.
ત્યારે એક અહેવાલ અનુસાર, અમેરિકાની મહિલા ચેરિશ રાજસ્થાનના જયપુર પ્રવાસે આવી હતી. ત્યારે ચેરિશ Jaipur માં આવેલા પ્રખ્યાત સરફા સોના-ચાંદીના માર્કેટમાં ખરીદી કરવા માટે આવી હતી. ત્યારે તેણીએ બજારમાં આવેલા મનાક ચોક પાસે આવેલી એક દુકાનમાંથી ૬ કરોડના જ્વેલરી ઓની ખરીદી કરી હતી. જોકે મહિલા ખરીદી કર્યા બાદ અમેરિકા પરત ફરી હતી. ત્યારે એપ્રિલ ૨૦૨૪ માં તેણીને ખબર પડી કે, તેણીના તમામ જ્વેલરી નકલી હતા. જોકે તેની અસલ કિંમત રુ. ૩૦૦ હતી.
જ્વેલર રાજેન્દ્ર સોની અને તેમના પુત્ર ગૌરવ સોની વિરુદ્ધ ભારતીય દંડ સંહિતાની કેટલીક કલમો હેઠળ FIR નોંધવામાં આવી હતી. આ કેસ વિશે મીડિયા સાથે વાત કરતા જયપુર પોલીસના ડીસીપી બજરંગ સિંહ શેખાવતે જણાવ્યું હતું કે, “પોલીસે દાગીનાને પરીક્ષણ માટે મોકલ્યા હતા, જેમાં જાણવા મળ્યું હતું કે, જ્વેલરીમાં હીરા ચંદ્રમણિના હતા. જ્વેલરીમાં સોનાનો જથ્થો ૧૪ કેરેટ હોવો જોઈએ. પરંતુ તે પણ બે કેરેટનો હતો. આરોપી જ્વેલર્સે એવી ફરિયાદ પણ નોંધાવી હતી કે મહિલા તેમની દુકાનમાંથી દાગીના લઈને ભાગી ગઈ હતી, પરંતુ જ્યારે અમે સીસીટીવી ફૂટેજ તપાસ્યા તો તે જૂઠું નીકળ્યું.
DCPએ જણાવ્યું કે, આ કેસમાં આરોપી જ્વેલર્સ ફરાર છે પરંતુ અમે નકલી હોલમાર્ક સર્ટિફિકેટ આપનાર નંદકિશોરની ધરપકડ કરી છે. મુખ્ય આરોપી ગૌરવ સોની સામે લુકઆઉટ નોટિસ પણ જારી કરવામાં આવી છે. અમેરિકાની આ મહિલાની ફરિયાદ બાદ પોલીસને બીજી ઘણી ફરિયાદો પણ મળી હતી જેમાં ગૌરવ સોની અને રાજેન્દ્ર સોની પર કરોડો રૂપિયાની છેતરપિંડીનો આરોપ લગાવવામાં આવ્યો છે, જેની તપાસ ચાલી રહી છે.
પીડિત ચેરિશે આ મામલે જણાવ્યું કે, ગૌરવ સોની અને તેના પિતા (રામ એક્સપોર્ટ્સના માલિક)એ મારી સાથે છેતરપિંડી કરી છે. તેઓએ મને ૧૪ કેરેટને બદલે નવ કેરેટની સોનાની પ્લેટ મોકલી. તેઓએ મને સાચા હીરાને બદલે ફુલ મૂનસ્ટોન આપ્યો. લગભગ ૧૦ અન્ય ડિઝાઈનર્સ તેમની છેતરપિંડીથી પ્રભાવિત છે, તેઓએ નકલી પ્રમાણપત્રો પણ આપ્યા, કંઈપણ અસલી નથી.
આ પણ વાંચો :-
